新宏利粥麵

Open Now

Now Closed

坦白講，生滾粥以及腸粉食物質素真係不錯，本身想再嚟，但有個短髮女侍應，長期企喺收銀位置，服務態度真係極之惡劣，我見到佢只係對一啲熟客以及自己員工講嘢先正常，而對我哋講嘢已經不是粗聲粗氣，而是不論落單以及埋單的時候，都以極之不想回應的態度，我們落單已經沒有任何要求，只是叫食物，沒有任何改動，而埋單的時候，只是詢問總數價錢多少，這個侍應都以極之惡劣的態度回應！這店舖整體其實都不錯，其他員工都沒有問題，只是當日收銀的這位短髮女侍應，不知為何我們好像得罪佢，以我們作出氣袋，令到這次用餐極之不愉快

星期日朝早純粹路過（幫襯之前無睇過食評）就入去食嘢，睇完餐牌點咗：1️⃣ 魚腩生菜粥2️⃣ 粟米、生菜、雞蛋腸粉 👍🏻3️⃣ 凍豆漿（因為無熱嘅）一食之下發覺真係唔錯，特別係個腸粉，完全食到食物嘅鮮味，而個粥也沒有味精，豆漿也不會太甜。全餐完全合乎食物金字塔（健康飲食）嘅要求：碳水化合物、蛋白質、蔬菜類，少監、少油、少糖。認真值得再嚟。至於服務，我個人的體會不錯。但當天確實聽到有收銀跟食客吵嘴，相信真的有進步空間。

我們於15/5（四）約早上8:30到達餐廳，人流不算好多，但每一張枱都有1個食客。只有一位女侍應，負責樓面，執嘢，找錢。我們叫了3樣食物，1款飲品。❶芫茜牛肉腸粉（$25）：芫茜好多，但芫茜🌿味不濃，唔多覺，牛肉味也不濃🫠❷瑤柱粟米腸粉（$28）：粟米🌽好多，瑤柱同腸粉一齊食，煙煙韌韌❸凍豆漿（樽）（$12）：杯裝$8，樽就$12，500ml，不太甜❹炸兩（$18）：12嚿左右，腸粉皮略硬，好快凍左🫠PS我哋叫咗幾次「唔該」都冇人理，女侍應之後話等陣又唔記得咗😓同埋佢不斷咳，好彩帶咗口罩😷後來冇咁多人，就有男侍應出嚟幫手食物平平無奇，普普通通，價錢一般

嘢食唔算平，樣樣都係得個鹹字，又冇芝麻，粥點又冇花生及蔥花。艇仔粥@$23：料唔算多，粥底都幾鹹。炒麵@$14：麵身唔軟熟，麵條有硬掘掘嘅感覺，味道又係超鹹。炸兩@$18：油炸鬼唔脆,皮就夠薄，但係味道又係得個鹹字。總括嚟講：樣樣都係個鹹字，無嚟味道

入去食野，收銀阿嬸同阿姐一人指一個位，我見前面有人頂住廢時撞到，諗住佢過左去我先行，點知收銀阿嬸就指左排我後面個個去坐，結果我得返路中心個位. 坐低睇有咩食，阿姐係後面經過一次就批我一次背脊，落完單隔離有位，咪坐過去，比返條路你囉，同阿姐講左聲調左位，收銀阿嬸就話足我全程，又口噏噏又唉聲嘆氣，全餐飯都比說話我聽. 入座個陣你比後面個個入先，以為你個人咁冇原則啦，唔調得位你咪講聲囉，呢啲位又懶有原則.

熱辣辣好抵食之砂鍋粥有次夜晚路過見到貼係玻璃既餐牌，價錢好平咁又見到都多人食所以放假就搵埋老公一齊去試試簡單叫左幾款share豬膶肉片粥上枱時仲滾住架！粥底好棉又夠薑味！豬膶好大片成日有迷思：到底雙拼係餸量double定只係種類多，但實際份量不變呢？ ʕ •ᴥ•ʔ豬膶愛好者表示不夠喉炒麵不過不失～正常份量略少油條都係正常 有少少過火 偏黑如果油條可以做到暖暖地就好啦貪心要求🤪齋腸見到好多枱都叫腸粉，我地又叫下，好滑好食，加滿牆仲正整體：粥味道唔錯 好食，價錢都好抵，值得試

好早呀，但係原來佢哋七點鐘已經開舖。環境都算唔錯，大光燈 ，都算乾乾淨淨，原來好多嘢食，有粥、奶茶、 腸粉 etc. 叫咗一碗生滾黃鱔田雞粥 ，真係睇住佢即刻做嘅，因為玻璃幕門睇住師傅做生滾； 另外一條炸麵。都算唔錯真係好熱辣辣， 黃蒜彈牙，田雞原來都經醃過， 食得出有酒味， 而且份量都算唔錯都好多舊。 ( 可以參閱我拍攝嘅相片，不過部分食材已經沉咗入粥底)。加面油炸鬼就冇乜特別驚人，因為都凍咗，但係浸喺粥裏面食，都一番滋味。