文記車仔麵 (Closed)

係太子做完野，諗住過深水埗食文記。點知睇openrice見到文記係太子都有分店😧去到睇到個招牌又真係同深水埗個間一樣於是入去食，廢是行多轉魷魚雞翼魚蛋米線 中辣一睇圖就知有幾唔掂😅成碗野起哂泡咁，睇到已經無乜食慾湯底，完全唔係深水埗文記嘅腩汁，睇色水都知辣汁，完全同深水埗文記唔同，呢隻有啲沙爹味魷魚，睇圖都見到得3條😑文記起碼多佢1-2倍。味道還可以，但因為佢另上，啲魷魚凍的魚蛋，太淋瑞士汁雞翼，無乜瑞士汁味，但夠大隻總括黎講，撇除佢嘅味道完全同深水埗文記唔同，以車仔麵黎講我覺得都唔合格👎🏻…Read More

爆紅人氣「文記車仔麵」，太子開了新店，於是一試！平日下午一點多，店內沒有太多人，即刻入去試下！價格不平，以車仔麵黎講都係中上位價錢。叫左招牌瑞士雞翼、蝦卷、豆卜，朋友就試豬大腸同豬紅加雞翼！招牌瑞士雞翼及豬大腸：入味不會過鹼，雞翼冇雪藏味唔霉，大腸好食。推雞翼及豬大腸！如果要排隊再加上價錢又唔係平，我應不會試。總括而言，湯底冇太大驚喜，係得瑞士雞翼幾入味。…Read More

太子地頭蟲既我，今次就去左尼間，都幾出名下既『文記車仔麵』。星期六下午來，都座滿8成位。落單叫了米粉底，豬紅，陳皮魚蛋，酸齋。陳皮魚蛋好彈牙，酸齋味道很好，意料之外，綜合來說是中上水準。…Read More

今日有啲野要做，出左黎旺角，做完後見兩點幾都未食飯，行行下見到呢間店舖，聽朋友之前講過呢間都幾好食，所以就入左呢間食車仔麵，入到去環境用上好似啲屋村環境，有舊式鐵閘，又有一些香港既街道相，都幾有懷舊feel，一個人坐下，睇睇餐牌，呢度提供marker筆俾你在餐牌上圈出你想要的配料，麵底，湯底等等，咁我就慢慢睇下佢有啲咩配料俾我揀，配料其實還算多種類，只係唔同配料會有唔同價錢。我點選了豬肚丸，雞翼尖魚皮油麵，加＄１０就可以有一杯飲品，我就點選了凍利賓納。這間店舖是你圈低了食物既配搭後，就去櫃面落單付款，跟著你可以坐返埋位等。我的車仔麵冇幾耐就上枱，魚皮就用另一隻碗仔分開上，都算貼心吧！但一食唔係外間講得咁好味，我覺得成個湯底好淡，連雞翼尖都好似冇乜味道，個豬肚丸都係冇咩特別，反而個魚皮就好脆，係最出色的。利賓納就較得算唔錯！但總括黎講，我覺得今次體驗有點失望，希望佢唔係因為開得太多分店而忽略了原有的味道吧！…Read More

都知唔係深水埗文記車仔麵架喇，但自己想食就走左去試下囉，點知中左伏，套餐凍飲加3蚊又冇啦啦收多人錢都算，檸檬茶冇檸檬味都算，叫左秘製香辣汁少辣得一滴都算，搞到都要自己落其他野去調味，最過份係個瑞士汁雞中翼12蚊一個餸得兩隻，為起6蚊一隻，6蚊一隻白灼雞翼，我自己整都得，洗鬼黎食！(鋪入面仲要寫住必食推介)真係攞你命三千。。。大家自行判斷下，我唔會再有下次…Read More

今日經過太子見到間裝修特別的車仔麵，聞到香味人，入去試一試，餸麵到一食鳳瓜超好食，好入味，又叫了一份玻璃魷魚正呀😆😆😆喜歡食辣必試，另外再叫了3樣炸物，炸鮮竹墨魚卷最正，韮菜餃好香👍🏻，之後仲發現大驚喜，本人在觀塘工作，在輔仁街有一間車仔麵超好食，每次午餐多人排隊都照等，當我食鳳爪時心想口味十分近似，再細睇原來寫了原先在輔仁街，之前因租約他們關了，當時心想又沒了一間好食既車仔麵，估不到今天遇返，必會再食！…Read More

好耐都冇食過車仔麵，是因好怕食到味精嘢，食完又口乾! 但朋友叫過我去食這間「文記車仔麵」好多次，今日推無可推唯有去試下。在街外見舖面都冇咩特别，都係有個煮麵位置，慢慢行入舖內，原來別有洞天，內部裝修好有特色，用漆油在牆身寫上招牌菜式，還有吊掛著紅色燈罩的燈泡，舊式大排檔的擺設，好有風味。點餐為自助形式，先在餐牌內點選你喜歡的餸菜，然後到櫃面找數，隨後侍應會將麵食送到你面前。由於我們今次是輕食，所以都是㸃了ㄧ款車仔麵和ㄧ個紫菜四寳湯再加杯凍鴛鴦來食。車仔麵餸菜都好多選擇，最後我地㸃咗 ……粗麵+雞翼+通菜+玻璃魷魚+少辣湯底粗麵爽口，雞翼厚大入味，通菜正常，去到玻璃魷魚真係好味😋，魷魚炆得淋度適中又入味，醬汁不只是甜甜地，食出有果皮香味，其實好有層次，真係好好味😋😍。湯底係鮮味豬骨湯，食完整碗麵和湯都沒半㸃口乾。👍👍另外，㸃了碗紫菜四寶湯，碗內有ㄧ大堆紫菜+2粒爽口牛丸+2粒墨魚丸+2粒好飽滿魚皮餃+2片手打扎肉，款款都好食由其是扎肉跟外面有點不同，内有ㄧ粒粒的根， 增添咬口。😊凍鴛鴦就一般啦!「文記車仔麵」令我對車仔麵改觀晒，食完沒有口乾感覺，還有想下次再來試其他餸菜的想法，真係值得ㄧ贊👍👍😋…Read More