新記芝士麵茶餐廳 (Moved)

其實一路都聽閒呢度既芝士麵深得不少明星，歌手既竉愛，而且見不少飲食節目都會特意去介紹，所以令我想去好耐，可惜因為唔熟灣仔既路，故一直都未有所行動。令次難得有人陪我癲，咁我就即管揾下拉，兩個人睇住個GPS不斷揾，幾經辛苦終於比我地揾到喇，但老實講講，呢度都幾隱閉，唔怪得深受明星垂青入到黎緊係食芝士撈丁拉，我朋友就揀左跟腸仔，蛋及雞翼，而我就揀左跟雞扒，腸仔食落果然唔錯喎，開頭我仲以為會好漏，點知佢個汁原來唔會整到太杰身，所以好易入口，我諗食多碗都仲得呀，我個朋友直言超鐘意食芝士，所以佢就真係叫多碗食呢度其實我都會考慮再ENCORE，不過好難會經過，而且我驚下次去又揾佢唔到，請原諒我係一個路痴吧.....…查看更多

已經係第二次幫襯~上次已食過芝士汁撈丁, 尚算好味~但過於肥膩, 所以今次決定轉下口味~ 點了雞翼火腿干撈麵 可能太多order / 店員不願工作既關係等左大約10分鐘先有得食 點知?! 碟面一大片火腿, 見唔到雞翼掀開火腿, 4粒與一蚊硬幣大小相若既雞翼放在印尼撈麵上麵既份量確實真係好多, 相比之下, 餸既份量真係少得可憐~唉~ 後悔無睇到之前食評所提及既"一蚊雞翼":(:(味道一般, 不算突出~ 正考慮會唔會有第二次幫襯呢~~:(…查看更多

又是出差到灣仔的時間，找未吃過的地方吃早餐並不乏選擇。之不過，入到去我才發現原來早市是沒有芝士汁撈公仔麵食的！所以就是但叫了個螺絲粉，配芝士腸和蕃茄。湯是很典型的那種茶餐廳味湯，螺絲粉也是一般茶記渌得偏腍的質感，蕃茄沒什麼好說了，選芝士腸倒是因為愛它那種卜一聲咬開然後芝士「醬爆」出來那種效果。熱齋啡乏善可陳，只是一大早需要一點回魂的東西而已。不過成間店縮了在「地底」的 level 又真是幾有私竇 feel 的。…查看更多

話說我今日去左學校後面間新記食，本身叫煎蛋雞扒芝士撈​，碗野一黎到，我已經覺得隻蛋ge顏色怪怪地，之後食落​都怪怪地，咁我就同佢講啦，點知個侍祇態度好差咁同我講白​蛋係咁，但人地隔離枱隻蛋黃係​鮮黃色我個隻係淺黃加綠色，好啦之後佢換過碗俾我，點知​食吾夠一半俾我發現呢隻小強!態度​差錯又吾認仲要咁汚糟!一定唔會再幫襯…查看更多

聞說新記的芝士面人人皆like，不得不試。於事我同同事一行七人，找尋美味的午飯。到達後，始料，靠於門外的服務員不悅的說：3,2,2啦！我們沉著氣，向她透路我們不願分枱而坐。我們點了多味麵食，包括了：芝心丸雞翼芝士面，雞翼芝士面，豬頸肉干撈面等等始料不及的是芝心丸雞翼芝士面中的雞翼。那四粒雞翼，比雞中翼細四倍的雞翼頭和雞翼尾，比一蚊食還要細小哦。配上芝士面，嗯！就是沒有配菜的一碗面一樣。但芝士汁算不上難吃，還好。只不過不值四十多元，如果當街邊小吃賣十元八塊還可以。雞翼芝士面，就不用多說了，跟上面的一樣。豬頸肉干撈面，跟著名的營多撈面味道近似，這樣的水準令人吃驚！豬頸肉就是只有四片切了半的豬頸肉。太強了吧。用料嚴重不足，當然芝士汁算不上難吃，還好。結論：唔抵食不要試…查看更多

豬頸肉干撈面＝2個營多撈面+兩片豬頸肉各切一半7仔水準，誠意欠奉芝心丸雞翼芝士面＝普通芝心丸＋４舊比普通雞翼細4倍的肉類hea底之選，不折不扣的無餸飯總結媽媽和你都煮到的東西，不用幫襯!…查看更多

食了芝士面餐,要雞扒和腸仔轉了飯. 飯硬得像放了几天, 像我有胃痛的好難消化。. 芝士汁好味精, 完全是醬開的芝士底好難入囗. 雞扒和腸仔煎得太油又黑. 見到已沒胃囗, 入囗更後悔自己和朋友點解唔行多幾間呢?另外點了咸牛治及 蕃茄朱扒火腿飯. 救命. 牛治多牛油, 包薄, 由於牛肉是熱的, 想想溶了的牛油去那里呢? 我一拿起手吃已成手牛油.蕃茄朱扒火腿飯. 飯一樣硬得像放了几天. 那個汁是"不能入口", 試過你會知一般人自已放一個蕃茄煎一下放點水也會比他們的好百倍. 咁都可以做到生意, 不能不服. 朱扒也是煎太油及黑, 調味太咸而火腿是劣品比大陸的更差. 我隔離台跟我們一樣吃半碟已放棄了.一句沒下次…查看更多

其實味道一般，我係無意中發覺該舖頭,見那麼多人排隊,不防一試,但態度最大問題，我地兩個人食晏時間，首先登記那個女人已唔友善，話等3-4個字啦,大家都知OL食晏得一個鐘,我地就話攞咗飛轉頭嚟,個女人話:唔得噃到時要重頭排,算..橫掂無人排隊,所以五分鐘就有位,入去坐底問門口貼窗張菜單在那裡，那個男伙計用按頭式鉛子筆,但反手將筆頭敲落塊白板處告知，無出聲真不知所謂，無下次了,是否好生意唔憂做就可以咁對人客.…查看更多

我係果d叫芝士焗龍蝦伊麵底但唔食龍蝦淨食芝士汁撈伊麵既人, 所以呢間野既芝士麵係完全啱晒我口味! 位置有d偏僻, 唔係有人肉地圖之稱既大少帶我響d巷仔捐出捐入, 我一個人係絕對黎唔到。鋪頭細, 坐得好迫, 班職員姨姨同廚房大哥講野超大聲, 我地食左半個鐘就俾佢地surround sound咁炸左足半個鐘, 食完真係耳都聾埋......雖然我地一向對呢d街坊小店既服務態度同質素都冇咩要求, 但求佢唔好用粗口鬧我地就算, 不過d職員講野大聲到好似開片咁又真係好難接受。算, 講返d芝士麵先!兩兜芝士麵拎埋黎時我地都覺得好似細兜左少少, 不過食下食下, 你會發現開始有飽飽滯滯既感覺, 食完再飲埋杯野, 已經飽死左! 個芝士汁真係好好食, 好有酒樓既芝士焗龍蝦伊麵底feel~唔算抵食, 純粹係賣個芝士汁~煎蛋煙肉芝士麵有一隻太陽蛋同3條煙肉腸仔雞扒芝士麵有一條雞肉腸同薄薄既雞扒~ 睇黎好似有3條煙肉抵d!…查看更多

終於有機會一試遠近馳名既芝士撈丁啦無諗過碗面咁細碗 但再望望面頭既芝士汁即刻覺得好似好漏咁出奇地佢又唔算太漏同D面既味道好夾 同埋非常入面令人食唔停口 不過食完就真係幾飽今次同朋友叫左芝心丸同豬頸肉 都真係不錯見到周圍既人都有叫飯食 D飯都好似好吸引咁下次要餓住個肚黎食先得美中不足既係地方比較細 坐得唔耐食得有D急 同埋芝士面真係略嫌貴左D當然味道咁好 都值回票價既…查看更多

次次來到都總是吃芝士撈，但有一次看到人家吃此撈麵,賣相也不錯，今次決定一試勁辣川椒牛肉煎旦撈麵：雖然我喜歡吃的是反旦，但太陽旦煎得很有吸引力，很新鮮的感覺，牛肉味到很濃，因是那醬汁，十分入味，而且真的有點辣，辣得來又帶點點甜，跟麵撈在一起，十分好味，牛肉也算是嫩，吃過一次也要改了，不再吃芝士撈了．因是套餐，再來了一杯凍檸茶，茶味太錯，好味啊！然而服務就真的麻麻，如果想有好的服務，那就算了，但吃的，真的不妨一試！…查看更多

LUNCH TIME去到多人到不得了不過出晒名好食等多陣又點話個面果然係好芝士...細細個面都食到個人幾飽...但係真係啖啖芝士好好味...不過就真係貴左D 同埋唔會坐得耐!…查看更多

話說原本想開心地尋找黑白奶，但經過一輪無意義的爭拗後，原本的愉快心情已經無了!一直以來都以為只得尖沙咀有芝士撈丁，但原來灣仔都有。加上店面貼上黑白奶的貼紙，就嘗試一下吧!你的雞扒煙肉芝士撈丁 淺嚐雞扒, 醃得入味, 味道很好.不好煙肉, 未有嘗試. 芝士配雞扒, 都幾好. 雞扒很大塊, 加芝士整碗消滅, 會很飽吧?我的腸仔蟹柳芝士撈丁芝士味不太重但夠滑同多, 全個一丁都可以伴汁進食, 但芝士太多好飽肚好滯. 腸仔蟹柳, 正正常常, 腸仔應該係廚師腸來的,分量亦都夠多了…但最後， 餐廳原來未有參加黑白奶遊戲! 無言… …查看更多

睇D食评话尖沙咀果間不如灣仔，我地『不遠萬里』搵到嚟呢度。。。呢間真係好『隱蔽』。。。 1點幾都好多人等位～豬頸肉芝士汁撈公仔麵：必食推介！芝士汁濃而不膩，女仔食一碗已經足夠。豬頸肉應該係蜜汁燒烤，入味又彈牙！其它餸同埋奶茶都幾好，不過冇咩特別。下次去灣仔應該會再幫襯！…查看更多

同事話有好野食，拉我黎呢到，原來係芝士麵，聽就聽左好耐，食就未食過，都好，又試下。我要既係芝士豬頸肉撈丁，芝士好「杰」，未算香濃，不過一大pat真係有點膩，豬頸肉唔太肥，唔肥有唔肥既好處，如果肥豬頸肉配埋芝士真係膩上膩，不過都係幾香口，食得過的，麵，煮得唔腍，都係收貨的。凍奶茶，茶檔水準，算是穩陣。兜野$37蚊，份量未算多，lunch黎講，一兜麵真係唔夠飽，睇黎要食三點三。…查看更多