新海楓茶餐廳

第一次叫呢間外賣，叫左干炒牛河，下午茶餐既四寶麵，小辣米線........打電話落order個陣已經同佢講用500蚊........好喇，到佢送到黎，首先係一個無著衫既外賣紋身仔，拖住架開到好大聲既音樂外賣單車係我門口，之後唔出聲遞D野食俾我，咁我俾張500蚊紙佢啦，佢示意無得找，但係佢又無出過聲話無，咁但係我落單講明我俾500嘛!!!!OK，咁我搵左張100俾佢，佢粒聲唔出找左錢就走左............(已經感覺唔多良好架喇 ，因為講明500蚊架嘛，好彩有得俾者，如果唔係都幾尷尬...........)之後，我計下計下，收多左我兩蚊，咁我都算，當俾tips，D野食好食就算啦........(再感覺唔良好多D...............!!!!!!!!!! )打開野食，發現小辣米線變左清湯 ，再check下其他野食有無問題，其他就ok，但係以上3件事已經火都黎喇，於是打去同佢講........ 打去又係個落order既女人聽電話，同佢講我個外賣小辣變左清湯，點知佢答(態度有D奉旨的語氣):咁呀，可能佢漏左加落去啦，下次俾返我......之後就收左線...外賣紙我都已經撕爛左，以後以後都唔會去幫襯呢間餐廳 …Read More

8月6號晩上,第一次幫襯呢間,點知送外賣既人實在令我有非常不好的feeling 天呀!OMG!!!個送外賣既居然無着上衣,仲紋身,真係嚇親 仲要一開門囗就塞野食俾人,找$$都趕到咩咁,咁樣既外賣經歴搞到人完全無晒食欲,D野食好食都無用la,以後都唔想幇襯!!! BTW,呢間既野食唔算難食，只屬一般可接受的水準，而且價錢有D貴，一個瑤柱飯要40幾蚊，飯既分量有好多，不過材料少，只有飯上面個D，食到中間就得番飯，無料......另外叫左個面，都要40幾，有好多蝦同魷魚，海鮮既味道偏淡，材料都幾豐富，但係炸魚就唔太好食，因為浸曬落D汁度，搞到舊魚好淋同好濕。…Read More

外賣叫咗兩份茶餐，一份茶餐係奶多 涷0茶,另一份係腿蛋治 凍0茶，散叫一份炸薯條。全部食物咁易整，諗唔到點解要成個半鐘先到，其間打返去幾次個女人話出咗，分明係講大話，最後送到黎個價錢同我計既貴咗，太肚餓都算啦，兩個包又淋曬，d薯條又淋曬，凍0茶又溶曬雪，超難食，今次經歷一次就夠了~…Read More

一連幾次來馬鞍山新海楓茶餐小廚吃 Lunch 最好吃的是炸雞腿飯，不太油所以不膩，好過KFC餐廳的家鄉雞，我覺得KFC餐廳的家鄉雞多油炸不健康。新海楓炸雞腿可以吃到一層層的滋味。 Lunch 的肉醬意粉可以拍上大家樂的意粉，不俗。 除了午餐選擇多有A、B、C、D、E餐。:)下午茶餐的選擇也很多，炸雞翼也好食，易入口。 :)粉麵都OK堂食好過外賣，外賣食物易凍唔好食。…Read More

星期一, 夜歸, 都係先食飯後回家算了. 巴士坐到總站. 尋食地點, 就是新港城三期一帶的地鋪. 而行下行下, 看見旁邊的富輝花園, 有間食肆開到出哂街. 咁多人食, 必定有返咁上下. 腳步便朝大馬路方向行出去. 天頭開始熱, 而且我又唔係煙民. 都係坐入去簡單的內廳. 卡位坐滿了, 咁就要坐中間位. 而且仲要係廚房既門口位. 所以, 有些不應該見到既野俾我見到. 這是後話.研究了menu一番, 最後決定了這個茄子豬頸肉飯. 店內人客不多, 但店外5、6張檯是坐滿的, 而且外賣不斷, 所以都要等上一點時間. 而且飯來的時間剛剛好, 剛好讓我飲哂碗味精湯才熱辣辣咁到. 出來的飯夠汁夠熱, 味道茨汁調較得不錯, 帶點蠔油香的, 這是好容易令人接受的好味道. 茄子, 沒有煮到腍哂爛哂. 哎落, 是全熟的, 茄子的鮮味爽口依然保留, 這就是鑊氣的傑作, 家中爐仔是做不到的. 亦明白為何, 看見外國回來過年的兩位大廚堂兄, 返屋企煮過年果幾餐飯, 煮到爆哂粗口啦. 不離題, 講埋豬頸肉先, 不過, 成碟飯既精華就是個蠔油茨汁, 豬肉夠熟就得, 有甚麼不足, 茨汁補救.份量剛剛好, 不用加餸, 而且味道不差, 是一間有返咁上下水準既小廚餐廳. 剛才, 我話見到D不應該見到既野, 絕對不是有迪士尼卡通人物出現咁核突. 而是看見有條魚在廚房的地上跳跳下. 廚仔行過, 見到都由佢係地上跳. 再八卦地裝入去, 有些已死既魚就咁放地下, 自己本身係飲食服務界做過下part time, 呢D野, 其實不是不正常. 眼不見為乾淨是一個好重要的飲食道理.…Read More

我睇左咁多個食評，我唔知尼間野係轉左手定係點我個人覺得"差"到爆第一. 我叫外賣，佢間野係富輝，我屋企係翠擁，佢足足用左一小時十五分先到第二. 個d外賣仔，唔知係唔係後生仔特別唔好禮貌，你地收我錢，我次次跟返個menu拎定錢，但係個價錢次次都唔岩既，咁都算數，可能我計錯，但係佢地等我拎錢既耐性都無，見我俾"硬幣"就係到"摺摺"聲，之後，我落街仲要個警衛員向我投訴，話佢態度勁差，好似唔想俾人登記咁，尼d究竟係咩服務態度第三. 整到成個袋都係汁，好似掉左係地下，執返上黎比人食咁唯一好處係炒烏冬唔錯，但係態度差，根本令人唔想食野…Read More

自從2007年起光顧到現在,差不多一星期有2-3次在此開餐。除環境有待改善之外,那裡還可以說大件夾抵食呢!早餐約$16-$18(凍飲+$2),通常我愛叫一客豬扒旦米線、熱奶茶共$18,已經好鬼飽,仲可以由8am頂到2pm!他們出品的豬扒幾鬆化、又香囗夾大件…Ｅ個價錢,食到啲咁嘅嘢,夫復何求呀!最main point是他的食物配搭多,啱哂心多港人!奶茶有中上水準,茶厚奶多、有啲苦澀味,balance到…好啱我囗味!正!他們還用咖啡機即磨來沖咖啡…好用心製作,加分!當然,不能期望用什麼高檔咖啡豆來沖泡…他們也要賺錢的呢!午、晚餐出品OK架!鍾意食硬飯者,一定對胃。只要聲控,就有食物送上,價錢仲平過大Ｘ樂、大X活等!他們送外賣好進取,遠近都送…希望佢地生意興隆,繼續薄利多銷,咁就不用加幅加價,益食家啦!…Read More

沒有煮飯...而且又非常懶惰不想出去就叫外賣了~送餐的速度很快，八半叫八點四十就到了...叫了白汁火腿焗意粉、水餃大腸小辣米線。白汁火腿焗意粉以普通外賣的質素來說是可以接受的，白汁的份量足夠，味道也可以！水餃大腸小辣米線，因分碗的關係，一開湯是紅紅的...還以為很辣...怎料把湯放進米線，才發現湯的顏色原來也不是真的很紅，紅紅的只是假像...而且小辣是不辣的...配料也小，每樣都只是寥寥可數...味道一般...但只是街坊茶餐廳...不可要求太多...…Read More

正如另一位師兄所講，呢間舖數年間已易手好幾次，新海楓算係頂得耐，偶然兩三個月會幫襯一次，而大多數我都會叫梅菜扣肉飯，曾經試過同區食店的扣肉飯(例如漁米之鄉、佳滿*已結業)，比較起來新海楓叫最好食，扣肉入味，唔太肥，肉和肥膏比例大約8:2，每碟約有四至五片扣肉，至於梅菜就真係鹹左少少。個汁都可以接受，加埋杯餐茶三十蚊有找，環境都係一般茶餐廳格局，唔好太高要求。…Read More

在馬鞍山區，我可以話呢間算係最抵食最好食(個人覺得)，我叫開外賣，呢間比起其他同款既茶記黎講，的確係抵食Ｄ，最緊要係佢無偷工減料～…Read More

依間之前食既小菜套餐幾抵食...雖然等耐小小.最鍾意叫佢果個燒汁斑腩同埋西檸雞.西檸雞幾脆,斑腩唔會太腥.~成個套餐加埋凍飲都係$34,36蚊但依家可能成本上漲...所以貴左再無套餐跟,叫小菜再加湯,飯要俾多$5蚊,但總樓加埋都一定唔過$45蚊(因為佢D小菜有三種,$32,34同36蚊)不過佢D小菜真係幾好食...鍾意食小菜又唔想去酒樓既朋友,可以一試~~…Read More

這舖位所開的食肆好像走馬燈一樣，不會做得長久，不是食物質數不行就是客人流量不多。近幾個月這裡又開了一新食肆，見是晚太多事情要處理，故晚餐在這裡外賣一試；快手點了否客馬蹄土魷蒸肉餅及時菜班片燴烏冬。蒸肉餅找來找去都不多見有魷魚乾，而肉餅加了不少水來蒸故令到口感很差；燴烏冬中班片是雪藏貨色但魚味欠奉，況且味精味道一嘗已覺得，另外例湯都并命的添加味精，食完之後十分口乾；一杯簡單的熱好立克都不夠水準，難想象咖啡及奶茶了。外賣沒什麼服務可言，但送餐的後生仔多謝前多謝後，用了大量輔幣付款都沒有為難面色。原先打算點選之裡掛頭牌的鹽焗雞，但落單時伙計說已賣清，似乎這是唯一再給機會的菜式。…Read More