Four Seasons Chinese Restaurant (Tai Ming Lane)

位於大埔既文興酒家，係一間兼具傳統與創新既中菜餐廳，最近我特意去試咗佢哋招牌菜，真係令人驚喜！首先，我點咗燒味雙拼，有齊泰國櫻桃鴨同文興叉燒皇。櫻桃鴨外皮香脆，肉質鮮嫩，油脂均勻分佈，帶有淡淡果香。而叉燒皇則是色澤誘人，肉質柔嫩，醬汁濃郁，味道十足，兩者搭配簡直完美，真係好滿足！接住嚟試咗是日例湯，湯底清香，內有紅蘿蔔、薯仔同瘦肉，既健康又滋潤，特別適合轉季天氣享用。太白花雕醉鮑魚，入口即化，酒香四溢，鮑魚鮮味十足，令人回味無窮。金沙琵琶豆腐，口感滑嫩豆腐，外層裹上金黃金沙，外脆內嫩，形成鮮明對比，每一口都令人驚喜！然後我試咗特色酸菜沙巴龍躉，色彩繽紛好吸引！酸菜既清酸味與龍躉鮮甜味相得益彰，口感層次分明，讓整個用餐體驗更加豐富！黎得呢度，當然要試文興招牌炒飯，飯粒分明，炒得乾爽，配料新鮮，讓人一口接一口。最後，以中式心太軟作結，蛋白燉奶配上雪燕、椰汁、桃膠，清甜滑嫩，既滿足又不會太膩。總括而言，文興酒家無論係菜式定環境都相當出色，無論係家庭聚會定朋友聚餐，絕對係一個值得推薦的好地方！ 文興酒家地址: 大埔大明里5號地下2號舖…Read More

今日同屋企人去了大埔的文興酒家食飯，午市全場滿座，幸好流動量都快，等了一陣就有位。餐廳主打燒味及特色中菜，基本上每次幫襯都永無失手。粉葛紅蘿蔔豬𦟌湯：完全無味精，清甜有肉香，粉葛更是煲至又粉又腍。太白花雕醉鮑魚：鮑魚浸得入味，酒味突出，蓮藕爽脆酸辣，十分開胃。金沙琵琶豆腐：金黃色的豆腐攞盤精緻，表面沾滿了咸蛋王，裏面有馬蹄、蝦仁，炸至外脆內滑，必食之一。泰國櫻桃鴨拼文興叉燒皇：燒味是這裏的招牌菜，我自己就最喜歡食叉燒，梅頭肉帶焦脆蜜汁香；櫻桃鴨皮脆肉嫩，而且多汁充滿鴨油香味。文興招牌炒飯：炒飯有蝦仁、蛋白、菜粒等，而且不油膩，十分爽口。中式心太軟：桃膠燉至腍身，表面是海燕，蛋白有陣陣椰汁香，而且很滑。…Read More

這間位於大埔的【文興酒家】，主打廣東中菜，多款特色燒味及傳統手工菜都可以在這裏吃到。午市除了有點心外，還有多款特色小菜，適合一家大細過時過即聚會的好地方。泰國櫻桃鴨拼文興叉燒皇叉燒用了梅頭豬肉，入口嫩腍且有蜜糖焦香；鴨皮香脆且肉汁豐富。粉葛紅蘿蔔豬骨湯例湯十分足料，粉葛煲至很綿，鮮甜味十足。太白花雕醉鮑魚鮑魚充滿花雕酒香味，而且新鮮彈牙。文興香酥鴨鴨皮表面炸至酥脆，用熱辣辣的薄餅配上青瓜及大葱包裹，入口酥脆肉香。文興招牌炒飯炒飯飯粒分明，有蝦仁、蛋白等，炒至乾爽好味。中式心太軟桃膠椰汁燉奶入口幼滑且不會太甜，中間桃膠晶凝通透，女士補品。…Read More

🔹太白花雕醉鮑魚將嫩滑鮑魚加入花雕酒，醃得相當入味，肉質爽口彈牙，切成一片片，更方便食用～底部仲有麻辣蓮藕，爽脆麻香夠過癮！🔹是日例湯熱辣辣原盅燉湯，有紅蘿蔔、薯仔、瘦肉，清甜滋補，養脾胃一流～🔹燒味雙拼：泰國櫻桃鴨 及 文興叉燒皇可以一次過試齊文興招牌 - 泰國櫻桃鴨同文興叉燒皇！櫻桃鴨油脂豐富、肉質細嫩，烤後外皮香脆，鴨肉肥而不膩，豐厚細嫩味道佳～文興叉燒皇軟腍嫩滑，入口鬆軟充滿juicy肉汁，鹹甜香氣交織！🔹特色酸菜沙巴龍躉沙巴龍躉肉爽味鮮，啖啖肉鮮味十足！金黃色湯底香酸微辣，加入酸菜、蓮藕、萵筍、雜菇等配料製成，增添香麻口感，開胃又滋味！🔹金沙琵琶豆腐傳統經典粵菜步驟繁複！見到要叫黎試下！軟綿豆腐外層煎至金黃酥脆，配以濃厚金沙醬，濃郁香氣配搭沙沙口感，真係好出色！🔹文興招牌炒飯粒粒分明好有鑊氣，搭配大量菜粒、蝦仁、雞蛋、櫻花蝦等，炒成香口惹味炒飯！🔹中式心太軟好奇到底咩係中式心太軟～原來係蛋白燉奶！再加入桃膠、雪燕、椰汁等，滑嫩可口、層次分明，滋陰又養顏！文興酒家✨📍大埔大明里5號地下2號舖…Read More

英國紅到返香港嘅餐廳，最出名菜式係櫻桃鴨，用料講究，配上櫻桃汁，被譽為世上最好食嘅燒鴨之—，用餐期間都見有外國朋友專程嚟潮聖🎈櫻桃鴨拼文興叉燒皇櫻桃鴨鴨皮燒得脆身，鴨肉香濃肉質鮮嫩記住點櫻桃汁食，甜甜哋加上鴨肉肉香令味道更有層次叉燒皇肥瘦均勻，口感軟腍，少少肥肉入口即化，淨食定送飯都好正🎈是日例湯有紅蘿蔔粉葛、瘦肉，味道清甜，湯渣都好入味，食得出係落足料🎈太白花雕醉鮑魚醉鮑魚切成一片片方便分享，花雕酒香恰到好處，鮑魚爽口彈牙，同酒香好夾🎈特色酸菜沙巴龍躉以酸菜魚湯配沙巴龍躉夠矜貴，魚肉滑溜，湯底微辣帶點酸好開胃，材料豐富，有萵筍、雜菇、蓮藕等 🎈金沙琵琶豆腐呢道菜好考師傅功夫，每件豆腐都係金黃飽滿，裹滿香濃鹹蛋黃，香而不膩🎈文興招牌炒飯大大粒蝦肉、帶子等鮮香材料，加上炒香嘅櫻花蝦，整個配搭食得出好有誠意🎈中式心太軟面層雪燕配合杏汁好滋潤，中間係滑嫩燉蛋白，最後發現原來仲有桃膠，係個充滿驚喜嘅甜品…Read More

招牌櫻桃鴨配叉燒皮薄肉嫩 無脂肪、無激素及抗生素 充滿油脂又有光澤既外皮 咬落有滿滿既肉汁 叉燒鮮嫩滿滿嘅蜜汁😍食落軟腍 屋企人都大贊好食‼️-💓文興小炒皇有韭菜花、蝦乾、腰果、魷魚同蝦球 蝦球爽口彈牙-💓太白花雕醉鮑魚花雕味好足 鮑魚爽口彈牙 又入味👍🏻-💓文興香酥鴨 (半隻)呢一款相對嚟講對我哋比較韌 食法就好似片皮鴨咁 但係香酥鴨就係包住肉食🤣香酥鴨肉味濃郁 香脆之餘肉質鮮味十足 口感好豐富👍🏻-💓文興招牌炒飯呢款炒飯真係大推 炒到粒粒分明 食落炒得香口惹味-💓中式心太軟第一次食中式嘅心太軟😂有驚喜🔥用咗蛋白、桃膠、雪燕去燉 食落唔會好甜 好滿足💯…Read More

今日朋友上嚟探香噴噴👶🏻，帶咗佢地去食遠近馳名嘅文興酒家，連查理斯王子🤴🏻都食過😱😱燒味雙併泰國櫻桃鴨配文興叉燒皇💖櫻桃鴨外脆內軟，肉質鮮嫩，最好係起晒骨，而叉燒選用半肥瘦豬肉，夠哂juicy🤤太白花雕醉鮑魚花雕酒好入味，酒香撲鼻👃🏻濃郁，鮑魚爽口，配上蓮藕，帶微辣🌶️，雙重口感與享受😋黃金炸大腸🐷炸大腸外皮香脆，有光澤，配菠蘿🍍墊底，酸酸甜甜又幾夾，可以中和一下，食多啲都唔怕滯文興香酥鴨🐦店員即場開鴨，提供京蔥、青瓜🥒條同新鮮出爐餅皮，餅皮夠晒薄，配上特色海鮮醬，超級惹味豬油渣炒芥蘭🥬文興招牌炒飯🍚炒飯粒粒分明，飯有蛋香，配上鮮蝦仁🍤、蛋白等，好有特色，份量十足，足夠五人食用中式心太軟🍮燉蛋白，中間有桃膠，面頭配上雪燕，仲有淡淡嘅杏汁味，夠晒矜貴滋補，秋天🍃食真係好潤呀…Read More

入嚟大埔踩完單車🚴‍♀️喺大埔墟附近搵美食呢間週末一樣好多人😆 好多外國人都好鍾意嚟呢間❤️ 隔離就有一檯英國人食緊🔆燒味雙併泰國櫻桃鴨和文興叉燒皇叉燒肥瘦均勻充滿蜜香味 肉質腍軟櫻桃鴨嘅皮燒得好脆🔆太白花雕醉鮑魚鮑魚切咗薄片 花雕酒味勁濃郁香甜 仲有蓮藕片 作為前菜好開胃👍🏻🔆黃金炸大腸大腸切開一半 內外都炸得勁脆 送啤酒🍻一流嘅小菜🔆文興香酥鴨（半隻）香酥鴨喺第一次食 鴨醃得鹹鹹香香 好似食片皮鴨咁 有一張張薄皮包住啲鴨 加上青瓜，蔥甜酸海鮮醬包埋一齊食 😆幾新奇好食😋🔆文興招牌炒飯一上菜就聞到好香嘅蛋味 有好多蝦、海鮮、菜、蛋白炒飯 炒得好乾身 好好味🤤🔆豬油渣炒芥蘭 豬油渣真喺好香 芥蘭菜唔會太生太硬 大家都話好出色 又唔會覺得好油🔆中式心太軟個個都讚甜品 第一層喺雪燕絲 然後有杏仁汁燉蛋白 中間仲有桃膠 唔會好甜 📍 文興酒家 (大明里) (大埔)大埔大明里5號地下2號舖…Read More

*****不外如是叉燒飯*****有日突然好想食叉燒，見openrice d 食評話呢度叉燒唔錯，好，咁帶著期待既心情黎試下啦。賣相OK既，但食落點知得個甜字😅，唔係我想像中小小燶邊果種🥺，好普通，唔覺得有幾好食，吹到咁巴閉🙄個人覺得唔值呢個價錢。。。😅差唔多成舊水埋單，環境又細又迫，感覺污糟，坐得唔舒服，只想拿拿臨食完走。🥲#又比食評呃左🤷🏿#唔建議！#唔推介！#無下次！P.S. 呢度落單呀姐態度好差。…Read More

今日捉埋男朋友黎文興酒家食lunch 聽講呢間文興酒家喺英國好出名，依家喺大埔都有分店啦，黎之前已經好期待食完勁滿足果然無令我失望🫶🏻咁難得嚟到梗係要叫哂佢地嘅招牌嗌咗個燒味雙拼🤟🏻泰國櫻桃鴨加文興叉燒王佢哋個招牌泰國櫻桃鴨真係超香煙燻味好好味，而且啲肉好嫩調味好適中仲好juicy 啖啖肉😍😍😍而叉燒皇亦都係超靚位仲要半肥瘦 軟腍入味😋前菜我地仲點咗個太白花雕醉鮑魚酒味好香濃！鮑魚爽口，彈牙好味仲有啲醉蓮藕拌碟，同樣係好爽脆另外金沙琵琶豆腐，超有驚喜嘅炸豆腐。出邊包咗一層鹹蛋黃😍外酥內軟鹹鹹香香香，真係講起都想再食！仲有胡椒豬肚雞，啲雞好嫩滑個湯都好香！最後要大讚呢個文興炒飯，真係我食過最好味嘅炒飯！飯粒粒分明再加埋脆卜卜嘅櫻花蝦，超香口超有鑊氣🥳🥳🤩咁高興梗係食埋甜品啦，點咗中式心太軟，原來係類似蒸蛋白嘅甜品、裏面仲加咗桃膠等等嘅配料，勁滿足🤓🤓下次會帶埋屋企人再去食！…Read More

這次週末去了大埔，聽聞呢度有間出名的燒鴨店，所以來試了。午市時間來到，差不多滿座，所以要搭枱，午市有套餐點，較為化算。燒鴨好食，好香鴨香，皮脆，肉質偏瘦但一啲都唔柴。燒肉皮唔算超脆，但質素尚可叉燒普通 但合格咕嚕肉有好多新鮮水果配菜，味道可以，但不是外脆內軟…Read More

想食香港正宗又好味嘅燒鴨同埋叉燒，唔係咁易搵到。今次有朋友介紹，專程坐車入嚟大埔食燒味。餐廳裝修別緻又衛生，坐低即刻叫咗一份叉燒燒鴨雙拼。叉燒好重蜜糖味，鮮肉非常嫩口，加上燒烤做到外脆內軟，非常推介。燒鴨皮下脂肪少，感覺比較健康，皮脆肉嫩，真係好正。接著揀左一碟「魷魚炒河粉」，濕炒醬汁好香濃，份量好大，足夠4-6人食。另外，叫左一個冷盤「酒煮鮑魚」，鮑魚設成薄片，好爽口彈牙，帶有少少酒味，幾特別。仲叫咗「火龍果咕嚕肉」，甜甜酸酸，好開胃，仲有新鮮嘅火龍果、加上配菜：紅椒同埋黃椒，賣相非常吸引。另一味係「絲瓜炒牛肉」，牛肉既嫩滑又惹味，調味非常適宜，不會過淡又不會過鹹。仲有「紅蘿蔔粟米排骨湯」味道清甜，好有住家風味，健康又味美，超喜歡。酒樓竟然有茶餐廳嘅飲品可以選擇，咖啡奶茶、冷熱飲品，同樣有供應，今次用餐非常滿意，下次一定再嚟。…Read More

近排好鐘意食中菜，因為要煮得出好食嘅中菜，技巧同靚嘅材料缺一不可，咁啱有朋友住大埔推介呢個酒家，所以我地就趁weekend黎探下呢個大埔友同試下佢。酒家嘅位置好易搵，就起大埔舊墟中間個公園嘅其中一邊，附近有好多野賣，可以去食同順便行下👍🏻我地去到酒家，係傳統嘅中菜酒家裝修，坐低咗，有啲surprise個Menu嘅設計，有啲西式嘅感覺，而且菜式有好多同埋好似都好好食，搞到我地有選擇困難症🤣我地最後叫咗幾個小菜同甜品。太白花雕醉鮑魚首先黎嘅係一個冷盤，用花雕酒醃味嘅鮑魚，好入味同充滿濃濃嘅酒香，鮑魚口感爽滑，好欣賞餐廳配埋爽脆嘅麻辣蓮藕，令到醉鮑魚嘅味道提升一個層次😍泰國櫻桃鴨拼文興叉燒皇呢個燒味拼盤用上咗文興招牌嘅櫻桃鴨同埋叉燒皇，櫻桃鴨外脆內軟，肉質鮮嫩，同平時出邊食嘅燒鴨好唔同，味道媲美燒鵝，另一方面，叉燒亦都十分出色，濃濃嘅叉燒醬配上半肥瘦嘅叉燒，口感柔軟，味道濃郁，絕對係香港最好食嘅叉燒之一👍🏻特色酸菜沙巴龍躉呢個唔係大陸辣嘅嗰種酸菜魚，味道比較溫和，因為佢用煲上，所以熱辣辣咁，好吸引。酸菜湯味道比較甜，好易入口，而且因為用咗沙巴龍躉，所以魚嘅口感好豐富，充滿骨膠原嘅感覺，連我唔食得辣嘅朋友都大讚👍🏻金沙琵琶豆腐呢個係一個好考功夫嘅菜式，因為要keep住枇杷豆腐柔軟嘅口感，但係出邊嘅金沙炸皮又要香脆，而文興做得到，金沙炸皮充滿濃濃嘅鹹蛋味，但係完全冇掩蓋豆腐豆味，所以我哋一人一嚿咁好快就食曬😋文興招牌炒飯文興嘅炒飯炒得好好，粒粒分明，而且每粒飯都有蛋香，配上好多鮮蝦仁，蛋白同埋菜粒，充滿口感，絕對係一個高質嘅炒飯👏🏻是日例湯食中菜，飲中湯係必須嘅，是日例湯係粉葛豬骨湯，唔好以為例湯就一定係交行貨，呢個絕對係一個落足材料嘅老火例湯，飲落每啖都充滿誠意😋中式心太軟最後我哋叫咗一個甜品，叫做中式心太軟，我哋係因為佢個名夠晒特別而叫嘅，其實佢係燉蛋白加燉奶，而燉蛋白中間有雪蛤膏，所以係一個好養生嘅甜品，出邊未食過，我哋食完都大讚好味。總括嚟講，文興酒家絕對係大埔一間臥虎藏龍嘅高質素中菜館，我哋一定會再去食😋…Read More

依間位於大埔既餐廳主打中菜,係英國開首店再係香港開分店,憑櫻桃燒鴨成為佢既招牌菜,並曾獲米芝連推薦,品質絕對有保證是日靚湯($98/一鍋)一鍋既份量都分到好多碗,味道清甜吾會重味精粵式燒泰國櫻桃鴨($159/半隻)櫻桃鴨以上等穀物飼養,無任何激素及抗生素,食落去外皮好脆而且肉質嫩滑,去骨既燒鴨食落去啖啖肉,配味道帶咸甜既秘製醬汁更加突顯燒鴨既鮮味文興叉燒皇($119)叉燒邊位帶焦脆,蜜汁味道岩岩好,半肥瘦食落去好鬆軟太白花雕醉鮑魚($58)鮑魚厚肉彈牙,洒味比較重,蓮藕味道帶辣好香口黃金炸大腸($108)炸大腸外皮吾會太厚帶脆,食落去有咬口吾會太韌同乾,配火龍果配搭好新鮮文興香酥鴨($208/半隻)店員會即場切開,香酥鴨外脆內軟再包住京蔥絲,青瓜絲同熱烘烘既餅皮食,口感豐富仲可以減輕油膩感文興招牌炒飯($128)炒飯粒粒分明,有蛋,蝦同帶子中式心太軟($48)蛋白既上面鋪滿雪燕,口感滑溜帶椰汁味,入面仲有桃膠層次豐富好滋潤…Read More

第一次食係london食過~個時同朋友想回味港味, 已經覺得好食。返香港後,已經係大埔食過2次, 水準都係高, 2次晚市都要排得比較耐, 所以今次決定同朋友食晏兩點去到,我地四位唔洗等。諗住晏晝唔洗食成隻鴨, 樣樣想試d , 就叫左燒味雙拼必叫係個櫻桃鴨, 一d都唔乾, 燒得皮脆又保留到肉汁, 令次都切叫, 唔會失望估唔到個叉燒都唔錯, 肉質好淋身, 又唔肥膩 , 每人幾舊,過足癮再叫左個酸菜沙巴龍躉, 本身諗住想試下, 點知有驚喜我最鍾意龍躉有炸過, 夾話唔易散, 食落又香滑, 個煲有年藕, 木耳, 蒿荀, 薯粉, 個酸菜湯底都幾岩口味, 唔會太酸另外叫左個金沙琵琶豆腐, 又係值得推介, 粒粒都沾滿蛋皇, 超正~~最後要推介埋個中式心太軟, 見到個名甘特別, 就試試佢, 其實係燉蛋+奶, 再配類似椰汁, 加雪蛤膏同桃膠我覺得非常滿足既一餐最緊要食完唔口乾, 夜晚黎食就要早d黎,唔係有排等~…Read More