Pot Of Soup (Nathan Hill) (Moved)

成盤海鮮一上枱，即刻有種「今晚食飯唔係求其」嘅儀式感 ✨蒸海鮮拼盤上得夠霸氣，帶子、蜆、鮑魚仔、蝦、蟶子、花甲、粉絲樣樣齊，蒜香、蔥香、鮮味輪住爆 🧄🧅🦐最鍾意係啲粉絲吸晒海鮮汁，每條都係精華之線，好爽口又冇腥味 🪢雞煲就係預料中嘅惹味，雞件入味唔鞋，辣度夠 kick。食完仲可以加湯打邊爐，一鍋兩吃，CP 值爆燈 🐔🔥🍲湯底滾一滾，仲有啲雞煲底料繼續貢獻香味，靜靜地食到成個人都暖晒，係冬日／冷氣房必備療癒系火鍋 🍽️…Read More

來到位於尖沙咀山林道的斗滾，一步出電梯就已有好幾張枱在附近枱與枱之間擺放得好密集，環境狹迫。斗滾的雞煲及火鍋都是任食，海鮮則是限量的，每位$298，另收加一。亦可加錢加購海鮮或提前預訂龍蝦刺身/象拔蚌刺身。先上雞煲，雞煲可選不辣，辣度也有四種。斗滾的雞煲特別在於自己也有份煮！每隔兩分鐘就揭開煲蓋炒一炒，一共炒四次即可。當炒到第三四次之後，配料的味道開始飄出，雞煲變得香噴噴。雞件啖啖肉又嫩滑入味，豆卜及菇菌也有不少，而且是任食的，不夠喉的話，可再添加～～食完雞煲就輪到海鮮盛宴，一共有6款海鮮，份量按人頭數。海鮮有鮑魚、蟶子、扇貝、海蝦、花蜆及龍躉，還有少量蔬菜及讚岐烏冬。每款海鮮都好鮮甜，蒜蓉香惹味，但不會遮蓋海鮮的甜。海鮮的熟度恰好，爽口不會過韌，魚片嫩滑。火鍋湯底的選擇不算多，我們選了養生燉湯，即蟲草花烏雞湯。食火鍋前先飲湯，湯底足料清甜！任食手切牛頸脊，需要全枱在社交平台留言才可享任食優惠，除牛頸脊外，還有黑豚肉也是任食。值得一讚的是，每一round牛頸脊的質素都是同樣好吃，不會有參差的情況。牛頸脊的肉味香濃，入口稔滑無筋，好吃！丸類及蔬菜有充足選擇，需要去雪櫃自取，丸類質素正常。烏冬更是原個包裝的讚岐烏冬，$298的價錢絕對令人吃得飽飽的離座！最後還有每人一碗椰汁雪燕，椰汁味香，不會過甜，雪燕軟滑！以這樣的價錢，食物份量及質素是值得的。惟空間環境問題是最大弊病，狹迫不在話下，空氣亦不夠流通！…Read More

食到飽1.麻辣雞煲 我地叫左2round川菜味，麻辣鮮香，叫左BB辣。雞肉肉質鮮嫩。2. 蒸海鮮蒜蓉扇貝，肉質鮮甜彈牙，配搭新鮮蒜蓉。清蒸鮑魚，大大隻，肉質彈牙。3. 老火湯養生湯，濃郁醇厚，飲少少就用來做湯底打邊爐4. 任食火鍋提供各種食材,如各式蔬菜、醬料,任你自由搭配。飲料也一併提供，自由暢飲。…Read More

位置真係比較迫，而家搬咗舖唔知有冇闊落咗🥹第一式-雞煲🐥 小辣🌶️ 任食先食雞煲，一般係都半生熟雞再自己煮到熟🌶️呢度就係全生再煮到熟，一路煮已經好香好想食要煮4次先熟曬食得🥹 小辣對我嚟講都幾辣🤣🌶️🌶️🌶️但味會想追住食🤭 入面仲有洋蔥，蒜頭同豆卜，煮到勁入味😻第二式-海鮮拼盤🐟🐠🦐🦀7人份量，超大盤😹廚房蒸好一上枱個個都哇哇聲！海鮮大半部分都係新鮮，味道都好食🙌🏼個人最鍾意係蒜蓉扇貝粉絲🫶🏼第三式- 打邊爐！🍲養生燉湯，店係建議飲咗老火湯先打邊爐🤣不過食完前兩式都幾飽，飲咗2啖~~打邊爐嘅料係自助式，自己簡自己拎🫡第四式- 任食手切牛頸脊🐄要做咗任務先有得任食🤭(like and comment 社交平台)質素係幾好的👍🏻最後甜品就無任食的，但有碗糖水-椰汁雪燕🥥總括而言，幾有心意提供唔同款式野食，又有得打卡😹放題嚟講性價比還不錯，但真係太太太逼，逼到個人都無乜心機坐(我全程打側個人坐)😿 希望轉地方可以坐得舒服啲🫡…Read More

我要哂!!平時最中意打邊爐，但又好想食海鮮，咁點算？所以今日同朋友一齊揀左食呢間斗滾，一次過滿足哂我地咁多個願望啦！雞煲，蒸海鮮，打邊爐，齊哂！！🤣🤤呢間最吸引既就係個海鮮拼盤😎鮑魚，聖子，海蝦，帆立貝，數都數唔哂！仲要無限時任食任飲，同朋友慶祝或飯局就岩哂啦，而且仲有酒飲，岩哂大家狂歡盡慶🍴不過呢間超full，大家黎之前提提你地記得要預訂呀！🍴無限時任食價：1人：$268📌斗滾🍽️尖沙咀山林道38號銀座38 12樓…Read More

都話自費。。。OpenRice 成日話我收左錢，我都想呀想(｡ ́︿ ̀｡)斗滾 尖沙咀山林道38號銀座38 12樓超抵食雞煲邊爐放題！仲有打卡蒸海鮮！星期一至四$268/位，平靚正！⭐️少辣炒雞好香但有啲大煙，會打乞嗤😂⭐️Igable打卡蒸海鮮！唔單止足料，味道好！而且排得靚，視覺效果做得好好🤣⭐️有好多打邊爐嘅自取配料，推介魷魚同芋絲🤣仲有無限牛肉🐄🫡⭐️椰汁雪燕🤍大滿足！唯一唔好嘅就係真係坐得好辛苦好逼，全程都要扭住條腰食飯。。。食慾-30%🥲 明明已經book咗枱，都安排得咁差，個環境令到我都唔係咁想2訪🙏🏻…Read More

難得一大班frd約咗，食斗滾真係冇得輸！一個價錢，先食雞煲，之後飲湯，跟住海鮮，同埋打邊爐。而且雞煲同邊爐可以任添，二百幾蚊黎講喺香港真係cp值好好好高！放心就算打邊爐唔煮麵都一定飽。不過都唔好expect打邊爐會有好多選擇，都係基本嘅菜同丸類。野飲都可以任拎，有涼茶等選擇，可以下火。不過如果要預約嘅話真係要早d，尤其多人嘅話，起碼早一個月就穩陣d啦。同埋環境方面就要有心理準備唔會好舒服，有d逼，不過一大班frd坐逼d都唔緊要啦！最緊要食得開心！…Read More

呢間餐廳係一位朋友介紹，今次想幫另一位朋友慶生，咁就試試喇。一開始出lift就見到好墟冚，長期處於滿座狀態，好多人排隊。我哋就係坐喺對住𨋢口嘅位置，長期係需要同啲等𨋢同出𨋢嘅人對望⋯而另一邊就有塊玻璃，隔離啲人又食食吓望過嚟，令人覺得勁唔自在。其次就係我哋頭頂有一盞射燈，一開始坐都覺得冇乜嘢，但係坐得耐咗真係覺得熱。加上一開始就食雞煲，已經感覺到啲蒸氣不斷咁蒸上嚟，甚至係去到後尾打邊爐都係覺得越嚟越熱⋯連負責book 位嘅朋友都忍唔住出聲話冬天食嘅話係的確好暖好舒服，夏天就真係熱到頂唔順⋯佢都食到一半就落咗大堂過冷河，吹返凍過人，之後先至繼續一齊食⋯坦白講，個雞煲嘅調味係好惹味嘅。一開始我哋去處理嗰個雞煲嘅女服務員態度有啲差，有啲晦氣，不過都覺得情有可原，因為真係好熱，成個場又好宅好多人，佢哋都好難可以保持住好好嘅態度。不過又客觀啲講，見到有好多其他嘅服務員，其實佢哋都係好多時都會唔該前唔該後，有啲重要搬住好多好重嘅嘢，真係都已經好辛苦佢哋。所以服務方面整體上都可以嘅。至於啲嘢食，個雞煲其實啲肉係唔多，都係偏多骨。每次打開個雞煲去炒嘅時候，都覺得陣味好搶，好攻鼻😂另外值得一提嘅係，點解可以無限添加我覺得最出色都係蒜蓉蒸帆立貝、蝦、蟶子同魚。真係啖啖肉！至於火鍋湯料，其實選擇真係唔算多，質素都係不過不失。至於嘢飲同埋好材料都係要出去拎，而出面條路其實真係好窄，每次兩個人都係要打側個人咁樣行。不過無論幾月都好，都一定要撐到最尾，要享用埋個雪燕先好走啊！終於有冷盤，真係好食嘅呢個🙂‍↔️甜度適中，唯一想encore哈哈總括嚟講呢度嘅環境真係唔太舒服，真係坐位都唔係好夠都會撞到隔離，甚至係後面嗰台嘅人，感覺非常之唔舒適。見到佢張貼出嚟有張搬遷告示⋯經過呢次體驗，我都覺得佢好有需要搵個好啲地方—以顧客嘅需要再好好考量吓啲擺位，令食客有個愉快啲嘅飲食體驗。…Read More

我哋四個人食咗成 $1500，想簽信用卡我未試過過香港食肆要收手續費 2%而家食嘢邊有帶咁多錢呀？咁樣唔係犯法嘅咩？我冇同佢理論要搵人夾錢，感覺好差How come a restaurant need to pay 2% service charge for using credit card ？！I thought it is against credit card policy to charge customers the service charge… …Read More

今次介紹呢間係尖沙咀超人氣任食雞煲嘅餐廳——斗滾🔥餐廳仲有設有露天座位 雞煲有唔同辣度 而今次就叫咗小辣🌶️炒四次就食得 食之前落埋芫荽勁香呀🤩啲雞自己炒嘅當然勁香勁滑😌食完雞煲就可以上海鮮拼盤🤩有鮑魚、花蜆、聖子同蝦🦐之後就上燉湯 準備打邊爐🍲用烏雞湯做湯底又濃又鮮甜😛任食嘅手切牛頸脊入口勁嫩滑😋當然唔少得仲有豚肉🤪牛肉同豚肉嘅口感同味道都好高質👍🏻幾飽都好都要叫丸丸試吓 都好出色👏🏻咖喱魚蛋就最有驚喜 因為隻咬落去就勁多咖喱汁係入面😋最後都要食埋個椰汁雪燕糖水 夠晒滿足😌…Read More

好耐之前聽朋友講話西環有間打邊爐好食，但要提早一個月book 檯。最近見社交平台 話佢開左新店，即管去試吓。咁我就提早咗一個月預約。上到去嘩6點都甘多人吃緊既😂😂 嚇親，環境就有d 逼，檯同檯之間真係幾close, 甘唔緊要野食搭夠都ok 既。首先登場既係雞煲，叫左小辣。要自己炒4次，每次2分鐘。炒緊第2次個時已經香到流口水😋😋 味道果真無令人失望，雞件完全唔柴，醬汁有少少麻辣，香到爆！因為可以追加，我地叫多左個再炒過😂😂😂侍應見我哋食得差唔多就問我哋如果ok 就準備定海鮮，甘我地都ok想試下一味。 因為得2人，每款海鮮都只有2件，完全唔夠喉！海鮮係吃得出既新鮮😋😋個人最中意粉絲扇貝，味道同蒜夾到一流👍👍 好味！最後打邊爐就還好，因為已經飽了😂😂 主要都係吃左3碟牛就算，d 牛好似話係人手切既，而睇落吃落都唔錯，但相比雞煲同埋海鮮，佢就無話好令我驚艷到😂整體食物質素好高，價錢300蚊黎講算係平！會再黎👍👍😉…Read More

即日book都好彩有位，上到去已經坐滿，一坐低簡單介紹完個食嘅程序，原來係一次過食完雞煲、跟住有海鮮、跟住再整個打邊爐。我聽完已經眼都凸埋，咁多野食真係$298 only ?🤣海鮮同邊爐唔錯，個牛頸脊幾好味，最後個糖水都好正！已經同fd 講定幾時再黎！支持留港消費，高質餐廳真係無敵！…Read More

再見老朋友，所以一早預訂咗呢間餐廳，希望大家可食得開心又滿足！ 一上到去就知呢間餐廳好受歡迎，基本上座無虛席，好在我哋有預約到！😎一入座，店員已經事不宜遲雞煲奉上！我哋跟足佢個指示，好認真地計時⌛️炒雞🤣，所以啲雞唔會變到好乾。雞煲配料好足，所以食落好惹味，令人食指大動🤤！ 同埋佢唔會俾晒啲骨同雞皮，有好多雞肉，非常好！雖然雞煲係任食，不過我哋有啲廢，淨係添咗一次雞。然後到咗食海鮮嘅環節！ 盤海鮮一上枱，令人驚嘆，完全係海鮮晒你冷🤣，佢仲要係按人頭計份量，所以每種海鮮都人人有份，永不落空！ 好正！😆 至於味道就係簡單用蒜蓉粉絲蒸海鮮咁味！去到呢個位，其實都有啲飽。不過仲有邊爐要打！我哋揀咗養生燉湯湯底，入面有隻竹絲雞，係好足料嘅老火湯。佢有兩款肉揀：手切牛頸脊and 黑豚肉，都係任食。 牛肉好嫩滑，而黑豚肉唔會好重豬肉味同腥味，都十分出色！ 其實仲可以去雪櫃攞其他火鍋配料，不過我哋實在係太飽，所以放棄了！總結，呢間餐廳性價比好高，唔止好食，價錢方面都係差唔多每人$300！ 十分推介！…Read More

上年11月中同朋友一行幾人食晚餐，差唔多一個月前訂位，都只是定到星期一。之前已經試過訂位兩三次都唔成功，所以星期一有枱我哋照去。斗滾另一分店係西環，聽聞比較易有枱，不過我哋去尖沙咀方便好多。一入到餐廳就見到到好滿，枱係緊貼另一張枱，非常之逼，連𨋢口都放咗兩張2人枱，好誇張，我哋有7人，張枱夠大，比較坐入面嘅朋友好難出嚟去大廳拎飲品同菜，丸，火鍋配料。餐廳冇限時間，先上雞煲，雞肉份量夠，叫咗小辣，夠惹味，之後上海鮮，個盆好大份，係7人份量，所以夠堆頭，龍𧄌，扇貝同海蝦最鍾意，全部充滿蒜味。火鍋叫牛腩鍋，另一個係養生燉湯，兩個湯底都做得好鮮，料夠同新鮮。火鍋嘅牛肉都好新鮮，實在喜出望外，人均只係3百頭，已經計左加一。如果唔怕坐得逼，實在適合朋友一齊大擦一餐。…Read More

職員明顯overload唔夠staff + d 人態度勁西一開始無講好雞煲要撈四次 擺低就走啲海鮮未洗好有泥沙298唔expect d 咩但唔覺得有超值職員手腳慢到係expect你幫佢執枱⋯⋯淨係會喺交枱嘅時候出現千其唔好expect㩒服務鐘會有人嚟!!!!!!過嚟打個卡冇乜所謂…Read More