新贊記點心皇

Open Now

Now Closed

餐廳點心選擇好多，而且份量都好夠，性價比非常高，屋企人都覺好岩口味! 但呢到既菊花茶係冰底得黎仲有落糖，如果天氣熱果陣飲返杯真係好正蝦餃皇❤每粒都有2隻蝦，咬落啖啖肉，份量十足百花釀魚肚❤軟淋魚肚好入味加埋彈牙煙UN既蝦滑，好味!四寶雞扎❤口感豐富，多汁味美，雖然唔算好大卷，但味道香濃蠔皇鮮竹卷❤嫩滑腐皮，夾埋豐富內既餡，加埋蠔油濃郁既香氣。中意重口味既必點!鳳爪排骨飯❤鳳爪大隻，入口好軟淋，排骨唔削得黎入口唔會好油膩，豉油好夠香唔死咸，飯底好夠味!蒜蓉蒸龍躉❤龍躉片入口嫩滑，豆卜墊底索哂D汁月，入口味美，如果有配白飯仲開圃!

今日拎咗半日假覆診，老公咁岩又放假，一於扮過退休生活，齊齊去嘆早茶。店舖裝潢光鮮企理，好乾淨。地方闊落，有舒適嘅卡座、梳化座，仲有幾張大枱。點心選擇好多，有蒸點、腸粉、包點、蒸飯、煎炸、蔬菜、甜品、飲品等，中午仲有客飯。先開壺普洱（$7/位），香濃甘香，解渴解膩。早茶和下午茶係孖寶優惠時間，點菜紙上嘅粉紅字都係孖寶點心，我地點咗兩份孖寶。姜汁千層糕（原價 $22 ）及蜜汁叉燒腸（原價 $25）為 孖寶價（$41）。姜汁千層糕軟、黏、彈，未食已聞到姜味，好夠味，又唔太甜，推介！蜜汁叉燒腸皮薄滑饀靚，份量足，叉燒鹹香嫩口，仲加咗啲芫茜，好香！黑椒金錢肚 （原價 $27）及奶皇流沙飽（原價$22」 都係孖寶價（$41）。黑椒金錢肚配有幾件腍嫩入味嘅白蘿蔔。金錢肚爽腍入味，黑椒香辣唔會太勁，好食！奶皇流沙飽圓碌碌，脹卜卜，好靚仔！包身軟熟，一咬開，流心狀剛好，香滑甜美。另外再散點一些非孖寶但又好想食嘅點心。贊記蝦餃皇($32/4隻) 透薄柔軟嘅外皮包着爽彈嘅蝦肉、荀粒，脹卜卜，用料十足。竟然有蒜蓉蒸龍躉 （$47），馬上眼發光。又白又滑，食到魚鮮味，墊底嘅豆卜索晒蒜香，好正！白灼油菜心 （$1

新贊記點心皇，環境雅緻，燈光柔和，令人心曠神怡。餐廳全日免加一，入到餐廳見到差不多滿座，頗為多人。鴛鴦燒賣，皮薄而彈牙，蝦仁鮮美，味道清新多肉汁。節瓜蒲燒賣，節瓜清甜多汁，蝦仁鮮嫩，口感層次豐富。蜜汁叉燒腸，粉皮薄帶微透明，且又軟又腍，叉燒香軟，蜜汁甜而不膩，回味。鵪鶉蛋燒賣，蛋黃綿密，鮮爽的蝦仁配上新鮮的豬肉，口感獨特。鹹魚肉餅飯，梅香鹹魚加上軟滑的肉餅，味道香醇且好送飯。剁椒蒸魚卜，魚卜軟滑帶爽，加了頗多的剁椒添辛香，如加少少姜絲，就更為完美。豆腐卜吸收醬汁，味道豐富。呂宋芒果佈甸，芒果香甜，佈甸綿密，口感細膩，且甜而不膩，裡面非常多芒果粒，足料……

今日帶左屋企人去新贊記點心皇飲茶🫖都好Full好多人食😆雖然好忙員工態度都好好💯坐低即刻叫野食先 孖寶點心超優惠啊〰️$41可以簡兩款點心最緊要係即叫即蒸 每籠都係新鮮熱辣蒸出黎🫶🏻所以食物質素都好好 係一間好用心既點心店😍脆皮鮮蝦腸🥢滑嫩既外皮加脆脆超好口感 而且入面勁足粒超大隻蝦 啖啖滿足🫶🏻鮮蝦燒賣皇 贊記蝦餃王🥢依兩樣每次食點心都係必叫 我諗黎依到係要有蝦既食品都要叫🤤好彈牙奶皇流沙包岩岩蒸好出爐 有流心既效果 快手食🤤潮州蒸粉果🥢小小既皮包著重重既饀料 口感味道都好豐富豆沙煎堆仔🥢屋企人大讚 皮脆又軟懦 煙煙韌韌甜甜既紅豆🫘珍珠糯米雞🥢味道夠而且食入口唔會太鹹😛煎蛋牛肉飯🍚依到既食物都好足料兼大份高估左大家個胃 仲叫多個飯驚唔飽😛係我最愛既蒸飯

同朋友一齊諗住簡單快脆食個 early dinner，路過呢度，見到晚餐都仲有點心食，咁就唔諗啦，一於就呢度醫肚啦🤣呢度真係客似雲來，人流量非常之高，客人大部份同我哋一樣一食完就走🤣我哋叫咗幾個點心一齊 share 嚟食🤣$19「白灼西生菜🥬」$19「白灼菜心🥬」$21「潮州蒸粉果」$25「鲜蝦韮菜餃」店長姐姐仲強烈推介老闆自己炒嘅「辣椒醬」，真係炒得香口幾好味😋$32「鲜蝦燒賣皇」$23「香茜牛肉球」$28「四寶雞扎」$24「豉椒蒸排骨」基本上呢度啲點心全部都幾好味，朋友同我簡簡單單快快脆脆就完成咗呢個「點心晚餐」🤣，仲飽得我哋呢🤣

太子(新贊記點心皇)店舖雖然细细地，但勝在五臟俱全，店舖採用即叫即蒸新鮮熱辣上枱最重要店員反應非常有善，客人有什麽需要即時禮貌地回應👍👍，令客人開心地品嚐到美味點心🥰，價錢大眾化，而且無加一😆❣️金銀菜豬肺湯採用豐富材料熬製而成，湯頭濃郁鮮味，加上蔬菜的甜味清香，飲落自然流露出無比甘甜的風味❣️珍珠糯米雞 糯米軟綿綿，入口即化，餡料煮得恰到好處，又嫩又滑，帶著一股荷葉清香，是一道經典的粵式小點❣️香茜牛肉腸濃郁的香茜香氣撲面而來，與牛肉的鮮甜滋味完美融合❣️鴛鴦燒賣（干蒸牛肉/燒賣)細膩爽口的干蒸牛肉，鮮嫩多汁的蝦肉饀料燒買，每一款都經過細緻調製，入口即化，層次豐富❣️鮮蝦菜苗餃外皮薄如紙煙煙韌韌，咬下去瞬間感受到滿溢而出的鮮美蝦汁和菜苗的清香❣️沙律明蝦角酥脆的外皮包裹著鮮嫩多汁的新鮮蝦肉味，碰撞出清新爽滋味，蝦肉Q彈爽口，蘸上沙律醬yummy😋