Sun Sum Congee

坐底前還在考慮叫什麼粥，艇仔定碎牛，加唔加紅。。。最後決定叫碗及第，加碟炸兩。先上炸兩，單條油炸鬼的份量，唔熱唔凍，油炸鬼‘林’哂，完全唔得食食下發現原來有得選即蒸的，但已太遲了。其實成間鋪得三幾個客，我叫炸兩你都提下我有即蒸好食哂呀！雖然都係唔知條油炸鬼仲脆唔脆，但起碼會熱啲之後碗及第粥到，個碗應該冇加大，同碎牛果啲一樣大。粥底好綿料都算足，不過佢地冇肉丸。猪膶，粉腸，猪肚，肉片，每樣三件，除了肉片，都算唔錯。肉片醃到太過滑，過哂龍。…查看更多

估唔到喺灣仔軒尼詩道可以搵到一間粥品店，因為d租應該貴到爆，而粥品又唔會好貴，雖然佢下午同夜晚有麵食，不過都係覺得老闆好勁。星期五早上八點入去，只剩一張枱無人坐，叫咗碎牛粥、齋腸(其實想叫炸兩，不過佢話未有油炸鬼)同豉油王炒麵。味道方面如果你話出色到爆就一定唔係，不過感覺上佢應該無用味精，因為食完無成日想飲水嘅感覺。個豉油王炒麵炒得幾乾身幾好食，個牛肉粥同個腸粉都正正常常中規中矩啦。…查看更多

我嗌兩份炒米粉攞到上手嗰時見到係蝦米腸 即刻好聲好氣同佢講 點知嗰個咁嘅收銀😡😡😡😡淨係喺度鬧 收銀永遠都係咁惡㗎 唔會認錯唔會唔好意思仲要大聲鬧翻你轉頭我自己要炒米粉我會唔知求其俾個蝦米腸我仲要以為佢啱晒呢間咁嘅垃圾店呀呢一世我都唔會再幫襯 😡😡😡😡😡😡😡😡😡😡😡😡😡😡…查看更多

今晚約左朋友食飯，為左留返個肚關係，就諗住食少少野就算，行左陣見到呢間粥店無乜人食，諗住事旦啦求求其其食個粥就算，就買左碗皮蛋艇仔粥食。 佢材料睇落好一般，不過食落就唔掂喇，皮蛋得少少，艇仔粥就只得豬皮同水魷，而且豬皮又大大舊，水魷細得黎又乾，外賣返到去D粥都變到好稀，而且粥底亦十分一般，除左價錢平之外就無咩優點，我就唔會再幫襯喇，平平地中過一次伏就算，下次寧願俾多D錢食過第二間好過。 📍地址：新深粥店💵價錢：26蚊…查看更多

位於灣仔軒尼詩道既無味精粥店，材料新鮮，即點即煮，份量十足，價錢亦實惠。今日點左3餸湯飯，可以自配3款餸，再可以配白飯、粥。今次我點左炸菜、魚腩、腐皮，生菜是配送的，因為材料新鮮，唔落任何調味都夠味。另一碗點左炸菜、魚腩、鮮雞件，菜芯亦係配送的，因為今次有時前醃過既雞件，所以有雞油既香氣，食落鮮味又感覺健康。每一個餐都附送白飯或白粥，任君選擇，$48既價錢有住家飯既感覺。…查看更多

今日一人午餐，想食清清地，便去了座落灣仔軒尼詩道的新深粥店。我點了齋腸及鮮牛魚腩粥。齋腸：可以自由混醬，甜醬、辣醬、麻醬，大大提升食物味道既豐富感。鮮牛魚腩粥：牛肉新鮮有濃濃既牛味、魚腩新鮮又啖啖肉。…查看更多

《新深粥店》 #食在灣仔📍灣仔軒尼詩道168號地下-🔹滑牛豬紅生滾粥 $36牛肉幾嫩 份量唔小 豬紅無怪味 ok嘅粥底正正常常 還可以🔹蝦米腸 $16一早整定 係凍嘅 腸粉黎講唔會好粉除左凍之外都不過不失啦不過如果有得跟粥平d就好了…查看更多

見天氣咁凍諗住暖下肚·.同老公食碗粥同炸兩，個粥就普通啦，呢啲唔會特別有好唔好味，但個炸兩真係嚇死人，又凍又林，我同老公食左2，3舊真係頂唔順，好難食阿！過左2個星期，經過諗住食個豬腸粉暖下個肚就，諗住腸粉就一定穩陣啦，首先一定係熱先，黎左既時候都好感動，有煙架，點知食左一淡，就知中伏喇，唉！心諗點解連粥鋪最基本既野都可以做到咁難食，好鞋又多油，我發誓以後都唔會再入去！都唔明白點解仲有人入去食架！…查看更多

The salt egg congee was tasteless and the 腸粉 was soggy. Service was horrible even by Hong Kong fast food standards. I couldn’t finish my congee because it was completely tasteless. Probably one of the worst congee places I’ve been to in Hong Kong and mind you I’ve been to loads of them. This place is a no go. …查看更多

喺灣仔返工咁耐，每逢一覺得自己病病地或者病咗，就會嚟呢度食粥。呢度除咗粥之外成日都仲有湯飯啊嗰啲選擇，但我多數都淨係食白粥因為夠下火，咁大個人淨係食咗白粥邊夠飽啦？所以我通常都會叫埋腸粉。食腸粉最緊要就係多醬，呢度啲醬放喺枱面任你加，對於鍾意食醬嘅朋友來講真係一大福音。同事叫咗個鹹肉糭，佢話非常紮實，大隻夾抵食，如果下次冇咁唔舒服都一定要試試。講番我個白粥，其實白粥到到煮都差唔多，最緊要就夠錦夠米香，呢到兩樣都做得唔錯，算對我呢個病人有個交代。…查看更多

入夜行過餓餓地，見到近地鐵又有糖水就入去試下。叫左碗芝麻糊同紅豆沙。本來好地地叫支持下本土小店。出面芝麻糊同紅豆沙都係十幾蚊，佢就廿幾蚊。見佢又唔貴就不如試下啦！點知拎到上黎淡過水不特只！！食落個味仲好奇怪！最後真係唔知食左乜落肚，唔想晒野但真係頂唔順！最後一半都食唔晒，比錢個時同佢講“今次有d唏”,點知阿姐仲回句“係呀我地係好唏嫁””串到咁就係貼錢買難受，我又唔係無比足錢，點解要咁呢？建議大轉大家都為唔好以身試法免得一肚氣…查看更多

真係有點失望嘅關係，所以忍不住要寫食評。好日都唔過來灣仔，諗住天寒地凍就去食碗粥。坐底好快啲野就來左，叫左一碗皮蛋艇仔粥，一個炸倆。粥好水，無咩味道，皮蛋，有點苦。炸倆係凍嘅仲好林，睇來擺左有一段時間想支持小店，但真係今次我會揀海X…查看更多

     大日子將至，和未婚夫為新居頻頻到處搜羅傢具。白天我們又得上班，但時間又真的無多，因此幾乎每個晚上都要出去逛，要逛要看要選擇，其實是一件頗累的事，讓我心情頗感煩躁。     未婚夫在網上看到了一款梳化，分店門巿在灣仔，恰好在該門巿選購到合用的櫃子，本來今晚只是去訂購，然後早點各自打道回府休息，自行做飯，但既然都出來了，不如順道看看其他家具和家品。但我們逛了這麼久，已經飢腸轆轆，但又沒甚麼胃口，於是便來這裏吃粥。    我們點了皮蛋瘦肉粥和艇仔粥，每碗廿多元。我要的皮蛋瘦肉粥，粥底比較粗糙，沒有煲得很爛，而瘦肉絲比較粗，皮蛋也切得很大塊，但材料不夠豐富，粥不是很大碗，像其他粥店會在粥面上灑些蔥花和碎花生，味道方面，卻是一般。    至於艇仔粥方面，我發現不同的粥店的艇仔粥的用料真的很不同，這裏的一碗比較多的只是豬皮，魷魚少量、肉碎好像不多。     對於每週幾乎都有一個晚上在粥店解決晚餐的我，覺得可能是地區問題，這一間的確稍為貴，我吃過仍有十多元一碗的皮蛋瘦和艇仔粥呢。     以未婚夫的食量，一碗粥是滿足不了他的，但因為這幾天我們都很累了，稍為補充體力，便又再搜購，說好了今天只能再看雪櫃和電視，其他的再擇日再看。兩碗粥，足以讓我們多走幾家電器用品店的了。…查看更多

今日有d唔舒服，所以食清淡d。叫左皮蛋豬紅粥上菜好快，小心，碗粥熱爆咀，吹左成分鐘都辣親咀。粥底好棉，皮蛋冇散晒，豬紅就正常，整體黎講係好食，唔使加胡椒粉都夠味，有水準。炒麵好乾身，算多油（個人鐘意多油炒既麵），有芽菜，加埋甜醬，$13合理價喇！…查看更多

在辦公室附近有一家很舊式的粥店。然後有一天，它突然消失了。又過了一段日子，看到一家名字差不多的粥店在招工。及後才得知，這是之前相近名字的粥店，裝修後重開。雖然整體格局仍然那樣的老氣，但是淺紫色的門面，還是讓人眼前一亮。有點寒冷的早上，繞了個圈過來買了一客碎牛粥加齋腸，$31。店員和收錢姨姨的態度真的很一般，有時還有點給人愛理不理的感覺。齋腸的質感軟滑，下醬油下得極慷慨。只是店家只提供甜醬和辣醬的外賣包稍嫌不足，而且份量偏少，如有芝麻醬和芝麻加添像店面那樣就最理想了。至於牛肉粥，牛肉份量十分多，粥底綿滑，熱度足夠將一大塊的牛肉碎弄熟，將它攪碎來吃，感覺像傳統粥店的口味。想到要吃粥的的時候，還是會再來。…查看更多