Sun Wah Kee (Closed)

今次一行四人去咗呢間港式火鍋店打邊爐🍲有好多款高質火鍋配料可以叫，有本地手切牛肉🐮、時價海鮮等等，仲有有得叫新鮮刺身😚！.新華記刺身除咗平時常見嘅三文魚、油甘魚、帶子、海膽、生蠔之外，仲有象拔蚌刺身、日本空運黑池魚、海鯛魚刺身、活紅甘魚刺身、阿拉斯加蟹、花竹蝦刺身等等，選擇好多😍今次我哋叫咗份象拔蚌刺身($988)😍象拔蚌刺身肉質爽脆鮮美，真係好正😚.湯底有十多款選擇，我哋叫咗蕃茄薯仔豬骨湯鍋($88)，入面好多蕃茄同埋豬手，係足料嘅湯底。牛肉我哋叫咗本地手切肥牛，朋友都大讚呢個牛肉好食，推薦！我哋亦都叫咗野生竹笙、脆骨腩、雲吞同埋四寶丸，雲吞入面滿滿蝦同豬肉，唔錯。野生竹笙好大棵，吸咗湯底之後好食，值得叫👍🏻我哋都叫咗個餐前小食薑蔥撈魚皮，魚皮爽又脆，鍾意食撈魚皮嘅人要一試～.呢到仲有獨立房間，book位嘅時候可以問吓餐廳～…Read More

📸 新華記今次同舊同事聚會 想搵個地方可以傾吓計食吓好西咁啱其中一個同事話佢樓下有間火鍋店唔錯咁當然要試一試佢新華記係港式火鍋店亦供應刺身、佐酒小食特別之處係設有獨立房間以不同風格的圖案裝飾牆身型營造輕鬆的用餐氣氛當日仲見到有人包房慶祝生日添啊🔸餐廳主打龍蝦刺身🦞 幾乎每枱客會叫咗一份我地當然唔執輸 都叫咗一份 $488一上枱好有驚喜 大隻到霸咗張枱既一角龍蝦鬚仲郁郁吓 明顯係新鮮現劏架🤭龍蝦刺身既口感同虎蝦都幾似肉質偏軟糯 夠鮮唔會腥👉🏻食完刺身之後 龍蝦頭同鉗位可以椒鹽/煲粥/劏開埋做刺身我地就揀咗煲粥 +$128煮出黎勁大煲 男士們都唔怕餓親架仲放咗味菜同胡椒調味🔸薑蔥撈魚皮 $68麻油味香濃 魚皮咬落煙煙韌韌 完全唔腥火鍋最緊要係湯底🔸蕃茄薯仔豬骨湯鍋 $88湯底超級足料 好多蕃茄薯仔之餘竟然仲有好多舊豬手豬腳係底🤭🤭🔸本地手切肥牛 $288新鮮本地手切 牛味濃 淥一淥就食得唔會老🔸一條骨脆骨腩 $72🔸野生笙 $68第一次見咁大舊既竹笙吸盡湯底既精華 正👍🏻🔸雜菜拼盤 $55白菜仔 生菜 西洋菜樣樣都有 唔洗揀！🔸招牌四寶丸 $88蝦丸｜墨魚丸｜貢丸｜牛丸個人大推蝦丸 蝦膠爽口彈牙之餘入面仲見到有蝦肉架🔸華記雲吞 $88皮薄餡靚 豬肉碎肥瘦適中仲有大大隻蝦😍😍😍*醬料費每位$15📍新華記 Sun Wah Kee@sunwahkee2022大角咀詩歌舞街83號亮賢居地下9-11號舖深水埗地鐵站行去會近少少搭巴士就最近啦…Read More

好少嚟大角咀食野，今次同家姐們嚟到呢間港式火鍋店打邊爐，野食質素唔錯，除咗有一般火鍋配料，仲有刺生、佐酒小食供應。而且店舖設有獨立房間，好啱一大班人去密密傾、密密食。而一入店鋪，較為吸晴嘅地方就係一個角落嘅牆身，以海賊王做主題，用餐環境比較輕鬆熱鬧🌊✨✍🏻 /蕃茄薯仔豬骨湯鍋▪價錢：HK$88▪️美味指數：♥♥♥♥♡餐廳嘅湯底有成十幾款選擇，我哋試咗「蕃茄薯仔豬骨湯鍋」，湯鍋性價比較高，湯底濃郁香甜，用料十足，蕃茄、薯仔及豬骨樣樣齊！✍🏻 /龍蝦▪價錢：HK$788▫️粥+HK$128▪️美味指數：♥♥♥♥♥第一次食龍蝦刺生，上枱時仲連埋龍蝦頭同殼，肉質鮮甜彈牙。食完刺生，仲可以選擇將龍蝦頭同殼用唔同方法處理，我哋就選擇去煮成粥，雖然店員冇講到要加錢，我哋又冇問，不過好彩價錢都可以接受，而且絕對唔後悔將佢煮成粥！比起當刺生食，我覺得龍蝦粥嘅鮮味更為突出，而且龍蝦經煮熟後，蝦腳居然全部都係肉，十分推薦加錢煮成粥😋✨✍🏻 /本地手切肥牛▪價錢：HK$288▪️美味指數：♥♥♥♥♥手切嘅肥牛就係特別好食，4人份量啱啱好。✍🏻 /一條骨脆骨腩▪價錢：HK$72▪️美味指數：♥♥♥♥♡超級厚實嘅骨脆骨腩，1條切成5舊，淨係食1舊都有啲飽。✍🏻 /野生竹笙▪價錢：HK$68▪️美味指數：♥♥♥♥♥好鍾意食咁長咁大條嘅竹笙，建議趁個湯底仲清清哋時，先食咗呢款先，因為佢真係會吸咗好多湯底精華返嚟🤤✨✍🏻 /雜菜拼盤▪價錢：HK$55▪️美味指數：♥♥♥♥♡共有3款菜，包括生菜、小白菜同西洋菜，款款都好新鮮。✍🏻 /華記雲吞▪價錢：HK$88▪️美味指數：♥♥♥♥♥好大粒，啲餡可以用飽滿形容，啖啖蝦肉，而且仲有啲疑似係蝦籽嘅粒粒👍🏻✨✍🏻 /招牌四寶丸▪價錢：HK$88▪️美味指數：♥♥♥♥♡共4款，每款2粒。我食咗豬肉丸及蝦丸，蝦丸真係完勝，就算未煮熟，都見到成粒都係真材實料嘅蝦肉😆✨✍🏻 /老友鬼鬼▪價錢：HK$68▪️美味指數：♥♥♥♥♡油炸鬼包蝦滑，就咁當小食食都得，但放落火鍋滾幾秒仲好食！…Read More

呢度既環境乾淨企理, 食物選擇勁多元化, 有刺身, 連火鍋配料都勁多仲要新鮮😍龍蝦刺身🦞($488)龍蝦刺身肉質鮮甜, 加埋Wasabi豉油更加鮮味, 食到最後我地擺左個蝦身落湯度煮, 頭既部分就攞左去椒鹽🤭 湯煮出黎既肉好彈牙鮮味, 椒鹽就勁惹味, 個殼都咬到😍鬼馬油炸鬼🦐($68)炸卜卜既油炸鬼包住彈牙既蝦膠, 外脆內彈口感好豐富😍蕃茄薯仔豬骨湯鍋🥔($88)原個去皮番茄, 薯仔, 豬手既湯底幾濃味, 龍蝦同呢個湯底好夾😊本地手切肥牛🐮($288)一大碟雪花均勻既牛肉幾厚身, 牛味幾香濃, 輕輕滾幾下就已經夠😚一條骨脆骨腩🐟($72)魚肉腍身邊位帶啲脆口, 食落幾新鮮🥰野生竹笙🍄($68)四大條竹笙索曬湯汁仲好爽脆😋雜菜拼盤🥬($55)生菜, 西洋菜, 椰菜組成既拼盤好豐富, 西洋菜打邊爐真係無敵😍招牌四寶丸🍢($88)蝦丸, 墨魚丸, 蝦丸, 蟹丸四款丸都好彈牙, 蝦丸仲有原粒蝦肉真材實料🤩華記雲吞 🥟($88)薄薄既雲吞皮包住滿滿既蝦肉, 菇絲, 豬肉口感好豐富, 蝦肉真係好多🥳牛胸爽🥩($108)食過咁多間牛胸爽呢間既味道係最濃最香, 而且食落比較爽口一啲都唔油膩😋鮮豬王喉🐷($52)本身怕會有啲腥味, 但係食落不單止冇仲好爽口彈牙, 中間仲裝左啲湯食幾好喎🤭台式凍豆腐🫛($32)真係用冰包圍住既凍豆腐擺落湯度煮一陣索曬啲湯, 食落比較堅挺😊 粟米芥蘭餃🌽($48)餃子皮薄包住滿滿既粟米粒同肉, 食落幾特別😌呢度既食物質素好有驚喜, 最鐘意就係個龍蝦刺身, 到而家仲回味緊🤩…Read More

☺️上星期約咗幾個朋友去大角嘴呢間火鍋店聚會打邊爐最好就係可以慢慢食 大家坐低傾下計👍🏻餐廳裝修非常港式 坐底後店員熱情介紹是日精選食材除咗火鍋配料外 仲有供應刺身、佐酒小食等等-我哋叫咗原條象拔蚌刺身 呢樣唔係間間火鍋店都有得食 切出嚟擺盆好靚 份量夠哂我哋四個人分享每片都頗為厚身 口感爽脆之餘仲好鮮甜 😋另外仲嗌咗招牌涼拌魚皮做小食 爽脆得黎好香麻油味魚皮配埋薑蔥一齊食好開胃-湯底我哋怕太熱氣就叫咗蕃茄薯仔豬骨湯入面有好大舊嘅豬骨 加埋滿滿嘅蕃茄薯仔非常足料就咁飲湯已經有濃郁嘅蕃茄味 主角本地手切肥牛 肥瘦均勻 肉味頗濃輕輕淥幾秒就沾滿左蕃茄湯味😍華記雲吞推介大家一定要試 大粒粒皮薄足料招牌四寶丸 有牛肉丸、豬肉丸、墨魚丸同埋蝦丸 每一粒都好彈牙尤其蝦丸可以見到啲蝦肉仲係好大粒 非常爽口同埋野生竹笙又係索湯一流加埋個雜菜拼盤已經食得好飽🙆🏻‍♀️整體上位置都坐得比較舒服 食物質素唔錯 下次可以再嚟打邊爐😆好味評分😋：4/5🌟🌟抵食指數🤑：5/5 🌟🌟餐廳環境 🤪：4/5🌟🌟價錢💰：$300-$500 @1地址：新華記 大角咀詩歌舞街83號亮賢居地下9-11號舖 @sunwahkee2022#littlefoodtour大角咀#littlefoodtour中式#大角咀美食 #港式火鍋店 #聚會 #聚會好去處 …Read More

最近約左幾個朋友去聚會 朋友話想食火鍋 就去左呢間位於大角咀既港式火鍋店 @sunwahkee2022 呢到湯底有十多款選擇😍另亦供應刺身、佐酒小食 一大班大傾計聚會到好夜都無問題！餐廳更設有獨立房間 岩晒一大班人 私隱到極高 而且牆身以不同風格的圖案裝飾 打造有趣的用餐體驗 型造輕鬆既用餐氣氛🥰鐘意食火鍋唔好錯過啦！▫️蕃茄薯仔豬骨湯鍋我地唔太食得辣 就叫左呢款好濃郁既湯底 裏面有新鮮蕃茄、薯仔、豬手等 要泥淥食材就一流 而且飲落唔會有味精 食完都唔會點口喝！▫️原隻龍蝦刺身一上枱嚇親我哋😂好新鮮爽口 晶瑩禿透既刺身龍蝦肉好鮮甜 份量真係好多 食極都仲有咁🙌🏻食到最後可以叫店員將個龍蝦殼斬開放落蕃茄煲度 都仲有肉可以食下 湯底更加鮮甜 一味二食💓▫️本地手切肥牛手切牛肉既紋理好靚 肉質鮮嫩唔鞋 放喺蕃茄湯到淥一淥就得 完全唔需要任何醬汁已經好好食！值得一提 佢哋一開始會承上一個醬料拼盤 裏面有六款配料 有豉油、辣椒、蔥花等 ▫️一條骨脆骨腩 ▫️老友鬼鬼脆骨腩食落爽脆無骨 味道鮮甜 薄身好食💓老友鬼鬼系炸物小食 炸到香脆出色🙌🏻▫️野生竹笙 ▫️雜菜拼盤竹笙好大條新鮮 淥一淥食爽口飽滿雜菜盤裏面好多菜款式 有唐生菜、白菜仔、西洋菜等 都好新鮮 配埋蕃茄湯一齊食就一流啦😍▫️招牌四寶丸 ▫️華記雲吞丸類餃子都好好食 大粒飽滿 裏面嘅內餡好新鮮 個人幾鍾意食佢嘅雲吞 大大粒 肉餡好足 食一粒都飽😂…Read More

香港嘅火鍋店真係好參差最近試過好食嘅推介呢一間港式火鍋店湯底有十幾款選擇仲有即劏刺身同小食新華記 位於大角咀設有獨立房間！裝修簡約得來盡顯細緻以不同風格嘅圖案裝飾咗牆身今次同屋企人食飯爹哋唔鍾意食熟嘅魚特登叫咗鱆虹魚刺身一送上嚟嗰陣都嚇親呢個價錢有咁大份量足足60幾片厚切師傅刀工好好完全冇根普通Wasabi豉油就已經足夠好有魚油香味肉質彈牙爽口另外打邊爐叫咗一個清淡啲嘅選擇蕃茄薯仔豬骨湯鍋蕃茄份量好多成個湯都係鮮紅色媽咪食咗幾舊豬骨煲到好淋好入味打邊爐唔少得肥牛呢款厚切本地手切肥牛肥瘦適中好有咬口超香牛肉鮮味！野生竹笙大大條好新鮮浸落湯就好似一個大水帽咁樣吸收晒湯嘅精華，大滿足招牌四寶丸都唔可以錯過未見過拳頭咁大嘅丸！全部都係新鮮打造質感好煙韌…Read More

邊爐友又有好介紹啦🤭位於大角咀嘅新華記港式火鍋店，地方闊落而且有獨立房，啱晒一大班friend黎打邊爐。佢哋嘅湯底有十幾款選擇，另外仲有刺身供應添！🔸鱆紅魚刺身 - 肉質鮮嫩，食落好新鮮又唔腥，點少少wasibi口感更佳。而且份量都多，4個人食好滿足🤤🔸鬼馬油炸鬼 - 餐前小食推介！外層炸得金黃酥脆，內裡鬆軟，最啱就係嘆杯啤酒一齊食。🔸本地手切牛肉 - 牛味濃多肉汁，但建議唔好太熟，食落更嫰滑。🔸四寶丸- 四款都大大粒，而且口感Q彈，真材實料粒粒都好多餡料，食落充滿層次感。特別推介蝦丸，真係超多蝦👍🏼🔸野生竹笙 - 質地鮮嫩，非常爽口，而且大大條食落口感豐富。🔸雜菜拼盤 - 有菠菜、白菜、生菜等。全部都好新鮮，而且洗得都乾淨。🔸招牌雲吞 - 果然係招牌，雲吞皮薄餡多，蝦好大隻又爽口，而且仲有蝦籽喺入面，大大粒好足料！…Read More

一嚟四人，想打邊爐，梗係又嚟主場。今日一於食豪啲，刺身食龍蝦，隻龍蝦新鮮倒爪同隻眼上枱後仲郁😀😀，肉質鮮美，廚師力功都好厲害，每件的透明龍蝦肉，咬落去十分鮮甜彈牙、外賣一支清酒，真係不錯的享受😜食完刺身，龍蝦殼梗係唔好浪費，一於叫佢走油之後加個蕃茄薯仔湯底，用嚟打邊爐，湯味更加鮮，加埋一碟大牛，三拼餃子、淮山萵筍，墨魚滑，打完一陣再飲一啖湯底，簡直是可以圓滿畫一個。😝😝😝攬住個肚仔回家🤭🤭…Read More

我唔屬於一個好喜歡打邊爐嘅人，但亦唔抗拒。經過朋友介紹，今日來試新華記。食物新鮮份量亦不多不少。最喜歡的都是自家製新鮮水餃，水餃有份量，蝦味濃郁。魚釀油炸鬼，香口好味。龍蝦象拔蚌刺身，新鮮爽口。麻辣鴨舌正。還有我很久沒吃的超大美國生蠔，淥熟後仍然非常大隻，雖然味道不是突出，但肉質柔嫩。唯一就是牛肉切片太厚，要浸落熱水耐一點，所以令到牛肉比較韌。雖然還不到絕頂美食，湯底亦算普通，位置比較隔離，但性價比很高。服務亦殷勤，非常值得推薦。…Read More

第二次到訪，除了打邊爐，今次仲叫了象拔蚌和龍蝦刺身。食得出係好新鮮，象拔蚌非常爽口，龍蝦刺身就香甜。食材十分新鮮，份量也多。龍蝦食完剌身後，殼還可放湯或椒鹽炸。今次叫了大白菜豬肺拚麻辣湯底，湯底材料十豐富，豬肺湯底那邊大概有五至六夠豬肺再加很多白菜，麻辣湯底就有豬皮，豬紅和腐竹。麻辣湯底也叫了加辣非常惹味。因為只有兩個人食，打邊爐就叫了牛肉、豬潤、白鱔、凍豆腐和三寶丸。牛肉係最靚嘅牛頸脊部位、手切厚度適中，牛味香濃，有口感。豬膶係招牌菜，好新鮮，一點也不腥。…Read More

而家好多餐廳都慣左唔開到咁夜，睇完戲差唔多十點要搵野食都唔係咁易， 經過 新華記 見到佢仲未閂實在太好了～ 佢有好多款唔同嘅湯底揀，好耐無打過牛腩鍋邊爐，於是叫左個「清湯蘿蔔牛腩湯鍋」，其他湯底好多都想再試下，例如：沙嗲、雞湯翅、胡椒豬肚 都好似可戰。佢個清湯湯底，其實只係一般，有陣好濃烈類似即食米粉湯包嘅味。 其實之後麻煩同事加湯，都係見到佢每次都放啲野落個水壼度加熱水過嚟「加湯」嘅，可能係因為「清湯」所以有呢個情況。華記牛大拼，有五款唔同嘅牛，啱晒人少少乜都有啲， 佢啲牛都幾靚，都好明顯食到唔同牛嘅分別。豆制三寶，另一樣邊爐邊食嘅野就一定係豆制品，正常發揮，加上個湯有啲失色，其實吸左湯都無乜昇華到。本身食埋佢啲牛腩其實都好夠飽， 但係見到佢有生麵又好耐無食過，於是都係叫埋，見佢 $35 原本覺得小貴，但係嚟到其實都好多，兩三個人食都夠。佢仲有好多野食選擇，仲有幾間房可以 book ，問下老闆娘佢話其實都歡迎客人BYOB，仲要收得夜，酒局又多一個選擇喇～ …Read More

湯底足料，食材新鲜，酱料美味，價錢公道。講真真係一間很不錯的火鍋店。我同同事每星期教會去一次。脆肉鯇肥美，動感田雞鲜甜弹牙。桶蠔夠哂巨型。。。。美味！個豬肺湯底好正。蕃茄大眼雞湯底用兩種蕃茄，很是講究！…Read More

火鍋都市好友們 vs 超級勁飽好好味8人好友一開波便是我最喜歡的蟹….阿拉斯加蟹凍蟹，味道好鮮甜又有肉質感，不費吹灰之力大大啖的蟹肉輕鬆放入口（想吃要預訂）再嚟One two是象拔蚌刺身，鋪得滿滿一片片象拔蚌，令人垂涎三尺，輕點著微微的豉油Wasabi，濃郁肥美的象拔蚌刺身鮮味在口中迴盪著，大家的筷子不停的來來回回，鮮味到讓大家不會想用火鍋灼熟，浪費了牠的鮮。突破越位是突如其來介紹的日本鮮帶子，一片又一片有質感的鮮帶子刺身，與平日的急凍帶子刺身不同，不是厚厚有口感而是很爽口味鮮，各有特色，但鮮帶子作頭盤不膩攻入禁區的是白白透明又黏黏口口的鮮墨魚刺身和酥炸墨魚，大家雖然說著擔心膽固醇，但總是把這一條條罕有的墨魚刺身放入口中咀嚼着，好有咬口，更回憶起韓國的八爪魚刺身，旅遊美食這裡也有。最精彩的入籠是壓軸火鍋，淨飲兩個老火靚湯已直搗我們的胃部木瓜雞腳及番茄海鮮都很驚喜，各有特色。木瓜雞腳湯清，如住家湯般，而番茄海鮮湯，是用不同種類的蕃茄及多隻大蝦熬出湯底，特濃的鮮茄和蝦，材料十足，兩個湯底各有特色，一攻一防均各有千秋。我們把湯喝得差不多見底，加湯後便放火鍋配料，不得不介紹韭菜餃（皮薄足料）、新鮮魚鏢、老油鬼鬼。由於湯料很足及吃豐盛的刺身，小小的胃尚未有空間試更多火鍋料，所以會再次光臨，體驗美食。I will be back這間火鍋店有著我們香港人獨有的人情味～味道，服務不錯，我們是葱怪，樂意把給我們一大碗葱，也不停替我們更換碟子及推介食物，感受到對客人的真誠P.s.由於老闆表示剛換了冷氣，又開始轉涼，記得帶件羽絨外套保暖（外套是真的、羽絨是說笑）一年四季打邊爐啱晒…Read More

一行五人，行過大角咀，見到一間火鍋刺身店，舖頭門面都很大，員工非常有禮貌安排座位，地方寬敞還有一間大房，不過今日五個人想坐出邊☺️，刺身來講，睇得出用料新鮮。龍蝦+鯛魚刺身賣相非常了得，睇見都流口水😋，急不及待已經擺入口刺身的彈牙感，非常過癮，再加上肉質的鮮甜味，簡直係唔知道怎樣用文字表達😅。見到老闆介紹，話今日啲生蠔新鮮運到一定要試吓啦，每隻生蠔都配備檸檬，十分體貼👍🏻生蠔非常之肥美,夾雜着淡淡的海水味，簡直係冇得輸。後來才發覺，佢哋還有象拔蚌刺身，但我們刺身部份已經很滿足，留待下一次再試😄好了，來到火鍋部份，他們的湯底也有接近20款，每樣聽個名都非常之吸引，對於有選擇困難的我，一定問吓邊一款最好味，答案竟然樣樣都係好味😅😅，經過商討之後試吓佢個蕃茄湯底，湯底來到見到入邊已經有好多新鮮蕃茄，湯料也非常充足，後來見到有一啲橢圓形的蕃茄，原來呢個湯底唔止用一種蕃茄，老闆話一暫打完邊爐，最緊要飲吓個湯底，非常之期待在等緊湯底滾緊之際，還記得之前我們食的刺身魚的魚骨也可以酥炸，要來送酒非常好味🍻還有我最喜歡的彩色蝦片😝他們的火鍋材料也有很多選擇，最緊要的牛肉都見到都有不同的部位，價錢也非常合理👍🏻，有朋友點了午餐肉上枱之際，見到原來佢係炸過的，怕熱氣的朋友可以浸一浸個湯別有一番風味😃最後我們都唔知坐咗幾耐，飲飽食醉😉個個都抱住個大肚腩離開😂，價錢來講算是中上，但用料是值得👍🏻這裏將會變成我另一個火鍋飯堂🤣🤣📒後記舖頭的冷氣唔係好夠，但問過老闆話會係九月尾整好💪🏻如果在OpenRice 訂位還有額外折扣👏🏻…Read More