新耀榮粥店

Open Now

Now Closed

經常經過的粥面店進入店舖，左邊是煮粥的右邊是搓粉，做油器食品店內有十多張小圓枱，中圓枱主要是粥類多款式亦有三款糖水供應紅豆沙，芝麻糊和綠豆沙花生🥜豬骨粥唔覺有豬肉，全部都是排骨大細的骨頭而且，有菜乾😅點解會有菜乾呢？粥底ok不會咸，或食到的味精食到底，碗底是裂的叉燒腸粉熱的腸粉好厚皮叉燒還好！炸兩是室溫，偏凍的油炸鬼ok整體医医肚是可以的一家傳統地道粥店⭕️全店職員戴上口罩 ⭕️進店前量度體溫 ⭕️座位間相隔很遠，有距離感

心癢癢想食粥炒麵做早餐👉🏻👈🏻响OpenRice度搵長沙灣區嘅粥舖見到呢間最多like，所以試吓傳統嘅粥店，地區小店，食嘅係人情味多過食物既味道☺️☺️今次冇坐低食，買咗外賣返屋企艇仔粥豬什粥炒麵油炸鬼兩條盛惠$78見到姐姐會將所有粥都會即時落料再滾，因為佢哋嘅艇仔粥沒有碎牛，所以本人覺得味道一般，下次再叫就會另加碎牛✌🏻✌🏻豬什粥，味道比艇仔粥好，有豬粉腸，豬潤，豬肚同兩粒豬肉丸👍🏻👍🏻炒麵及油炸鬼不過不失，早餐來講還可以吧總括來講係可以再支持嘅💪🏻💪🏻

今朝出門口趕時間,開頭都仲好好太陽,但又突然又落雨.所以去到公司前買埋個早餐去左新耀榮粥店買左個炸兩外賣炸兩個皮都拉得幾好,又唔會好油唔似過氣油炸鬼所以都ok既再加埋醬更加好食

今晚冇食晚飯，諗住早啲瞓。點知10點就肚餓。諗起屋企附近呢間舊式粥店。就去食碗粥。原來夜晚十點幾都仲好多人。點左艇仔粥，粥好足料有碎牛肉，豬皮，魷魚花生。另外點左一份豉油王炒麵。也做得好味，整體來說價比都好高。

突然想食艇仔粥就走左去新耀榮度食，響門口泊車嗱嗱臨食一碗荔灣艇仔粥！（$18）叫完又諗下之後究竟食碗紅豆沙，定係嗌其他嘢食好。最終我都係帶咗條牛脷酥！（$8）艇仔粥好食！粥底夠熱入邊有齊晒碎牛、豬皮、魷魚、花生等等！碎牛份量就少咗啲㗎啦，但係豬皮其他都搭夠！不過在場有唔少上咗年紀嘅叔叔嬸嬸喺度食粥。聽到好多叫艇仔粥走皮，原來佢哋都唔啱食豬皮㗎～條牛脷酥味道都OK,不過可能我太夜去宵夜,應該都凍左,隔咗一輪, 所以麻麻！埋單$26， 唔伏！

香港人嘅早上除咗麥當勞同肯德基之外，最多人食嘅會唔會係粥麵店？呢個早上，一於試一試呢一間位於長沙灣嘅粥麵店啦！因為有啲趕時間嘅關係，所以本身其實係好想食粥，但係最尾都冇叫到。經過思前想後嘅思考過程，我決定咗今日要食炒麵同埋炸兩！卡路里呢啲話題就暫時唔好提啦。炸兩最緊要係條油炸鬼要夠鬆脆～呢間野因為都算好多人食，所以啲炸兩食得出係好新鮮。夠晒脆，同埋唔會有一浸油味。而佢嘅腸粉皮米漿味都算好濃。如果佢配嘅辣椒醬冇咁鹹就會更加好喇。至於個炒麵就普普通通，勝在夠新鮮同埋唔會太咸。我自己都係鍾意食啲冇咁濕身嘅炒麵，不過我見餐廳入邊都算好多老人家，我估可能會唔會係因為要遷就佢哋嘅口味呢？至於個價錢就真係無可挑剔，經濟實惠～舊區既好

🔅🔅🔅當每次病既時候想自己戒下口病人的恩物～粥～🔸呢間老粥店已經屹立多年剛好在診所附近趁醫生未返之前食食飽飽坐住等開心點🔹店舖座位大約三十個圓檯木椅和玻璃鏡牆身的特色餐牌老人家客佔多濃厚懷舊風～🔸<生滾滑牛粥> 牛肉係即日新鮮貨肉質有如名字超級滑粥底經過多個小時熬製非常香軟棉滑重點無味精吃之前加少少胡椒粉來調味本來病得口淡淡即刻甜上心頭🔹<自家炒麵> 炒麵份量看圖已經知超多剛炒好熱辣辣好夠鍋氣加上少許辣醬好滋味呢個價錢來說超抵呀！🔸<總結>好喜歡聽姐姐們的自家術語～夾底／抵食／艇仔～這種就是香港風味🔅🔅🔅

朋友同我講過新耀榮粥店的粥好正，我見今日無事做，就特登黎試下。店鋪係舊式的粥鋪看樣子應該開左好耐，係老字號！我入到去的時候已經坐滿左8成人。除了粥品，還有自製的粽，腸粉和炒麵等。我點左一碗生滾牛肉粥！滑牛粥：裏面好多牛肉好足料！！個粥底好棉，稀稠適中而且米花很軟腍。牛肉又嫩又滑，吃落去仲要無渣，看來店員係牛肉上都落左不少的功夫。我見墻上的餐牌寫住$30蚊一碗，但買單的姐姐就話$26蚊！！ 26蚊一碗足料的滑牛粥又真係幾抵食！

係長沙灣返工，成日都會經過呢間粥店，今日返工早左好多，於是就入左去食個靚早餐。唔講唔知，原來新耀榮已經有五十年歷史！！附近有好多街坊幫襯。餐廳的粥差不多有成三十幾款，生滾粥、菜乾粥，連瑤柱蠔豉粥都有！除左粥之外炒麵、布拉腸粉、仲有各種油器同埋自創的牛肉腸加太陽蛋，好多元化。我叫左個艇仔粥！加埋腸粉都係28-30蚊真係好抵食！！艇仔粥好足料有魚肉、瘦肉、油條、花生、蔥花，牛肉、魷魚等等。粥底軟綿綿好正，下次早餐都要再黎食ar

態度差，晚餐想簡單食碗粥，等到一肚氣。人地遲黎上左幾碟我都係等空氣，阿姐叫極唔應仲話客轉頭，味精粥無料，完全唔掂，同一般粥品無異。30蚊一碗粥真係賺到笑，以後唔幫襯。

前排經過呢度，老爺話呢度個煎堆最好食，叫我試下，個陣剛食完飯太飽食唔到，不過我個腦已經牢牢的記住了🤣🤣據聞老公話老爺係一家之煮，所以佢推介得都應該係正嘢😏😏咁啱剛好經過，就同老公話要試，老公話一人一個啦，我當堂嚇一跳，諗住試一試啫去到老公見到唔係即炸個邊，係擺係放涼個邊，即刻話買一個就算我先咬一啖，雖然凍左，個波型偏左D，不過依然煙銀好好咬，入面又唔太厚😋不過老公話凍左就油左D，熱食好味好多咁我下次要再試熱嘅😁

夜晚出街食野，唔想食太多，就去左食粥，呢間粥店係長沙灣都好耐想食生滾粥，所以就叫左個魚片粥食都有好多塊魚片，而魚片都切得大小相若，又唔算有太多啐骨，食落去又有點魚的甜味，不錯👍但個粥就稀左d，一路食一路攪就愈食愈稀，所以食唔出夠唔夠棉另外，再叫左個炸兩食好鍾意食麻醫同埋芝麻，所以落左好多，炸兩嘅粉皮幾薄，包住嘅油炸鬼就仲有少少脆，整體都算ok的價錢經濟，環境好本土，係呢類小店食落點都好過去食連鎖店啦！

早餐既選擇唔小得食粥，所以我就簡左呢間粥店食早餐。今次叫左一碗豬潤粥同埋炸兩，豬潤粥既豬潤都系大大塊，幾足料，質感唔粉幾爽口，冇咩腥味，炸兩又系幾大碟，外層有小小油，不過炸得幾香，唔算脆口不過都飽肚，可以試試。

已經記唔起第幾次黎食喇總之就係明明唔順路都好想黎豬仔鍾意食白粥，佢話清清地幾好因為佢要配濃味既炸兩囉（又係炸野）點解濃味？因為佢好重手，吱好多醬落去突別係花生味，有時都唔知佢食醬定食炸兩而我就最愛食皮蛋瘦肉粥料夠多，粥又夠綿隔住mon都聞到香抵食夾大件既炒米，雖然凍左，但仲好夠味好似係7蚊左右，係咪好大碟先？根據以往黎食既經驗，今次都唔敢叫得太多野油器冇叫，又冇叫腸粉，因為實食唔哂最後仲叫左兩杯豆漿埋單都係59蚊！飽到上心口喇

自從電視播左這個粥店的介紹， 長老們嚷著要試，所以今天補假就同他們去啦！離地鐵站頗遠， 行左3條街才到門面同室內設計都與一般粥店無異， 不過感覺舒服， 坐位唔迫， 侍應姐姐做事快手， 我地一坐下就立即問要咩檯上無菜單， 要睇貼係牆上的菜單（這都是粥店特色）， 多一份小時候食粥嘅感覺我地快點左荔灣艇仔粥， 鹹煎餅， 炸腸， 炒麵荔灣艇仔粥 $16超多料：好多魷魚鬚， 肉絲， 豬皮，粥都綿鹹煎餅 $7南乳味一般， 不過芝麻多， 炸得香脆炸腸 $ 10皮薄滑， 油炸鬼唔脆， 豉油甜， 最正是自己加芝麻同醬料炒麵 $10炒得乾身， 味道ok， 份量大後記： 只要是粥店仲有一位計數好勁的人， 這間也不例外，不消1分鐘已經計到要俾約幾多錢