新肥泉海鮮大排檔

大排檔係香港既特色，平時多數都喺鬧市，估唔到喺佐敦官涌街市熟食中心都有隱世大排檔～ 一樣有大圓枱、酒樓凳🪑、「哄」一聲既爐頭，啲小炒鑊氣十足，夠油水又惹味幾好🤤(5 😍 係滿分，🤩係半分） 黑椒薯仔牛柳粒 ⚫️🥔🐮 - $138 (好味指數：😍😍😍😍)通常食大排檔都一定會叫呢個小菜，食得出有鑊氣，而薯仔粒🥔🟨就係兵家必爭之地😂，表皮金黃焦脆，裡面綿密，夠曬香口～ 而牛柳🐮就切成粒狀，方便食同入味，質感軟嫩juicy，牛味🐮幾香濃～ 配埋微辣既黑椒⚫️同埋有中和作用既香甜蜜糖🍯，惹味又唔漏👍🏻魚香茄子煲 🐷🍆🍲 - $108 (好味指數：😍😍😍😍🤩)魚香茄子煲 🐷🍆🍲真係撈飯🍚一流🤤 集「甜、鹹、辣、鮮」於一身，個汁融合左有鹹香既鹹魚碎 🧂🐟、糖、醋、豆瓣醬🌶️、豉油同泡椒等等，配埋香口既豬肉粒🐷，夠晒惹味，啲茄子🍆有走過油，質感軟糯但唔會爛，索晒汁既精華幾正🤤金銀蒜蒸 (鮑魚蟶子元貝) 🧄🦪⚪️ - $198 (好味指數：😍😍😍😍🤩)金銀蒜🧄其實即係生蒜🧄同炸蒜🔥🧄，再喺上面淋上熱既熟油激發香味同埋提鮮既豉油，配海鮮真係絕配👍🏻 鮑魚🦪爽口彈牙唔會韌，有陳皮可以癖腥～ 啲元貝⚪️肉質緊實，味道鮮甜，裙邊綿密～ 蟶子🦪好厚肉，肉質細嫩爽滑，味道清甜～ 整體惹味香口有鹹香，連埋清爽滑溜既粉絲一齊食幾有層次感🤩好味指數：😍😍😍😍🤩推介指數：😍😍😍😍🤩…Read More

今日朋友帶左我去食小妙，佢話呢度小炒同煲仔係任飲任食，連啤酒都係任飲，聽落都幾超值。餐廳位於佐敦，由佐敦鐵路站寶靈街出口直行4分鐘左右就見到熟食中心，真係幾方便。2樓大排檔空間幾大，枱同坐位都寬闊。雖然係平日夜晚，但就越夜越多人，幾熱鬧，好啱大班人聚會。餐牌選擇好多，我哋就揀左120分鐘 $288任食小炒同煲仔，飲品任飲。如想食火鍋、麻辣水煮同海鮮就另一套餐，同樣係任飲任食，最後我哋就揀左小食、湯品、小炒同炸子雞。藤椒魚皮：招牌小食之一，新鮮魚皮爽口滑流，面層有芝麻，藤椒味香，好香麻辣味道，越食越辣，越食越惹味。皮蛋莞茜魚片湯：湯好足料，有好多豆腐同魚片，豆腐滑滑，魚片切得薄薄，莞茜味香，整體好夠味，熱氣飲佢就啱晒。芥未牛柳粒：牛柳粒容易咬，有口感得黎都幾淋，芥未味濃但又唔會話好供鼻，係剛剛好，幾好食。 當紅炸子雞 (半隻)：炸子雞半隻份量都幾多，外皮好脆，唔肥，肉幾滑，調味剛好唔會好鹹，另外仲有懷舊炸蝦片做伴碟，我同朋友都幾鐘意呢個。…Read More

新肥泉海鮮大排檔，位於佐敦嘅官涌熟食中心，地點都算方便，喺地鐵站行過嚟唔算遠💪🏻今次嚟食小菜放題，價錢唔算貴，望住廚師炒到着晒火🤩見到都流口水，小菜放題仲要任飲啤酒🍻居然係青島，消消暑就開餐😌海鹽香煎雪花和牛粒(大)，上菜超快，有牛油香，一口size，一咬爆牛汁😋幾嫩滑，海鹽煎都幾惹味👍🏻鹹魚雞粒豆腐煲，超大份，雞肉好正，煎咗好有鹹魚香，好味😎豆腐都幾滑，高質嘅調味，整體幾唔錯老乾媽炒四季豆，老乾媽好惹味，加埋菜甫成個餸辣辣地送酒一流😍味道好好，當紅炸子雞半隻，蝦片冚住啲雞一揭開個皮都幾脆😳雞唔油幾滑幾濃味👍🏻放題食晒四個仲可以再嗌，但個份量真係多到食唔落，最後只係追加咗一個XO醬爆牛柏葉，好大煲，XO醬好香炒到連西芹都掛晒汁😘牛柏葉爽身連XO醬好夾好惹味💟咁有鑊氣嘅小菜，又夠晒大碟，呢個價錢任食有呢個質素都真係相當抵🥳鍾意小炒嘅你要嚟試吓啦🙌🏻🙌🏻…Read More

放工去佐敦辦事，順便同老細搵食。朋友極力推薦呢間「新肥泉」，話佢哋嘅小炒夠晒鑊氣，一於去會一會佢！ 🍤 蒜片頭抽煎海蝦 一上枱就聞到陣陣香氣，每隻海蝦都有手掌心咁大，蝦殼煎得金黃脆身。蝦肉結實彈牙，頭抽嘅鹹香恰到好處，唔會蓋過蝦嘅鮮味。最正係連蝦頭都有膏，吮埋啲蝦汁真係好滿足！ 🦪 碧綠炒象拔蚌花枝片 象拔蚌片切得厚薄適中（當然唔係新鮮象拔蚌啦～🤭😅），花枝片雪白爽脆，兩樣海鮮都炒得剛剛好熟。配菜用咗西蘭花，沾滿咗海鮮嘅精華，仲保持到翠綠爽口。最欣賞佢哋嘅火候控制，完全冇過火變韌。 🐸 避風塘炒田雞 田雞雖然唔係件件都係髀位，但夠晒大隻，啖啖肉之餘仲好嫩滑。避風塘炒法夠晒香口，洋葱片、蒜粒同辣椒乾爆得脆卜卜，微辣惹味但唔會太刺激，送啤酒一流！ 🐮 豉椒炒牛柏葉（老細至愛） 平時食開豉椒鮮魷、鵝腸就多，第一次見用牛柏葉咁特別！牛柏葉切得夠薄，炒得爽口得嚟完全唔韌，豉椒汁掛得均勻又唔會太鹹。老細大讚有驚喜，話下次嚟一定要encore呢味！ 呢度價錢相當親民，難怪我哋食到一半已經全場爆滿。如果想搵間有鑊氣又抵食嘅大排檔，新肥泉絕對係佐敦區嘅隱世好選擇！ **溫馨提示**：晚市最好7點前到，否則要等位啊～…Read More

佐敦街市人氣大排檔新肥泉的放題新搞作又來啦，平時自助餐食得多，大排檔放題都吾系度度有架🤭$288/一位的大排檔小炒放題，沒人可以點兩個菜，食曬再點，餐廳主張不要浪費。我們二人點左4 碟：肥泉小炒王頭抽乾炒牛河海鹽香煎和牛粒豉油皇新鮮鵝腸新肥泉出名小炒夠火候同好食，真好好食的，認真說真的大大碟，好彩胃口大，差點吃吾曬，但個胃都吾夠位置再點其他野食啦，如果想試多幾款，下次不妨多D朋友一起來食，甘就岩曬啦😏😎…Read More

走入喺官涌市政大廈熟食中心嘅寶藏！呢間大排檔有濃濃大排檔風味，望住廚房師傅手起刀落炒出陣陣鑊氣香，氣氛超級熱鬧，適合同大班friend聚餐🎉🍽️ 必試美食
🐟 椒鹽九肚魚鮮魷 $168
炸至金黃酥脆，蒜酥同椒鹽香味撲鼻，魚肉滑嫩＋魷魚彈牙，滋味平衡😍🍖 黑椒薯仔牛柳粒 $138
牛柳粒香濃切細，薯仔外脆內軟，吸滿黑椒醬汁，送飯一流🍚🥬 啫啫芥蘭煲 $118
熱辣辣啫啫聲，芥蘭翠綠爽脆，肉碎＋醬汁炸香，鑊氣足味道濃！…Read More

去到大排檔樣樣都想食點算嚟新肥泉就可以實現你願望大排檔放題咪想點食都得囉咁就一於食啲平常唔會叫嘅黃金茄子呢個好多間都會有但一直都無食過好似會好齋不過放題就完全無呢個顧慮反正一個價錢，原來幾好食惹味蛋黃包裹住軟滑嘅茄子唔會太油膩但又唔會好突兀牛柳呢啲通常都一定會出現但就唔係蜜椒轉黑椒野菌炒試下新配搭牛柳份量都算多而且無筋易咬偏大片值得點豉油皇鵝腸又一少叫嘅菜式始終內臟唔係個個都會食🙂‍↕️鵝腸好爽脆有豉油香唔死咸處理乾淨食得放心值得一試最後一款小菜係芥蘭炒臘味臘肉臘腸潤腸芥蘭炒埋一碟芥蘭吸到臘味香，油潤青嫩粟米魚肚羹好足料勁大鍋！多人嚟食真係超級勁爆抵食同時又可以食到超級多款餸快啲組隊過嚟一齊食飽佢啦—————————————————————🔸 120分鐘小炒放題 $288 粟米魚肚雞粒羹 黃金茄子 豉油皇鵝腸 芥蘭炒臘味 黑椒野菌牛柳…Read More

位於高鐵附近 行大約4-6分鐘便可以到達 柯士甸站/佐敦站行過塊都好快 食物種類好多 大排檔位於街市 環境幾乾淨 同幾涼爽！✨肥泉小炒王 ($118)小炒王好足料 有韭菜、蝦乾、魷魚、白飯魚菜脯同腰果 每款配料份量都好多 炒得好有鑊氣 充滿鮮味✨椒鹽九肚魚併鮮魷 ($168)平時食大排檔又想食九肚魚 又想食鮮魷 但又吾想叫兩份炸野 所以通常2選1 不過呢到吾洗2選1！因為可以why not both😳2款都有齊 九肚魚熱辣辣食好正 肉質嫩 而鮮魷好大件 炸粉吾厚✨豉汁蒸白鱔 ($168)白鱔有11件 份量都足 豉汁味香濃 白鱔幾新鮮 食落肉質幾爽口同實淨👍🏻✨ BB乳鴿 ($52)乳鴿有三件 油香滿滿 外皮微脆 食落啖啖肉 問左店員拎淮鹽 點少少仲正🥳…Read More

大排檔放題—各式鑊氣小菜一口價任食！今日嚟咗佐敦呢間大排檔試一試佢個小菜放題，滿足晒想食好多款鑊氣小炒嘅慾望😆 仲有各式汽水同啤酒都係任飲，好爽！黑椒薯仔牛柳粒牛柳好軟腍，啖啖都係黑椒香，又好有肉汁；薯仔好香口惹味，表皮焦脆內口感綿密。啫啫唐生菜煲上菜後後十分鐘，煲身仍保留相當熱度，煲內的生菜加上香辣的料頭，風味極之獨特，超惹味之選！豉油皇新鮮鵝腸選用新鮮鵝腸，菜式色澤油亮，口感彈牙，充滿醬汁的鮮味與鵝腸的咬勁。中式牛柳粒牛柳軟嫩多汁，切成粒狀好易咬開。味道酸甜開胃，呈現酸甜交織的特點，帶有濃厚的茄汁香氣。 …Read More

巳前細個成日跟家人食大排檔長大之後都冇去過今日突然之間想風味一下去開佐敦 上面有個熟食市場就試下新肥泉海鮮大排檔食親大排檔都一定會叫嘅魚香茄子煲中規中矩，但我個人認為鹹魚味太少，沒有鹹香黑椒薯仔牛柳粒好食 份量好多 牛柳粒唔韌 薯仔出色 脆邊黃金蝦球 咸旦味夠 蝦球好大隻 要親熱食鹹魚雞粒炒飯尼個老實講麻麻地 飯有啲硬 不過真心大碟 2個人每人食到3碗😂每到餸都超級大碟，本身諗住叫三個餸會唔夠食，點知係食唔晒不過服務就一般啦 😅…Read More

今晚約了朋友在官涌做運動，完事就在同座找大排檔，反正只有二人，九時許當宵夜, 飲支啤酒，吃兩個下酒小食就當晚餐吧！大排檔也來QR CODE 落單，但攪完一些時候，都是叫店員手寫來得快遞⋯⋯肥腸小炒王配啤酒不二之選。豉椒鵝腸~咸得利害，極度需要一口啤酒，但無奈地啤酒唔夠凍，所以我們只叫了一支就算了⋯⋯整體來說餸菜口味扁咸，夏天來比較熱，雖然有大型吹風機，但天氣實在太熱，所以都係秋涼會較為理想，注意這裡有加一，筆者覺得有點貴。…Read More

今日嚟到新肥泉大排檔呢一度，見到佢哋竟然有做放題就叫朋友試咗個288放題，除咗有小炒任食之外，最緊要係啤酒都係任叫🤩豉油王炒鵝腸🍳 鵝腸清洗得好乾淨，切件大小啱啱好，炒得火候十足，保持爽脆彈牙口感。醬汁用豉油王調配，有咸香微甜，令鵝腸入晒味又唔會過鹹，薑蔥爆香令味道更加層次分明。每啖都嚟勁醬汁同鵝腸嘅彈滑，好勁提胃口。啫啫芥蘭煲🥬 芥蘭炒到翠綠保留爽脆，啫啫鍋氣十足，帶有輕微焦香感，醬汁調得得宜，帶鹹香同花雕酒微微香氣，帶出芥蘭爽口又滋味嘅一面，簡單卻夠味，食落唔油膩，超下飯。苦瓜炒蛋🥚 苦瓜嘅微苦變成清爽特色，無苦澀感配合滑嫩雞蛋，大火快炒令蛋香濃郁，苦瓜仍保脆度，兩者完美交融，帶啲清新口感，非常適合夏天食，既健康又開胃。花膠蒸雞🍗 花膠長時間浸軟，蒸得剛好保持膠質豐富，口感滑溜嫩軟同雞肉結合得好完美，雞肉保持多汁，蒸煮工夫令鮮味鎖住唔流失，味道清甜又健康，無油膩負擔，食完感覺好滿足。脆皮燒乳鴿🦆 乳鴿皮炸得夠脆，咬落去香脆有層次，肉質嫩滑多汁，肉味濃郁但唔油，熱辣辣食效果更佳。配埋特製醬汁更加提香，整體食落有滿滿幸福感，係招牌必點！…Read More

大排檔小炒原來都有放題任食真心覺得好黐線啊，地點仲要喺佐敦咁方便唔講唔知原來佐敦都有個熟食中心就係官湧街街市2樓嗰度最平價錢由$288任食小炒，如果想食埋海鮮或者打邊爐最貴都係$488，仲包埋啤酒汽水任飲豉油王新鮮鵝腸鵝腸的爽脆口感和豉油的咸鮮醬香為特色，味道層次豐富，口感脆嫩帶有輕微韌性，底層係芽菜，建議可以配埋一齊食，口感會清爽啲平衡油膩感XO醬爆牛柏葉用原個煲仔上枱，上枱嘅時候仲係好有鑊氣同吱吱聲，醬料爆炒後香氣四溢，口感爽脆彈牙帶輕微辛辣感紅燒乳鴿色澤鮮明且外皮酥脆，肉質不會有腥味麻辣索螺麻辣鮮香，花椒帶酥麻感，螺肉充分吸收麻辣湯汁，令人回味再回味…Read More

昨天坐高鐵返香港後，我和朋友去了佐敦寶靈街17號官涌市政大廈2樓熟食中心醫肚，係西九龍高鐵站出閘後，買車票詢問處位置，電梯上兩層L1，沿天橋方向直去便可到達，呢間大排檔叫新肥泉海鮮大牌檔，最愛是Hkd 168包兩款椒鹽九肚魚及鮮魷，完美解決我既選擇困難，why not both☺️在佐敦的官涌市政大廈熟食中心，新肥泉海鮮大牌檔是一個必訪的美食天堂，令人完全感受到香港以前大排檔既小炒感覺，這裡的椒鹽九肚魚和鮮魷，魚肉鮮嫩，外酥內軟，搭配香辣的調味，令人一試成主顧。此外，這裡的炒牛柏葉和炒咸雜菜也同樣不容錯過，牛柏葉彈牙，與各種新鮮蔬菜的搭配，讓口感層次豐富。加上我最愛的豉椒炒蜆，每道菜都呈現了地道的港式風味，適合和朋友分享。在用餐過程中，搭配一杯清爽的啤酒和氣泡水，更是增添了不少享受。整體而言，這次的用餐體驗不僅滿足了味蕾，也讓我感受到香港的熱情與活力。強烈推薦給喜愛海鮮和地道美食的朋友們！…Read More

中港兩邊走的我，坐高鐵返香港，高鐵西九龍站下車後，會選擇去最近的佐敦寶靈街17號官涌市政大廈2樓熟食中心，新肥泉海鮮大排檔(佐敦)用餐。西九龍高鐵站出閘後，買車票詢問處位置，電梯上兩層L1，沿天橋方向直去便可到達。今晚點了酥炸桶蚝，西蘭花炒象拔蚌，炸大腸，BB鴿。酥炸桶蚝，外皮酥脆，蚝肉鮮嫩多汁，一咬下去，蚝和外皮結合，便會明白什麼是香港大排檔特色。西蘭花炒象拔蚌，象拔蚌口感爽脆，吃起來既有西蘭花翠綠的清新，又有海鮮的鮮美，營養又美味，正。炸大腸，大腸經過精心處理，非常清潔，大腸外皮炸得酥脆，又爽又香。BB鴿，肉嫩嫩的，骨是軟的，好食到連骨都吃埋呢。香港熟食中心，是隱世美食天堂，既有大排檔風味，又濃厚的親切感，期待香港可以把這特色飲食文化，繼續發陽光大。…Read More