Sun Sun Restaurant

咸水角很香脆，內咸是肉碎及Q軟的糯米糍感覺。咸肉粽很軟糯好味，沾上砂糖，味道方面唔錯。叉燒腸粉偏厚皮，整體味道唔錯。燒賣豬肉較多，足料美味。麵豉蒸魚頭好惹味好食。粉果好大個，非常之足料。馬拉糕好香好彈牙好正。麻蓉包個個圓轆轆的，咸料好足，好香。…Read More

餐廳位於佐敦，鄰近地鐵站路程，只需要5分鐘左右，方便又快捷，這間酒家主打的就是中式料理。而當中我最喜愛的就是他們的懷舊菜式。杏汁燉白肺，豬肺清洗乾淨，沒有遺漏半點雜質，已經10分出色，湯呈現奶白色，入口但點杏仁味。蝦多士，香脆可口，入口不油膩，傳統味道，不錯。金錢雞，老舊的食品，古早的味道。現在已經食難找到這樣出色的懷舊菜。燒鵝，外皮香脆，內裡肉汁豐富。上湯加拿大龍蝦伊麵底，芝士焗，芝味濃郁，龍蝦肉彈牙爽口，新鮮是也。…Read More

早前約咗幾個朋友去佐敦新新酒家食飯，見到有個四人用美國龍蝦餐，$868，性價比幾高，所以就試咗一次。先上枱係即日靚湯，今次係佛手瓜紅蘿蔔湯，湯底清甜，料又足，飲落去有蔬菜同肉香，啱晒打底暖胃。重頭戲就係龍口絲蒸開邊美國龍蝦（二隻），一上枱已經好搶眼，龍蝦肉彈牙，蒸得啱啱好，下面啲粉絲吸曬啲鮮味精華，每人分到一邊龍蝦，食得過癮。蜜味欖角骨味道都唔錯，排骨微脆，帶少少欖角嘅鹹香，再加蜜味，鹹甜夾雜，幾開胃。招牌燒鵝拼香妃雞，燒鵝皮脆肉嫩，帶啲鵝油香；香妃雞啲雞肉滑溜，雞皮薄薄的鮮茄魚腐浸時蔬魚腐滑溜，配埋鮮茄湯底，味道清新，啲蔬菜都唔會煮到腍晒。西蘭花炒玉帶蝦球，蝦球大粒彈牙，帶鮮甜味，帶子都幾厚身，炒得啱火喉，配埋西蘭花，整體味道清爽唔膩。…Read More

先講結論：食物質素差，服務幾好用餐日期7月10號，一行六人叫咗頭盤萵筍海蜇，除咗酸之外乜味都冇，冇任何蒜蓉提香，好似連糖都冇落咁，完全吊唔起個味，一味得醋味乳豬加蒸魚set , 乳豬冇味，仲要隱隱有少少雪味，應該醃吓隻豬已經冚過咗，偏偏好似冇醃過；條魚係唯二合格，蒸魚時間啱啱好，但個豉油一味死鹹，又係冇煮過冇教過味蝦多士，味道冇大問題，但舊多士索晒油龍蝦伊麵，龍蝦過熟（呢點尚可忍受），個伊麵底細到無倫，好似街市買嘅細伊麵咁；味道同其他幾味餸一樣，味道寡到不得了，喺屋企自己煮，開個罐頭湯嚟煨都好得多羅漢齋，又係冇味，啲配料本身都預咗係罐頭貨，例如蘑菇嗰啲；但冇味嘅罐頭貨，真係食到嘴都歪杏汁白肺湯，冇乜好彈，另一合格本身冇黎過，慕名而來，失望而去；自己跌錢事小，最唔開心係一間咁老招牌嘅舖頭做到咁希望新新嚟緊加油，否則好難唔俾人淘汰…Read More

糙米腸裏面有肉鬆白蘿蔔同埋米網，口感好豐富。奶黃包一個個圓滾滾的，裡面是熱辣辣的奶黃餡料。豬腸粉弄得比較原汁原味，加埋甜醬麻醬豉油，有種懷舊的感覺。馬拉糕很鬆化，味道很好。叉燒腸弄得很正宗。上海抄年糕有肉絲、洋蔥及雜菜等等配料，味道方面非常之唔錯。叉燒酥有種金寶湯的味道，酥皮充滿着牛油香味。炒手有甜豉油帶起了餃子的味道，整體味道幾好。最後係薄撐煎得很香脆很薄，感覺非常之美味。…Read More

早排同屋企人去咗佐敦新新酒家食佢哋嘅美國龍蝦餐，四個人$868。成間舖都係傳統中菜館feel，主打懷舊中菜，啲侍應都幾友善，服務都唔錯。龍口絲蒸開邊美國龍蝦有兩隻開邊，啲龍蝦肉都幾新鮮彈牙。加咗蒜茸粉絲一齊蒸，好惹味，粉絲索左龍蝦鮮味好好食。即日燉靚湯我哋嗰日飲到嘅係佛手瓜紅蘿蔔湯，啲料幾足，飲落清甜，唔會太油，啱晒一家人飲。蜜味欖角骨啖啖肉，肉質都幾入味，有啲微微欖角嘅鹹香，仲有蜜味，但唔會過甜，配飯都幾夾。招牌燒鵝拼香妃雞都唔錯，燒鵝皮脆，肉都唔算柴，雞肉幾滑，兩款都係穩陣之選。配啲梅子醬或者薑蔥油，更加惹味。鮮茄魚腐浸時蔬成碟菜份量唔少，魚腐滑滑地，配埋鮮茄湯底，味道清甜，幾開胃。西蘭花炒玉帶蝦球玉帶（帶子）同蝦球都幾新鮮，炒得啱啱好，唔會太油膩，西蘭花都爽口，食完唔會覺得滯。…Read More

舊同事安排在呢間酒樓飯聚，忘記了有幾多年無嚟過呢個商場，外貌依舊，比預期人流旺。 訂了一間好好景觀嘅包房，位女侍應非常落力招待。 朋友預先點好一席菜式，出品有擺盤，味道中上水準、無失拖。 埋單位位五百，算抵食。…Read More

每個月都會搵下不同餐廳酒樓方便同朋友每月聚會生日會，咁岩同朋友食過午餐都唔差就試下晚餐。賣相唔差，但燒豬就似係拼豬片，一定唔係原來嘅燒豬。整體方面都唔差，可以同朋友一圍迫少少一枱傾偈。聚會慶祝生日。…Read More

幾年前，間中都會到新新酒樓食晚飯，但食物質素已下降，幾年已經沒去到訪，今晚本來想到倫敦廣場某間中式食肆，但由於滿座，退而求其次，再試吓新新酒樓水準如何，但結果很失望，餐牌上見到石斑魚賣$398，寫明一斤三重量，但當條魚攞到埋桌上，基本上10兩都唔知有冇！這樣貨不對辦，有欺騙成份，本想去消費者委員會投訴，由於時間關係，先在此公布天下，可以唔使再去，香港啲食肆點解每況愈下呢？唔可以怪港人北上消費，我亦以後唔會再去。😡😡😡😡😡…Read More

經常聽到電視廣告的一句“金錢雞唔係雞”, 留下極深印象, 這次就來品嚐✌️金錢雞 $76 兩件原來金錢雞是一道極具懷舊風味的粵式燒味小吃, 雖然名字裡有「雞」, 但原來沒有雞肉.  首先, 一上桌已焦香四溢, 金錢雞分為三層, 底面分别為一肥一瘦的豬肉, 夾著中層的雞肝, 面層的瘦肉烤得外脆內嫩, 雞肝醇厚滋味, 底層的肥肉晶瑩剔透, 入口即化, 細看下三層中央部分均有個小孔, 原來製法是將三層串起來用叉燒汁醃製及燒烤而成.  整體口感豐富, 帶有獨特的油香甘甜, 令人回味無窮, 完全展現了廚師的心思和傳統手藝, 這種手工菜如今已不多見, 能吃到正宗的金錢雞, 絕對是一種懷舊又珍貴的體驗翻查資料, 原來其名字就是取其外形, 串好的材料圓圓一片, 像古代銅錢, 加上「雞」字象徵吉祥與富貴, 因此得名「金錢雞」啫啫滑雞煲 $118用砂鍋炆煮滑雞, 伴以香濃醬汁, 瞬間熱氣蒸騰, 攪拌時更散發出誘人的焦香味雞肉嫩滑入味, 搭配洋蔥、乾蔥等增添層次, 每一口都是濃郁的風味享受老火湯 $74兩盅黃瓜, 瘦肉, 紅蘿蔔等食材的精華完全釋放, 味道清甜, 瘦肉很入味, 質感嫩滑金銀蛋莧菜 $108莧菜口感柔滑, 加上皮蛋、鹹蛋的調和, 使湯底變得鮮美, 蛋香濃郁紅豆紫米露 免費贈送吃到尾聲時, 侍應跟我們說有糖水, 原來是紅豆紫米露, 完全是一大驚喜.紅豆紫米露口感層次豐富, 香濃軟糯, 紅豆煮至綿密但不碎爛, 紫米則保留微微嚼勁, 甜度適中.  這道甜品不僅是味蕾的享受, 更是一碗窩心的溫暖回憶這裡是一間充滿懷舊風味的粵菜酒樓, 以傳統粵菜聞名, 特別是幾款經典代表, 服務又周到.  之前沒留意原來古法焗魚腸要提早一日預訂, 所以這次沒機會品嚐, 下次一定要再來~…Read More

新新酒樓於佐敦已有多年歷史，提供各款懷舊小菜，環境亦好啱一大班人前來同良朋聚聚，氣氛頗熱鬧。✿ 蝦多士 食中菜好中意食蝦多士，有就一定會叫，炸得香脆可口，蝦肉亦結實🦐✿ 金錢雞金錢雞吾系雞😂系將肥肉 雞肝 瘦肉組合埋一齊，肥肉同瘦肉肉質調和剛好，雞肝又吾會話好腥。✿ 蜜汁叉燒去得食中菜最想食叉燒，尤其中意半肥瘦，肉質結實中帶軟稔🐷✿ 瑤柱蛋白炒飯炒飯粒粒分明，滲出陣陣瑤柱香氣，蛋白蛋香味道濃郁🥚✿ 甜品去酒樓食野點少得飯後糖水，呢間酒樓有紅豆沙🫘吾似出面戈啲紅豆沙咁稀，材料頗多，亦吾會話死甜。…Read More

跟老友吃了一頓懷舊中餐。蝦多士蝦漿彈牙，搭配香脆的多士，每一口都是絕妙的融合。古法焗魚腸魚腸處理得恰到好處，濃郁鮮香，烘焙後外層微脆，內裡滑嫩，令人驚喜。杏汁燉白肺杏仁香味溫潤順滑，白肺燉至軟糯，入口即化，湯底更帶有一絲甘甜，令人感受到粵菜的細膩之處。金錢雞雞肝與肥瘦相間的肉片經過醃製與燒烤，散發出濃郁的焦香與肉香，相得益彰。梅菜扣肉肉質軟爛入味，梅菜的甘香與五花肉的油香交織在一起，醬汁濃郁。忌廉汁真菌蝦球伊麵蝦球鮮嫩，菌類提鮮，而忌廉汁則讓伊麵更添滑順口感。…Read More

服務超級好充滿人情味😭🫶🏻店員主動幫我洗餐具問我冷氣凍唔凍，幫我較細啲臨走仲提我出面落好大雨記得拎遮，好溫馨!!多款傳統菜式😍焗魚腸、金錢雞、蝦多士工序繁複，越嚟越少見既手工菜要好好珍惜!!✨懷舊金錢雞 冰肉（肥豬肉）、瘦肉、雞肝三重截然不同既層次口感～豬肉似叉燒，帶點蜜糖香甜雞肝柔軟口感，味道濃厚✨西湖牛肉羹 每一口都食到蛋絲、豆腐同肉碎兼有淡淡蔥香湯羹唔係走濃稠路線，味道較輕盈呢個價錢冇咩挑剔了🙈✨清蒸沙巴龍躉仔 肥美，啖啖肉，魚肉滑嫩靈魂係蒸魚豉油🤤✨桂花炒魚肚 雞蛋變成粒粒分明既桂花🍳蛋香十足，加埋芽菜口感豐富…Read More

噚晚同屋企人去食飯，食咗一肚氣落肚，啲舊人走晒，請埋晒啲大陸蕃薯落黎行行企企，叠到成枱碟都唔識幫我地換碟，最激氣係踢一踢先郁一郁，我老婆見到有條蕃薯埋黎執枱，就好心諗住執起佢同我阿媽嗰啲碗碟先，結果條蕃薯就淨係執走佢兩個既碗碟然後走咗去，做一半唔做一半，另外就係啲餸菜唔摧都唔上既，食完一碟要摧先至拎另一碟上黎，到上翅時條蕃薯係逐隻碗拎上手嚟「畢」，邊有人會係好似佢咁「畢」翅架，隻手都唔知掂過乜而且又「畢」得慢，我阿媽忍唔住開聲叫佢放低係枱面分，條蕃薯仲要駁咀話隻手掂唔到碗邊，成餐生日飯就俾呢班蕃薯搞彎晒，到埋單時真係好想同個著黑衫嗰條女講，呢一餐飯有一半係勞氣，另一半係幫佢地教新人，應該免單仲要俾返教學費我地啦，所以話飲食業寒冬係佢地自己攞黎賤…Read More

今日去咗間已經開咗八年嘅日子、這間《新新酒樓》位於佐敦道莊士倫敦廣場樓上舖、聽到朋友講過前新係新樂酒樓開咗五十年半個世紀😲、現到這間食物都好有水準☺️整間店面色澤懷舊感覺🤔又帶點時尚感、尤其是都有兩個包房、周邊圍繞大玻璃作牆夠哂開揚、望見四周圍繞景觀😯、係到嘆吓午茶、夜晚食晚飯同埋家人、大班朋友慶祝相當唔錯之選☺️！*都有多款優惠餐都幾抵食*晚飯精選孖寶 $268晚爐燒鵝王呢一款晚爐燒鵝王係店家招牌之ー、整款燒鵝望見賣相睇得吓🤤、色香味都有入口油潤口感、皮脆肉嫩味道都唔錯😋！金銀蒜粉絲蒸元貝四隻呢一碟蒸元貝望見都幾好🤔色澤一般、送到上枱散發香噴噴😚、上面放滿粉絲同蒜粒滿滿汁液、食到入口粉絲沾滿汁液啖啖蒜香味😋、元貝入哂味味道口感鮮味！福建炒飯 $148呢一款福建炒飯係福建地道名菜之一🤔、整碟色彩繽紛增添食慾🤭、配料都好豐富有蝦仁、冬菇、雞肉、瘦肉、菜度、紅蘿蔔等、食到入口啖啖口感豐富😚、帶點濕潤味道美味😋、我覺得都唔錯幾好食！…Read More