新海濱茶餐廳 (Closed)

窮人恩物，$42快餐，日日轉款，社交平台 可以睇哂成個星期有咩食包凍熱飲，今日就係西芹排骨味道就正常，只係難得有菜，而且望落都算健康，所以俾大家過目下。女仕們（如有）可以考慮少飯…查看更多

我又黎左食啦，繼續發掘呢間茶記既神奇餐牌——三重彩粉麵餐。份餐同個名一樣咁奇特 & 難以置信。全日供應　—　包野飲　—　午市只係 $35三樣餸任揀，加 $5 仲可以加多款雖然唔係咩好餸，不過係觀塘最低消費，仲要食得餸，又要有選擇，無得輸食肉獸可以考慮下　—　沙牛，排骨，牛腩我就叫左　五香牛筋，時菜，排骨牛筋唔係頹煮貨仔，真係煲到林哂，仲連埋腩汁一齊上排骨就有調味過既，可以一戰再戰，時菜就扮下健康咁啦總括黎講，$35 包凍飲，真係無咩底線，糧尾精選！…查看更多

呢間位於觀塘碼頭旁邊熟食中心，地下果層直入轉左，係一間究極咁平民，究極頹既茶記。除左每日都有既快餐之外，可以自己拼一個扒麵餐。而老細就好 flexible，基本上好多野都可以自訂更改。例如上圖原本係　雞扒奄列，我就左做雞扒雙太蛋，健康程度UPUP。環境其實幾一般，你可以想像到既超頹超舊熟食中心，不過放心，有冷氣。價錢就更加可以放心，加埋凍飲都只係 $37，2021年仲係呢個價，癲到糧尾要食多幾餐啦。不過就唔好帶囡囡黎談心啦，除非你想俾啲刺激佢啦。…查看更多

打工仔一名，求求其其一餐。去觀塘碼頭買外賣，就門口入去第一間。阿姐落力推介，話叫是日午餐會快啲，咁就叫左個沙丹豬扒飯。點知就等左三個字，唔知佢係咪group埋咗d單...😥$40連野飲都抵嘅，不過都係飯多，絕對係男人的浪漫；但豬扒都係一件正常份量，其實附近幾間都差唔多價錢。味道呢，我就覺得只係普通，唔知呢日失水準定乜，個汁只有顏色而冇味，食到口寡寡，豬扒就一貫鬆肉粉質感。下次可能先會試吓其他幾間觀塘碼頭嘅食肆先。…查看更多

因為疫情關係，所以而家都好少堂食，9成9都係嗌外賣。呢間成日食，但無寫過，今日就寫佢啦。佢個menu係每日都會轉，可以打電話去問，或者好似我哋咁，係熟食中心門口睇。簡而言之，就係40蚊一個餐，包嘢飲，冷飲都唔洗加錢，可以要罐裝可樂(´▽｀) 同事加過錢要豆漿。勁正，係大和豆漿嚟，500ml一樽嗰隻，仲要雪凍！(´▽｀)今次嗌咗2號餐，白汁粟吉列魚柳火腿飯。好好食呀，份量又係超級大。睇圖。我諗睇完圖都唔洗我講啲咩，一睇就知好食，又豐富(´▽｀)…查看更多

星期六既下午諗住去食下Factxxx9x，點知佢冇開，行下行下打算去另外Corxxx、拿x或者另外幾間之前想試既唔開，可能係疫情既關係！諗起觀塘碼頭海濱熟食市場幫襯下小店，就諗起呢間之前誤打誤撞既小店！如果大家唔介意馬蘭佬既可以去一試，之前間中都會食佢早餐，好平，雖然由幾年前24蚊加到依家都係28蚊，最重要冷熱係同價........估唔到！咁今次就試下佢既午餐兼下午茶，點知........兩個字.....驚喜介紹下環境，講真熟食中心環境大家諗到，唔介意或唔要求既話係冇問題！加上佢係⬇️黃店，點都要支持下乾牛河，老實講已經唔多餐廳炒得咁有鑊氣，仲要有銀芽韭菜，牛肉滑同林，河炒炒得唔油又乾身美極叉燒炒飯👍🏻凍奶茶茶膽一流，凍飲仲要唔加錢真心好食既小店…查看更多

這是一篇年度回顧。公司搬咗黎KT差不多兩年，起初以為工廠區容易揾平食。點知大部份鋪頭要四十幾五十蚊一個午餐，六十蚊亦屬等閒，與高級商業區無異。尋尋覓覓，揾到呢度仲係唔洗四十蚊包冷熱飲品($37，2018年)，漸漸亦成為我的午餐鐵竇。鋪頭在近碼頭的熟食中心，地方簡陋，一支公食個飯，冇計較啦。有冷氣，唔似駿業里熟食中心果邊，夏天真係食到大汗揼細汗。午飯有快餐牌，五款你揀，由大路的拼乜拼物，到中式飯，蒸餸，燒味等都有。寫單阿叔通常會強力推薦您揀快餐， 嗌其他炒粉面驚要等得耐。我亦通常揀快餐。依家消費講性價比，呢處我覺得都有中高分。放出的照片是我年度個人精選。大大碟，夠實惠，有賣相。出品都保持到水準，冇話時好時壞。我的至愛計有:1. 扒或骨類: 香茅猪扒，乳香排骨2. 炒蛋類: 韮王火腿叉燒/ 蝦仁炒蛋3. 燒味類: 鹵水雞肶紅腸，沙姜雞( 墊底花生好香口)4. 拼乜拼物類: 咖喱汁配猪/雞扒，雞肶/翼，或腸仔/餐肉/煎蛋等等。佢有時D拼湊組合係好意想不到，例如今日(31/1)嘅"豆豉鯪魚拼雞扒"。吓?! 乜咁都有得拼?就係咁攪鬼!食味以香口味濃為主，偏肥膩㗎。我很多時都講明要少汁。標題說到"義氣"，皆因有一次坐底先發覺自己冇帶銀包。同落單阿叔講，都諗住起身走人。阿叔只是一句: [唓，聽曰俾番咪得囉!] 呢D就係小鋪獨有嘅人情味，D大集團鋪頭真係睬你都傻。見牆上掛上幾面舞龍舞獅的錦旗，老闆似係武林中人。每次到前堂，他找錢給我時的一聲: [多謝!!] 已經感受到其凌厲的內勁! …查看更多