New Creation Restaurant (Closed)

小學就開始住馬鞍山，記得小時候經常來食河粉同牛排餐，就算去了外國每次返香港都必食！二十年也keep到水凖，一個排餐$78元都冇乜好講了服務亦比商場好得多。到而家帶埋小朋友嚟𠻹…Read More

天氣轉涼，快快走進室內享用晚餐才是明智之舉。今晚走進此茶餐廳全因相中店內的港式鐵板，大份夾味濃，對不想花大錢而享受鋸扒人士相當合適。一份牛柳一份T骨，例牌附上例湯、意粉或飯及熱飲。一上枱，黑椒汁的吱吱聲響勾起不少兒時回憶。二人趁熱品嚐。港式鐵板一向有加鬆肉粉，此店也不例外，切下去毫不費力。我個人喜愛切一塊吃一塊，亦有人喜一次過分切數塊再逐一送入口中，鋸扒樂趣盡在其中。同場加點「西多士」一塊，但並不是內夾花生醬，有偷工減料之嫌。平民餐廳不過不失，回應了一分錢一分貨。不過店內仍有不少小炒熱菜，或者味道會比以上介紹的更佳。…Read More

幫襯這間茶餐廳已超過20年，以前放假時無論早、午、晚都捧場。但隨著附近開了多間不同類型的食肆，近幾年都少了幫襯，除了食物水準無改善外，價錢越來越貴，生意比過往明顯差了。所以近期都是食下午茶較多，較為喜歡吃該店得牛腩、牛雜及鮮蝦雲吞，晚餐以雜扒為本人首選，咖啡亦覺得此餐廳較為合本人口味。今午吃了牛腩鮮蝦雲吞粗麵+熱咖啡，牛腩夠稔及雲吞夠大粒，麵裡面多了幾條生菜(很奇怪時有時無)，整體上還可以。…Read More

晚上同朋友一行三人走左去新創發餐廳鋸扒，因為呢間餐廳性價比十分高，自己就叫左雜扒餐，朋友就叫左黑椒牛柳伴吉列蝦 ; 餐湯除咗有白湯紅湯仲有中湯添。雜扒餐有香腸、火腿、煙肉、豬扒、牛扒配白飯。味道唔錯幾好，以今時今日嘅生活指數黎講，咁豐富既雜扒餐都只係七十幾蚊真係無得輸，而自己亦都試左朋友既黑椒牛柳，牛柳多汁之剩重肉質嫩滑唔'鞋'口，都值得一試。…Read More

一個鐵板餐，跟湯，飯或意粉，仲有茶，今時今日叫唔錯，而且味道亦唔差，另一主打牛什麵就香就夠香，不過鹹咗D，同價錢亦唔平，第三次裝修後加到37蚊一碗，小菜亦都唔錯，未到酒樓水準，但比一般茶餐廳好…Read More

成日係馬鞍山，少少都無野食，新創發就解決到呢個問題🤣🤣你話佢係味最好食，我唔敢保證，但佢確實係我其中一個飯堂。同家姐又俾爸媽放飛機，兩姐妹又去搵野食，鐵板餐次次都會啦，食得飽肚，炸炸聲又開心，都係六十幾蚊，胡椒午餐都要五十幾啦！仲要唔夠飽🤷🏻‍♀️🤷🏻‍♀️另外椒鹽鮮魷都係我地最愛😙😙份量又多又香口😙😙成日嚟食只因佢好抵玩，兩個都係有湯有飯，中湯就成日唔同 ，西湯都係白湯紅湯～～…Read More

My family have been going here for more than 20 years, even Before I was born and is highly recommended! It's a usual spot for me and is a great spot for a quick lunch or dinner if you are wanting a great Hong Kong style meal! When you go there, definitely try out their soup noodles, Great food, great staff and great place…Read More

今日同朋友碌完保齡已經好夜返到馬鞍山唔知食咩好之後就睇下有無d夜關門既茶餐廳行下行下 見到尼間鋪頭收凌晨飢餓種既我地即刻冲入去喇成11點仲有得食扒 緊系既叫左四個鐵板餐估唔到宜家仲有七十幾蚊既扒餐我食嗰個系黑椒牛柳 份量都多女仔可能會食唔晒tim 哈哈一個餐有跟飲品 湯 薯菜 飯或意粉所以都咪話唔扺食重要既味道都唔差 咁既價錢 咁既份量 都算系咁所以我都幾推介去完街返到mos又夜又唔知食嘜好咁就可以考慮下尼間話晒又近新港城市中心 haha 都方便嘛～…Read More

諗住入去食下午茶, 真係食左一肚氣叫左個焗腸仔肉獎意粉及華田下午茶餐$45拎到出來見到碟野燒焦哂,黑嘛嘛, 唔知係唔乾淨定係燒焦哂, 要求換過碟,老闆話焗野一定係咁, 唔可以換, 換其他野都唔得, 只可以比多2條腸仔我, 咁都要人食? 我話唔要啦, 佢都話咁要收返杯華田正價$18需要我都比左$18, 費事勞氣, 不過今時今日咁的服務態度及食物質素真係永遠BAD LIST.…Read More

馬鞍山係美食沙漠?!! 咁呢間絕對係平靚正綠洲茶餐廳！鐵板餐仲要一百蚊以來有埋湯同野飲?!! 除左之前旺角既美而廉，再諗唔到/搵唔到有邊到有嚕..(仲要岩岩SEARCH美而廉，原來連塘尾道新開果間都執埋)入正題!想食好D，又想平，係馬鞍山的選擇，只係諗到呢個鐵板餐!仲要跟飯有湯有凍飲夫復何求?!!!但由於本人唔食得太多牛的關係，只係叫左個雜扒餐雜扒餐已經有腸X2火腿雞扒X2仲有塊牛友人叫左牛扒餐，切左一小塊，肉質不錯唔會'鞋'，仲要都幾多肉汁！以呢個價錢，超級性價比！…Read More

馬鞍山深夜食堂 - 新創發鋸扒記 昨日肚餓到極點，踏入新創發之時，突然想起深夜食堂之故事。 雖然新創發，無論菜式、格局及人物都與深夜食堂風馬牛不相及，不過當你深夜入到去，又有粉麵、又有小菜、仲有扒餐，應有盡有，就好似深夜食堂，客人可以點老闆懂得製作的食物，咩都有得食，胃得滿足。 點了鐵板鑊仔牛柳餐，好快就有碗羅宋湯飲。 一飲落去就覺得好咸，即時加一茶匙糖中和咸味！救返碗湯。 鐵板鑊仔牛柳餐 鐵板餐一上桌最興奮係聽到ZA..ZA 聲，汁料係鐵板上翻滾。 呢隻份量足，有薯菜之餘，仲跟多碟白飯。 牛柳目測有一寸厚，5,6成熟剛剛好，肉質好嫩滑，又幾JUICY!! 可惜牛味不足。 凍檸茶 檸茶正正常常，茶味突出之餘不帶苦澀味，不錯不錯！ 總括而言，以馬鞍山深夜仲有得鋸扒，又唔貴，又足料的情況下，我覺得已經冇得輸。 ---------------------- 新創發餐廳 馬鞍山鞍祿街18號新港城中心三期N座7-9號舖地下…Read More

夜晚6點後70蚊一個鐵板扒餐連湯同野飲好抵食。點左黑椒汁荷蘭牛柳，肉質軟熟，箝左牙都食到黑椒汁入味，食到個口熱辣辣侍應見到兩人兩個餐share食會自動問洗唔洗比多個碗，有次未到晚市都肯比人坐到夠鐘先叫野食，服務都算唔錯…Read More

事緣係頭先收工未食晚飯，咁十點鐘馬鞍山大部分食肆都收左，我就貪方便去左新創發，原來已經係宵夜餐牌，咁我見到個所謂大肚婆肉鬆炒飯就叫左一份黎食，以為係特式野咪試下，等左一陣，待應拎左過黎話咸魚雞粒炒飯，我已經覺得九唔搭八，仲不斷大大聲俾說話你聽，最後食左幾啖就走人。由細係馬鞍山長大，新創發由有兩間變到得一間，最小都十年，咁樣對啲街坊，冇下次，唔會再幫襯。…Read More

今日一個人，經過試下裝修完嘅新創發，外表新潮咗少少，而餐廳入面就似乎無乜改變。叫咗個咖喱牛腩飯，伙計一放低，個咖喱汁望落去似羅宋湯咁嘅色水，撈一撈啲汁落啖飯，一食覺得略鹹而且零咖喱味。再攪下個咖喱牛腩竟然發現佢地用薯條嚟煮。嗰刻嘅感覺好似用下午茶賣唔晒嘅薯條嚟煮。…Read More

非常差到貼地，服務員寫錯單反而俾人鬧，話吵乜吵，唔食冇食，走啦～搞到成家人反哂面，周圍人都望到。我地問老細咁姐係點？點知佢答：去邊到食都洗錢。成家人即刻o咀！答即野9不搭上8而且價格好貴，唔合符通帳價錢、如果有0分我俾0分…Read More