新榮興粥店

這裡粥品的選擇很多，連豬潤、 蠔仔都有得揀。可惜這晚食到的粥底有一陣燶味。如果唔係咁，都應該幾好食啩。希望煲燶粥只係偶一為之，希望這類街坊形式粥舗可以繼續經營下去，唔使吓吓要幫襯連鎖店。…Read More

Went here with my dad and sis after swimming. .I ordered Sampan Congee with Pig Blood Curd. Hotly boiled, the sampan congee included squid, minced meat, pork skin. The texture of the congee was soothing. The amount of pig blood curd could be more generous. We also shared the Fried Rice Noodle Rolls. The skin of the rice noodles roll was a bit thick, but its interior was quite crispy esp when it was hotly-served. .The resto was at the Tram Road, so it was easy to find. It looked generally neat, but the floor was a bit sticky. …Read More

星期日早唔想出街，諗住同太太舒舒服服喺屋企食返碗粥！點知搞到成個早上都極不開心。所有點嘅食物都係”垃圾” 都唔明點解唔識煮嘢食嘅人走去開飲食！作為一間餐廳老細或者廚師，唔該你每日見到自己嘅出品都檢討吓啦！😡粥全部都係味精，食完口乾到不得了。肉丸粥竟然用現成嘅急凍肉丸?大佬你想點啊？現成肉丸我唔駛係你到嗌啦！牛肉腸難食到不得了，炒麵入口喊到不得了🥵!呢間嘢全部都係用味精做調味料強烈建議不要挑戰自己😑結果我全部都要掉晒落垃圾桶，你話係咪垃圾啊！奉勸呢間舖頭唔好再為害人間…Read More

從來未試過食咁難食嘅腸粉，所謂嘅鮮牛肉腸粉，肉眼望落去是1塊蒟蒻嘅物體，食落唔知自己食緊乜嘢，嗰塊嘢似一啲搞爛嘅肉醬溝一啲粉，腸粉皮厚。蝦米腸蝦米霉嘅。以後唔會再幫襯。:(…Read More

食物質素一般，服務態度更是一絕的～差！當一坐下來看菜單時，服務員已經在傍邊催促落單，當食物來到後，發現食物內有些菜單沒標明的食材，但是沒有要求服務員處理，只是跟身邊的朋友説，服務員竟然破口大駡！態度極之惡劣！除非有被虐狂，否則完全不能接受！👎😡…Read More

西灣河掃完街後，家人話想食下粥品，於是行到呢間新榮興粥品店。門外既油器吸引，望落係漲卜卜唔係漏晒氣，而且款款都幾大件!一律$10。叫左炸兩($16)，甜醬花生醬芝麻都任你落，外面腸粉都滑，入面油炸鬼都有脆感。艇仔粥($22)都幾多料，牛肉碎鬆軟的，魷魚、豬皮爽口，個粥都夠綿~蛋黃咸肉糉($20)夠新鮮，糯米唔會太腍"pat pat" ，包住蛋黃有咸香，點住砂糖幾唔錯，咸甜咸甜。炒麵($17) ，唔會好油既感覺，麵條韌度適中。豆漿($7) 順口，滑滑的，但就偏甜一D，如果有埋少糖既選擇就更好。我地個個時間唔係食飯時間，但都算幾多人黎食，係受街坊歡迎既老店!都幾抵食多選擇!…Read More

今日天氣冷叫左豬雜粥豬雜好新鮮，起碼豬腸冇屎係入面先。其他豬雜有的未食過，但好好食，夠彈牙粥好綿，見到的衣浮左上面跟住叫左炒麵，不過不失。冇特別·我覺得可以再加多的菜·…Read More

之前用App 買過一次 可能特惠價 雞粥 得2件雞骨比你 今次用App 正價買 諗住會好D叫雙拼蠔仔雞粥 過去攞外賣 阿姐都問我 係咪過嚟攞蠔仔粥 答係點知食果時 先發覺一隻蠔都冇 得雞 雞正常 但比雙拼價錢 得單拼食物2次 都好似比人揾笨咁…Read More

最近個胃唔係咁舒服諗住清清地食碗粥，附近既粥舖唔多，雖然鍾意食粥但都好少食到，最近先知原來近近地有間粥舖，咁一於就試下呢間。一路都鍾意食魚，所以叫左個骨腩粥，34蚊價錢唔貴，本身無乜期望，皆因平時出面啲魚粥好少可有好食既，但估唔到呢間個粥底煲得好綿不特止，竟然仲有白果香，唔係水煲米咁簡單，魚骨同魚腩分量唔少，而且食得出係新鮮既，唔會煲得過火仲保持到腍滑。都幾驚喜，以後想食粥會再幫襯，下次仲想試下佢個三肉一菜餐。…Read More

行完山食完甜品，決定唔煮飯買外賣😎。.🥢新鮮滑雞粥 $31粥底夠晒綿滑而且好鮮甜，雞件嘅份量都唔少。.🥢炒麵 $16麵炒得乾身，唔會太油膩。豉油均勻地沾上炒麵，食落甜甜地幾好味😋。.🥢牛脷酥 $9鬆軟得嚟都好有份量。留咗嚟做早餐，食大半個都飽晒😝。.🥢油炸鬼 $9好彩買到新鮮嘅油炸鬼，熱辣辣而且香脆可口。.🥢炸兩 $15份量超多！腸粉皮唔叫特別薄，不過都算滑。.新榮興粥店西灣河筲箕灣道152號地舖…Read More

早餐我最鍾意食粥，又暖胃又好味，而且可清下腸胃💯。今日同囡囡嚟到西灣河老字號粥鋪新榮興食早餐， 這間粥鋪都幾受歡迎，門前人頭湧湧等外賣。我叫咗魚腩粥，大大碗，裏面都有四五件魚腩，夠肥美😋😋，好滑嫩，粥底綿密，好耐無吃過甘出色的魚粥👍另外囡囡叫咗鹹肉粽，一份炸兩同一支凍豆漿。粥舖環境乾淨企理， 見到店員不時消毒清潔，座位之間又有透明膠板分隔，食得安心。裡面寬敞，座位很多，卡位坐得舒適，下次會再來。😊😊…Read More

今日唔使返工，和老公來西灣河買餸，順便在附近吃午餐。路經這間「新榮興粥店」，店子外貌舊式，探頭往內望，見到師傅在製作粥品和油器，樣子都幾對辦，就來吃碗粥清清腸胃吧。 由於入座時已經剛過了早市繁忙時間，所以店內食客不多。甫坐下，老公即點來皮蛋艇仔豬紅粥、炒麵和蘿蔔糕各一，而我就加點了咸肉粽及豆漿。皮蛋艇仔豬紅粥 ($24)：粥底煲得好綿，入口帶米香，材料亦下得十分慷慨。皮蛋甘香軟滑、花生好脆口，加上滑嘟嘟的豬紅同爽口的魷魚鬚，分量十足，味道真的不賴，$24 碗，實屬於抵食之選。炒麵 ($16)：碟炒麵比預期多，都幾大碟吓，而且質素亦不俗，食落唔算好油，帶豉油香。另外檯面有甜醬、麻醬、芝麻等供客人選擇，大量芝麻+甜醬配炒麵，味道一流！ 蘿蔔糕 ($15)：件蘿蔔糕很有水準，好似磚頭咁大塊，而且粉少蘿蔔多，入面的蘿蔔是條狀，真材實料，睇到又食到，蘿蔔味很清甜，味道自然。蛋黃咸肉粽 ($18)：咸肉粽夠曬大隻，糯米亦不腍不漿，盡吸餡料精華。至於內裡配料，雖不算豐富，但亦中規中矩，一小塊的肥肉原來還連著少許瘦肉相間著，肉味咬落亦不太膩，配上一小顆的鹹蛋黃，整體味道控制得恰到好處，十分不錯。另外杯凍豆漿 ($7)  都幾好飲，入口順喉香滑，滿有豆香，而且甜度亦剛好。睇返之前嘅食評，原來呢間係老字號粥店，而且食物價格同上一年完全無變動過，絕對係良心小店，值得支持。…Read More

西灣河有間老字號粥店叫做新榮興今日買番個午餐打包回家慢慢食，我叫咗👇🏻🌟皮蛋及第粥，材料十足，粥底好棉🌟叉燒腸，無芫荽，好適合我食芫荽敏感嘅人😊🌟豉油王炒麵,加咗甜醬更加好味🌟油炸鬼，好脆口，配粥食一流…Read More

叫左生滾豬腰豬潤粥，34蚊。d料好薄份量又少，個粥底稀芯芯。豬潤稍老，有輕微血腥味，落左薑絲都蓋不住。最不能夠接受是隻匙羹成陣不知無過乾淨水的漂白水定洗潔精味，勁難頂。食完大概15分鐘，開始feel到有陣味精在個口入面徘徊不散。年幾前食過，唔算好好，但都ok的，唔知點解差左咁多。下午五點幾去食其實無咩人，質素都可以咁。唯獨係個阿姐好好招呼好有禮貌，但講真，咁既質素，又唔係特別平，我會寧願搭十分鐘電車去北角食。…Read More

各位飯友，好久不見啦﹗最近我終於放大假，又回來開飯跟大家交流。^^作為香港人，吃的再多西餐潮菜，有時候也需要傳統的味道來調節，那才是生活呀﹗這次我說的是吃粥。這家<<新榮興>>開在西灣河的大街中，是平民之選。炸兩13元一大碟、油炸鬼9蚊大大條自家炸新鮮熱辣、粥品17元起絕無欺場，多粥多料﹗不過要說的是這裡的腸粉，白腸粉還好，餡料的話其實內裡不多，不過價錢也就是十多元，真的不能計較更多﹗個人推介豬肉丸粥﹗豬肉混入了馬蹄，增加了口感﹗魚腩粥的魚肉也很新鮮的﹗另外腸粉醬料和芝麻都是自助，要多少劑多少﹗超福利啊﹗﹗三幾十蚊，食飽出黎，本來想逛逛太安樓添食，也覺得不用了﹗各位有興趣可試試看啊﹗食物品相及份量可以參考我的影片啊﹗下個食評再見﹗^^…Read More