新記車仔麵 (Closed)

一個人浮浮下最啱食粉麵，好耐未食過新記，諗起佢嘅香辣餸菜，行咗過去，一個人話咁易就攝到位。要咗辣味豬紅、咖哩魚蛋、蘿蔔、豬腸油麵同肥支裝可樂。辣味豬紅帶香辣，咬落質感適中唔係水質；魚蛋夠彈富咖哩香；蘿蔔幾清甜；滷水豬腸太甜麻麻地；油麵太腍冇質感又冇油麵香。下次去都係食番正常麵餅同辣嘢。

我相信如果我話香港係一個美食天堂，應該無什麼人會反對。而係香港，我都相信如果我話係銅鑼灣度好多野食，亦唔會有好多人會反對。我亦相信大部分香港人都會係銅鑼灣度食過野。銅鑼灣有好多野食，有不同菜式。行完街食個晚飯絕對一流，但有時係銅鑼灣，會不想食大貴，但又不想食快餐店。有時會想下車仔麵，可能係香港住既關係，大家都唔會對車仔麵覺得陌生。前幾日。行下街，但突然想食下車仔麵，即刻醒起新記呢度。車仔麵有咩料，我諗都唔洗需要我多講，個日我叫左豬大腸、牛腩、墨魚卷同鴨腎，油麵底。我個人好鍾意呢度個墨魚卷，因為平時好少食，其他個Ｄ基本野都好好味，保持水準。不過，食過新記既人都知，佢地既辣汁真係好勁，加辣就要特別注意。佢地既車仔麵，不錯，又保持到水準。

食左好多次，都冇寫食好感。今日經過又嚟一碗。兩點幾，星期五，爆滿，等左一陣。點左油麵加辣汁。咖哩魚蛋彈牙，豬腸爽口，魚皮餃濃味，魷魚一樣爽囗，豬皮今日差左D，油麵加辣汁，必食。加枝可樂。滿足。讚$72，貴左D！

今日要OT, 返唔切去屋企食飯！在最近小巴站嗱嗱淋買個車仔麵！外賣要在門口取點餐紙，圈好食物比店員收錢！廚房好快𢳂好比我！「大腸豬紅蘿蔔粗麵」，少辣汁，同佢講要搭車綁實啲都ok!返到屋企打開，好香湯汁味，粗麵浸咗一段時間都無淋，雖然唔算彈牙，大腸好彈牙，無壓味，忟得入味！蘿蔔無筋，幾鮮甜！豬紅好滑，唔會散，無碎濕濕！唔錯！湯底好惹味，因為加了腩汁同辣汁，好濃，但又好咸，食完會好口渴！店員好爽手，車仔麵呢間都幾出名但質素已比之前食普通咗！如果唔係趕時間唔會揀呢度！

曾幾何時，我很喜歡吃「新記車仔麵」，它的辣汁的確是幾正斗，今次晚上再來，發覺了店舖的門面有少許不同，時裝修了還是轉了老闆？選了牛腩、豬腩肉、豬大腸、蘿蔔、加辣汁及腩汁：整體我覺得退步了，豬腩肉有好大陣豬燥味，蘿蔔有渣，辣汁的辣勁退步了，收晒火，$45 認真麻麻。最近有吃過「新記」的朋友有同感嗎？

就咁睇張相都知道碗麵正啦，真係好濃味，我叫左雞翼，豬紅同紫菜米粉當然唔小得需要加辣啦，啲辣真係好正，其實望落去都唔係加左好多，但係真係成碗麵都唔同哂，又辣又香。豬紅好深色而且顏色潤澤，食落帶小小甘，雞翼好林，好入味，咬落啲肉好容易地就同骨分開，超正！紫菜好多，同啲米粉一齊食，又一新食法。

同事介紹話正，咁就去試下啦。去到坐低就圈要咩啦，我就圈咗要4個餸，豬大腸+豬頸肉+鹵水蛋+牛腩 米線,個底要牛腩汁，再加多個豆漿。碗野d料真係好少，d米線少到一個點，所有配料得好少，得一兩舊到，最多就係豬大腸，有4舊。個湯係牛腩汁，好重牛腩味，好好味，但食完真係好口渴，d米線又少，又唔係好好味，仲要有d雜麵係到。d牛腩好硬好碎，得兩舊，又畀d無肉嘅黎喎。鹵水蛋好入味，好好味，完全變咗深黑色！豬大腸好好味，好軟身，好入味，中間嘅脂肪亦都保留係到，所以大讚！豬頸肉都唔錯，鹵得幾入味，最衰係太細舊！仲有飲野一定要揀豆漿，好重豆味，味道適中唔會太甜！不過最後兩個人要$130，對比其他車仔麵，真係太唔抵。未必會再食。

從數年前開始便光顧新記, 主要是被它的所吸引, 辣味帶層次而辣得過引。而配料有如豬紅, 雞亦等等都是入味非常。但最近光顧的時候, 辣汁湯底已不如前, 先不要說它的辣醬沒有以前那麼香辣之外, 它的辣汁湯底亦稀得淡如清湯, 辣味不太再出眾, 令為辣汁而來的我也失望起來。可幸的是食材配料水準仍見正常, 我所點的豬紅,牛腩仍舊入味非常, 蘿蔔清甜。以味道來說, 仍是可以接受的范圍。

深夜十點半，剛探望完老爸，遊蕩於銅鑼灣覓食，大部分素食館在這時間早已關門，想盡快醫肚後九秒九快速回家，簡食最好的選擇--粥粉麵。路經新記，見全店已滿座，應該是很好吃吧！隨手選擇清湯加辣汁，另選配菜: 鹵蛋+香滑齋+蘿蔔；久違支裝芬達，乾脆出軌一次第一啖先嚐清湯底混辣汁，驚訝竟然辣汁如此突出好吃。食到一半，已臉紅出汗，但胃不會感到不適，辛辣中不帶麻感， 而且異常開胃。鹵蛋非常份味，香料一足。蘿蔔極為新鮮零渣，亦經製作，略帶微甜。香滑齋事先油炸，配搭辣汁，入口香、辣、脆，有驚喜。PS: 不能吃辣的朋友，記得少辣【後記】離開時，與門口一位頸帶金鏈、面色紅潤的大叔傾談一會，先知新記已開店十多年，辣名遠播，其自家製的辣汁有減肥功效(信不信由你)，而且非醒胃。我與大叔談及我正煩惱著老爸胃口的問題，他微笑溫柔說:「給你老爸試試微辣汁加葷湯底，讓他醒醒胃。我們的湯底用上豬骨、大量蝦殼等熬製，其味鮮甜無比，試試你爸會否提升胃口?!」靜止兩秒，大叔接著說道:「不是要你幫襯，若我的車仔麵能幫到病人提升胃口，那必是多麽有意義的事情。」大叔微笑，鬆然離開。「多謝!」我窩心帶笑感謝人間有情，若每個餐飲業的店主都從

今日決定約埋朋友去吃新記食車仔面,平時都好少食車仔面,不過見人推介,所以就叫去試下。夜晚差吾多行到肚餓,就慢慢行過去食。個日就叫左去魚旦韭菜雞翼油面加辣汁,朋友個個就唔記得。今次另外覺得好唔同就係佢比起出面D車仔面熱好多,個湯好香好熱,清清地幾正,不過我加左辣,就試唔出佢好清,個就又辣又香,配埋D野食一流,至於魚蛋就好彈牙,加埋個汁一流,加埋唔係大大粒正,至於個雞翼,就甜左少少,不過都有咬口既,如果唔係咁甜就應該好正,至於個韭菜,太爽口,不過係幾靚既,吸到汁吸到湯,都唔錯,最緊要就係食油面,因為佢真係好正,邊到都好,會吸哂湯同汁個味,大前題當然要個湯靚,依到都靚既,所以整體黎講好食,有機會再試埋其他。

好耐冇食過車仔麵，行開銅鑼灣見到登龍街呢間出名既車仔麵檔，毅然一試…聞名不如一試，個辣汁果然好味，豬皮吸收左果汁好好味！魚蛋唔夠彈牙但味道唔錯！豬大腸就比較遜色了。

雖然知道車仔麵對身體唔好，但真係好好味，而且方便快捷，價廉物美，選擇多元，真係一項香港嘅偉大發明，我好多時都會食。車仔麵也是有技術含量的，好味同一般之間也有很大距離。新記就是我的摯愛。就係公司附近，每個禮拜都至少來一次(忍的好辛苦，否則唔止咁少)。最中意牛肚，牛筋，辣豬紅，米粉，鹵水汁嘅組合。牛肚滷味四溢之餘仍爽口，牛筋軟身，全是膠原蛋白，辣豬紅辣味完全取代腥味，鹵水湯底最出名，粉絲可以最大程度混合鹵水汁，食起上來，雖然燙口，但真係停唔到口咯。兩餸麵30，三餸麵36，之外每餸加9蚊，係銅鑼灣呢個全世界最貴租嘅地方，食到碗咁正嘅麵，真係難得!新記，你一定要堅持住啊!附上今日食嘅麵一碗，牛筋，牛肚，生菜，米粉，鹵水汁，今日有啲寒，食完勁滿足咯

銅鑼灣有很多高級餐廳食肆, 但同樣也有平民的食店如潮州粉麵、車仔麵, 之前聽過朋友說有間叫新記的車仔麵好好吃, 終於找一晚來試試...這一晚不太肚餓, 而又想多試不同款式, 叫了4款淨餸: 香滑齋、白菜仔、蠔油冬菇、卥水蛋, 卥水汁。本來最期待的是"香滑齋", 但"香滑齋"一點也不"香滑", 是充滿油益味而有點脆口的麵根類東西; 白菜仔没有沙, 其他的不過不失, 卥水汁湯底重口味, 吃完十分口渴...同伴吃三餸麵, 份量不比我多, 可能有很多人會覺得一碗不太夠滿足呢...吃完後朋友說店內裝修跟從前很相像, 但看看下及吃完後覺得那味道並不是從前的那間新記...之後我們行到謝斐道...驚見又有一間新記! 究竟哪間才是真正最原本的新記呢?!

看openrice尋味·見這車仔麵店頗受推介·銅鑼灣又就腳(無理由到老遠吃一碗麵)。專登選三點·怕人多擠迫·店內裝修簡單但算乾淨·點了三餸一麵·$36。粗麵(沒有失準的理由)·墨魚卷可以·魚蛋有魚味彈牙·豬皮爽口入味·加腩汁及辣汁令湯底濃郁·整體味道好好·9分·

其實我食開新記都幾年，以車仔麵黎講質素都唔錯，我本人鍾意食辣，特別喜歡佢既辣湯底！蘿蔔亦屬於必選！另外門口有車仔賣燒賣魚蛋，個隻咖哩汁又係必試 　好可惜，幾位啊嬸既服務態度並未如理想  當日我同朋友8點幾再幫襯佢，因為睇9點戲 諗住食得簡單D 我地一共叫左2碗麵+1串小食+1鑵可樂，食完之後發現可樂唔係好夠飲，所以係個袋攞支水出黎飲突然彈出個阿嬸，好大聲咁講:「呢度唔比飲架喎，比10蚊啦」隨即係我地張單上面寫多$10，然後仲要串我地多一句「慢慢飲啦，飲飽佢！」fine，係我唔著在先，牆上的確係貼左「自擕飲品 收$10」的通告，不過我身為一個顧客，你一句警告都冇就收我$10，比起警察捉亂過馬路更嚴格....其實「自擕飲品 收$10」本來就有問題，我唔知佢係咪可以咁強硬性去收，咁如果我飲水送藥，你又要收我錢？第二，個阿嬸態度真係好串，本來想同佢理論，可惜我地趕時間睇戲，息事寧人算。我地食個幾十蚊車仔麵，唔會要求佢恭恭敬敬好禮貌，但係佢連對人基本既尊重都唔識就好有問題！就因為呢句「慢慢飲啦，飲飽佢！」我係唔會再幫襯