Four Seasons Chinese Restaurant (Tsang Chhu Ho Building)

中環🚇呢間文興酒家源於倫敦🇬🇧開業多年著名嘅中餐館，喺香港亦都已經開業多年🌟，入邊裝修佈局雅緻得體✨，出品高質價錢合理💰，亦係政商界嘅著名飯堂之一🥢。呢度除左好似一般酒樓有茗茶🫖之外，亦有多款果味梳打特飲🍹，同埋奶茶咖啡☕，啱曬唔同人士嘅喜好❤️。滷水豬仔腳🐷去咗大部分骨，啖啖肉充滿骨膠原🤤，入口滷水香十足，🍖肉質軟嫩Q彈。  燒味雙拼🔥（蜜汁叉燒拼燒鴨🦆）絕對係呢度必食嘅✅。半肥瘦叉燒🐖超鬆軟，有小小燶邊啱啱好👍，咬落 juicy 肉汁狂瀉💦，超正呀！燒鴨佢哋特別選用被譽為🦆鴨子中的「和牛」，有「天下第一鴨」🏆之稱嘅「愛爾蘭銀山鴨」👏，鴨肉好粉嫩而且肉厚多汁💧，個皮燒得好香脆😍而且唔會太肥，點小小🤏佢哋特製嘅甜豉油味道更加有層次✨！燉湯🥣用料十足好高質👍，肉香味同菇鮮味🍄互相輝映，湯色如茶但超濃郁😋，飲完成個人都好舒服😌。蟹黃脆蝦球🦀一上枱充滿視覺衝擊，炸蝦球🍤成個乒乓波🏓咁大，外脆內彈牙，面頭鋪滿蟹黃醬🦀，鹹鮮澎湃🌊，加上底層脆多士🍞吸盡精華，三層口感大滿足呀💥！金銀蒜鮮魷蒸茄子🍆上咗枱都仲會一路♨️暖住好貼心❤️，超香濃嘅金銀蒜🧄鋪滿喺鮮味爽脆嘅魷魚🦑同埋淋滑嘅茄子上邊，茄子🍆吸盡蒜油香，送飯一流🍚。鮮茄魚肚浸時蔬🥬嘅精髓就在於發到脹卜卜嘅魚肚🥢索滿清鮮魚湯嘅🐟精華，加上上菇🍄、白菜仔🥬同埋鮮茄🍅，配搭好豐富✨。呢度嘅招牌炒飯🔥用料實在太過分🤯，一上枱面頭鋪滿日式鰹魚碎🐟都未感受到佢嘅威力💥，一舀起先發現佢入邊勁多料🤩，花膠、鮮魷魚🦑、櫻花蝦、蝦米🦐同埋香菇碎🍄等嘅海味共冶一爐🌊，嗰種鮮味好似成條🤤海味街搬咗過嚟咁！加上飯粒炒得夠乾身🔥又超入味，用熱辣辣瓦煲🍲上放耐左底部仲會有小小飯焦香😍，真係超正💯！…查看更多

店舖位於中環，想食中菜既可以一試，餐廳服務態度好好又唔會趕人走，好岩同朋友傾下計食下飯🍽️ 櫻桃鴨 (半隻)呢間出名食鴨，一坐底先叫半隻黎試下，皮脆啖啖肉，唔會淨係得d骨，好食！🍽️ 雞絲粉皮開頭朋友未到齊諗住叫d餐前小食先，估唔到呢個都好足料，好多粉皮同雞絲🍽️ 黑毛豬鮮果咕嚕肉出面食開通常都係菠蘿咕嚕肉，估唔到呢間除左菠蘿之外仲有荔枝同埋士多啤梨，黑毛豬又大大舊，真心推介🍽️ 金沙鮮魷鮮魷炸完外層再撈埋蛋黃，好香好好食🍽️ 羊肚菌燒豆腐個鍋拎到上枱仲係熱辣辣出哂煙，裡面好多羊肚菌，但調味略嚴太咸🍽️ 櫻花蝦花雞浸時蔬時蔬我就揀左番薯苗，出面都唔係度度都有得食，個菜配埋櫻花蝦+花膠好鮮味，食左咁多肉叫返個清清地既菜平衡返就剛剛好…查看更多

咁既價錢咁既質素真係第一次食到中間去轉場中環價錢公屋品質連白飯都唔掂、我真係唔明係中環立足，連白飯都唔掂仲敢出黎行伏中伏真係要避，仲要仲有咁多人食先奇怪中的奇怪Never come…查看更多

今晚屋企有啲事，唔能夠早食飯，但係餐廳8:40 仲有位，我同屋企人就嚟咗呢度，坐低想快快脆嗌個6人餐。不過想落餐嗰陣，個男侍應又嗌後面個阿姐（姓林）講落單，阿姐又施施然先行埋嚟，然後話賣晒龍躉魚個6人餐冇魚賣，－係你轉蠔，或者散嗌其他嘢啦。其實龍躉魚（$699) 同蠔價錢 差唔多貴一倍，阿姐叫我哋轉，佢緊係冇問題啦。我話如果例牌6隻3百幾，佢係要比返10隻啦，佢話入去問廚房未必肯，人哋都收工啦，你散嗌其他嘢啦。（其實我唔明個邏輯，點解廚房收工同嗌我散叫其他嘢食會有關係）我問你哋last order 幾點，佢話9pm, 我話依家都未夠9點，佢話唔係咁計架，人哋廚房9點真係收爐，所以依家8點4 0幾分，我哋真係唔應該接你order 架，我話咁樣你哋點解唔落閘，仲比我哋入嚟？跟著阿姐話，問廚房其實係好麻煩架，又唔知廚房點。我話你入去問咗先得唔得？佢滿眼不耐煩嘅眼神，然後入咗去。我真係唔明點解order 野食要咁辛苦咁勞氣。結果我哋都係成功落咗單，不過呢個林性阿姐眼神充滿怨氣，佢望住我哋張枱，同佢隔離個（相對後生啲嘅）男侍應分享我哋呢枱嗌餐嘅麻煩嘢。我真係surprised 點解可以咁明目張膽咁樣講客是非。於是我叫呢個阿姐行埋嚟，我問佢叫乜嘢名，佢話佢姓林，有咩事，我話，無嘢，想睇吓佢嘅服務質素可以有幾好。然後佢問我佢服務有咩問題，我話我只係想留意下啫，冇咩特別。隔咗10幾分鐘，9成食物都上晒枱，我再問個男侍應你哋幾多點關門，佢就望都唔望我，邊行邊走話，我哋係收10點嘅。我明白個個人都想準時收工，個個人都怕麻煩，但係今時今日，香港食肆生意咁低迷，咁多餐廳酒樓執笠，香港呢啲侍應仲係咁唔爭氣，用呢啲態度鼓勵顧客唔幫襯佢哋。我都好想個問下個老闆點解可以咁。…查看更多

大前日（6-6-2025 Fri）同老公諗買叉燒返屋企做餸，去邊喥買？我記起多日前佢send咗一段關於呢間外賣嘅美食片段（https://www.facebook.com/share/v/1BdMVeekXX/），就上嚟睇吓，睇咗後，原來呢間竟然係喺英國開，反而2020年至喺香港開店，而且燒櫻桃鴨係招牌菜，咁我話俾老公知，同問可唔可以兩樣都買。唔知佢喺邊嚟問咗，話斬料外賣要喺中環店買，咁佢放工就嚟買啦，佢只買咗半隻燒鴨，冇買叉燒，因為好貴，冇上／下庄同例牌。而我search到大埔店（https://www.openrice.com/zh/hongkong/r-%E6%96%87%E8%88%88%E9%85%92%E5%AE%B6-%E5%A4%A7%E5%9F%94-%E7%B2%B5%E8%8F%9C-%E5%BB%A3%E6%9D%B1-r692079）堂食有燒鴨叉燒雙拼（ https://www.openrice.com/zh/hongkong/review/%E5%88%A5%E6%9C%89%E6%B4%9E%E5%A4%A9%E5%98%85%E4%B8%AD%E9%A4%90%E5%BB%B3-e5814222），佢答都冇。買完返嚟我睇睇，外賣袋好大個，但個盒係正常飯盒size，打開睇，份量好少，睇埋張單，連各$2.00嘅外賣盒同膠袋，盛惠$272.00，好貴呀！我哋開餐喇，先唔蘸佢嘅汁食，其實好普通，冇乜特別，蘸佢嘅汁食，當然會好味啲，食到個汁有酒味，鹹鹹甜甜咁，不過呢個係起晒骨，但我哋覺得有骨會好食啲，而原來二百幾蚊係買鴨汁同去骨服務。或者佢喺香港其實好普通，但喺英國因為其他酒家做得唔好啩。抵食係1.5分其他：$2.00買個膠袋都算，幫佢做宣傳都算，問題係，個袋唔係用魔術貼，而係用面膠紙黐，唔可以多次重覆使用，好唔環保。…查看更多