新福星潮州打冷火鍋菜館

Open Now

Now Closed

行入西菁街，本來冇乜心食乜嘢，點知見到呢間幾好人氣，就行入去試吓啦！樣樣都試吓辣酒煮花螺，夠香、微辣。花螺肉夠新鮮、甜脆。豉椒炒聖子王，正！聖子來料鮮味，豉椒汁香口！小炒王味道好，但略為濕身，唔夠香口。

#新福星正宗潮州打冷 我專程去元朗食打冷，因為這間好鬼好味！雖然唔知係咪叫正宗，但我覺得每樣野都好有風味😋😍還記得幾年前第一次食是坐滿全街枱，好誇張😱但現在沒有這個畫面，因為食環署lor.強烈建議多人去食可以食多幾個小菜，一次試多d。🔹炸蠔餅 超鬆脆,d蠔都幾大隻！必點👍👍👍🔹蒸螺 記住配甜醬一齊食，好鮮甜😋😋🔹炒花甲，又係好鮮甜但我覺得油鹽水好味d😍🔹韮菜豬紅 好鬼正，沒可能不點😋😛🔹大腸拼生腸 (沒有圖) 忘記拍！好入味下 但生腸就一般，不是太出色。Total: $407

經過見好多人食 就坐低試下 唔使等位 d野ok好食 鍾意個蠔仔粥 拼盤都唔錯 d野比較大份 但聖子好多沙 連豆苗都有沙 食完有d陰影 九點入去 唔使等 希望下次可以乾淨d拉 咁就可以多d幫襯啦

每次入元朗都好有冲动打边炉或者食大排档（或者有些应该叫菜馆，因为系店内又有冷气），可惜依家唔比摆出铺头，如果唔系秋天系室外食仲有feel。今日就拣左食大排档。由于太肚饿既关系，我地两个竟然叫左四样菜，而最恐怖既系我地竟然清底，究竟我地既胃系咪黑洞😅😅。入番主题先，今次我地叫左：1️⃣鹅肠拼鹅鹅肠几烟韧有口感，无雪藏味，加上本身既卤水汁，好味。不过鹅唔系鹅片而系鹅件就有失望，不过系我地无睇清楚，鹅片加30蚊，好过鹅件，系无咩肉可言⋯⋯一百蚊食鹅肠唔值。2️⃣三色水蛋虽然所有材料放埋cost好少，但最考厨师功力同埋讲火候，屋企好难食到滑嘟嘟既蒸蛋。呢度完全无令人失望，滑鸡蛋配上入面既咸蛋皮蛋粒、葱，送饭一流！3️⃣生炒牛肉饭好耐无食过呢个炒饭啦，突然想食，好大碟。里面有不少牛肉，耿耿熟，仲有少少粉红色，咬落好松软，个饭就有点不足，唔够干身。4️⃣最后一个系豆腐鱼云汤呢个我差不多次次食大排档都会叫，因为本身系汤精，超级钟意饮汤。另外呢个汤奶白色既汤头有鱼既鲜味，加上白菜系绝配，有豆腐蔬菜又健康d。鱼云就系我既美点，嫩滑既口感。赞👍🏻👍🏻！可惜今日既鱼肉好似唔太新鲜。不huo真系超级大兜。每次入元朗都好有衝動

突然想去打冷, 新福星係其中一家首選的.一行三人去到, 剛好有張細台執好, 唔使等位, 滷水什拚, 有大腸, 腩肉, 紅腸, 豬耳, 墨魚,  底下有豆腐同花生, 味道唔會太咸.煎蠔餅, 一碟有4件, 每件都好似塊面甘大塊, 蠔仔又多, 食得好過癮.炸九肚魚,  好耐無食過了, 脆漿好薄身,魚肉又滑.油鹽水浸花甲, 見到隔離台那碟好大只, 都忍唔住叫了, 粒粒都飽滿有肉又無沙.瑤柱蛋白炒飯, 係全晚最失色的, 正如食神話, 炒飯要用隔夜飯架,  佢用新飯來炒, 太濕影響口感, 早知叫三碗白粥好過.環境 : 一般街坊小店的格局, 地下有點跣, 出入要小心.招呼 : OK啦, 落單後好快就上了什拚, 其他的都係10-20分鐘上到, 最慢係炒飯, 可惜又最差.價格 : 5樣野大約420, 以每款都份量都唔細來講, 都合理的.

晚上餓了路過被這間打冷吸引了。兩個人叫了四樣菜。鹵水什拼、豉椒炒蜆、椒絲腐乳通菜、蠔仔粥（細）而最值得讚的是鹵水什拼而它內有墨魚、豆腐、腩肉等都煮得非常入味，值得一試。還有值得一讚的是給我們點的辣椒油，夠香夠辣，不錯呢！

今晚約了三五知己去福星食宵夜，我們叫了椒鹽鴨舌，滷水拼盤，鼓椒鵝腸，腐乳通菜，炸鯪魚球，炸大腸，當然少不了啤酒，椒鹽鴨舌啱啱炸起外脆內軟送酒一流，滷水拼盤就一般，鼓椒鵝腸帶一點辣味淡了一點，而其他餸菜都沒有驚喜，但是味道還可以了

星期六等左30分鐘先位，有兩個鋪位。整體幾好食，經濟實惠，三個小菜埋單211元。韮菜豬好幾入味，豬紅韮菜都熱辣辣唔會暖上。炒大蜆有少少沙，不過豉椒炒都好食。最後有個勝瓜蝦米粉絲煲，用南乳炒幾正下，又入味。係衛生環境差少少，有幾隻烏蠅飛來飛去，不過呢類地方無計。

昨晚入咗去元朗同個朋友聊天，找緊間潮州打冷食店坐，還叫咗支啤酒飲，點咗個椒鹽九肚魚同脆皮炸大腸。首先講下個九肚魚，份量尚算多，九肚魚炸得好入味，椒鹽算多，最適合喜歡食較重味人士。至於個炸大腸，份量十分多，炸得好脆，非常好味，一邊食，一邊飲住酒，真係正。價錢方面，兩餸加幾支啤酒，埋單都要差不多接近三百。以元朗價錢，個人認為較貴咗D，兩個餸平均90多元。但可以坐路邊，幾好風味，又可吸煙。最適合二至三個朋友食下嘢聊下天。

收工同我女友返元朗wor!咁問女友想食咩啦，佢就話想食打冷，重話佢好好好肚餓，咁打冷我就唸起西裕街啦！西裕街，西菁街一帶都係非常多餐廳嘅地方，而其中一d係非常出名，平時都係人山人海，所以e個地段係餐飲業必爭之地。去到餐廳之後，都係一樣照舊坐滿晒啦，好好彩咁角落頭有張二人枱，店員就立即安排左我地兩個過去啦。咁好肚餓嘅我地馬上就睇下餐牌，叫左以下菜式啦！首先就係大眼雞啦，落單果陣問佢大眼雞同烏頭邊樣好食d啦，店員呀姐話e兩樣都係e度最出名呀！本身其實我都係少食魚，怕魚骨，但係大眼雞本身就魚骨少，好適合我，咁就叫左大眼雞啦，一般潮州食法都係凍食，咁食左落去，魚肉好離骨，呀媽教落魚肉離骨即係魚都係新鮮呀！而魚肉同魚皮都算係容易分開的，咁d魚肉食落去都好濃魚味，有少少鞋，而本身都有咸味，好香鮮魚味，再點埋個豆醬真係好鮮，不愧為餐廳推介。跟住就到蠔餅啦，其實我地都係叫左個細蠔餅，上到枱都嘩左一聲，細嘅都咁大呀！蠔餅賣相ok,炸到金黃色，心唸食落去一定好香脆啦！咁第一啖食落口，就真係非常香脆，而佢蕃薯粉同水嘅份量配合得都幾口，食落去唔會好黐口，而且佢地一d都唔孤寒，裏面啖啖都係蠔肉，而佢d蠔肉同蠔仔

滷水鵝片配大豆芽底，黃金比例有肉有膏有皮，滑彈嫩軟集於一身。鵝皮滑滑黏在嫩肉之上，彈彈的鵝肉不鞋不硬滲著肉汁。師傅刀功熟練，厚薄得宜有水準，太厚會韌、太薄無趙頭！沾點清香甜美滷水汁品嚐，不咸不濁，非常美味！捲上大量蒜醋醒神開胃，捲上大量辣椒油惹味刺激，捲上大豆芽清甜爽脆又多汁！點樣食都滋味無窮，蠻喜歡這個！其實配白飯同樣一絕，不過要留肚食多點好野呢，貪吃食家。熱大眼雞，唔想食凍魚飯，唯有嘗試問侍應嬸嬸有無即蒸大眼雞食？說差不多蒸好喇！有無咁好采，居然有新鮮出爐熱辣辣蒸大眼雞食，so lucky！首次係潮州打冷食到。出晒煙送到，比清蒸還要清的蒸法，只用上薑已足夠，原汁原味，不用蔥、不用鹽、不用豉油，只是新鮮就無得輸！青春無敵同一道理。食大眼雞梗係搶眼食先啦，食海斑就搶臉珠登，食黃魚就搶魚肚，食門鱔就搶肝同春，鯇魚就搶魚鰾！不變的定律，物以罕為貴麻！一雙大眼睛都係我囊中物，啫喱戕眼白甚是美味，啜啜啜乾涸殆盡！第二步脫掉厚厚紅色盔甲，露出白滑嫩肉，肉汁反晒光不停閃爍，非常誘惑，我忍不住喇！大大舊背脊肉掉入口，魚鮮味濃濃，魚汁潤澤香醇順喉，滑帶實淨，完全不能停下來。蒜蓉粉絲蟶子皇，每隻 $45

元朗既潮州打冷都有好幾間，但唯一呢間係會一食再食雖然環境同態度都一般般，但大排檔間間都係咁上下架啦！講返食物椒鹽雙拼，豬大腸炸得啱啱好，起碼唔會太乾身，外面脆裏面軟。椒鹽豆腐都係必食，外面香口，但裏面d豆腐夠晒滑。韭菜豬紅好難會整得唔好食，正常野不過不失。最鐘意係度食滷水鵝片，肉夠林，皮d肥膏同肉比例均勻，滷水汁味都啱啱好，唔會過咸。拼埋墨魚一流。仲有呢度個蠔仔粥完全啱晒我條脷總括黎講，價錢同食物質素成正比，份量都算大大碟，元朗打冷首選

好耐無食打冷啦..心郁郁即興去試..果然無令我失望..呢間打冷係良心企業..好有鍋氣兼且碟碟分量唔少..今時今日好多都偷工減料食完好似無食過野咁樣..如果想食得飽既不妨去呢間試下..無介紹錯..會令人一去再去的打冷..

人生。最重要係咩？當然係享受，而享受美食就係一個最直接嘅辦法，因為人每日都要食飯，一餐好嘅飯就會令到得滿足感。其實小弟平常係鐘情西餐同日本菜，今次就試試打冷吧。好啦，講番今次食嘅潮州菜先 其實我地叫嘅打冷系潮州係無這個詞語的 打冷不是潮州話而其實是＂打round＂的中西合壁香港話，原因是這種潮州食制是預先烹好食物，放在店前，食客要打個轉，選擇心儀食物，然後落單。五六十年代香港出現了這種潮州食制，而食客又會跟店主說打個冷，看看有什麼好食的東西。久而久之，潮州打冷，便無人不知了。小弟今日都叫左唔少菜呢，當中包括鹵水鵝，台語叫嘅＂O丫粥＂即係香港嘅蠔仔粥，鵝腸，薑汁炒菜。全部都非常不俗呢 果然大排檔係有有價值的 蠔仔粥－蠔仔粥今次叫嘅係細SIZE，但係蠔嘅量幾多，而且幾新鮮，沒有任何腥味，再加上潮州紫菜，肥豬肉粒，蔥花，令到蠔仔粥充滿鮮味又有油脂同蔥嘅香味，值得一試 鹵水鵝鹵水鵝的鵝本身不錯，鹵水亦滲入了鵝中，吃時鵝味濃郁，令人一吃再食；鵝肉質亦不俗，不會嚡口，軟稔中帶點嚼勁，油脂入口即溶；而且啖啖肉，食得很爽。鵝下還有豆腐和花生粒，豆腐是炸豆腐，很嫩滑，有豆味，吸收

星期六心血來潮想打冷，記得早嗰排嚟過，覺得小菜都唔錯，但今日食非常失水準，所以上來睇睇有冇其他食家嘅評論，點知上一篇已經係2014年嘅事啦，決定要寫一篇我哋叫咗一個滷水鵝，一個滷水拼盤，一條烏頭，一個蒜蓉炒油麥菜，一個豪仔粥滷水鵝最正常，都算幾大碟，隻鵝好肥好多肥膏，食落都入味烏頭就中size 咁，好干身，但冇乜魚香味，靠點汁搭救但係個滷水拼盤就唔多掂，滷水味道係幾香，唔會過咸，但可能夜左，全部俾埋啲頭頭尾尾，好多肥膏，根本食唔到。尤魚好香好入味，不過得薄薄幾塊油麥菜唔知落左幾多糖，懷疑將糖當做鹽，好甜呀！！豪仔粥仲衰，又唔香，冇乜豪味又冇芫茜味，仲好多味精，一食完就好口渴！我希望佢係一日半日換咗廚師，咁我都會黎嘅下次，希望下次唔會咁啦