新匯聚餐廳小廚

🥹晚市入到去非常爆滿，真係要趁早攞位同訂座。🩷員工服務態度超級好，入座後會同你講慢慢揀，亦會中途問你好唔好食，真係有賓至如歸嘅感覺！好耐冇響香港遇到咁親切嘅服務態度！好有人情味！🧡嗌咗一個每次大排檔必嗌嘅蜜糖薯仔牛柳粒，有冇人都係咁樣😂裹住蜜糖嘅薯仔粒外皮脆，薯仔入邊又軟熟，好適合做小食。牛柳粒嫩滑，火候啱啱好，食吓食吓發現原來啲牛柳粒多到沉晒底，食咗咁多次大排檔真係未見過咁多牛柳粒嘅薯仔牛柳粒，今次簡直牛柳粒仲多過薯仔吖，太驚喜🔥🔥💜嗌咗碟椒鹽鮮魷，鮮魷炸得外脆內嫩，咬落去仲有啲彈牙，椒鹽味夠香又唔會太鹹，食落唔會覺得油膩，送飯食又得，就咁食又得！💚就梗係要嗌返碟菜嚟食吓啦，要健康呀嘛！嗌咗上湯浸菠菜，媽咪食菜鍾意清淡，越少油越少鹽就最好，上湯浸時菜就最好啦。上湯好入味，食菜嗰陣時feel到啲菜係咗上湯汁，一啲都唔油或者鹹，而係啖啖上湯嘅鮮味。菠菜煮得啱啱好唔會太韌亦唔會太腍，亦都keep到係吸引嘅青綠色，你哋又最鍾意食咩菜呢？…Read More

觀塘工廈食堂新匯聚，一直是工廈打工仔的平價食堂。今天點了客家鹹雞飯配豬骨佛手瓜湯，樸實的搭配卻蘊含著深厚的家常味道。鹹雞醃製入味，肉質結實不柴，鹹香適中，油香四溢。雞皮煎得金黃，咬下時香脆可口，與嫩滑的雞肉形成絕妙的口感對比。豬骨佛手瓜湯清甜可口，佛手瓜煮得軟而不爛，清香可人。豬骨則熬得恰到好處，湯汁濃郁不膩，每啜一口都能感受到食材的精華。白飯粒粒分明，配上鹹雞的汁水，更添美味。一杯熱檸檬水，既能解膩，又能幫助消化。五十元的價格，在工廈區可謂相當實惠。這樣一頓簡單而溫暖的午餐，不僅讓人吃得飽，更能感受到廚師的用心。難怪店內總是座無虛席，足見這份樸實美味的魅力。…Read More

觀塘呢間大排檔都幾出名，以前開喺牛頭角下邨，搬咗嚟觀塘工業大廈！啲餸都幾好食，糖水都唔錯，想食大排檔又想乾淨衛生可以食呢一間，環境都OK，有冷氣廁所唔污糟！茗茶$20蜂蜜欖角骨$120份量都幾多，食落去甜甜地，個骨唔會太過腥，都有肉味，美中不足但係唔夠香口同惹味。煎蝦餅 拼椒鹽鮮魷（半）165.00炸得非常之香口，蝦餅有蝦味彈牙，魷魚爽口新鮮！沙薑炆芥菜 $85味道幾特別，幾香沙薑味，芥菜都爽口！砵酒流浮山蠔 $240個蠔真係好好食，大概有六至七隻？周周非常之香脆，好味濃郁鮮甜，一啲都唔腥，個酒味好香！紅燒豆腐 $90豆腐軟滑，醬汁嘅調味啱啱好，下面仲有啲雜菌菜心！推薦指數: 8/10唔錯都幾有鑊氣，喺觀塘想食大排檔都會推介！價錢唔算平，不過勝在足料大份味道OK。…Read More

間中就嚟觀塘食呢間老字號又有人情味嘅中菜，日日都好多人，呢度類似大排檔style 好多小炒，又有蠔餅、海鮮、糯米飯等等招牌蜜糖薯仔牛柳粒叫得招牌真係好好食，薯仔粒外脆內軟，又有蜜糖汁甜甜哋好惹味，食唔停，薯仔仲好食過啲牛，牛仔粒都好食，夠稔又入味，正魚香茄子煲上枱熱辣辣，魚香十足，茄子煮到好稔魷魚鬚炒龍鬚麵好乾身好大碟，有魷魚，幾夾幾好食蘋果雪梨水清甜滋潤，秋冬啱晒最後仲送甜品 - 馬荳糕新匯聚餐廳小廚 (觀塘)觀塘成業街15-17號成運工業大廈1樓101室…Read More

新匯聚餐廳小廚，位於觀塘成業街，裝修企理舒適，餐廳是傳統大排檔美食，是享受美食的絕佳場所。菜遠排骨炒河，河粉滑嫩，排骨大大件，炒製得恰到好處，味道鮮美。椒鹽九肚魚，外皮酥脆，內肉細嫩，椒鹽味濃鬱，令人回味。梅菜扣肉，梅菜咸香，扣肉肥而不膩，軟腍帶梅菜香味，而且配有小白菜，食落不會滯，搭配得天衣無縫。飲品方面，雪梨水口感清新，滋潤心脾。有氣鮮檸蜜，味道酸甜，且甜而不膩，氣泡細膩，清涼解渴，口感獨特。餐廳於貓頭鷹時間晚上九點入座，除酒水外，還有八折優惠添。…Read More

三個人晚餐食四個餸, 連2杯飲品$640, 食物質素: 芝麻雞可以點半隻 $170, 雞皮凍咗都脆卜卜，正。 一份酥炸雙拼$165 可以自由選擇, 我揀咗炸大腸同椒鹽鮮魷, 都好惹味佢地仲有椒鹽九吐魚, 藕餅, 蝦餅, 椒鹽骨等可以選擇, 再一個老闆推薦嘅薑汁炒芥蘭，非常有鑊氣， 最後仲叫左三隻豉椒聖子（$60 1隻）加煎米底，呢個好食到不得了。餐廳甜品同糖水選擇很多，但老闆送咗馬豆糕畀我哋食， 所以冇另外叫，雖然餐廳環境一般， 但服務周到，餸菜好味，會再光顧。…Read More

觀塘出名多好嘢食，呢日心郁郁咩都想食，就揾咗間睇落好正嘅小炒一坐低又係十級選擇困難，全部都好好食咁，但胃只有咁大，最後叫咗話梅骨，薑葱魚腩煲同 有跟伊麵底嘅芝士焗西蘭花最先黎個芝士西蘭花，表面焗到金黃色好吸引，啲芝士好香好香，亦唔會太稀好適合撈麵，沾晒喺西蘭花上面之後係薑蔥魚腩煲，揀其他部分like魚waan都可以的，呢個趁熱食好有鑊氣，薑片切到好薄可以連埋魚腩同蒽一齊食，好惹味最尾係話梅骨，酸酸甜甜幾好味，有少少三色椒粒點綴下，細細舊方便入口，好似食極都仲有咁…Read More

一間係工廈入面嘅樓上鋪。今晚都算幾好生意。見電視之前介紹過所以嚟試吓。點真好伏。我哋叫咗芝麻雞、咖喱魷魚、蠔餅、杏仁豬肺湯。食物冇乜特別。同一個價位又比佢好食嘅有好多選擇。最離譜係其中一個侍應竟然係度食煙。搞到間餐廳好臭。而且佢哋會係咁問你要唔要依樣嗰樣。例如問你要唔要海鮮、要唔要湯、要唔要糖水。咁樣sell太進取。環境方面太嘈。同埋唔乾淨。有昆蟲係台面。見到都唔開胃。總括嚟講係中下。真係冇下次。…Read More

位於觀塘❣︎新匯聚餐廳小廚❣︎係一間經營左三十年嘅老字號餐廳👍🏻由牛頭角下邨遷拆，再由淘大做到而家觀塘，老闆堅持將大排檔風味傅承😋呢到經常人山人海，就知一定係好野來。❣︎薑蔥炒魚卜❣︎$130必食推薦😋👍🏻一上枱已聞到香噴噴嘅薑蔥🤤超夠穫氣👍🏻魚卜外軟煙韌，充滿大量骨膠原，薑蔥爆得非常惹味。❣︎腰果馬蹄炒藕片❣︎$90藕片馬蹄清爽，仲有西芹，木耳，青紅椒做配菜，五顏六色相當開胃😋👍🏻腰果炒得超香口，食唔停口。❣︎蒜苗豆苗炒鮮魷❣︎$118呢到用嘅係豆胚來😋所以特別幼嫩，鮮魷爽口彈牙。⭐️臨尾記得食埋佢地送嘅甜品先走呀😋我今日送❣︎椰汁馬豆糕❣︎整得非常出色👍🏻椰汁香濃，馬豆甜度岩岩好。…Read More

觀塘地膽又去食地道小炒，呢間開業十年嘅新匯聚，次次嚟都咁多人食，坐滿晒人🥢招牌蜜糖薯仔牛柳粒 $140每次都食，牛柳粒好食，夠稔滑有牛味，薯仔比牛柳粒更好食，索晒汁，外脆內軟🥢豆卜蝦醬蒸爽肉 $90地道家庭式小菜，即係蝦醬蒸豬頸肉，豬頸肉爽口，豆卜索晒蝦醬汁好好食🥢上湯粉絲蝦米什菜煲 $85健康啲，成煲粉絲、菜、少少蝦米，夠正氣🍎蘋果雪梨水 $20/杯秋冬飲啱晒，夠滋潤最後仲有甜品🚩新匯聚餐廳小廚 (觀塘)📍觀塘成業街15-17號成運工業大廈1樓101室…Read More

呢間藏身於觀塘工廈入面嘅小廚，估唔都連夜晚都咁多人幫襯（好彩有訂位），今次嚟主打係要食佢哋個招牌芝麻雞~芝麻雞 - 招牌菜，真係必食！ 超香芝麻味，皮夠脆而雞唔老白灼東風螺 - 爽身又脆口，點少少辣椒豉油吊味已經好鮮甜蝦餅 - 幾彈牙，不過油咗少少火腩龍躉扣 - 見到有好少有嘅魚扣菜式就緊係要試吓啦，不過食落係薑葱同火腩多過魚（價錢問題都明白嘅）食得唔係好爽皮，情願佢收貴啲比多幾舊小炒王 - 睇落好豐富但食落麻麻地咋喎，最大敗筆係啲腰果唔脆嘅炸蠔餅 - 即叫即炸夠新鮮好香脆，蠔仔細細粒但份量多加埋個炸衣同勁多葱係邪惡又美味 （呢度係可以見到個叔叔即場喺度炸，勁）蜂蜜欖角骨拼椒鹽白飯魚 -欖角骨正常甜甜哋幾好食；但係好神奇哋個白飯魚係無味，要夾埋啲炸蒜先有返少少味道，R 曬頭…Read More

KOL加埋朋友介紹，就去睇下係咪咁好食😉芝麻雞 （一隻） $290記得記得！一定要預早留定，好早就賣曬架啦😆原來芝麻雞是傳統酒樓會有嘅菜式，跟據網上食譜：先把雞醃好，風乾，塗上蛋液，灑上芝麻，再慢慢用手輕輕把它按實黏好於雞上。然後放進滾油慢火煮熟全隻雞，最後用大火讓皮變得更脆。餐廳的火候掌控得好好❤️❤️❤️，雞肉仍保持到十分嫩滑🥰，甚至雞胸亦不嚡口，可能因為慢火用油煮熟的關係吧😋😋😋皮脆🤩🤩🤩（食到最後仍保持到水準）、芝麻香😋😋😋芝麻全面覆蓋上雞隻，基本上沒有甚麼空洞露出，師傅一定有心思慢慢黏好芝麻🫡respect我地一行人都讚口不絕，食唔停🤤🤤🤤絕對大推！必叫！蠔餅 $90幾好食，蠔唔鯹😁，粉醬偏少同乾身👍🏻，落埋大量蔥落去炸，正😋，幾抵食👌🏻食到最後仲keep到脆度👍🏻招牌話梅骨 $120有啲失望🥲🥲🥲，where is 話梅？完全唔酸😫每粒都好少肉、多脆粉，咁嘅價錢太貴啦！馬拉盞炒芥蘭 $75正常發揮，冇苦澀味，冇渣👌🏻蘋果雪梨水 （壺） $150飲得出係自己煲，幾好飲，唔會過甜，適合食完熱氣芝麻雞後潤一潤👍🏻結論大排檔的形式做傳統中菜好出色、有心思，但其他小炒則較普通、cp值不高。❤️❤️❤️絕對大推芝麻雞！⭐️⭐️⭐️講多次，記得預早留定雞！…Read More

第一次食大排檔成肚氣$150雪梨水真係第一次見難怪店員不停推銷我地無意中經過餐廳估唔到會中伏一開頭覺得店員服務態度唔錯以為咁好心不停介紹我地招牌菜可能見我地第一次去就不停推銷我地全部都係又貴又唔抵嘢食花螺$200 我地見菜單$100店員話菜單係細花螺你地係大花螺所以$200 菜單無寫…馬友好難食$250 食左寂寞天價雪梨水$150一壺我真係第一次見咁貴雪梨水整體嘢食普通但真係好嬲比錢買難受希望大家唔好再中伏…Read More

總括來說，味道算是不錯，有些菜式能保持水準，小食的確花了不少心機製作，所以較受歡迎，芝麻雞皮脆，充滿芝麻，看上很討喜，而有些菜式就很一般，在水準以下，而且有些較鹹，有些炸物就不太討好，食物相對份量有點偏少及較貴，酒水竟然無故多了，要小心check 單，失望，因為回家後才發現沒有點的酒水出現了！雖然只是一支啤酒（只飲麒麟啤)，一罐汽水(沒有人飲汽水)，雖然只是50元，是不老實還是其他問題就不得而知了。結帳用信用卡或電子付款需收取2%手續費，現金帶不夠，唯有刷卡吧！…Read More

2014年開始光顧多次。2015年3月23日曾寫過食評讀好。疫情後首次重來，有預約不用排隊。點了多支啤酒，另外小菜是：1. 韭菜豬紅(伙記推介，真心麻麻)2. 炸豬手，皮脆肉香，好食3. 小炒王，材料足鑊氣夠4. 燒乳鴿，皮脆但肉腌過頭肉太鹹5. 金銀蛋菠菜，ok啦食物依然有水準，老闆依舊有霸氣而更親人，可惜的是有個阿豬媽，不知是伙記還是老闆，粗口爛舌不計，聲大大無貨賣，小動作令人生厭，老土趕客走情節不斷上演。連我在北河街街市的環境下亦吃得津津有味，但在這就背脊骨落。講真，朋友都話好食。三五知己食好西聚聚舊，但一粒老鼠屎催毀了一切，沒下次了，再會。祝生意興隆。…Read More