New Mui YUen Restaurant (Closed)

跟老公在鳳德食飯都經常食明記粉麵，今晚想轉下口味，試下呢間茶餐廳，但應該唔會有下次... 見到有海南雞飯套餐，餐牌寫包括海南雞一碟，油菜、油飯，飲品，都係五十幾蚊，試下呢個，再叫咗一個蒸鯇魚飯... 我指定要魚腩，這個都尚算ok, 不過不失！魚都滑，但個飯有點硬，所以食得不多但海南雞就完全唔係嗰樣嘢... 除咗海南雞同普通冇味的白切雞一樣，那碟油菜及油飯，居然沒有通知之下變咗菜炒飯以為仲會有碟油菜，其實已經合併了，問個職員只係話師傅覺得油飯太油，變咗呢個菜式！我地都唔太爭拗，見個炒飯係新鮮炒出來便算了！但唔通知個客人真係唔要得，我認諗住叫海南雞套餐就是因爲你個油飯及有碟菜食下，點知...再望望餐牌的其他菜式，也出人意表... 有「五香肉丁蒸蛋」及咖哩鮮雞飯，張相係咖哩底而個面就放上幾件白切雞的物體！哈哈.... 真係有創意不過我一定唔會再試！…Read More

二奌半的午歺，奌了午歺干炒牛河，有飲品及歺湯，厨房即叫即炒，等的时候己听到火力大咆獲声，上枱时觉得分量不多，可能採用了較幼身河粉影乡了賣相的关系，但食落好飽，牛肉量普通，值得一讚是獲氣一流，洋葱好香口，但河粉不夠乾身，相信此店小炒会不錯！…Read More

到在黃大仙探朋友，不知不覺到了晚上，同朋友到附近地方別晚飯，朋友小出街吃飯，是旦走入一間飯店吃飯。見到個套餐三餸一湯，才百幾蚊，諗住是旦啦。海南雞：真係雞冇雞味，D肉又鞋又梅。差冲爆牛肉：咸左D，牛肉那到冇肉味。得番D冲好味D雲腿浸時蔬：雲腿變火腿？？？？？上湯同水冇分別，相信除左菜是烚過之外，菇同火腿都係放上去，你話有幾好食。最後同兩個壯兵都食吾到一半，原因你明啦。…Read More

在屋企附近食下午茶，這店我由梅園餐廳食到現在變了新梅園餐廳。叫下午茶星洲炒米，凍檸茶少甜。叫了不用五分鐘上桌。快係快，但味道…真係好難食。米粉炒到好爛好碎，又濕，一D都唔乾身，全碟米粉痴埋一齊甘，而且一D味道都無，米粉無味，肉絲又無味，仲有一陣好似鬆肉粉的味道，我係要再下豉油食的，抹嘴時成張紙巾都係黃色，證明下了好多咖喱粉或黃薑粉。凍檸茶叫了少甜，但沒有少到，仍然好甜。唉，如此質素，我巳經要求不高都接受唔到，真係要比個劣佢。怪不得附近來多客成日要等位，但此店坐位不多，都成日坐不满吧。食客是很聰明的吧，佢地唔好食就真係唔會再去呀。:(…Read More

2011年1月20日 黃大仙 ( 新梅園餐廳 - 1) 這兩天於黃大仙辦事，首天早餐來了這間新梅園餐廳。要了一份早餐，沙嗲牛肉、芝士腸公仔麵，沙嗲味道OK，牛肉偏鹹了，芝士腸麻麻地，麵就偏腍了。飲品是凍奶茶，味道OK的。這裡招牌很新，內部就沒有那樣光鮮了，但價錢亦很相宜。…Read More

$24 tea 乾炒牛河 + 熱飲好抵食下午三點幾去, 打開餐牌下午茶那一頁, 落單時指著要最低既即炒粉麵 --- 乾炒牛河店員問: "要什麼湯?"我們回應: "吓, 上次食都無湯送的"店員點頭話有湯食到中段店員寫單, $24變了$28店員話: "你們要湯, 所以當左快餐既價錢"還堅持話: "我地今日快餐有乾炒牛河的!!!"咁都得?以後都不會再來...…Read More

乾炒牛河 新店裝修後, 令人耳目一新, 光猛企理, 價錢亦大眾化 乾炒牛河等左好耐, 不知是否漏單還是要等埋另一張order一齊炒 份量唔算大碟, 牛肉夠稔但唔多, 醬油重得黎唔會過鹹好正宗既味道!!!…Read More

遲黎既報告由細到大都成日幫襯梅園......食佢地既常餐......有多士、小食、湯、一碟飯同野飲....勝在平、又多野食........仲要係即煮......都係30蚊多d......簡直係超值.........同女友食、介紹朋友黎食都話好點知而家新裝修後，係就靚左好多間鋪....但食物就........首先無左常餐......極度失望.......食佢地個d午餐........楊洲抄飯：好明顯係煮定放響到返熱既......完全同以前無得比.......飯身好濕......應該係個飯煲蒸緊咁既樣.......例湯......超咸......飲左一啖無飲啦食過2次之後，已經決定唔會再黎食…Read More

話說個多月之前, 見到此店新裝修. 同以前相比, 光猛好多~於是有天, 我同男朋友又經過此地, 已經裝修好晒, 而且見d人10個有5個都入去食野, 好似好好味咁~ (要記住環鳳街真食好多選擇, 所以有一半人入去係佔大比數了:))抱著期待的心入去, 不過坐唔夠一分中, 就發覺自己入錯店呢..望望餐牌, 係好多選擇喎. 不過單叫價錢幾級跳, 飲野要加差不多10蚊, 同散叫冇分別.想叫午餐, 誤以為有廿幾個揀, 原來每日只會出三個, 即係話三揀一我三個都唔想食, 不過侍應話我仲可以叫早餐, 咁都好d...是日午餐:- 沙嗲牛肉出前一丁沙嗲牛肉超級多, 不過就唔係話好好食, 熟過頭有d硬.個一丁面都未熟, 係咪有人中意硬硬地有口感呢.. 煎雙蛋冇特別, 唔難食 熱檸水男朋友就叫了豬扒炒烏冬, 加了辣醬好味!豬扒入味, 個烏冬好大碟, 都清晒:)食物質數起區內算數一數二, 不過優惠餐選擇真係太少.其後有一日, 阿媽又話去新梅園午餐, 我唔記得冇餐揀, 又入左去.連小妹都話完全冇選擇, 好想走人. 而我阿媽就好冇所謂, 隨便叫了午餐.我同小妹又點粉面餐.味道係可以的, 不過落單的阿姨態度超級差, 話我地計錯數喎!因為跟餐加錢可以有凍飲or 煎蛋咁, 作為客人既我, 當然要計準d. 嘈左一輪, 個阿姐講下講下知自己衰左, 踇氣講了句sorry...我唔原諒喎!!!!希望呢位阿姨改善下佢既工作態度啦!…Read More