Son Tung Kee Restaurant

開始秋風起想同朋友打邊爐就黎咗見大約200左右都幾抵食咁就行咗入去。手切牛肉：牛肉既色澤都幾紅，洽下洽下就食得，因為新鮮所以食落唔會柴，同埋牛肉味都幾濃，朋友係牛魔王忍唔住要encore，因為係鮮切牛肉😂炸魚皮：就咁食已經好脆，但個人中意浸一陣半軟半硬咁好正，因為索咗湯底娃娃藥：一籃咁上份量十足牛頸脊：呢個平日比較少見，食落都爽爽地，係新既味蕾體驗黑豚肉：肥瘦均半，同埋都好快熟，油脂香十足，相當出色…Read More

前排因為尖沙咀開咗個新商場，所以特登去行下同搵吓尖沙咀有咩好食。見到依間近地鐵站，又就腳，行1分鐘就到，而且位置寬躺。所以入去試吓。見到佢menu好多野叫，肉類，菜，豆品，仲有好多其他。最特別嘅係佢海鮮有分海產同游水海鮮，而且種類都好多。啱晒我呢啲嘗試好多唔同種類嘢食嘅人。其中我哋叫咗魚皮，好香脆口，同朋友都覺得好好食。然後當然叫火鍋必叫嘅牛，佢係好薄切而且脂肪分布得好靚。我哋亦都叫咗個菇，佢一嚟有齊四款唔同種類嘅菇。正！…Read More

秋天的感覺黎啦，約朋友打邊爐一流！(不過識得我既人就知我任何時候都鐘意打邊爐😂)-今次朋友揾左呢間尖沙嘴旺區，地點非常方便的火鍋店，起K11附近，地點好易搵！-頭盤黎一碟象拔蚌刺身先，夠大隻，好鮮味！好少火鍋店有刺身食！-另外特別推介海中蝦，大大隻好新鮮，肉質爽甜。-見到佢啲牛肉掛哂出黎真係令人食指大動！👉店員推介，叫左個金錢展，肉質爽口，充滿油香！個人喜歡唔好煮到咁熟！-下次會再黎！😋😋😋😋…Read More

中秋節都過咗， 天氣開始轉涼，當然要同朋友去 圍爐取暖， 打下邊爐開心一下。 今次揀咗位於尖沙咀嘅新東記火鍋， 以前喺舊店嘅時候已經知道佢好評如潮， 搬咗嚟新店當然要繼續捧場捧場。 新店環境舒適坐得舒服， 唔會背脊貼背脊。呢度嘅火鍋湯底款式選擇多， 由傳統沙嗲湯，到 特色湯底例如冬陰功湯喇沙湯醉雞湯 都有得選擇。今次同friend叫咗好多嘢食， 係咁以講下啦魚皮即叫即炸， 脆卜卜好好食， 浸落湯又係一另一種食法。黑豚肉豬肉味濃唔會淨係得雪藏味。手切牛肉最不得不提的是手切牛肉， 手切牛肉色澤紅潤，一睇就知新鮮， 灼十秒已經夠曬， 肉味濃滑嫩好食。…Read More

話咁快又到秋天，係時候打邊爐，是日同女朋友去咗尖沙咀打邊爐，朋友推介呢間新東記，聽講環境唔錯，啱晒小倆口好好地坐低傾計<芫茜$12>女朋友成日話食打邊爐又要清淡啲咁D，要左D芫茜黎碌下，順便幫個湯調下味本身以為$12份應該細細份，點知嚟到都發現幾大盤下，抵食<牛骨隨$52>咁大知仔都未食過牛骨髓，人一世物一世，今日心情好一於試下好重牛脂味，女朋友好buy，Fatbrown 都系鐘意食肉多d<日本帶子$128>十粒大大粒日本帶子，好新鮮，香甜爽口，鮮味十足，食得出靚野黎<和牛粒$98>食和牛最緊要系咩，就梗係要揀靚嘅雪花啦唔駛多講，睇圖都知呢份和牛粒有幾正粒粒D雪花紋都分佈得勁均衡，油脂多，肉質軟腍鬆化…Read More

最近ot都比較忙，收工之後，就同同事一齊去打邊爐 ,吹吹水一番 揀咗喺尖沙咀度打邊爐 ,因為就腳呢度空間感都比較大，上菜有夠快 先點咗個麻辣湯底 ,再點咗啲丸物，手切牛肉呀，烏冬呀，墨魚滑啦先飲過竹蔗茅根，打底，清清熱先，竹蔗茅根非常之大杯，又夠凍，佢個竹蔗放喺裏面，真材實料，飲落去非常之鮮甜可口另外就係佢嘅湯底，夠曬麻辣啦之後就食個手切牛肉 ,非一般肥牛咁滑，手切牛肉比較有咬口，肉味香濃，配搭麻辣湯底一齊食 ,滋味無窮 ,麻辣湯底當然要佢嘅烏冬，烏冬非常之煙韌，因為係 稻庭烏冬，好香又夠滑，吸收曬所有嘅醬汁，辣得非常之過人墨魚滑 非常之彈牙，裏面仲有蟹子，咬落去脆身得黎又彈牙 ,百感交集…Read More

呢間位於K11側邊的大廈，鍾意打邊爐嘅朋友仔真係要注意，你哋係唔可以錯過呢間正到絕嘅餐廳，邊個話打邊爐一定要食連鎖火鍋店！值得一提佢哋嘅態度真係超級好！食物質素好超級新鮮。今次小編特別香江佢嘅安格斯牛肉粒，海中蝦同埋竹笙！點解？首先佢嘅安格斯牛肉粒真係超級有肉味！唔係講笑！一咬落去d牛肉汁飛晒出嚟！小編身邊嘅朋友都超級驚艷！最後最誇張真係每個人都要爭住食呢個！真係笑鬼死！另外佢嘅海中蝦都好出色！你哋一定有疑問都係點解蝦都要攞出嚟講係咪？！但其實好多火鍋店嘅海中蝦好多都唔係新鮮，所以食落去蝦嘅肉質已經有所唔一樣啦！佢呢個海蝦只可以話肉質鮮甜。竹笙呢個時候食就最啱！打邊爐邊個少得佢，索湯底個功力真係佢話第一無人話第二！食材新鮮，地理位置方便，服務一流邊度搵啊！…Read More

近排天氣涼涼地，又係食火鍋嘅季節。朋友介紹我去尖沙咀新東記，位置超方便，鄰近地鐵站，好容易搵，約朋友都好方便。湯底我揀咗時菜豆腐魚雲湯，健康唔會熱氣，啱曬唔食辣嘅朋友。店員推介我食一個比較特別嘅牛位置，就係爪位。呢個位大肥，烚熟之後仲係好嫩滑，好有牛肉味，非常juicy。醉香雞中翼都係我心頭好，雞中翼超肥美，酒香濃郁，每啖都係濃香嘅酒味，應該浸咗好耐，食到停唔到口，啜埋手指咁制。餐廳環境唔錯，價錢又合理，係一大班朋友食火鍋嘅好地方。…Read More

今天真是吃吃吃的一天。化悲愤为食欲！我也没有特意叫很多食物，两个肉两个菜，就是简简单单的一顿饭哈哈哈哈哈😂先上肉！雪花手切牛肉，一端上来，就口水流了。在火锅里面🍲涮涮，肥瘦适中，肉质细嫩鲜美可口。肥牛其实最讲究肥瘦比例，瘦肉吸味，裹着汤汁，才叫入味芋丝也是火锅的金典搭配南瓜🎃煮过之后，软软甜甜的，不仅仅吸收了汤汁，还有自己的清甜，想念家里面煮的南瓜汤醉香鸡中翼，也是最爱。平时都是烤，今天煮火锅🍲又是另外一种味道…Read More

最近去左呢間喺尖沙咀嘅新東記打邊爐🍲，佢係樓上舖嚟嘅，有私房菜嘅style🏠有幾食物想特別推介，包括手切牛肉🐂，海中蝦🦐同埋雜菌🍄手切牛肉 🐂- 見到師傅即刻切出嚟架👨🏻‍🍳，夠哂新鮮，牛肉冇根，又重牛味，打邊爐食一流👍🏻👍🏻海中蝦 🦐- 海中蝦都幾大隻，有生猛，見佢d腳仔仲喺度郁🙈，食落好爽口😋雜菌 🍄- 有選擇困難嘅我，揀雜菌就啱晒我喇，咩菇都有d，咁就可以試多幾款啦🤗…Read More

在不容易的一年美好地完成了上半年，揀選間餐廳好好款待一下自己。由於下午有會議在尖沙咀及夜晚要趕回大陸，所以特意在尖沙咀區揀餐廳晚飯。要迎合有刺身、有包房、有邊爐、有冷氣及呼吸暢順，最後揀左呢家，臨去前兩小時預定了包房。地點並不難找，就在k11側邊的大廈。餐廳不算很大，有幾間包房，環境不錯，洗水間四正夠多位，房間有獨立冷氣對打邊爐好重要。枱面有三個電磁爐，但今次只叫了一個鍋，所以放側左去另一邊，有d不利食野。刺身比較失望的是竟然什麼都沒有（才七點），只有象拔蚌，所以只有點佢了，夠大隻鮮甜很是不錯👍。牛肉出色八秒上水，有牛味冇雪味，切得薄又有質感的丁微厚度。食材都新鮮，最後七人加酒水4千幾落樓，不錯。…Read More

之前都有去新东记打边，呢间火锅店d牛肉一向好有质素，全部比本地牛，食得出牛肉买手在行内有一定地位。但除牛肉外其它嘢真系一般。汤底叫左番茄拼到胡炖猪肚.汤没味没睇头，非常一般本地牛，真心讲，好食有咬口，同安格斯完全两回事。鱼滑，算合格猪肠，车仔面货色云吞 普通货鱼片都好新鲜丸，完全吾掂啦! 超市货整体來说，環境幾好，牛肉正，其它嘢可以做好一点，不過以前有個大平台户外位，仲可以吸下新鲜空氣，但而家就沒有了。…Read More

搵咗間响尖沙咀K11對面上樓嘅新東記同朋友打邊爐，餐廳近地鐵站但竟然唔多人，清清淨淨同朋友敘舊。我哋叫咗加拿大肥蠔、三式丸、千層凍豆腐、皇帝菜同肥牛😋加拿大蠔鮮嫩肥美，三式丸彈牙可口，千層凍豆腐軟綿綿吸收晒胡椒豬肚湯湯底味，正👍🏻 個湯底仲可以揾到豬肚食㗎，而皇帝菜🥬🥬🥬新鮮，但唔算特別。打邊爐當然唔少得鮮嫩肥牛肉，我哋揀咗中肥同腍👍🏻牛肉味濃厚，滿足晒我哋班食肉獸😋👍🏻今晚餐廳唔太多客，d侍應招呼周到，加湯加茶唔使叫就靜靜地安排，絕對唔會打擾到我哋傾計，輕輕鬆鬆又一晚😊…Read More

嚴嚴寒冬，有什麼活動比打邊爐更好呢，今晚去了尖沙咀K11旁的新東記火鍋店打邊爐。由於人多，所以點了兩個湯底，一個是芫茜湯底，另一個是蕃茄湯底，兩個都是清甜為主。要講這裡的特色，可說是它的手切牛，一般火鍋最多只是提供不同位置供食客選擇，但新東記更特別的是有肥瘦的選擇，全肥、半肥、全瘦任君選擇，適合對肥瘦有不同要求的人士，質素方面，這裡的手切牛新鮮，牛味濃，口感十足，具咬口。不過，價錢方面就有點偏貴，人均要四百元。…Read More

爺爺話廿幾年冇出過尖沙咀，所以今晚約佢出黎打邊爐！間野地鐵站一出行幾步就到，幾方便。點完野食後就推左架醬料車過黎，我幾欣賞呢個設計，一目了然又夠哂多選擇👍🏻湯底揀左我平時好鐘意飲嘅蕃茄薯仔湯($65)，個湯底會愈滾愈濃郁，正！肥牛粒($98)食落頗有牛味，而且幾稔，雖然比較多筋，但質素算不錯。紐西蘭羊肩肉($58)呢個性價比極高！必點！羊肩位脂肪比例不算高，但淥完食落仲幾稔，感覺比肥牛更健康。而且有陣羊味，但唔算so，羊肉迷值得一試喔！鯇魚片 ($50)還算新鮮，而且份量都幾多。切得薄薄地，滾一滾就食得，岩哂我地心急人士。千層凍豆腐($33)口感幾特別，好似海棉咁索哂啲湯嘅精華，建議滾到中後段等個湯底濃郁啲時先落，好味！自家製唧唧魚麵 ($50)有得玩下嘅唧唧魚麵😂爺爺唧得好開心有淡淡嘅魚味，食落都幾彈牙！覺得呢度坐得幾舒服，食物質素唔錯而且價錢喺尖沙咀區黎講幾抵食👍🏻有機會再黎！…Read More