Sun Kee (Hong Lai Garden)

平價下午茶吃得多，但今時今日夠二人吃的茶餐卻很少，而元朗起家的新記便做到這點，有著香港Q嘜和傳媒獎此店吸引了我，和內子輕嘗淺試了手打豬肉丸粥跟銀芽炒河粉下午茶餐($45+3)送凍飲，粥熱騰騰的來，用砂煲似的湯碗盛份量夠二人吃，粥底真正爆米花(非米糊)夠濃味帶薑絲，其中有大量的爽彈豬肉丸，驟眼貎似餸多過粥，幼河粉炒得水潤香囗咸味適中而份量也足，唯是凍豆槳的豆味不夠香，整体還是很可取和對得起價錢，可挑剔的是身為主打粥品店應放更大的冷氣讓客人夏天舒服呢。…Read More

呢日早上有事做遲咗食早餐知道新記早餐至中午12:00前於是趕快掃code下單📲🥢鮑絲火腿通粉拼太陽蛋多士通粉味道偏淡左D，多士就夠哂香脆，不過就嫌唔係太夠熱，一般般吧🥢凍奶茶環境度：🧡🧡🧡🧡服務度： 🧡🧡🧡味道度： 🧡🧡🧡衞生度： 🧡🧡🧡…Read More

7:00落單等到40先食到，首先店員淨係掛住處理外賣，隔離嗰台仲要落一個咕嚕肉佢重複比兩碟，另外嗰台食完成碗飯都未嚟第二碟，五個侍應都搞唔掂晚市！仲要俾咗外賣嘅乾炒牛河我，我都算已經超過30分鐘真係誇張一間茶餐廳！仲要唔止我咁。明明嗌乾炒牛河我食咗兩啖先發覺係豬，跟住我問話唔好意思呀係咪俾咗乾炒肉片河，佢本身都肯幫我改價錢，我話我照食就可以，但之後女侍應死都唔肯話牛肉係淺色！跟住我比男友試明明就係豬肉，邊有牛會咁樣自己比錯唔認都算仲要唔肯改價錢！雖然只係$3貴多，一句唔好意思都冇🙄…Read More

中午冇乜胃口想食粥，附近又冇乜粥店唔想食海皇粥店上網見到呢一間新記，入去試吓啦:)叫咗個套餐魚腩粥炸兩熱檸茶食物質素普通，個魚腩粥入邊啲魚腩係比較細舊炸兩好似係即做嘅唔錯咁嘅價錢可以接受:)溫馨提示，佢啲粥品準備時間比較耐，點餐到上菜都等咗差唔多20分鐘…Read More

今早來到屯門新墟, 想飲杯熱飲, 揀左依度, 知道佢都算係新開, 試過旺角分店, QR code落單, 由於堂食所以沒有openrice外賣優惠, 揀左卡位坐, 環境乾淨舒服👍最後揀左豬潤通粉, 炒蛋同腸仔, 我要左腸仔, 牛油多士熱央, 等左一陣送來, 樣子都幾靚仔😄先食多士, 淋了😆😅完全唔脆😌腸仔味道ok唔會好咸😛豬潤通粉飲一啖湯先😅唔係好濃不過有少少味, 反而上次旺角似豬潤滾過, 通粉唔熱但味道唔差👍份量也唔少, 豬潤份量也好多, 有d都切得厚😊 估唔到幾好食, 係爽脆😋😋 反而旺角分店就唔係敢, 一啖通粉一舊豬潤🥰原來舊舊豬潤都係爽脆😚估唔到, 非常好食🤗🤗最好飲埋杯熱央, 咖啡佔多, 似飲熱咖啡多d, 但早餐味道唔差, 有下次😜🤭下次可試其他…Read More

今日同阿女去屯門雅都附近行街，行到上下揾茶記食午餐，見到新記就行入去，環境又幾好，座位十分舒適，我同阿女坐下之後，店員提供 QR CODE俾我掃碼，十分方便，就點了豉油海蝦有飯有湯，揚州炒飯有飲品，服務幾好，價錢合理食物水準揚州炒飯，炒飯口感夠軟熟湯，好飲熱檸檬茶，檸檬茶好夠茶味，又冇苦澀味豉油海蝦，夠入味，蝦十分新鮮地點，近西鐵，十分方面環境，座位十分寬敞，地方舒適服務，店員態度好好衛生，乾淨企理新記真是幾好選擇，我覺得整體好好，無論食物水準各方面合格，價錢相宜，屯門區有唔少茶記，新記值得推薦俾大家…Read More

屯門「新記」茶餐廳真係好多嘢食, 粥粉麵飯和炒小菜都有, 位於屯門鄉事會路, 餐廳間隔清雅, 卡位都幾多。下午茶時段有好多選擇, 粥餐好抵食, 仲有埋飲品。貴妃雞粥原鍋粥底好綿滑, 雞件幼滑有雞味, 加埋薑蔥特別香口。蠔仔肉碎粥粥底好足料, 蠔仔都幾多, 大隻厚肉, 味道鮮甜, 肉碎幼滑。配炸兩和叉燒腸, 叉燒好足料。XO醬炒蘿蔔糕蘿蔔糕炒得好香口, 加上大量XO醬, 相當惹味。淨南乳豬手豬手好腍滑, 豬皮厚滑膠質豐富, 南乳好入味。紅燒元朗脆皮乳鴿乳鴿份量十足, 外皮好香脆, 肉質幾嫩滑。香脆炸大腸外皮炸得好香脆, 大腸洗得好乾淨, 肉厚肥美, 點埋甜辣醬, 肥而不膩又甘香, 口感好豐富。@sunkeerestaurant#tuenmun #contonesecuisine #congee hkfood #hkrestaurant #hkfoodie #foodporn #hkfoodblog #foodies #foodiehk #instafood #hkfoodporn #foodblogger #屯門美食 #新記 #煲仔雞粥 #中式小菜 #乳鴿 #探店 #香港美食 #香港旅游攻略 #香港探店 #香港打卡 #香港生活 #食在香港新記 (康麗花園)屯門屯門鄉事會路117-157號康麗花園地下6號舖…Read More

新記元朗分店之前食過，雞粥真係好高質，食過返尋味。難得屋企附近開左分店，今次決定同屋企人黎試下。貴妃雞粥當然必點，粥底好綿滑， 而且有雞湯雞油的鮮甜味，保持到一貫的水準。雞肉夠嫩滑。酥炸魷魚鬚魷魚鬚好大份，魷魚Q彈但又不老身，外漿超香脆，食到停不了口。香脆炸兩腸粉油炸鬼夠酥脆，加埋嫩滑薄皮的腸粉，估唔到晚餐都可以食到。蜜汁叉燒叫了瘦叉，叉燒肉瘦但不柴，肉嫩多汁,入口香甜。而且仲有燶邊，十分滿意。淨鮮蝦雲吞粒粒飽滿，蝦肉居多，而且爽彈鮮味，水準很高。熱奶茶值得一讚，茶香濃，順滑，難得可以係度飲到咁好飲的奶茶。全部食品的味道都達標，而且款式多樣化，以後食飯又多一個選擇了。…Read More

今朝早，我去了屯門新墟凱都戲院對面嘅新記，叫咗艇仔粥配豉油王炒麵，餐飲凍檸茶走甜。結果，我對這家餐廳的印象並不好。首先，艇仔粥的味道讓我失望。粥裡嘅材料有魷魚絲，炸魚片絲，少量豬皮花生同碎肉，有別於傳統嘅艇仔粥，最主要係碎肉無混入炸米粉，魷魚過淋，對我嚟講呢碗粥係唔合格的。其次，豉油王炒麵嘅表現也一般。炒麵是凍的，冇熱氣，也冇香氣。凍檸茶走甜嘅味道就正常冇特別。檸茶嘅酸甜度適中。就係普通嘅凍檸茶。總括嚟講，我對新記嘅早餐唔滿意。店員服務也一般般，呢間餐廳嘅唯一優點係環境算乾淨整潔，因為佢哋開業唔耐。我覺得呢間餐廳唔值得我再光顧，也唔會推薦畀其他人。…Read More

屯門新記裝修到好似間新潮茶記咁，所以我都係食茶餐/常餐果啲。但原來有粥，炸兩，乳鴿，炸大腸食㗎😋，而且價錢超平易近人，叫多幾款都得。🥢紅燒元朗脆皮乳鴿 $76皮薄肉嫩，香脆可口，乳鴿控唔好錯過🤤。🥢香脆炸大腸 $58呢個價以為好細碟啦，結果性價比高。腸乾淨，炸得夠透，皮香脆👍🏻。🥢蜆介鯪魚球 $58新鮮熱辣辣，每粒脹卜卜，好大粒，有咩好食過即叫即炸👍🏻。🥢蒜蓉炒菜心 $51炒得翠綠，軟硬適中，菜雖大條但唔老。勁大碟，呢個價呢個量冇得輸👍🏻。🥢馳名海鮮粥 $81上次食過雞粥好味，今次試海鮮粥。可能其他食物濃味，海鮮粥相對淡啲。蟹有半隻，有蝦，帶子，魚，不過好似唔夠鮮，粥底非常綿滑。🍹七喜話梅柑桔冰 $13☕熱奶茶 $6*飲品跟正價食物折扣-$12…Read More

話說有日夜晚行過見話好出名咪走去門市親自俾錢叫外賣點知第一次叫說可以等成45分鐘，追問收銀處最尾聽到話廚房話漏咗單未做！咁大間餐廳竟然發生啲咁嘅事真係無言！絕對絕對激死！一定唔會再幫襯！…Read More

有外殼冇靈魂成班員工AI咁線之「下單系統」無就做唔到我話俾返錢叫佢加一片牛油俾我都冇真係加$5 $10都冇所謂佢話嗌牛油多就有牛油菠蘿油餐都有牛油總之下單系統冇話有牛油就唔可以比牛油我加錢都加唔到隔籬個叔叔嗌㗎young多我不嬲都係叫做咖young多個店員完全攞唔到單跟住恍然大悟係咖「央」多其實啲嘢熱辣辣係幾好食但真係食得好唔高興這間餐廳有咁多食物選擇其實都係想服務個客一方面好有彈性一方面好冇彈性真係好矛盾新年流流已經要+1服務費但係都冇用你同啲阿姐拗啲阿姐都係同你講系統做唔到…Read More

早前去過「元朗雞粥」整體感覺也不錯，知道現在進註入屯門，即刻起行去試試🤭🤭餐廳環境光線充足，空間感十足，採用木系風格，感覺令人舒適又放鬆。1）酥炸魷魚鬚🦑$61每次嚟到都是我們必定會選的小菜，外皮炸得香脆又不會有太多粉漿，煙煙韌韌，而且份量頗多（大大碟）必食推介👍👍2）海蜇手撕雞🐔$58這個也是我們必定會選的小菜之一，份量十足，海蜇爽口，手撕雞肉質嫩滑，配搭醬汁，口感非常豐富～推介👍👍3）香脆炸大腸$58炸大腸宜家真賣少見少，外皮炸得香脆又不會太油膩，香口又煙韌好味，配埋醬汁真的食到停不了口🤭4）紅燒脆皮乳鴿餐廳必吃之選，乳鴿皮脆肉質多汁，沾上淮鹽味道更加美味😋惹味十足5）Xo醬叉燒炒蛋飯$64叉燒肥瘦適中，炒蛋頗多，口感豐富；配上XO醬惹味可口，成碟飯好滿足❤️6）薑汁紅棗糕$24飯後甜品～好好食，我們食完一碟急不及待要再添多一碟了，薑汁很出配搭紅棗，味道不錯又不會太甜，糕點口感煙韌，一試愛上😋喜歡食紅棗糕的朋友一定要試👍👍7）七喜龍眼冰$258）七喜話梅柑桔冰$25兩款飲品也不錯，解渴作用，值得一試👍…Read More

元朗新記煲仔雞粥老字號搬咗去屯門新墟，人氣依然不減😳晏就大概2點等咗一陣就有位啦~新店大部份都係卡位，坐得舒服，裝潢感覺似現代冰室除咗馳名雞粥之外，仲多咗好多港式地道美食😯估唔到XO醬叉燒炒蛋飯都例入推介之一🤓賣相吸引，叉燒抱蛋份量十足蛋味香濃夠哂滑溜叉燒半肥瘦大大塊又唔會柴皮叉燒炒蛋配XO醬，令整個飯更惹味，可以encore😜生滾姜絲豬膶通粉同沙嗲鮮牛出前一丁都係茶記名物套餐可配牛油多士或+$3揀菠蘿包同炒蛋或腸仔豬膶爽口新鮮😋配姜絲湯開胃暖身沙嗲牛口感軟腍，沙嗲汁濃郁，每啖出前一丁都好掛湯啊～一定要留肚食香脆炸大腸！雖然好邪惡，但外皮超脆口，味道甜甜鹹鹹咁食落非常滋味，如果用嚟佐酒一流🔥椒鹽豬扒係我嘅至愛之一豬扒外層炸至脆身，肉質鬆化keep到肉汁加咗蒜頭辣椒，香口惹味😜菠蘿咕嚕肉入口香脆，梅頭肉做到鬆軟口感甜酸味道比例啱啱好，真係可以加多幾碗飯啊🍚…Read More

元朗新記原來係屯門開左分店而且好近我地🤩一於偷懶唔煮飯 去元朗新記開餐🍴我地一家三口總共叫左7樣野食🤣每樣都勁大碟 勁好食😋🔸酥炸魷魚鬚🔸炸到好脆口 炸粉粉漿亦唔會太厚🙌🏻🔹海蜇手撕雞🔹海蜇爽口彈牙 配上嫩滑手撕雞 超好食🤤🔸蒜泥汁脆皮豆腐🔸脆皮豆腐炸到外脆內嫩👍🏻然後點少少蒜泥汁 感覺好特別好香蒜蓉味 但亦唔會太鹹👏🏻🔹紅燒元朗脆皮乳鴿🔹推薦依個脆皮乳鴿呀！好正！乳鴿個皮勁脆 即使我地放凍左先食 個皮依然keep住好脆口👍🏻👍🏻🔸 XO醬豬扒炒公仔麵🔸依個炒得好惹味🙌🏻 好有鑊氣豬扒份量亦都好多🔹芝士魚柳焗飯🔹依個焗飯不得了 超級多芝士😍撈埋一齊食勁正🔸蒜蓉炒時菜🔸…Read More