新記煲仔雞粥 (Closed)

呢間粥店已經食第二次，佢嘅粥品好足料，味道亦好夠。炒野亦都好有鑊氣，佢地既火腿炒麵好出色米粉則比較乾。另外小食好香脆可口，魷魚鬚炸得啱啱好，好好味而XO醬蘿蔔糕比XO醬腸粉好食，蘿蔔糕辣辣地幾惹味，腸粉就無乜味道。

🐙海蜇八爪魚海蜇和八爪魚都比較爽脆，而且醬汁都頗香濃。 🥚XO醬叉燒炒蛋飯XO醬好香但不算太辣，很惹味，叉燒不會太肥膩很嫩滑，蛋份量多而且夠滑。 🦑酥炸魷魚須香脆金黃的酥炸外皮，魷魚須肉很厚，炸漿薄薄的一層包裹著，吃起來滿湖的都是魷魚味，也不會覺得油膩。 🍤香脆炸大腸份量也挺多的，配上酸甜的沾醬，很惹味！而且炸得十分香脆，大腸也比較厚肉的，所以吃起來不會幹，有嚼勁，但也不會像口香糖一樣咬不斷的樣子，所以很好吃！

新記雞粥並唔係淨係得食粥😹入邊個Menu次次都覺得好豐富，但每次都係兩個人去食，所以每次都係試吓呢樣試吓果樣🥰蠔仔牛肉粥👍🏻👍🏻👍🏻👍🏻每一啖粥加埋牛肉嘅鹹香，爽滑彈牙，夾埋蠔仔嘅鮮味，正！鍾意食蔥記得叫多蔥。燒乳鴿👍🏻👍🏻👍🏻👍🏻👍🏻皮脆肉嫩，點埋啲鹽食，真係幾惹味。豬潤火腿炒米粉👍🏻👍🏻👍🏻👍🏻👍🏻 D豬潤炸到好香口，配埋米粉清清地嘅味道，好好味架呢～下次再食埋其他❤️

今次專登黎元朗嘗試呢間老字號雞粥，等了十分鐘左右，一煲熱騰騰嘅雞粥就上桌了。粥底較稀，水水地，但味道ok，雞塊嘅味道ok不過口感唔算滑，整體ok，但同預期有落差。蔥花蝦米腸粉不錯，口感好滑，入面嘅蝦米都夠香。豉油皇炒麵剛上嘅時候係攤凍左嘅，當時店鋪入面的客人不算多，只有4-5檯，在這樣一間老字號餐廳食到攤凍嘅麵令我感到詫異，幸好佢地都立即幫手加熱翻。呢個豉油皇炒麵質感乾身，不會太油，味道也不錯，整體ok。

呢個煲仔艇仔粥有魚片、花生、豬肉碎，上台都好熱，食食下開始冷，冬天食，一流！呢個蜆介鰻魚球好咸，同埋個炸兩腸粉好好好滑，海蟄雞絲就感覺唔大，已經第二次黎，雖然開車黎好遠，但係隔離台都話好野味，出面d台仲有鬼妹同靚仔，應該真係幾好味先會9點都座無虛席呀！但d台好窄，另外門口圖片好高清，的確可以吸引食客（我無去隔離間粥店呢！）

好耐無食呢間新記雞粥，我記得以前食覺得呢度好正，食物選擇多，味道又唔錯😁。今日經過，突然好肚餓，一於再試下先。好快黎左碟酥炸魷魚鬚 $56，本身滿心期待，因為以前好鍾意食，好可惜今次真係麻麻地，炸到濃晒，又乾又硬，唔好食，失望🙄。再黎一隻脆皮乳鴿 $68，再一次失望🥲，肉質好嚡好韌，差D咬唔開，個味本身唔差既，但整得真係太乾。香脆炸大腸 $53，懷疑呢度D炸野係專登鍛鍊牙齒既🤣🤣，同樣係炸到好乾，無左脆口既感覺，得個硬字😑。鮮蝦腸粉 $28，腸粉都可以既，夠滑，不過略嫌皮唔夠薄。好彩仲有一樣野係可取既🤭🤭，今次order 及弟粥 $38，因為其他地方已經好少見到，粥底唔錯，好綿有米既香味，加上豬潤夠爽滑，大碗又好食。我諗黎呢度都唔好太貪心，專心食粥就算🤣🤣🤣。

呢檔嘢，由以前食開，越做越差，到今日啲粥鹹到完全食唔到，碗粥好鹹到可以用嚟當鹽水𠺘口，反而其他炒粉小菜就正常。如果唔怕腎有問題，可以去挑戰下佢啲粥。外賣叫咗一，雞粥二，牛肉粥三，炒河四，炒麵五，乳鴿六，皮蛋喺咁外，但喺真心無下次。

之前見到食評同有200幾個LIKE諗住應該都吾錯,可以試下.   叫了好多野食, 滿心歡喜等外賣送來, 點知一打開盒, 極度失望, 未食睇個樣都知否會好食.   我地叫了貴妃雞粥 (粥還可以, 但D貴妃雞好似斬碎件咁, 得D皮同骨, 得1件係比較正常少少) , 豉油皇炒麵 (又乾又梗, 麵質又極幼，無乜味) , 蜆介鯪魚球 (魚肉有點腥) , 及弟粥 (粥還可以) , 香脆油條(可入口) , 炸蘿蔔糕 (無味, 好似食緊一嚿好厚面粉煎出黎既野咁) , 子薑皮蛋(乾到吾識形容) , 片肉炒烏冬(超喊, 得豉油味) , 海蜇薰蹄(史上見過最差既海蜇薰蹄, 海蜇乾淨淨薰蹄好大嚿,件件肥膏肥到你都吾敢放入口) 和 鮮蝦腸粉 (一般, 叫做入得落口),  成餐午飯叫左$409, 但食物質素$100都嫌比多了.  成餐飯最後只係食左D粥,少少蘿蔔糕,腸粉同油條其他真係完全啃吾落, 已將這店列入黑名單, 再無下次.

今日放工入去元朗新記到食嘢幾年前去過好多人排隊而家依然一樣...今日等咗15分鐘就可以坐低叫嘢食😬佢哋最出名嘅雞粥必叫今日我叫咗貴妃🐔粥、蜆介鯪魚球及海蜇手撕雞😋鯪魚球最快上枱大大粒但唔夠熱我覺得不過不失冇以前咁好味😌跟住就係佢哋最出名煲仔🐔粥上枱新鮮滾熱辣貴妃雞肉質嫩滑真係好好味呀📣粥又好綿好入味真係冇浪得虛明👍🏼👏🏻食過之後回頭率好高😍係值得搭車入嚟食嘅粥品🙌🏻不過今次最驚喜係海蜇手撕雞😍海蜇好似橡筋咁煙靭再配合埋手撕雞絲及甜甜哋小小辣嘅汁醬真係食到停唔到口🤤但係我掛住食唔記得影相🤭🙄之後重忍唔住叫多個打包返屋企同家人分享🤣雖然山長水遠入到黎但我覺得值得😎

雞粥 聽到都漏哂口水 腦裏面會諗到一堆炸兩腸呀 炒米粉呀 叉燒腸呀既野食今日同老公黎食粥 係時候清清腸胃 坐低感覺環境唔係好衛生 張檯污糟好似無抹咁 唔緊要啦 搵好野食就唔理了黎到梗係食佢既招牌貴妃雞粥 我地仲叫左個炒面 炸兩腸 海蜇手撕雞 先黎左個海蜇手撕雞 味道又幾特別 有麻醬麻油去撈既小食 幾唔錯 海蜇好多 手撕雞較少 兩樣都好食 炸兩腸黎了 係凍既🥶 炸兩凍既真係好難食 唯有陣間等個粥到左就浸一浸熱佢黎食炒面 都係凍既🥶 我唔係叫外賣喎 唔expect d野凍冰冰囉 同埋好咸 又無料 比條芽菜/火腿睇下都無貴妃雞粥黎喇 果然無令我地失望 真係好好食 好香雞味 d精華去哂個粥度 粥好夠綿 雞都滑既 唔錯唔錯

呢排天氣凍咗好多，咁啱係元朗見到新記雞粥，一係食熱辣辣生滾粥都好喎，食完應該會暖笠笠，裡面有位又坐得鬆動，啱晒！好，坐低睇下有咩好食先。貴妃雞粥，個粥底好綿，面頭有雞油，煲到將成個雞味迫晒岀黎，仲有好幾件雞件，碗粥好夠份量，食粥都好夠飽。炸蘿蔔糕，炸得好香脆，裡面蘿蔔糕就有絲絲口感，呢個炸蘿蔔糕好食過煎嘅。海哲手撕雞，帶少許麻辣味，海哲爽口，雞絲啖啖肉，非常惹味菊花蜜，冬天乾燥，飲番杯菊花蜜潤一潤。

今日嚟到元朗當然要試吓呢度馳名嘅新記雞粥，雖然市區都有開分店，但係正宗嘅當然要嚟感受下！雖然只係黎食早餐，但已經叫到一枱都係！貴妃雞粥，一碗有好多件雞，雞肉嫩滑，一啲都唔鞋口，而且粥底有淡淡的雞油香，果然名不虛傳！馳名海鮮粥，另一款餐廳推介，海鮮粥有好多海鮮，帶子、蟹呢啲唔少得，海鮮鮮甜，蟹膏唔少。紅燒脆皮乳鴿，即叫即炸熱辣辣，皮薄肉嫩。XO醬炒蘿蔔糕，好惹味，如果蘿蔔糕稍為脆皮少少，口感會更好！

男友尋日返完通宵更今朝返黎元朗同我一齊食brunch😀唔知食咩好就決定清清地食碗粥，好過成日麥記/茶餐廳早餐咁悶🙈我叫咗個煲仔生滾貴妃雞黃鱔豬肚粥，男友叫咗豬潤炒麵同泰式鳳爪～粥底好綿，好重雞油香味👍雞肉非常嫰滑，有啲鹹味似客家鹹雞粥😅 豬肚唔韌，黃鱔完全唔腥而且好爽脆，有個煲仔保溫所以食到最後啲粥都係熱👍果然係招牌菜式👏 炒麵即叫即炒，食落好有鑊氣，啲麵夠乾身，好香豉油味豬潤爽口唔粉，係我中意食既口感😋泰式鳳爪無乜骨夠晒方便👏 微微辣兼好香芝麻味，唔錯👍呢度食物好多選擇，似係大排檔，粥舖同茶餐廳既混合體，岩晒我呢啲咩都想食既麻煩人🤣

⋯—————————😪做完成日野 要食番啲comfort food慰勞自己🤫🔥黎到元朗宵夜唔知食咩好 都會食番碗雞粥🤤#貴妃雞粥 $52#炸兩 $20#蝦腸 $26#炸魷魚鬚 $55😢今日蘿蔔榚賣曬 大家下次記得要食❗️

再無下次突然想食蜆介鯪魚球，見網上評語不錯，所以去試試。可惜，跟澳門相比，簡直係天淵之別，外層不脆口，魚肉有點腥，極失望。跟住叫咗碗豬潤粥及碎牛粥。豬潤略嫌過熟，碎牛粥更加是史無前例的淡，碎牛份量亦都很少，真係咪試過咁差的碎牛粥。炒麵的豉油不均勻，仲以為炒燶了，麵質又極幼，無乜味，不吃也吧。另外叫了海蜇手撕雞及炸蘿蔔糕，算叫做不過不失，還可以入口。全餐最好的就只有凍奶茶，比起好多茶餐廳都出色。最好笑係隔離枱叫杯茶走，但職員硬將一杯普通奶茶給食客，然後說＂冇得走，走唔到，因為加咗糖＂食客即場O嘴，話未聽過冇得走。整餐不論食物及服務，都不會令我再想幫襯。反而令我呢位懶人，的起心肝上嚟食評話，希望唔好再有人好似我咁中伏。