文記傳統車仔麵 (Moved) New Location

食完輝煌意猶未盡, 再來這裡吃煎釀三寶. 不要少看煎釀三寶, 單是排隊購買也要約十分鐘!!吃了豆腐, 茄子和紅腸三款. 因為新鮮炸起的關係, 吃起來也差不到那裡. 不過魚肉的味道只是一般, 沒有想像中的彈牙, 魚味也不重, 紅腸也不太新鮮. 感覺上及不上小時候在屋企樓下吃的煎釀三寶, 也許是快要清拆的關係, 名氣大了, 但水準維持不了......

吃完興記,繼續在下邨遊走一番,左轉右轉之下來到下邨另一邊,店前的碗仔翅和店內的車仔餸又引來大家興趣。車仔餸種類繁多,為保食力只選了些輕怡一點的車仔餸,其餘重型的豬腸、雞翼已忍痛放棄!魚蛋用了體積不大的炸魚蛋,魚味當然不重,質感較鬆不是我喜歡那種實的的魚蛋,一般而已; 魷魚份量最多,土魷魚煮得不韌,不過味道偏辣,浸湯後仍然頗辣,小心小心!其後看到門前那魚蛋車仔,應該點那現灼魷魚應好味一點;蘿蔔沒有花心或過老現象,味道天然沒有人工甜味,不俗! 通菜翠綠爽脆,魷魚辣味走進菜莖中,有點吃泰國菜的風味。本打算碗仔翅和魚肉各一,因為團友喜吃翅而自己很久沒吃生菜魚肉湯,不過為保持戰鬥力,來個二合一的魚肉翅好了。翅的顏色有點怪異,平時的碗仔翅通常是豉油般的顏色,這裡的有點偏黃,可愛團友一句"咖喱味架??"來個貼切形容。碗仔翅除"魚翅"外,還有基本的肉絲和冬菇絲,不過還有想不到的火腿絲在內,很特別的組合。魚肉頗為大件,質感就是超多粉魚肉那種軟軟感覺,自己都很喜歡吃這些多粉魚肉,不過今次實在淋得過份一點,兩者加起來未能有負負得正的效果。全店最後六條熱腸粉被可愛朋友點了 六條腸粉竟有如此大碟,難道這裡的是加

好久沒有出現,一字寄為「懶」也.這幾天連吃三日車仔麵,想起來自己都頗為神奇(怪).肚子有點異樣了.....噢~星期一,在順利邨做完工作後,聽朋友講牛頭角有好食的車仔麵,於是「心想順路」就順路地去了這裡.這天還早,只得我們一枱客.雖然較早前已食了早餐,不過還是非常貪心地,叫了很多配菜.計有:豬頸肉,牛肚,豬腸蘿蔔等....豬頸肉爽口,湯也甜,但不是會有衝動喝它碗底朝天的那種.其他的豬腸和牛肚卻不是我口味,不想浪費下仍剩下了不少.不敢說是差,只敢說不對我的味.此鋪開始時覺得有一股老鋪的氣燄,不太當你是客,但臨走時姐姐們卻向我們訴說冷氣機滴水,會有機會噴塵.不過又因再過兩個月就走,自己又不懂修理,還是算了.可見他們是當你是鄰居.此種情,希望不要隨著香港什麼都要新,而消失了(雖然此鋪會在別處重開)之後還去了找未開檔的雞蛋仔和藝術家進註的茶餐廳,不過最後發現還是風味情懷比食物好.另附上照片,大家一起見證,懷緬吧.

今日早左放學,就決定左試下尼到!!因為好多食評都讚,,係就尼重建前,,點都要試下!叫左個3餸面,,,25$,,係車仔面尼講唔算平,,豬排 + 酸斎 + 魚彈都好期待嫁,一食,,,覺得好失望...因為好咸..咸到d餸都無哂味..d態度好差..2個亞姐好似人地得罪左佢地咁.."o"哂...我試左一次,都唔會再尼喇

行完牛頭角下村突然好想食韮菜豬紅,記得之前經過見到有韮菜豬紅加辣汁($10)唔錯喎d豬紅,唔會有腥味,仲煮得幾入味唔會淡mou mou,最緊要好易夾上黎,唔會太淋不過韮菜就無乜特別喇無乜韮菜味,有d老友人話煎釀三寶好好味即買即炸好新鮮

男友睇o左友人寫呢o度同肥媽甜品o既評價後,話想搵日o黎,咁尋日(21-2-09Sat)又冇咩做,而且近排佢又想睇戲,於是決定o黎呢o度.我o地大約1:00pm o黎到,都未係太多人,我問亞姐有冇煎釀三寶,佢答未出,要四,五點.啊,咁我要車仔麵啦,揀o左油麵,生菜,豬皮,金錢肚同豬頸肉,盛惠$28.00.男友想食腸粉,咁我又買o左$6.00.由於男友嗜辣,想要咖喱魚蛋o個隻辣醬,於是我出去攞一湯匙畀佢.好喇,開餐喇,金錢肚,豬皮夠腍,而豬頸肉,竟然係最突出,佢唔油,又清清地o既,真係唔錯.而湯亦好清,但清得o黎又有味道,唔錯喎.而腸粉就滑滑,亞姐重會幫人加埋甜醬同麻醬,重要係唔吝嗇o個隻,好正啊.然後男友話想飲豆漿,啊好啊,呢o度係支庄,$8.00一支,同男友share.味道又係清清o既,唔太甜,但好解渴,唔錯啊.服務:要自己出去叫餸同即畀錢,但會幫你拎入去,態度亦冇問題,唔錯.環境:牛頭角邨呢啲舊公屋,單位好細(自己都住過同類型o既),所以預o左會迫.地下有啲滑,小心行就得喇.衛生:算係咁啦.

慕名而來但因為好飽無食到店內0既車仔麵反而食左佢門口車仔檔0既小食有檔係satay 魚蛋好好味雖然細味但加埋d汁真係超好味d汁又唔太辣唔會辣到乜味都無魷魚同牛柏葉都好爽又係同d汁好夾!反而碗仔翅麻麻....好無料...........外賣13蚊碗真係唔太抵.....

最愛下村0既食肆....夠親切~~宜家都越黎越少呢類街邊檔..仲要咁好食, 可惜係呢到就黎要拆啦!!文記除左車仔面正之外, 當然不可不提佢0既小食~100個正!最愛魚蛋, 夠彈牙! 比起旺角果d正好多好多倍夠魚香味, 又唔粉. 正!!最鍾意佢個汁, 唔辣都咁正, 有好香0既蒜味如果食得辣就仲好~本身我都唔食到辣野第一次試果時唔識死~以為唔會好辣點知辣到我即刻買野飲.....但係又停唔到口!平時可能已經放棄左唔食~~但對住咁好味0既魚蛋我都唔能夠抗拒..........魚蛋+豬皮係好好0既配搭, 我每次都食夠2串先走人..另外亦推介煎釀3寶, 佢熱辣辣炸上黎又足料.

與『Iker casillas』黎食車仔麵。嘩！勁多人！排晒長龍！『Iker casillas』叫了米粉、白菜仔、白蘿蔔、螺肉、豬腸、魷魚我叫了米粉、白菜仔、豬腸、豬皮、魚蛋、魷魚忘記左佢地的沙爹辣汁係幾勁下，仲叫佢裨多辣添。食到全身火滾加勁標汗！馬上要買返支汽水解辣至得！真係好食到唔停得口。坐我身後，有位女仕竟然叫佢多辣走湯！食辣汁撈麵！嘩！好利害！仲要面不改容！係佢搬走前，會再黎食過。

煎醸三寶間間小食店都有,什至我自己有時都會煮,但呢間我敢講係我食過最好的! 點左$10/6件: 2件茄子,1件蟹柳, 1件青椒, 1件豆腐同1件蕃薯 香口,新鮮,熱辣辣,美味其實有時唔駛太複雜~ 不過能夠令他勝人一疇係D魚肉~~彈牙,有麻油同蔥香,唔過鹹,配上點點甜的豉油~好幸福呀!!!!(可惜都係3月便會結業,如果仲有機會來食,一定要叫魚蛋) ^o^

說實一句呢間食店雖然我成日幫趁，不過食車仔麵的次數三隻手指都數得哂﹗因我覺得牛頭角吃可以去嘉和園的富記，所以來文記總是吃魷魚魚旦煎釀三寶同埋魚肉翅﹗是日四點都未食晏，真係餓到胃都穿，經過呢度唔諗得咁多整番個車仔麵先﹗魷魚是走唔甩的，紅腸、白菜仔再加蘿蔔粗麵腩汁未食未試已經香氣撲鼻，麵身吸左0的腩汁真係好食﹔魷魚爽口彈牙、蘿蔔有少少渣不過夠腍，滿意了﹗就算唔食辣都好都要加少少佢個辣汁，沙爹味香濃，惹味很多的呢﹗

在下從來都不是個食得辣的人,車仔麵當然要不辣,不知是不是那位哥哥聽錯,結果竟然食到一碗勁辣的車仔麵,逼得我不得不叫支可樂來解辣anyway,麵是好麵,要了豬紅,豬腸,牛肚與生菜,豬紅煮得剛剛好,相當滑爽,又未至一夾就碎,豬腸與牛肚則鹵得相當入味,口感軟腍,但仍有咬口,生菜吸收了腩汁的同時亦吸足了辣汁,只得一啖菜一啖可樂這麼食,不可否認的是,文記的腩汁確實未令我失望,味道鮮甜,看來真是有"傳統"的麵檔

睇完戲搵野食, 想去宏光樓食富記, 點知收左鋪...>.<所以行返去試文記囉...每人叫左一個三餸麵, 兩串魚蛋 + 一枝大可樂 + 一包大檸檬茶烏冬真係用噹噹烏冬煮, 唔似有d 鋪頭用上海麵扮烏冬, 或者用d cheap烏冬d 餸一般啦...不過食落真係似以前細個食0個種味道...好懷念魚蛋好味呀...魚蛋同個麵加埋d 辣汁...yum yum~~~不過呢d 地方, 你都預左無服務可言ga la...我地企左0係度好耐, 煮麵0個個都只係掛住同人傾計叫左几次唔該, 佢都無諗住理我地...直到佢傾完先理我地囉...三月尾後舊鋪就會收檔啦...大家有食趁手啦!我都應該會0係佢拆之前再去的...

盼望著煲仔飯的同時，又指使友人到隔鄰文記「拮」十蚊咖喱魚蛋，可以一邊嘆魚蛋，一邊等煲飯前段不夠5分鐘，友人拿著一袋魚蛋回來，打開，嘩，好多粒魚蛋呀!!不過不是10蚊，是12蚊，即6蚊一串，1串5粒啦!魚蛋也要個幾一粒，真的升價了......不過拘拘一蚊幾毫，又有多少人真心計較呢!魚蛋細細粒，容易食，不過其實主角不是它，是咖喱汁才對!是甜咖喱加很少辣的一種，我還用以撈煲仔飯來吃呢，又可以配合得到，當然，只少一匙而矣，始終，煲仔飯是和豉油一對的。

若論我平日最愛的街頭小吃熱點，我必推九龍灣的文記傳統車仔麵﹗來呢度唔係食車仔麵，而係食佢地下午五點後先有得買既小食﹗因為工作就近，平日收工肚餓都會自己走來食0的野先返屋企﹗今日就買左呢間野既外賣返屋企食喇﹗魚肉翅是我每次必吃的﹗翅身不杰不稀質感岩岩好﹗用料夠多，翅料滿有火腿、雞絲等材料，充滿鮮味﹗魚肉彈牙有鮮魚香，口感一流好好o趙，加少少醋落去真係味覺之大享受﹗再推其他小食，我次次都買呢三樣﹗就係魚旦、魷魚同埋螺肉﹗辣魚旦不粉有嚼勁﹔魷魚及螺肉更加唔洗講係超級爽口彈牙之流，如有人問我邊到0的魷魚最好食我一定推呢間野﹗最重要係佢個沙爹汁，少少辣多多香口惹味真係一試傾情，愛街頭小吃的必然戀上﹗仲有佢地出的三寶四寶，由於每次一炸完出爐就俾人賣哂，夜晚仲要排長龍先有得食，所以一0的都唔洗怕唔新鮮會凍哂﹗辣親個咀就會有﹗可惜呢度做到下年三月由於牛頭角下村要清拆所以會搬走，新店已經開左我試過味道爭九丈幾咁遠﹗要食就快喇﹗唔係四月無得食了﹗更多相:http://hk.myblog.yahoo.com/smallsmalllin/article?mid=11551