新桃園 (Closed)

食咗差唔多等於無食嘅茶餐三併麵加一杯豆漿，一共$38。睇落唔貴，但豆漿完全無豆味，似飲緊凍水；個碗超大，實際唔計水嘅話，啲料同都夾埋一半都唔知有無；魚皮餃3粒，味道一般，唔突出；鯪魚球3粒，溝咗豬肉，因為後尾食到有咬唔開嘅豬筋，而且肉質鬆散，差過包點先生嘅平價鯪魚球；唯一可取嘅係碟炸魚皮，夠哂鬆化；麵係蛋麵，無鹼水，但份量同麥奀記有得比，所以食完要再去買多兩個包先至勉強夠飽，呢個份量可能啱啲細食嘅女士。仲有，魚皮好快出到，但呢碗麵要等成十分鐘先至出到，或者因為魚皮餃係即淥卦，會唔會有下次？或者會，但機會應該好微。

事隔了一段時間，又再回來這裡.新桃園開業超過二十多年....係區內嘅老字號我第一次食都是仲係學生啊。那時跟老媽子賣餸同她兩人食一碗麵。今天附近買野路過....就來試試與之前有沒有分別。先來的是牛腩河，牛腩的色水十足⋯⋯是煮至完全入味了。牛腩入口鬆化。雖然入味但不黏牙，其牛味依然存在。一口咬下去味道甘香味美。吃完後在口腔中殘留著一點點的柱侯味道d湯底真係好好味....河粉口感滑滑的，好有水準河粉吸收了湯的味道, 令到成碗正晒加八元的蠔油菜心雖然係少左啲既 但菜心幾新鮮，明顯水準進步了...小店雖然細得數張圓枱，但環境乾淨企理。這裏實在可以找回昔童年學生的味道。

五月下旬‧晴只想吃一點東西，附近的雲吞麵店也關了門，唯有來這裡。進門時沒有客人，還以為關門了。只見有不少吃完的碗碟及紙巾在檯上也未執拾的，加上濕滑的地板，感覺奇差。要了碗淨雲吞，闊口碗加五粒雲吞，雲吞內蝦多，但沒有什麼鮮味。其實雲吞內多點豬肉，才好吃。如無必要，不會再來。

$13 或 $10 一碗的雲吞麵就見得多,$13 就有牛腩麵食,得唔得架???隨意的要找個早點吃,三天前見到這招徠,也就試一試.怎知叫的是牛腩米,來的卻是牛筋米!雖然也有兩小塊牛腩在碗內,但不曉得是否下單出錯了.牛筋好吃是當然的囉.牛腩似不錯.不是入口即溶之類,卻是未老但感覺將會步入老的階段,很有咬口呵.也要了杯奶茶.不成.很淡茶味而重奶.今天再要牛腩米.來了牛腩米沒錯.大喜.牛腩好吃,真是懷舊那種的,以前大排檔那種的柱侯牛腩!入味,很Q.而且勁抵呀.早上有好多公公婆婆來幫襯,有點感動的情懷…

學校放lunch ,又想食平野…我覺得呢間唔錯的…我成日都食「肥牛河」^^d牛肉唔會話韌…價錢好平…$11蚊而且黎得快…不過有時可能會漏單…不過我食左呢間的肥牛河有一段時間…發現有時會多d牛肉…有時就會少d牛肉…如果驚少仲可以加底…

都有一段時間沒有經過這裡了, 上星期再來幫襯, 但估唔到仲係咁便宜!今次我選了魚皮餃河和一碟菜芯, 魚皮餃有五隻, 味道唔錯, 但嫌湯底略油膩。 菜芯都唔算少, 抵讚的是蠔油和菜是分開上的, 要點幾多蠔油可視乎個人口味, GOOD 呀!魚皮餃河($11) + 油菜($6) , 這一餐真是經濟又實惠!

我經常都來食米線, 因為這裡的粉、麵和米線都係11元, 好平! 而且算幾好食。我最讚賞這裡的雲吞, 好大粒, 又多蝦, 蝦夠彈牙, 肉唔會太多, 真係唔錯架! 大家如果有經過這裡, 不妨試試, 包你地會話又平又抵食, 夠超值!

下午路過, 第一次到這裡, 叫了一碗牛腩河, 河粉份量唔多, 但煮得幾爽, 牛腩很焾, 味道唔錯, 原來只係$11元, 依家仲有咁平的食店, 真係喜出望外, 以後一定會再來幫襯!但... 有一點一定要提提大家, 這裡的地板很滑, 老人家特別要小心啊! 冷氣唔夠涼, 如可加以改善, 就更好了!

本人居於官塘, 但一直不知道這間食店, 今日因某個原因行過這條街, 見到有$11元一碗麵, 咁抵? 立即入去試試!我叫了一碗雲吞河粉, 嘩~ 有四粒大雲吞, 食落仲好好味喎, 雲吞內有好多蝦, d 蝦仲好爽口, 非常唔錯!!! 真係估唔到依家仲有11元的粉麵供應, 而且質素唔差。之前以為華記是官塘最平的麵家, 原來新桃園才是最平, 值得推介!!