新豐甜品 (Moved) New Location

今次黎到呢間中式糖水鋪，價錢唔算好平，見佢開左咁耐都屹立不倒，就決定試下佢🤓我地叫左一碗香滑芝麻糊加2粒湯圓（$26），唔係幾好食😥 我覺得好淡冇乜味，湯圓就還好，個餡都ok另一碗就揀清潤雪耳糖水加2粒湯圓（$26），呢個就相對比較好食，夠甜，雪耳係爽既，湯圓就同芝麻糊既一樣不過不失😗呢間鋪唔知點解可以開左咁耐🤷‍♂️ 人流其實唔算多，可能專做街坊生意，真係經開又口痕先試下，唔洗特登黎食，唔係好知佢有咩特點，不過口味因人而異，但就唔岩我囉😂

新豐甜品絕對足料中式糖水店，店舖雖然舊式風味裝修但勝在好懷舊。香港這些店逐漸被社會淘汰。他們各種各類嘅中式糖水好用心去製作保持一定的水準值得推薦。希望他們繼續保持使香港仲有呢啲舊式風味嘅小店。整體價錢係非常適合大眾又不貴啊鋪頭雖然小，正在喺舊區保持那麼多年。如果店舖再裝修門面及燈光相信能帶動途徑居民留意，這間店鋪我都光顧好多年不少回憶帶给不同食客。最後祝新豐甜品店可以一直經營下去，保持懷舊風味帶给食客

水份太多，不夠味，感覺好似材料太貴，加水稀釋，芝麻糊又不似芝麻糊，簡直係水，飲料一樣。差，買左兩次，冇下次咯。有機會去試試真正芝麻糊，所謂的糊，而唔係水。真心唔好食。

去年住深水埗去了不下十次這間店，次次都吃腐竹薏米。現在搬家去東區，懷孕後期都叫老公幫忙買腐竹薏米糖水清胎毒，還是一如既往的好味道，等卸貨之後要去店裡繼續幫襯！深水埗真是糖水鋪的天堂

咁多年深水埗街坊，由綠林食到新豐，綠林自從啲仔女接手之後味道變了我已經唔食，自此以後食中式糖水都係食新豐，蓮子一如以往咁好食，糖水又足料，會繼續支持！😋😋😋

路經一間舊式的甜品店，樓面乾淨企理，見價錢又唔貴，一於買外賣一試。椰汁香芋西米露: 好多香芋，不過略覺得唔夠甜，一路食一路覺得係好健康既糖水 (或者係而家都係手搖飲品當道既年代，出面好多野都係偏甜，飲到個人重口味左😂)蔴蓉花生湯圓: 呢個夠哂甜，湯圓仲好足料，大大粒西米露加左湯圓，甜度就岩岩好外賣冇加外賣盒錢，份量又足，小店值得支持，亦都有不少老街坊會係到食，雖然糖水款式唔算多，但下次有機會都可再試其他款式。

喜歡去啲舊式糖水舖食糖水一直知深水埗有間舊式糖水舖！今日終於有機會去食旁晚去到！好似剛剛開舖蓮子薏米腐竹糖水$19蓮子紅豆沙$19價錢好低！唔太甜！但味道都係一般但間唔中支持吓尼啲小店都係值得一試

👍🏻👍🏻👍🏻👍🏻/5分新豐甜品深水埗欽州街28號C舖-腐竹薏米雞蛋糖水🥚哈哈食到一半先記得影相🤣🤣本身係條線到d糖水😇呢間小店d糖水超級傳統☺️有媽媽既味道☺️腐竹已經煲到溶曬所以好香腐竹味😆然後我超鍾意食薏米我叫老闆比多d🤣真係比超多我😉整體都幾好食唔算好甜😆😆但係好神奇係佢薏米同腐竹係分開整🤣🤣🤣-🚽(5🌟滿分)依家夜晚無堂食所以介紹多d甜品🤣所以沒有🚽喔

深水埗真係美食小店嘅福地 有好多特色餐廳 未比連鎖集團侵蝕晒10幾蚊買到一碗真材實料傳統嘅中式糖水 仲有濃濃嘅人情味 係邊度搵P.S. 老闆同老闆娘都係笑容滿滿 唔會趕人走 令你食得好滿足

昨晚跟家人晚飯後，媽媽話要去吃甜品，媽媽帶我去了一間簡簡單單，實而不華的甜品店，原來弟弟也經常跟朋友來，因為他們的推薦，我們就一起去吃，吃了之後，真的有驚喜的甜品店，所以務必分享給大家。去吃當晚才知道我媽媽到這老店吃了三十幾年,老闆說都是這區搬遷來來回回很多次。講到店內的甜品需然沒有新式甜品的款式多，但他們提供的款式每一款都是經典糖水款式。老闆都是原用以前的做法，真才實料，價錢十分評，底食夾大件，重點是店內甜品是著重帶出材料的原味，味道真的是小時候去糖水鋪吃糖水的味道，will be come back👍👍👍。

今次嚟到「新豐甜品」，由以前無店名，得街邊擺2張枱，食到而家做到有店名，甜埋隔離鋪放枱櫈，大大話話都食咗十幾年。蓮子綠豆沙（$16）呢碗蓮子綠豆沙係凍嘅，所以食落好清涼，好夏日解暑feel。呢碗真係稱得上叫做「沙」，因為食得出呢道係煮到起晒沙，唔係揸流攤。絕對夠足料嘅，每一啖都有綠豆。綠豆沙真心推薦俾大家，想飽肚d嘅可以加隻雞蛋。蓮子薏米腐竹雞蛋（$18）甜度方面剛剛好，唔會太甜。如果綠豆沙係夠「沙」，咁呢碗就夠「碎」，每一啖都有齊咁多樣配料。今次就叫咗配凍嘅，如果係熱或者暖嘅可能會更加好味，因為有種好潤嘅感覺，暖暖地熱熱地咁吞落去可能更加滿足

食完夜晚同爸爸媽媽一齊去食糖水🥳🌸叫咗三碗糖水💖🤘✨🌸芝麻糊 $17+$3有兩粒湯圓🌸- 叫咗碗熱既，好香黑芝麻味，無一般糖水既死甜- 入口幾滑，唔會好稀- 湯圓係芝麻味，好大粒，但係有啲過甜，食完再食芝麻糊就食唔出芝麻糊味🌸凍綠豆沙$17🌸- 有啲稀，味道都唔太甜- 糖水好足料，有蓮子係埋裡面，煲得超淋🌸腐竹薏米雞蛋$19🌸- 唔會好甜唔會好稀- 超足料超入味，薏米同蓮子同煲到好淋環境- 有啲逼，唔怕污糟嘅可以坐門口。- 食客流量好快，所以唔適合一大班人坐低慢慢食。下次再帶佢地嚟食啦💖

這間新豐的店舖位置不太好，人流不多，我係偶爾路過幫襯，一食就愛上。佢蓮子份量足，煮得鬆化，味道甘香。之後去親深水埗，想食中式糖水的話指定要來新豐，仲一定要食有蓮子的糖水，蓮子雪耳同埋蓮子腐竹蒠米都是我的最愛。好幾年前它由外賣舖轉為大舖，有位擺桌椅，食客終於都可以坐低慢慢歎碗足料的清潤糖水了。

哩間糖水舖，由讀書時候到依家都有食，到依家依然甘多人食、價錢便，大大碗，最鍾意就係蓮子薏米腐竹糖水同埋綠豆沙（好有臭早味）距地湯圓仲好食，只有芝麻同花生味（傳統味道）😍😍如果鍾意食蕃薯人士距地蕃薯糖水好有姜味，蕃薯好粉。

因為整傷左, 所以冇得出街, 已經冇出街兩個星期喇..T.T今日聖誕都要留係屋企, 係屋企食飽飯好似唔係好滿足.節日嘛..冇得出街已好慘了... 所以就用原力召喚左老豆去買糖水返黎～哈哈哈～　早前老豆見電視介紹呢間既芝麻糊係生磨既.所以專程由觀塘去深水埗買返黎試喇~~~九點幾,去到都排左幾個人.附近D店都收哂, 又係街尾, 估唔到都咁多人黎食,雖然要排, 不過都好快就買到.糖水唔貴, 大部分都係$16, 外賣加$13個人, 買左3款糖水.  紅豆, 綠豆, 芝麻糊.綠豆沙$16, 入面都有蓮子.芝麻糊 $16, 入面有2粒芝麻湯丸,老豆話粒湯丸好有豬油味, 好好味WOR~~~~呢碗我既, 紅豆沙 $16, 入面有好多蓮子呀!!! 好味, 我都試左少少芝麻糊呢. 3款都唔太甜, 似足自己煲咁真材實料.好有住家味呀!同埋今時今日重係賣緊十幾蚊碗糖水已好難得~~~支持小店呀!!!!