文記傳統車仔麵茶餐廳 (Closed)

差不多3年多沒吃過了，一進去第一眼煎釀三寶檔口那員工生口生面，以為太耐無黎新請既無為意，照叫魚蛋再加辣椒豉油坐低食，點之一食就出晒事，細粒左都唔緊要，以為物價升左，點之魚蛋甜既咩料，辣椒豉油唔辣，魚蛋應該係加左洋蔥所以帶甜味，其他唔想講太多，兩個字‘難食‘’，上網路搜尋發現原來轉左手，無下次了

這間是我由中學食到現在的文記車仔面， 是一間歷史悠久的車仔麵， 最出名是豬皮，豬腸，尤魚，還有特色的湯底，是用了很香的蒜蓉味， 与其他汤面相比味道清淡鲜美， 由於價錢平宜深受很多人愛戴， 經常很多人食的一間車仔面！

21年中一次食無意中聽到事頭婆退休賣盤,今年去咁多次都唔見平時負責打魚肉炸炸物啊叔系鋪內都知道唔對路！唔怪得咁多人話炸物差左🤷‍♂因為咁多年嚟我都系一碗兩溝+兩串野落秘汁😆最近幾次食已經發覺兩溝明顯系稀左味道亦啖左今日仲大鑊連兩溝入面既魚肉都變成食落口感好多粉完全無魚味個秘汁得返6成左右水準仲要玩埋呃熟客，今日都系叫碗兩溝+水魷兩串落秘汁秘汁亦差埋張車仔麵餸紙牌頭就換左但入面既內容同價錢就無變到！嚟到發覺張單價錢唔對路！我落單時講到明要水魷你就算屈魷魚鬚都系15數1串！價錢都寫到明！但收34蚊我話寫錯價錢條友仲指住墻話先生呢度寫到明系17蚊串！我心唸XyZ你啦！ 我就一句爆埋去事頭婆退休都唔系咁呃熱客吓話！我下村未拆就已經食食到搬嚟利基大廈！條友即刻啞左唔出聲😂張車仔麵餸紙仔仲系用緊舊陣時文記果張價錢都無變！兩溝就由$20加到$23🤦‍♂加價唔緊要但已經唔系之前果隻味道兩溝稀左好多味道亦啖左好多就連秘汁都得返6成左右所有野差曬！做生意做到咁一定唔會再 幫襯❗反正之前系下村果時我睇到秘汁系用乜材料煮😀當年企汁位個啊姐熟左我次次買都外賣都畢多兩野汁比我拎走😀所以好清楚個味道

文記改咗名，唔知係易手定係其他原因。餐廳裝潢一樣，但炸魚蛋質素下降。唔再彈牙，魚蛋內亦加了不知什麼食材，食落魚蛋帶有小小甜味，味道怪怪的。文記本身最出名係煎釀三寶，魚蛋更係至愛。而家唔駛再幫襯了。

變質的魚旦唔彈牙又又霉，原本是我極度喜愛煎釀三宝之店舖，現變為極度失望，唔會再返轉頭試，俾咗2次機會了，最後得出結果都係咁難食，希望改善，做近以前嘅質素好嗎？店舖已經不算乾淨企理連食物質素都咁差

好失望加左價魚蛋細粒左炸得唔夠火喉仲要溝生菜唔俾劣評你都對唔住啲街坊之前經過九龍灣都要食既名物睇來都可以從名單中剔除了唔知有無人同我一樣都係有相同既感受😞😞😞😞😞

呢間車仔麵係我由細食到大。咁啱同男朋友經過淘大，就帶咗男朋友去呢間我好耐冇食嘅車仔麵。------------------------------入得去空間唔算好大，同埋通常都要搭枱，所以會有啲迫。------------------------------呢到唔止得車仔麵，佢仲有得嗌小菜，煎釀三寶嗰啲嘢食。我幾鍾意食佢哋啲煎釀三寶。雖然呢度嘅煎釀三寶唔算平，但我自己覺得算係幾好食同埋都幾大件。😋😋通常我喺呢到嗌車仔麵食都會嗌冬菇、螺肉、蘿蔔、豬頸肉同埋米粉。佢哋啲冬菇都好入味，好好食😋😋！同埋佢哋車仔麵啲餸比起出面食嗰啲車仔麵平，份量亦都幾多，性價比好高。------------------------------如果今晚經過又想食車仔麵嘅話，呢一間係一個唔錯嘅選擇。

文記傳統車仔麵📍 香港九龍灣牛頭角道55號利基大廈地下😆呢間係我私藏嘅車仔麵唔知大家有無食過炸雲吞皮？係呢間隱藏餐牌🤣真係一試難忘，耐唔耐會心思思返去食（食完要即刻飲涼茶😂好熱氣）⭐️雲吞皮會沾上魚肉一齊炸❤️😆好正⭐️炸魚彈🤣我最愛⭐️車仔麵每款單叫，最低消費$32，仲會送豆漿一杯🥛今次分別叫左⭐️牛腩 好入味炆到勁淋⭐️自家制餃子🥟係韮菜肉餡⭐️豬紅 略嫌唔夠入味⭐️鴨胸 正常野😂⭐️生菜

見到介紹九龍灣有好味既街頭美食, 就去淘大商場隔離嘅利基大廈搵食, 由大街直入就搵到, 舖頭好多野食, 有車仔麵$32起, 碗仔翅魚肉生菜$18-$20, 煎釀三寶$20/5, 仲有汽水豆漿, 甚主碟頭飯都有. 睇番原來呢間系牛頭角下邨13座老店, 宜家都唔容易搵到呢D街頭美食. 我就買左魚肉碗仔翅同炸魚蛋, 碗仔翅足料唔會太多茨, 而炸魚蛋真系大大粒又彈牙, 真材實料有魚味, 返到屋企唔會由炸起脹卜卜縮細, 亦唔會有窿有空氣,下次黎要試埋車仔麵

這間傳統車仔麵店，已在九龍灣匿藏多時，可以說是由細食到大，只有街坊知道。從小就很喜歡去買煎釀三寶、豬紅豬大腸吃，今天剛好經過淘大，就去買外賣回家當下午茶了。———————————————豬紅蘿蔔豬大腸 $29+1（外賣盒）豬大腸清洗得非常乾淨，蘿蔔非常入味，吸收了湯汁精華，仍然帶有一絲清甜，豬紅口感剛剛好，不會一夾就碎，是很好吃的豬紅味，因為是以獨有的醬汁泡浸過。湯方面，也非常好清甜，配上自家製炸蒜，真係食過番尋味！————————————————環境：👅👅👅食物：👅👅👅👅👅性價：👅👅👅👅服務：👅👅👅

之前係牛頭角下邨13座老店，現在已經入舖位九龍灣煎三寶，我已經吃了二十年。老闆娘非常有人情味，而食材料都是老闆娘一手一腳包辦非常強勁，車仔麵又好食，我本人覺得係全香港最好食的

牛下風味起勁大大粒炸魚蛋$23/6粒，真材實料食完飽6成再加多個魚肉翅，好有陳皮味呀！最得意呢度有加個辣菜甫⋯⋯個辣菜甫係好好食，但我覺得分開會更好食😋多謝Mr. J推介，攪到我掛住掛住

店內是懷舊的～車仔麵餸很多選擇，有時店員會請客人直接在這位置揀餸，不用填紙，即叫即煮；秘製辣汁色香味俱全，店方不會加湯，好讓客人能食到濃湯掛米粉的感覺；如無意外會是最後一次來了，這碗濃湯掛米粉絕對令人回味！

前排係star hall睇show睇完show搭番shuttle出黎德福廣場都10點幾商場好多餐廳都已經收左唯有行多幾步去淘大食未收ge舖寥寥可數就決定食傳統車仔麵店舖細細 但勝在咩都有d🍽車仔麵 $33油麵、墨魚丸、貢丸、牛腩配製秘汁秘汁夠哂濃味啱晒鍾意重口味嘅人🍽潮州小食$29豬紅、豬腸、蘿蔔 另加辣菜脯最鍾意食佢個豬腸👍🏼辣菜脯都非常出色🍽煎釀三寶$22魚旦、紅腸、茄子💬雖然環境同賣相一般但完全係港式地道小食味道同埋好抵食

豬皮，蘿蔔，牛腩，柚皮加米線都係$41蚊！真係物超所值！👍🏻👍🏻豬皮好淋好入味，蘿蔔清甜多汁，牛腩有很多亦很好味，不得不提是柚皮， $8可以食到柚皮，我相信只此一間，而且煮得不錯呢！一定要多啲支持，以免又少一間好舖😋😋