Master Chef (Closed)

慳妹只懂講事實，如果入得慳妹的黑豬記錄檔案，這間食店的情況必定很糟糕了！而這間竟然取得 C-- 的「佳績」，請看我的報告！ 事緣走入這間專門賣日本拉麵的店舖，而一眾侍應都是 MK Look 的青年，雖然燈光比較黑暗些，OK我當佢係慳電囉…MK檔style囉。點了其「第一主打」的黑蒜油豬骨湯底燒雞扒拉麵，約五分鐘後拉麵和配餐奶茶先到。燒雞扒呢？未到。咁唯有打住手機等啦！過了幾關candy crush都未見燒雞扒蹤影，我問了侍應，雖然知道他很忙，怱怱地講：「…等等…等等…」然後又走o左去，又等了十分鐘，才把雞扒上桌。如果我沒有堅持等埋雞扒，在這十幾分鐘我慢慢食都食晒碗拉麵了。先講雞扒，以為佢要我等十多分鐘，就應該熱熱的上桌。NO 囉 :( ！只有微暖，而且入口非常乾身，差不多像印度燒烤或非洲雞texture. 這個不是我expect的配搭日本拉麵的燒雞扒！再講拉麵。先講端上來時的拉麵，的確有一陣黑蒜油的香味，而青葱的份量亦適中。可是，當等埋雞扒才食拉麵的話，這些油在湯面凝成一層薄膜，很難看！味道方面，豬骨湯底略為淡，如果沒有黑蒜油的話，吃下去的麵候會是毫無味道。這次飲食經驗最大發現的問題，是上菜的時間要夾得準，做好的食材才會發揮其最美味的優點。如果他們先燒好雞扒時才煮拉麵，或知道雞扒差不多做好才煮拉麵，效果會好好多。不過這班MK青年究竟明唔明怎樣做飲食生意呢？ …Read More

隔離店人多，肚餓，經過料理男，門口姐姐態度幾好，好有善，又好似好抵食，我就同朋友入左去試下。坐低感覺幾闊落，兩個人俾4人位我地。我叫左白男拉麵？，朋友既就唔知咩肉火鍋。拉麵油左dd，但湯味道ok啦。咩價錢咩水準。俾低分最主要原因都係啲伙記態度。朋友個鍋送到黎，伙記未準備好個爐，但見鍋入面啲料都好似幾正，朋友就睇個鍋有咩餸，專心既同時，伙記拎左個爐過黎，但唔放枱面，單手拎住個爐企喺度唔出聲黑面咁睥住張枱。睥到我朋友自動波拎起個鍋。咁ok啦，個鍋唔係熱。食食下有幾個姨姨入黎食，伙記安排左位置俾佢地，但冇俾餐牌佢地，睥枱果位伙記最後黑面拎餐牌俾佢地，之後d姨姨可能見有另一張枱舒服啲就換位，果位伙記可能要改野掛，就好多聲氣，另轉身仲好明顯咁講左幾句粗口話姨姨佢地麻   煩。我同朋友都聽到。好驚就繼續食自己野。態度極差。P.S. 佢地唔洗寫單，用記，之後入電腦。練下記野都好既，不過將我同朋友杯飲品記錯，熱檸水凍檸蜜變熱檸蜜凍檸水。唔夠膽要求轉返因為驚加料。仲有朋友個火鍋要提先俾返碗飯，隔離枱都係咁。相都冇影。…Read More

雖然見到都幾多人劣評，但食落又唔錯同抵既！7點前$38包飲品 正係員工後生mk左少少但態度都ok晚餐早啲去食黎講其實幾抵的，湯底入味，見到個洗碗姐姐攰到坐係到，大家幫襯下小店啦！努力做更好！…Read More

好久沒中過的地雷店，食物跟員工態度都很差劣一個人…想食個下午茶，見到佢38連野飲，就入左去。叫左個海男拉麵同熱檸茶，個麵好油，食左三份一就停口了。:(配菜是青瓜同半蛋，還可以啦。 最差既係佢班後生伙記既服務態度…何止0分，直情負等! 成班後生伙記響度依嘩鬼叫，叫極都冇人認。我杯檸茶漏左單，叫左幾次先追到，仲要唔俾糖。埋單時想同佢講少少意見，佢就一直當著我面在玩手機，不瞅不睬。小朋友，在學校沒有學過待人既基本禮貌？人地同你講野 ，嗰個仲要係客人，咁樣好過份囉! 臨走時見到個似是話得事既女人，佢好歹都認左 句「我會跟進下」，都好番d…自問我份人都好客氣，要求亦唔高，但依間野稀有地可以整到我嬲。咁樣做生意法，真係「祝佢好運」。…Read More

平時去開另一間日本野因為太遠 所以揀左就腳少少既料理男侍應好粗獷自由 手腳夠快但係冇服務可言叫左個 set，唔記得係咩名 價錢係 42，凍飲另計青瓜：唔會酸，又唔會好辣 甜甜地 好岩我口味火腿蛋：雖然好油，但係夠滑夠味 火腿夠多 我幾鍾意公仔麵：湯底好咸，好濃。似味精湯，但比丁面湯底差豚肉：冇醃冇味凍奶茶：夠濃，就算飲到 d 冰就溶哂都片幾有味…Read More

放左學，同個friend行街買波鞋，買完6點半到，走去女人街揾野食，去到第3段中間到，有個女仔sale話全場$38加送飲品，之後話呢排做優惠推廣，拉麵餐送2款小食……我&朋友睇下有咩好食啦，不過見有張牌寫芝士除外！我&朋友對望話現在係晚市時間$38一個餐，咁抵，其他地方不必有，又費事再行，加上個女侍應話優惠做到7點……咁我&朋友入去食，之前其實都有食過午餐，因為有午市學生優惠。入到去，有幾枱客，之後叫左個拉麵&一個鍋飯，拉麵名叫味男，紫菜湯底，仲有2個前菜，中華沙律&有D辣嘅雞亦尖，D雞亦尖都幾入味，又唔算太辣……不過覺得幾得意，中式加日式咁，仲送埋野食……杯檸茶幾好飲，又唔澀😀😄朋友叫左雞鍋飯，好似韓式石頭鍋飯咁，揀左沙嗲汁，有gas 爐熱住，無耐個女侍應好细心幫個朋友撈，仲加D豉油去撈，話會香D好味D，服務幾好，撈完仲拎走個爐，話驚我哋唔小心整親，拎走方便D食……之後我叫佢拎隻碗，我試左幾啖，味道好好，仲有D泡菜，好惹味😊今晚個晚餐好满意，但唔係其他食評講到咁，真心覺得抵食好味，所以要加油，俾心機做好啲，我諗佢哋想做返好D吸引返D客……💪💪💪…Read More

去到仲有好多張2人TABLE, 但唔知點解個WAITER 黑口黑面要我們坐到最尾果D 臨時搭GE 位。 都算LA, 叫佢攞MENU,佢好似發緊夢咁, 唔知我們講咩, 要另一人提佢。我叫左個蕃茄拉麵(唔知叫XX 男...) , 有蕃茄味, 但落左唔少辣椒油, 搞到成電麵好油偏辣... 有4大塊叉燒, 瘦瘦地`岩我食, 另有糖心蛋一隻, 麵質都OK朋友叫左蝦拉麵, 但完全無蝦的!! D材料似關東煮多D, 問侍應會唔會係用蝦來煮個湯底, 個WAITER又係好呆滯, 唔明我們問乜~, 個麵來到時, 佢仲要唔係拎到我們張TABLE, 係隨手遞過來要我們接住, 咩料呀....埋單時, 埋左勁耐, 百幾蚊, 俾張500蚊紙. 佢找番幾十, 發緊夢?…Read More

一句講曬難食！一定不會再光顧！！！！根本可以說是騙錢的！ 和你在家煮根本無分別！ 麵質地:超硬！湯底: 難飲，根本是味精！材料: 太cheap，沒有用心炮製！員工: 本人覺得太MK！…Read More

這日和朋友們在通菜街搵食，見店外餐牌顯示的菜幾吸引便選了這間。豆腐鍋價錢OK，每款也只是$58並送白飯，加$5有飲品。最後我選了泡菜燒肉豆腐鍋，而朋友就選了蕃茄肥牛豆腐鍋。(圖中的是泡菜燒肉豆腐鍋。右上角的是再另一個朋友選了的東西，好像是吉列豬扒飯)先說我的泡菜燒肉豆腐鍋，足料，肉固然好味，鍋內的鳥冬粉絲都很爽口，泡菜湯底辣辣地，餸飯一流。不過我朋友的蕃茄肥牛豆腐鍋就料份量相比是明顯地少，單看豆腐件數就比我少了約一半。我們是share食他的肥牛也不錯夠腍，但以份量計，加上其他配料他有的我也有，顯然我的豆腐鍋抵食得多。呢間餐廳算是平靚正的，特別是泡菜燒肉豆腐鍋，但質素穩定性有待改善，而且店員也沒回應我們的意見和增加配料的要求。…Read More

今日我同2個朋友夜晚走左去呢間食，環境完全比佢吹脹，坐低唔夠5分鐘，佢竟然播埋d難聽既大6歌,仲要播到鬼死咁大聲，好似趕客咁！我忍唔住叫佢熄細聲d... 其實日本餐廳點解要播埋d大6歌呢？！我叫左個吉列豬排芝士撈烏冬，有乜理由先比個烏冬，之後隔成10分鐘先比個豬排我，賣相又唔好，d芝士汁杰到你食唔到！另外兩個朋友叫左兩碗拉麵，個湯底咸到咩咁！整體黎講呢間野，服務態度唔好，食物質素唔好，環境都不理想請我都唔會再去~~~~祝大家好運…Read More

與男朋友光顧旺角通菜街兩旁的食肆是常有的事情，昨天因為餐廳名字得意，終於第一次光顧料理男拉麵店。店內menu 很搞笑，每款拉麵都有佢代表的“男子”，赤男、型男、幾有心思。 我地嗌左芝士撈面仲有牛肉拉麵，芝士撈麵真係超級好味！ 落足芝士料，濃郁到不得鳥！同埋佢地上餐都好快，又唔會打擾食客進餐過程，真係好gentlemen噢 >v<P.s.　大學生有學生證都有學生優，真心抵。…Read More

落堂三點幾落旺角搵餐廳，經過料理男見到佢既招牌拉麵同鍋物賣相唔錯，於是決定去試下。因為過左rush hour，餐廳裏面既食客不多，坐落環境都既安靜舒服。叫左番茄牛肉鍋同料理男拉麵，出餐速度都幾快。而個番茄牛肉鍋另附一個小型gas爐，但唔會花太耐去等佢滾，大約幾分鐘就滾開食得。番茄湯底濃厚，配料都幾足，大約四十幾蚊到，對下午茶來講價錢同分量都適中。…Read More

上次行過見肚餓 見呢間日本野諗住入黎試下一望到餐牌眼都花 編排雜亂無章 又唔分時段最後叫左個豚肉拉麵 個伙記黎落單粗聲粗氣 十足趕客咁點知一黎到 豚肉好瘦!差唔多可以用瘦肉黎形容 豬骨湯底唔濃 仲有異味!拉麵煮得太耐 失卻口感 當時冇乜胃口 食左兩啖,飲完杯奶茶就走 奶茶溝得還可以!食碗咁既野埋單要成70蚊!去大餐廳仲好過!下次唔會再黎 希望餐廳改善下食物,同員工質素!!…Read More

勇者壽司聽得多, 勇者拉麵今日真係令我大開眼界 ! 入到去座位唔舒服唔講, 見到樓面個個面色都唔似善類 !呢方面真係要大大扣分。完全好似入左間大牌檔咁。我就叫左個豬骨湯既拉麵, 個名係乜我都冇深究。賣相真係好似人地食剩拎出黎咁 ! 所以我唔否認我覺得佢難食係呢方面有主觀既講法。但的確好難食, 唔知點講湯似豬骨湯但飲落唔似豬骨湯, 反而似芝麻湯 ? 麵就根本係公仔麵...冇蔥, 冇乜配料.冇下次 ! …Read More

首先我等位等左好耐 門口個pr 又唔係好識接待人咁樣啦之後終於坐到入去啦 我叫左個唔知乜男既拉麵可能人多 我等個麵等左45分鐘都算啦 麵到好似食緊大排檔咁個侍應 好無禮貌又金毛咁都算啦我開始食個麵既時候哇d麵咁硬既我仲以為未熟跟住試下個湯 勁淡...完全無言囉=口=最後食佢塊肉....哇不得了啦 我咬唔爛.........之後呢餐野叫價60$完全唔抵食囉我出去食碗那渣麵仲好…Read More