Mei Mei Noodle (Closed)

晌柴灣發現呢間優質車仔麵店，已經第四次幫襯，無一次失望。 今次我揀左魚腐、冬菇、菜肉餃，粗麵，雲腿上湯，大麻辣。冬菇普通，但魚腐同菜肉餃都好食。麻辣醬都好香，唔係死辣。 同行人士因為懶得揀，叫個車仔大雜撈公仔麵，十幾款餸，每樣一舊，好豐富。 唯一要彈嘅就係油菜份量超級細，散叫非常唔抵。 如果覺得花多眼亂，不妨選擇有手指公o個D，真係唔錯，尤其推介鵪鶉蛋！…Read More

揀左自家手打魚腐、鵪鶉蛋、魷魚三樣都OK，魚腐有些蔥 幾香，個口感都唔錯 好味過譚仔果隻鵪鶉蛋係滷水既，唔會太鹹魷魚剪到都幾細條 易食 唔會好易整到D湯周圍係 幾細心餸個量都OK 岩岩好個湯就揀左腩汁、沙爹小辣、冇要麻辣醬但對我黎講都太辣啦~要叫多罐下次叫小小辣附送既自家制酸菜好味阿~我平時都唔食酸菜，幾好入口麵就揀左幼麵 對女仔黎講都較多…Read More

腩肉、豬耳、大腸等都滷入味到透晒，而且大腸內脂肪已被割淨。滷水咸甜剛好，隱隱帶出香料味。調方似乎係獨創，係第二度未食過相同嘅味道。車仔麵黎講食過最好食嘅滷水係呢間。…Read More

平時行過呢段路去答巴士都見好多小食檔，每次經過呢間車仔麵檔見到Ｄ食物係咁放係度對住車來車往既馬路真係好唔衛生，所以唔會幫趁，但呢排行過見到Ｄ食物有蓋蓋住喎，心唸做咩突然咁有良心既，不過都無去研究無去幫趁，因為對車仔麵興趣唔大。呢日放學好肚餓，好想食野，咁就特登行過去兜個圈睇下有咩岩食，心唸都係無咩岩架啦，只係行下就算，返屋企食塊餅巴啦。經過呢間車仔麵，見到有個後生仔係度煮野，Ｅ？以前不嬲都係個亞嬏係度做，而家係後生仔，再望入去，又有一個後生仔係度整緊野，重係靚仔黍呀 噢！原來換左佬細，我一向都支持後生仔做生意既，因為佢地肯去做好過果Ｄ爭係識去打機自閉果種，所以平時經過任何鋪見到後生仔我就唔多唔少都會幫趁下作為支持。炸餃子我食過唔少，呢個真係超正，外皮唔係脆，係鬆脆呀~~~ 直到而家果種鬆脆重我我個腦度呀！ 入面有D肉同九菜，超正！我本來想要咖哩魷魚，但無貨，個靚仔介紹我炸蝦卷 ( 好似係呢個名 )，但普通味，再有得揀一定唔會揀呢個，我要既係少辣湯底，但對我來講係勁辣囉，食第一啖，辣到食唔落，唯有倒大部份湯，換上清水，但都食到成頭大汗，不過溝淡左既湯味乃然好好味喎 ，我食車仔麵一定揀油麵，因為覺得油麵係車仔麵既代表，而且好味過其他麵。值得推薦呀～～～～～:)…Read More

柴灣食車仔麵既選擇其實唔多，入夜之後就更加少，有時經過見到呢間都幾多人買就試下啦～由於鋪頭細到根本擺唔到坐位，堂食既話就要坐街邊，所以多數人所係買外賣既～一望餐牌見到選擇都幾多下，不過出前一丁要加＄４好似貴左少少‧‧‧通常小弟食車仔麵都離不開幾樣野：腸仔、紅腸、牛丸～腸仔、紅腸同出前一丁都係正常水準，牛丸就唔夠彈牙，軟淋淋咁‧‧‧不過要讚既係個腩汁味道出奇好，非常入味～＄２８食碗車仔麵雖然偏貴，不過一試無妨～…Read More