新豐甜品 (Moved) New Location

呢間鋪頭主打中式糖水，店鋪唔算好大，但都放左唔少臺，入夜後就會座滿晒人，另外環境都乾乾淨淨😄😄叫了個蓮子薏米腐竹糖水，都算幾多蓮子的，薏米再多D會更好，腐竹糖水唔太甜，都幾好！價錢真係好實惠， $ 16蚊碗。😄😄😄😄

上班就在附近，每逢遲走約6:30後就會來吃地道中式糖水。我最愛蓮子薏米啊～ 有熱有凍 凍熱都好食！而且不是很死甜 是清甜！老闆娘人很好 很親切。聽同事講可以幾溝哈哈哈哈

聚會完畢，行去搭西鐵經過看到很多人坐在門外吃東西，朋友告知是不錯的糖水店。那夜，高朋滿座，有枱冇椅子，老闆連倉底那張生銹的椅子都拿來給我們。雖然要等，但大家和氣，有禮。舊式糖水店，不是很多選擇，但每款都有蓮子。2人都點了紅綠豆沙湯圓，唔太甜，豆起沙，芝麻湯圓👍埋單，$38，超值！清潔、簡單、用心經營的小店😘

朋友介紹抵食糖水,主打系有蓮子既糖水,小店裝潢簡單,坐位不太寬敞朋友話老闆以前是小仮檔,後來在此開店見不少人外賣自取勝在抵食$18蓮子湯圓糖水,$15腐竹蛋蓮子糖水

大前日(14-3-2014 Fri)同男友o係西九龍中心食完晚飯後,佢提議食埋糖水.咁豐富?我o地行經呢o度入去,老闆好似重未準備好,男友就問佢,佢答有少量糖水未有供應,啊.男友揀o左蓮子腐竹薏米糖水,我就揀蓮子雪耳糖水,見老闆係咁左溝右溝,我o個碗就溝深啡紅色o既糖水,唔係薑糖水o掛?溝好兩碗出o黎,我睇睇牆上menu,見到蓮子雪耳糖水賣$16.00,老闆收我o地$30.00,即係男友o個碗係$14.00.我o地買返男友屋企食,其實都唔大碗,上到去食喇,我o個碗糖水唔辣,應該冇薑,甜度適中,雪耳爽口唔糊,唔錯;而蓮子好鬆化,好正. 味道: 5分食o左半碗又同男友交換,相對起我覺得蓮子腐竹薏米糖水比較甜,但都唔係太甜,蓮子一樣咁鬆化,而薏米腍晒,冇乜咬口,似西米多啲,呢個比較遜色.味道: 4分服務:老闆好nice好友善.