新南苑大排檔

Open Now

Now Closed

今天去家訪朋友，朋友介紹了在網上外賣平台註冊有優惠，所以我們就決定叫外送晚餐，看過食評，選擇了在新南苑大排檔叫外賣送餐，送餐在預定時間（1小時內）送到，我們總共叫了三個小菜：鵝片大併盤$188（原價）可能是外賣，質量一定沒有在大排檔內吃的好，鵝片感覺很乾很薄，分量也不是很多。😕但是我們下單是鵝片大併盤並非只是滷水鵝片，但送來的只有鵝片，下面用豆腐托住營造大份量的感覺，但怎看也並非併盤呀，如果這個是鵝片大併盤收$188，那麼價錢就相當貴了。😱朋友之前是吃過外送鵝片大併盤，是有其它鹵味如墨魚香腸等，我們馬上拍照向網上外賣平台報告並索償，翌日收到通知，說大排檔回覆表達並沒有送錯，所以沒有得到賠償，這個等於我多付出幾十元。有圖有真相。咸菜豬肚浸大蜆$148（原價）這盤味道不錯，但不是大蜆只是普通蜆而且部分有沙。京都肉排$138（原價）每塊都很大且略厚，沒有切開，咬落感覺鞋口，反而配菜洋蔥味道很好。外賣送餐其實已經在味道和質量上打咗折扣，如果送來的東西都不是你order的就更加令人失望，況且取回多付的金錢是應該的，也不能算是補償。幸好有折扣否則……😞

平時都會來新南苑大排檔，環境一般，不過選擇多，除左小菜，潮州打冷都有。今次食砵酒焗生蠔：用上加拿大蠔🦪有手掌甘大，生蠔外脆香口，啖啖肉好滿足😊彩瓜煮蜆：裡面有絲瓜，蜆，魷魚🦑豬皮，牛柏葉。一大盤好豐富，味道全靠湯底有算吾錯。芫茜🐟魚片湯：魚片很多而且大塊，仲有皮蛋，豆腐，係清熱好選擇。這裡之前食過好幾次，還有其他特別菜式選擇，如冰鎮芥蘭都幾特別😋味道吾錯而且大碟。因為係街市，如果不是太著重環境和不怕熱都可以試下！

最近涼涼地約咗成班同事去牛頭角熟食中心街市大排檔食嘢。當日我哋未夠七點已經去到，但係都需要等十分鐘左右位。咁我哋就叫咗豉油王鵝腸，羊腩煲，椒鹽鮮魷脆皮炸豬手，炸大粒蝦丸等等。咁最近天氣涼兩地最好就梗係整個羊腩煲食下先啦，羊腩煲冇分size嘅，羊腩肉同腐竹都不少，仲附送生菜一碟，羊腩炆得非常軟熟，仲好入味，生菜配埋煲中既汁黎食更加係一絕。脆皮炸豬手個皮真係好脆口，但肉就少左d,好我地人唔多都夠食，而椒鹽鮮魷就無咩特別，同出邊既差唔多，炸大粒蝦丸一炸起上枱時第一啖驚為天人，既彈口又有蝦味，而我最喜歡既都係豉油王鵝腸，鵝腸唔會煮到過熟又味美，但份量就少d，但最好味既竟然係下低既銀芽，吸曬成碟野既味道。其實黎大排檔食嘢最緊要去食個風味同埋你同邊個黎食，大大啖飲下野，大大聲傾下計咁就一晚，開心至極，最後埋單大概人均消費百零蚊，既實惠又好味！

朋友準備結婚派帖，但出面環境惡劣，德福同淘大商場都早關門，邊度都冇得去，於是近近地喺朋友返工嘅地方求其搵一間餐廳就去食。由於附近得譚仔同街市，於是我哋就上咗去街市市政大廈。上面環境都幾大，有好多張大約20-30張圓台，每一台嘅人塊面都係紅卜卜，一睇就知可以飲啤酒，但由於我哋個個都第二朝要返早，於是沒有飲。五個人，有男有女，叫咗四個餸，埋單$405，都幾抵。每個餸都大大碟，味道又唔差，不過都有改善地方。而且侍應都非常友善有禮貌，亦願意幫忙，食得幾開心。見到其他人都會食火鍋，都幾吸引，這個地方環境適合一大班人吹水閑聊。

同事放工話要去食飯，帶左我去係牛頭角街市上面既風味小炒大排檔叫左4樣野食：涼瓜排骨煲 - 夠晒獲氣，份量足黑椒牛柳粒 - 如果可以轉做薯仔黑椒牛柳粒配仲好食啲，而家因為其他嗰啲配菜我麻麻地， 不過牛柳係好食嘅椒鹽鮮魷 - 略嫌粉太厚，魷魚未夠新鮮，不過幾十蚊咁有鑊氣都冇咩要求啦蜜香一條骨 - 係好食嘅，但蜜糖味太濃，我朋友唔鍾意食甜野，所以我包晒底😂 下次再嚟試吓其他小菜睇吓係咪一樣平靚正

我地呢餐飯一行7人，點了8道菜。味道真系正宗大牌檔風味。-食店位於街市內，所以環境都嘈雜但睇出新南苑都幾受街坊歡迎，座位很不少但都坐滿左好多人。雖然系街市內但冷氣都好足夠，坐落都吾覺熱或者焗。-食物方面我地點左粉絲娃娃菜、招牌骨、沙嗲粉絲中蝦煲、避風塘茄子、炒蜆、炒通菜，桶肉等😋， 人數多所以都有機會品嚐到多啲菜。每樣都好岩配飯，尤其系個沙嗲粉絲煲。食店上菜速度都好快而且系即叫即整所以熱度足夠🤡

夜晚11點幾想食打冷，好多地方都關門大吉，同老公去左牛頭角街市醫肚。因為宴去既關係，想食既蠔餅同豬紅都賣哂，不過個度都有好多其他選擇，最後叫左豉油皇鵝腸，豉椒炒蜆，煱貼小棠菜。味道方面，鵝腸非常好食脆口有油香，點少少醋，味道一絕（可以一試）煱貼小棠菜都唔錯，略嫌菜既份量較少，但香脆而不油膩。豉椒炒蜆就唔新鮮，雖然蜆肉夠大但無哂彈性，而且有3份1既蜆無開蓋。食飽後，就轉場準備再戰糖水。呵呵（說好的減肥呢）

好耐冇食大排檔la! 今晚就約左兩個fd 黎新南苑試下， 7 點3 左右黎到已經冇左3 分2 座位， 坐底之後緊係睇下食乜東東 , 因為已經勁肚餓 , 我地叫左個白灼田螺， 豆豉凌魚油麥菜， 咸魚雞粒豆腐煲同埋椒鹽鮮魷！田螺味道因為白灼， 可以食到原味， 幾鮮甜配埋豉油芥末真係幾夾， 唔錯！豆豉凌魚油麥菜， 難食既或然率低， 菜唔會炒得太過火， 係火氣欠缺左d咸魚雞粒豆腐煲， 呢個份量ok, 唔會太多豆腐， 但味道就比較淡， 咸魚香亦欠缺， 所以一般！最後到我最愛既椒鹽鮮魷， 賣相唔差， 份量都ok, 但竟然欠缺椒鹽既味道， 佢只係鮮魷加脆槳去炸， 兩者味道都好似冇調味咁淡， 靠灑係面的椒鹽提高少少味道， 有d 失望， 整體黎講可以試其他野。

在友人介紹下和男友來到牛頭角街市的熟食中心，因當天是平日，客人不算多，座位尚算寬敞。到熟食中心內的餐廳從來不期望有很好的衛生，但基本上枱面及座位也是乾淨的。職員也很細心地給我們紙皮箱的蓋子擺放隨身物品。 新南苑脆皮炸豬手豬皮炸得非常香脆，肉質也很嫩滑，且份量很多，比較適合多人share。鵝片大拼盤滷水味道十足但不會過咸，份量也平一般餐廳多，但鵝片肉質較鞋。椒絲腐乳炒生菜因為當天沒有通菜所以轉了生菜，腐乳份量很多，但菜可能煮得太耐較為淋身不爽口。因新南苑每碟菜的份量比較多，二人吃或會比較吃力，較適合多人聚會。

二月中下旬星期一，夜宵時段。寫劣評的次數屈指可數，這家朋友們間中光顧，我是第一次，但環境驚嚇程度破表。 洗手間因為公廁的關係，衛生情況非常惡劣，跟從來未清洗過一樣，基於喝了酒，附近也沒有其他洗手間，硬著頭皮閉氣一下就過去了。地板臟得可以，濕濕的而且垃圾鞋底水跡什麼都有，友人有發現有小蟑螂在桌面，她只是一聲不吭的用菜單把它給撥到地板上...但是，重點的重點來了，吃到差不多，居然在頭頂上的喉管有老鼠跑過！啊呀呀呀呀！我已經嚇得不能發聲，朋友們竟然跟我說這是正常的！到這地步我已經如坐針氈，他們在聊甚麼也聽不下去了，只想快快埋單走人。食物的味道已經不是重點，這種惡劣的衛生情況實在難以忍受。我是一定一定不再在這種地方吃飯。

難得去九龍灣睇戲，朋友介紹呢間大排檔好食又抵食，咁就梗係要帶屋企大小皇帝黎試下啦！叫左個鮑魚比阿仔試下，雖然幾十蚊貨仔，而阿仔話都唔錯喎！炸豬手，唔怪得係呢度既招牌菜，皮脆肉嫩！正到不得了！黑椒牛仔骨，侍應未放低落檯已經離遠聞到香味，味道夠濃、肉質又唔"UN"！配菜既青椒更加係一流！馬拉盞生菜，熱辣辣一向都係大排檔既賣點，配上馬拉盞咸咸既味道，呢個生菜真係無得頂，阿仔食完一碟本來仲想ENCORE，而因太多野食，驚食唔晒，所以無再叫到！鹵水就比較普通，同出面既差唔多，而呢碟只需要65蚊，真係抵到不得了，出面食最少都要過百蚊啦！總括黎講，呢度真係又抵食又好食，下次再黎九龍灣既話，一定會再黎！

尋日又做完婚展 係九展果邊又累又冇咩食到野咁一收工梗係同我同事食D野補充一下體力咁啦咁我就提議食大排檔 岩曬我同事可以食煙果D一坐低叫蠔仔粥 點知賣曬 我一心就係想食蠔仔 好失望咁左3樣野 加左枝大青 爽

依間店鋪當初經朋友介紹，到現家變左我地成班朋友聚腳點，成日都會過黎食由當初老闆向我地推薦，食到我地每次都點同一樣野，完全可以保持到水準雖然位置係係街市，但其實比起好多街市既食市都要乾淨，位置唔迫促以下有幾樣極力推薦：1. 新南苑脆皮炸豬手$1052.四川水煮肥牛$88 （一大煲，不過唔太食得辣既朋友，可以叫佢地小辣）3.炸印尼大蝦片$48 （佢地有幾個size)4.炸豬腸5.啤酒🍻 因爲佢地啤酒好多時都有優惠

3年, 足足3年無去過新南苑嚕…十年前一晚, 曾經同友人上牛頭角街市搵飯食, 鬼遮眼咩都無水靜河飛, 但3年前上到去竟然大大間大排檔係眼前! 如果我坐架由旺角開出嘅紅VAN 去牛頭角, 成件事就超鬼秘!首先, 好鬼憎食煙嘅人最好咪鬼上去幫襯, 因為上到去四處都有煙民.另外有潔癖同自命清高嘅人都唔好幫襯, 雖然新南苑唔係污糟都好過份, 但潔癖D人總會嫌三嫌四, 隔離果枱港女就係噤!想叫豆苗, 賣哂! 想叫焗蠔, 賣哂! 唉…… 點四個菜兩個沽清, 總有點失望吧 …..韭菜豬紅, 椒鹽雞軟骨, 西蘭花炒牛肉, 紅燒乳鴿一隻, 再加支啤酒! 係, 無錯, 啤酒唔係我飲嘅!新南苑好奇怪, 人地韭菜豬紅係韭菜多豬紅得幾舊, 佢就掉翻轉, 豬紅多過韭菜!同樣情況又再次出現係西蘭花炒牛肉上, 人地炒牛肉份量少得可憐, 新南苑炒牛肉明顯其他餐廳多, 咁嘅表現有咩辦法唔俾Like 呢?好多時食椒鹽雞軟骨同紅燒乳鴿, 都唔係熱, 今次例外, 熱嘅! 食雞軟骨小心辣咀添!比較特別係椒鹽雞軟骨, Size 比其他餐廳大粒, 外脆之餘, 內裡亦比較juicy, 係一次開心滿意嘅飯局.唯一投訴係張櫈, 無椅背坐得

好耐無去大排檔食打冷啦，牛頭角有一間，係市政街市樓上，咁算唔算大排檔呢？！已經食過幾次，今晚收工都已經9點幾，5,6個人一齊開飯，食咗四百八十幾蚊連幾罐汽水，以家叫做經濟架啦!其實肚餓乜都好食嘅，嘻嘻。蠔仔粥一鍋，即係蠔仔肉碎冬菜泡飯，鹹香有味，都幾大碗。椒鹽鮮魷，外皮炸得脆口，魷魚又夠腍，不過欠少少質感。炒蜆差唔多隻隻都開嘅，都幾大隻，味道一般。鵝片分量就係得咁多，鵝肉都好腍夠味。新南苑小炒皇，每一間打冷店都會有自家嘅小少皇，呢度配料足，味道略鹹，送飯OK，可惜腰果加咗落去炒，舖係面脆脆哋會好食D。滷水拼盤樣樣有齊，係好似冇咗大豆芽，全部掃清。