BOBO LIAO (Closed)

📌台灣過江龍 配料好食嘅手搖店🧋今次試咗喺沙田新城市廣場新開張嘅呢間過江龍手搖店😙我個人覺得味道幾好 幾鍾意佢哋店舖嘅配料👍🏻可以一讚嘅係佢哋店舖都有唔少佢哋以配搭咗嘅飲品款式比客人揀 而大部份嘅款式都好符合香港人嘅選擇～🧋Boba奶茶呢個係舖頭款式之一 幾鍾意佢哋嘅白珍珠 好煙靭而且唔會好甜 另外就有彩虹芋圓😍食到芋頭嘅香味 最後就仲有好多嘅西米😂 因為我自己選擇走甜關係 只係用啲配料原先🈷️嘅甜味帶出茶底香味就岩岩好啦～不過甜度選擇好個人～大家可以跟返自己一向選擇喜好🙆🏻‍♀️🫧飲品Order：Boba奶茶🥛走甜少冰🧋配料：🌕🌕🌕🌕🌑🧋茶底：🌕🌕🌕🌑🌑🧋奶香味：🌕🌕🌕🌑🌑最後想講講我幾日內幫襯咗佢地兩次🤣因為都真係幾好飲而且白珍珠奶茶好難搵到🥲我第一次去佢哋店舖落單嘅職員態度幾好 都覺得飲品唔錯之下 我隔日再去幫襯 但係第二次幫襯嘅時候 職員比較冇禮貌 所以店舖都要可以留意下～📍 料杯杯 地址：沙田沙田正街18號新城市廣場一期1樓156號舖…Read More

台式手搖杯琳瑯滿目，鮮芋仙姊妹店 – 料杯杯全新打造，滿杯都是咀嚼控的最愛。「啵啵」～ (1)相思彩小芋牛奶冰沙（牛奶沙冰、紅豆、彩小芋啵啵、仙草凍） (2) 彩小芋綠豆冰沙（綠豆冰沙、仙草凍、彩小芋啵啵、鮮奶） 冰沙的顆粒像泥沙一樣，不需要太多的咀嚼，味道又不會被碎冰沖散，比例挺好。彩小芋啵啵小巧精美，像寶石般閃閃發光。不過，啵啵沒有本身的原味，就像被海浪拍打，慢慢磨成鵝卵石，靜靜地躺在海灘上。仙草凍一如既往，讚。 它的配料選擇比較多，亦不是市場上常見的。包括有：紫糬、大理石布丁、以及隱藏餐牌。相信能夠在現有的台式手搖市場加一點刺激。…Read More

有日經過新城市，見到新開左間台式手搖飲，好似話係台灣過江龍，好多人等飛，好奇又頸渴就試下佢～當日新開張做緊優惠，四款手搖飲有特價，因為其中三款都固定冰度甜度，怕甜既我地就簡左Bobo奶茶走甜少冰(優惠價$28)。呢間手搖飲主打係配料，啲配料真係好出色，白珍珠同小芋圓超級煙韌，另外仲有細細粒既西米，口感好豐富！奶茶底就係一般奶茶，不過不失。不過就算走甜成杯野都有啲甜(約等於一般手搖飲既珍奶微甜)，非螞蟻人就要注意下甜度啦！不過佢既配料真係出色，所以推薦！！…Read More

見到呢新開既手搖店，次次經過都好多人排隊，撞岩無咁多人就買嚟試試。Menu係用電子code，都幾好，唔係堆一群人係門口。叫左一杯熱芋泥啵啵奶，店員話甜度固定左，原本都擔心會好甜，出奇地甜度岩岩好，唔會一浸死甜。不過芋泥唔算多，奶味比較濃，小珍珠比較淋，唔夠煙靭，但好在飲完唔會覺得好漏。…Read More

作為鮮芋仙忠實fans，當然要試下沙田新城市新開嘅姊妹店✨-🧋BOBO 奶茶 $38「彩小芋啵啵、白珍珠、西米」-作為人氣Top 1嘅珍珠奶茶，飲完第一啖，覺得有驚喜！🤩-奶茶嚟講，佢唔係普遍街鋪嗰種奶味好重，蓋過晒茶味☕️反而依隻茶味出啲😆我哋唔記得叫少甜都唔會甜到糖尿🤣👍🏻-珍珠口感煙韌度適中，唔會太淋，亦唔會溶晒咁黐埋一舊！👍🏻同埋加咗西米令個層次同口感都有提升😋西米就正常發揮，同街邊糖水鋪食嘅一樣𓈒𓂂𓏸-唯一缺點係彩小芋啵啵嘅芋頭味唔太出，要仔細㗳真啲先食到少少芋頭味😣-ᰔᩚ 好味指數：7.5 / 10…Read More

第一次來試唔知飲咩好，問職員姐姐有咩好介紹，佢推介左我飲BOBO奶茶。果然無推介錯，同埋杯野飲同個店名好貼切，杯野飲真係好多料，如果食完飯先黎飲都未必得哂。下次會再來試下其他飲品。…Read More

買嘢飲嘅時候想嗌少甜少冰。Cashier妹妹 覆嘅時候我聽得唔清楚，我講咗句「唔好意思」，點知比cashier 妹妹大聲喝我「冰度甜度無得變」。都算數啦，都好多人買嘢嘅，咁店員會躁底少少我都理解同明白，可能我當期時反應真係慢啲，俾佢嫌棄，嫌我阻住條隊掛。點知行埋一邊等拎嘢飲嘅時候，個Cashier妹妹一邊打單，一直keep住啤住我。認真，真係俾佢望到有少少尷尬，同埋覺得有啲危險，真係唔想發生口角。到最後叫到我個號碼嘅時候係佢拎嘢飲俾我，我都好驚佢會唔會有啲咩動作，攞完行埋一邊飲，同埋用個背脊背住佢。真正嘅俾錢買難受。唔會再去。一共俾咗90幾蚊買兩杯嘢飲，雖然都唔係好多錢，都唔係要咩五星級服務，但都唔使俾人啤足全程………Read More

叫左要少冰都成半杯冰(圖下)成杯野都冇茶味，連茶嘅色都睇唔出只係得奶味唔明點解可以咁貴，加個麻薯要10蚊依家租貴要賣得貴我都明，但咁嘅價錢都係咁難飲嘛？一定唔會有下次，奉勸大家千祈唔好幫襯…Read More

料杯杯🧋 平時波波放工搭車返屋企嗰陣都會途經新城市廣場，但係小妹最近無意中喺IG見到有間叫「料杯杯」嘅台式手搖飲品店登陸香港，並選址新城市廣場作為香港首間門市；於是小妹今晚決定專登早幾個站落車去試飲佢哋嘅人氣No. 1手搖飲 - BOBO奶茶…… 💛💛💛💛💛 BOBO奶茶（$38） 啖啖都𑁻到口感軟糯嘅彩小芋啵啵、晶瑩剔透又口感煙韌嘅白珍珠及軟淋淋嘅粒粒西米，一次過滿足晒三種唔同口感嘅享受 至於奶茶底，小妹覺得茶味欠奉，而且有濃濃嘅奶精味道😓 💛💛💛💛💛 雖然飲品質素尚算合格，不過店員嘅服務態度真係麻麻哋，如果店方能夠定時提供Training畀員工適時改善就更加好啦～ 📌：沙田新城市廣場一期 1樓 156號舖…Read More

台式手搖茶已經唔係咩新食品不過仍然有不少新品牌引入香港今次呢間過江龍第一分店選址沙田新城市廣場當日星期六中午都有唔少人排隊不過人龍都清得好快，大約15分鐘內可以攞到飲品到手睇佢哋個drink list 選擇都算豐富而呢個品牌最出名嘅係類似芋圓嘅芋啵啵，當然要試試啦當日試咗一柸黑白綠豆冰材料都好豐富，包括有牛奶麻薯、綠豆沙冰、仙草凍、彩小芋啵啵由於第一次試，所以冇調整任何甜度因為綠豆沙冰底，甜度都算啱啱好牛奶麻薯好香滑軟糯彩小芋啵啵望落好得意，夠Q彈👍🏼成柸飲品口感十足，飲完一柸都差唔多飽咗一半價錢方面比一般手搖茶貴少少，不過材料十足，CP值都算高📝🐶iamladypudding …Read More

買咗兩杯彩小芋爆料厚奶，與其話係甜品杯，其實更加似奶茶。奶茶完全無奶味，亦無茶味，好似溝咗好多水咁。芋圓七彩繽紛但都係無味，成杯得麻糬係甜甜地同仙草有味。開幕之前充滿期待，但真係好失望，唔知自己飲咗啲乜，浪費quota⋯⋯…Read More

經過沙田見到新開既台式手搖店, 見有鍾意既芋頭同芋圓配搭💜當時人又唔多就去買黎試下, 畢竟而家台式手搖店開到成行成市, 要突出除左味道之外, 特色飲品亦要夠特別吸引顧客🤭由排隊買到拎得都係用左5分鐘左右, 好快手。彩小芋紫芋冰沙 $48呢杯冰沙材料好多, 包括有紫芋冰沙、仙草凍、彩小芋啵啵🍭同鮮奶🥛飲落有清淡既芋頭味, 係去台灣飲到既傳統古早味既芋頭味🤤仙草凍非常之滑溜, 口感好似布甸咁滑。彩小芋啵啵姐係迷你版既芋圓, 同珍珠差唔多大, 好煙靭好好咬🧋所以呢杯手搖既口感層次好豐富, 而且配搭得分明, 知道食到邊款配料。由於有咁多唔同配料, 成碗糖水咁, 飲完真係好飽😆冬瓜檸檬 $30由於當日都好熱🥵所以亦冬瓜檸檬消消暑🍋由於甜度固定, 習慣左少甜都冇計,唯有叫少冰。飲落唔會好甜, 亦唔會有死甜既感覺, 應該係冬瓜本身既清甜🥒再加上檸檬既酸, 夏天飲呢杯真係好消暑。…Read More

Arrived around 09:50pm at night but it is still within service hours as stated in the operating time displayedWhen trying to order, a lady just stopped me with short, brief and rush attitudeI know it is around closing time but if it is not allowed to orders, I would suggest it marks the closing time as earlier to prevent any misunderstandingCannot rate for the taste and quality…Read More

沙田新開嘅‘’料杯杯‘’，行過路過，天氣又咁熱，更要試吓。我就要咗杯紫糬芋泥奶茶，入面有牛奶麻糬，紫芋泥，仙草凍同燕麥，奶茶香滑，口感豐富，要少冰又真係能做到！而且甜度剛剛好，飲完大滿足呀！另一杯就是冬瓜青茶，又是勝在唔太甜。兩杯加埋75蚊。OK。會再幫襯呀！…Read More

第一次寫食評，估唔到係差評。男收銀態度惡劣，商場人流多又十分嘈雜，咁細聲講野客人聽唔清楚問多佢一句就黑口黑面，唔想serve不如唔好做服務業？就算飲品幾好飲都無用啦，咁既態度真係唔會再有下一次。仲話台灣過江龍，不如train下啲員工服務態度先？青檸多QQ本身想飲最signature既彩小芋紫芋沙冰/彩小芋綠豆沙冰，但竟然暫停供應，唯有簡其他飲品，最後就簡左呢杯青檸多QQ，但太酸青檸味，掩蓋曬益力多既味，唔係難飲，但覺得期望太高。…Read More