Video
Above information is for reference only. Please check details with the restaurant.
Signature Dishes
近來出席的飯局，多以大菜莚席為主，雖則美味卻不免重復，難得今次劉總相邀，上兩週前到了筲箕灣東大街的外圍一躺，吃了這頓以炭爐煲仔飯為題的晚餐；就趁現今天氣乍暖還寒，吃上一點熱氣騰騰的砂鍋食品，於別開生面之同時，也想尋回街坊風味的情懷。這店以茶餐廳的形式經營。事前說好八時半入座，結果也真的準時才預備好檯桌，早到也只能乾等；考慮到現今食肆租金高昂，停一刻也少一份營業額，想起來也是無奈。據知當今的老闆，正是銅鑼灣燈籠街那老店的初代主理人，現在轉移戰場於此，同樣以炭爐煲仔飯作招徠，加上一眾煲仔小菜，縱使不能坐在街外，熱情上的失落也是不大。先來兩個避風塘式的炸物，分別有炸茄子及三文魚頭骨腩，看炸得外層金黃香脆之餘，入口的油溢感亦是不重，可知掌鑊的主廚功夫甚為紮實；其中炸茄子的印象尤佳，質感上爽而不爛，亦嚐出淡淡的甜香，而三文魚骨腩的肉質也大致鮮嫩，配合上面的乾蔥金蒜，可是不俗的送酒恩物。期間還來了一個小鍋的羊腩煲，如作為綠葉來說，可弄得四平八穩，無論是肉質還是調味層面，對食客已有所交代。當中也找出其他不同的配料，到鍋內吃個清光之後，再來一碟生菜灼之，好索盡濃汁的精華。只是今餐主要以煲仔飯為主，如說到實質印象，只能說是恰如其份。個人總覺得用上炭火弄製的煲仔飯，水準確較氣體液料為佳，相比起後者那穩定而猛烈的明火，前者的火侯雖較難控制，卻是來得變化多端，看似含蓄卻暗帶餘勁，配合耐熱存溫的砂煲器皿，才能用迫發出飯粒的米香出來。當晚的煲仔飯，就由一個黑松露排骨飯開始，事前攪手已稍作提示，進食時盡量不下醬油，結果這熱燙的飯身之中，爽口中可不乏一點嚼頭，配合內裡的鮮明飯香，可知所言非虛。至於表層的腩排，事前已經醃過入味，本身肉質已見腍身，更用上了貴價的黑松露醬作為調味，當飯香、肉味及濃菌俱全之時，可想而知其美味程度。所謂一不離二，二不離三，打後再呈上兩煲飯款，分別有臘味飯與及田雞飯，以前者來說，不外是臘腸、潤腸與及臘鴨等東西，卻嚐出來貨的質素不俗，結果於飯香之餘，更混雜了臘味的油香味道，其中分到了一件潤腸及臘鴨，當中蜜味鹹香皆存，美味也～！此外另有鮮味的田雞飯，本身此食材已是不易處理，價錢賣得高實屬理解，而今次特別之處，是於田雞肉之內，更加入了少有的炸豬渣，令到本身以鮮味為主的飯款，平添不少甘香之感，更加令人引起食慾。自來煲仔飯的剩餘之物 --- 飯焦，都是好此道者不可錯過之物，以上所提到的三款飯物，都能起出完整的焦塊，於來得脆身之餘，更不乏一點焦香之感。雖有人垢病不宜多吃，不過自來美味的東西，都是不太健康，如一年只來數躺的話，用這飯焦來送茶配湯，實在不可錯過。期間稍作間場，呈上一個胡椒豬肚湯，除內裡的鹹菜腐竹皆備之外，看豬肚的份量更是不少，味道於微辣惹味之餘，更有袪寒的作用；而今次的鮮味也較平時稍重，原來當吃至湯底，更發現加入了花甲及粉絲等食材，難怪味道會來得那麼好。到了下半場部份，就來上一個乾隆狗仔鴨煲，據知是用上炆製狗肉的方法，卻改為烹調鴨肉，由於本身從沒試過狗肉，所以也是難從比較。只知這鴨肉煲的呈現的醬汁，確來得濃香味重，加上內裡的鴨件炆得嫩熟之餘，亦是甚為入味；更有木耳及茡薺等配菜，對一個初嚐者來說，其印象已是不俗。至於最後的一個飯款，是少有的麻辣豬肚絲煲仔飯，同樣是帶上米香的飯底，但今次就混上了麻燙的豬肚絲，於不加醬油的情況下，更嚐出一種刺激惹味之食味，由於坊間也較難找到類似的出品，對於尚能嗜辣的筆者來說，無疑也多了一份驚喜。始終也要來上一碟青菜，看似普通的一個炒芥蘭，同樣是爽口的菜質，清甜而略帶苦澀的味道，卻因為加入了豬油渣一同炒之，無疑添了一股甘香之食味，也令到這碟時蔬，提升至另一層次。豬油渣是炸完豬油之後，所剩餘的脂肪殘餘物，本身已是上佳的調味品，當晚略嫌大塊了一點，如果能切得細段些許，相信效果可來得更佳。尾段送來的，是時下流行的麻辣雞煲，當原個陶煲加熱過後，打開蓋後所見到的，是一大堆已醃好的雞塊，上面更鋪有不少時蔬，期間更是煙氣四起。有待侍應攪過一番之後，只知內裡的嫩雞，可不乏香辣麻燙之感，卻不會過於霸道。不過基於雞塊已是醃得入味，所以也不肯定是否鮮雞。傳統上吃完煲內雞肉之後，還是要加水用來吃火鍋，不過相信那時大家的胃納已滿，加上時間已近尾聲緊迫，還是到此算了。最後送上兩款海產濕炒的類別，分別是避風塘大蝦與及薑蔥炒肉蟹，整體上也是弄得不俗。其中大蝦不失爽口，配合惹味的乾蔥金蒜，如果還有胃納的話，相信用來送粥的效果會是一絕。而薑蔥炒肉蟹的份量更是頗多，不論是火候還是調味層面，可拍得住家母的水平，只是此刻己是甚飽，期間再看看一眾，已是不太提起食勁了。合共二百元的一餐，來得飽肚之餘，期間更添上一陣燙熱之感覺。論到當餐來說，除款式甚多之外，整體味道也見不俗，倒是因為不夠集中，加上次序亦有點亂，總有一種「走馬看花」的感覺，始終是一個新的嘗試，最後也多謝攪手的安排。既然這廚房存有一定功底，個人認為倒適合以「打遊擊」的方式來探場；期間也逛過筲箕灣東大街一帶，除數間不倒的老字號外，可發覺當中的飲食生態，也是默默地變化當中，如有機會的話，可要再來發掘這塊美味之地。陵之微調：良（食物雖好，安排上還是有待改善）評分：味道 4 環境 2.5 服務 3 衛生 3 抵食 3.5品嚐於二零一三年一月十四日晚上
continue reading
紅豆冰是我近期迷上的飲品，希望可以找出全港最好喝的紅豆冰!這裡的紅豆冰比我上次在大快活的好多了，不過我還是覺得奶味不夠，而且太多冰沙了，可能是因為我要的是少甜吧。紅豆和奶份量相若，整體來說不過不失，經過又想喝的話這裡是個不錯的選擇。$20也不算是太便宜，不過喝後真的很飽，值不值就見仁見智了。
continue reading
今次又介绍下另一間筲箕灣食煲仔飯 - 新翠華茶餐廳今次又叫了我最愛嘅黄鱔煲仔飯,荔茸肉碎煲仔飯, 胡叔醉雞, 菜同魚荔茸肉碎煲仔飯, 好香好食, 黄鱔煲仔飯都0k, 但計煲仔飯我覺得绍華好食D胡叔醉雞好食，食完一碗全身都暖晒, 冬天食一流,D雞唔錯,不過唔好放太耐,唔係會老菜抄得好夠新鮮魚係煎, 外脆内軟,冇嘜骨，超好食呢度不失為平價小菜嘅好地方
continue reading
女朋友話原來10幾年黎佢都未食過煲仔飯，所以兩個星期前既星期五就帶左佢去食依間名牌煲仔飯。之前食過一次，已記低左心水煲仔飯，今次帶女朋友黎試，當然會再叫番啦！好彩，成餐飯都無令我地失望唔錯當晚我地叫左兩個煲仔飯share！當中我既心水就係麻辣海鮮煲。之前曾經食過，覺得比普通煲仔飯更香更惹味，而且女朋友鍾意食麻辣，所以今次一定要叫比佢試下。另外一個煲仔飯就係滑雞潤腸煲。黎得依到食，當然一定要試下佢出名獨家既黑醬油，最好既方法當然就係叫最普通既煲仔飯，咁就最容易試得出啦，而且滑雞潤腸人人鍾意食，依個煲無走雞喇另外我地加左兩杯凍奶茶，每杯只係加$5，算係咁啦！最先黎既係兩杯凍奶茶。奶茶放係鋼杯入邊，凍就好夠凍啦，但奶味甜度都十分不足。我期望的凍奶茶可以做得更好之後無啦啦有人拎左一碟醉雞黎我地枱。我同女朋友互望後，大家後都十分顎然。正想同佢講黎錯枱既時間，就有一個人走黎話：『送嫁，你地試下啦。』我同女朋友當然十分樂意，兩個人加埋食果$100野，都送碟醉雞比我地試，十分值得加分講番碟醉雞，對我同女朋友黎講，係十分十分重酒味。由於我地兩個都唔識飲酒，所以唔識分係咩酒黎，只知應該係中國酒。其實成碟醉雞好香，不過因為我地都唔飲酒既關係（特別係中國酒），所以依碟野我地就唔識欣賞啦由於係送既，我同女朋友最後都食哂，係到要多謝佢地既心意今晚既主菜黎啦！一黎到時係蓋上煲蓋的，之後就會有人打開，幫我地加上黑醬油。加完之後，佢就會再蓋番個蓋焗多一陣先食。我同女朋友都好乖咁係到等，不過大家唔洗怕等到過時，因為佢地係會自己同你講食得啦，服務真唔錯。分別講下兩個煲仔飯啦！我地首先食滑雞潤腸煲，雞十分滑，有雞味，亦都唔太覺得有雪味；潤腸正常，沒有特別；最重要既黑醬油加飯十分好味，甜甜既醬油加落飯到，的確係會令人食唔停的！另外既麻辣海鮮煲，海鮮份量足夠，有蝦有墨魚（仲有其他，但唔記得了），每樣最少有兩隻，share黎食都足夠；海鮮味道不錯，詳細味道忘記了；麻辣味十分重，比滑雞煲多左一份濃濃既香味，食落去時，雖然醬油味會被麻辣味搶去不少，但整體黎講，成個飯都好惹味，係中上既水準！建議鍾意食辣既人可以試下，係煲仔飯既另一種食法。如果真係要講不足，就係飯的確有炭味，如果本身對炭味敏感的，就唔建議你黎依到食啦。整體黎講，依到既煲仔飯係水準之中。無論你係咪煲仔飯既fans，都推薦大家都黎試下。雖然未必係最好味既煲仔飯，不過炭燒煲仔飯點都算係香港傳統食物，而且已經好少見。講真，身為香港人，一生人點可以唔試一次依個香港既特色。
continue reading
每次經過都聞到好香煲仔飯味，早前終於幫襯。由於好肚餓，又知煲仔飯要等好耐，所以只係ORDER一個臘腸田雞煲仔飯，另點一個小菜 (西蘭花炒雞柳，連白飯)。西蘭花炒雞柳好有鑊氣，雖然只係家常小菜，但相信很難係屋企煮到咁好。然後... 連個小菜都食哂... 再等咗好耐... 終於等到個煲仔飯上桌。田雞OK，臘腸唔錯，食得出唔係D CHEAP臘腸 (有時好怕D古怪鮮紅色的臘腸，又難食，又唔知食完會唔會生CANCER)，而且仲有香脆飯焦。不枉我地等咁耐... 但肚餓的話都係叫小菜穩陣。
continue reading