MEN WAH BING TENG (L' Wanchai)

走進灣仔敏華冰廳，彷彿穿越回香港舊日時光。這家老字號冰室自1960年代起，承載無數街坊的回憶，濃濃的港式情懷與潮州風味在此交融。小時候，爸媽常帶我來吃早餐，那一碗熱騰騰的沙茶牛肉通粉總讓我滿足地舔舐嘴角！😋 今天重訪，點了潮式沙茶牛肉通粉配腸仔炒太陽蛋多士，再加一杯凍檸檬茶，簡直是味蕾的懷舊派對！🍽️🔸潮式沙茶牛肉通粉配腸仔炒太陽蛋多士, 加凍檸檬茶  HK$59🍜 好味指數: ★★★☆☆ (7/10)1. 潮式沙茶牛肉通粉 : 通粉端上桌，沙茶醬的濃郁花生香氣撲鼻而來，令人垂涎！🌶️ 牛肉片薄而嫩滑，入口即化，與彈牙的通粉完美搭配。醬汁濃稠卻不膩，微妙的酸爽與鹹香在舌尖跳舞，彷彿回想起童年的週末。唯一的遺憾是牛肉份量稍少，意猶未盡！😅2. 腸仔炒太陽蛋多士 🥚🍞: 多士烤得金黃酥脆，邊緣脆脆的口感令人滿足。太陽蛋煎得恰到好處，蛋黃滑順如絲，與腸仔的鹹香交織，簡單卻溫暖。🌞 只是腸仔略顯普通，少了點驚喜。3. 凍檸檬茶 🍋: 凍檸檬茶清新解渴，檸檬的微酸與茶香平衡，冰塊透明晶瑩，賣相誘人。🍹 惟甜度稍高，略蓋過茶的清香，適合愛甜的朋友。🔸 服務與環境：服務員親切如鄰家大叔，令人感到舒適。🙆‍♂️ 環境結合復古和現代冰室風格，但座位略擠，繁忙時段需耐心等位。🕰️🔸 實用資訊：敏華冰廳位於灣仔莊士敦道，近地鐵站，營業時間為早上7時至晚上9時。建議避開午餐高峰，享受更悠閒的用餐體驗，太多人真係好趕咁食。✅😍…Read More

今晚落雨，就近馬馬虎虎食一餐啦，於是就去左茶餐廳，夜晚人好少，餐廳好大好闊落，卡位坐得好舒服，檯面有熱水自己斟，櫃桶有乾淨的餐具自己取，數碼落單自己點，樣樣都自助，自己動手豐衣足食。😘😘數碼點餐，晚飯套餐包一菜一飯，我點沙爹牛肉金菇粉絲煲，Honey 食消魂叉燒飯 ，加一碟油菜＄12，熟蛋叉燒飯可選多飯少飯，免得浪費，做法值得點讚👍。叉燒厚切瘦多肥少 ，味道較甜較重，肉質鬆軟，飯夠熱，份量足。沙爹牛肉粉絲煲，味道不錯，但牛肉醃過龍，入口即化，😬粉絲金菇都ok，碗飯就比較幹硬，要撈汁先得，七十幾元一個套餐，不能要求太高，😅仲包埋飲品，都算係咁啦！碟菜心就出奇地好，青青綠綠，新鮮嫩口，好吃。👌…Read More

侍應態度同工作態度愈嚟愈差，尤其有qr code落單後更加有恃無恐。落完單等咗超過半個鐘都未到，想叫侍應幫手睇睇，結果全部斜視望你一眼就行過當睇唔到，結果要客人行埋出去請同事幫手追，先知全部餐都喺出餐處無人幫手拎，個多士一野達落枱面俾你，仲要係凍哂硬哂嘅。（至少樓面同事們唔出餐忙緊咩就真係唔知，不過就見眼鏡短髮李同事同微胖同事就食包食得好開心）。樓面淨係識催你問你食完未飲完杯野未幫你收咗佢，但連餐都未出齊又扮睇唔到客舉手，真係唔建議再食。…Read More

呢間茶餐廳又係附近打工仔嘅飯堂，所以一到 lunch time 就會喺門口見到大排長龍，不過呢度勝在出菜快，所以通常等一陣就好快有枱，適合比較趕時間嘅人士用餐。蔥油豬扒煎雙蛋飯 ~ 豬扒有點韌，碟飯嘅份量唔算太大，加上飯有點乾，食到一半就想放棄。夠薑豬膶牛肉湯米粉 ~ 只有輕微嘅薑味，個湯偏清淡，而且豬膶同牛肉都有有少少韌，味道一般不太推薦。另外有個問題就係樓面態度一般，對顧客愛理不理咁，好彩係用 QR code 落單。唯一可以讚嘅係個太陽蛋煎得幾好，出菜快，但完全 keep 唔到以前嘅水準，感到有點可惜。…Read More

馬來咖喱牛肉飯，咖喱汁幾好吃但薯角好乾，冇咗個靈魂，牛肉都很淋，薯仔做返比較食落粉嘅效果會更好食，而家變咗薯角乾咁樣🙄open rice 真係好煩，啲人唔食評香港就嚟冇美食㗎啦，大陸啲餐廳仲好食過香港，唔係好明啲聯鎖店總廚係點樣將嚿薯仔整點整…Read More

今天在灣仔工作，剛好有敏華劵，所以在此晚餐。看到餐牌推介新品～羊腩煲，所以來一份，再加一個雞脾套餐，就是我倆的晚餐了。羊腩煲配生菜    148個大洋，已經可使用廿蚊劵一張。 原煲上枱，慢慢加熱至翻滾。有皮有肉又帶脂肪的羊腩，肥美甘香。煲裡還有馬蹄支竹冬菇，可是柱候醬味道鹹香濃郁，要加入生菜作中和，煮呀煮。沙薑雞脾飯  這個雞脾飯照計是無需太多加工，只需在大包裝夾出來一隻雞脾，加熱後放在碟上，但偏偏是最後上枱的。 雞脾是淡淡的沙薑味，鹹度不高，單食也很美味。白飯沾上羊腩汁，比雞脾美味。熱奶茶  奶茶勁，晚上半夜仍然眼光光。…Read More

服務態度極差。送錯的食物，想讓客人自己買單。我點了一份下午茶套餐，一份主食套餐。根本不知道下午茶的點心送錯了。自己點的點心沒有吃到，要求我加付送錯的那份。非本地人根本不知道這種點心名稱的差別。根本就是全球的禮儀，這樣的服務差錯不能計算在食客的頭上。沒有道歉的禮儀也就不計較了。服務業每況愈下，沒有意識到需要提高自己的服務質量，就隨意指責用餐的客人，吃了送錯的點心。…Read More

撞正今日第10月1號國慶節睇到新聞講原來呢個集團嘅然有七折，所以就帶埋屋企人一齊去因為印象中呢個集團食物質素係幾好，不過佢哋個價錢就有好多不同選擇，所以平時都唔會特登去今次去試咗佢哋個早餐買咗三個早餐都係120左右，這個介紹相當相當之抵撇除價錢之外，其實佢哋個多士真係幾好食，外脆內軟加上佢係厚多士，就係我個人特別喜愛的另外早餐選擇都算多有通粉公仔麵，各取所需講到最後，不得不提佢哋杯奶茶，其實呢杯奶茶都保持到水準，飲咗好多年我都仲係覺得好好飲，所以如果下次有機會再嚟都要試一試佢哋個奶茶…Read More

早幾日約咗個朋友喺灣仔敏華食嘢 入門口見好多人 諗住想掉頭走嘅嘅時候有個女經理，非常有禮，叫我哋等一陣 我都知係灣仔食晏係要等位 嗰位女經理好有耐性解釋俾我聽 話口未完 另外一位姐姐（我見佢件衫掛住培訓員工牌）已招呼我哋入去坐 同埋好快速度攞咗兩杯水俾我哋 重教我哋喺電話落單 咁我哋叫咗黯然銷魂叉燒飯同埋沙嗲牛肉麵茶餐 重有兩杯凍奶茶 由於等咗好耐 見到有其餘啲侍應姐姐想問吓佢啲嘢食得未 佢望都唔望就走咗去 反而先頭招呼我哋嗰位培訓姐姐 非常好好態度幫我哋跟進 好快啲嘢食就到咗 喺香港咁嘅服務態度已經好少見 埋單嘅時候先頭嗰位女經理重我哋講唔好意思 如果香港啲食肆好似呢間咁樣 重邊度有人上深圳食啊仲有敏華啲出品尚算滿意 ！…Read More

叫左常餐，等左35分鐘，個麵先到。要返工趕時間，個多士等唔到，最後自己去吧台叫人pack俾我攞走。侍應全部唔應人，服務態度勁差。吧枱有廿個餐冇人理，啲侍應仲要慢慢行，好似樹瀨咁，完全唔知做緊乜。㕑師唔過眼出嚟幫手送餐，好慘。management好大問題。…Read More

在差唔多3：00pm 去買外賣,店內根本唔多人,叫了午餐,麻婆豆腐飯,係餐牌上的午餐,不是有什麼特別,由2：54等到3:15, 完全冇反應冇拿出來,到我再三追問,先去後面包食物,盒飯已經放在那處好耐都冇人理！熱奶茶變了室溫,$60以甘既價錢,食物的份量,味道水平,已經唔合格,重要放到凍晒,根本差到極點！如果唔想做生意,唔想有客,不如索性拉大閘執左佢！點解要客人付款後,將食物放到凍,放到發臭生菌都唔交俾客？根本冇心機做好服務質素,只想趕客？？成日埋怨港人北上食野,自己有冇檢討下食物質素,服務態度,完全係垃圾！叫人留港消費,定留港受氣！？…Read More

香港其中一個飲食文化係茶餐廳，希望茶餐廳老闆睇到此文留意一下， 做好啲水準，令香港人留港消費。作為土生土長香港人，十分喜愛食叉燒飯，也吃了幾十年。曾光顧幾間敏華茶餐廳的黯然銷魂飯，但每次的經驗，個人來說，未能做到可作為一間茶餐廳招牌菜的水準。是次在灣仔分店，是最不愉快的經歷，如圖幾片的叉燒，吃的時候發現，每塊大部份是肥肉，而肥肉也非入口即溶的部份。本人為免浪費食物，加上整天忙碌未有吃飯，我盡量吃掉完我能吃的部份（如圖）。一個$75食叉燒飯，叉燒未到水準，醬汁也只能稱能達到基本叉燒飯的標準。本人雖然明白，可能有些人覺得半肥瘦的叉燒比較好吃，但是，在時下講求健康飲食的標準下，七八成比例實在太多了。還有，電子菜單上，雞蛋應該加入香港人最喜愛的「荷包蛋」選項，並把其煎成脆邊。太肥的叉燒如何處理？可以依菜色的價格給予不同部位，或直接在電子菜單加上叉燒肥瘦的選項，又或在處理叉燒時直接把太肥的肥肉切掉，弄成豬油起鑊，又或造成其他菜式。希望香港的茶餐廳好好控制產品質量，讓旅客記掛香港茶餐廳的各式地道平民名菜， 永遠是本地人及旅客心目中的美食天堂。…Read More

今日唔知咩日子 呢間野排哂長龍，諗住食個快嘅嗱嗱林返工，點知一等等成大半個鐘。啲員工十問九唔應，又唔答係咪走左單，又唔幫手check , 又唔幫手cancel 張單，當啲客透明甘，不知所謂。見到出面排緊隊嘅都躁到不得了 原來全部等緊外賣，有啲等左成粒鐘，我食完佢地都仲等緊。仲要啲人自己走去出餐度催外賣，係爭在無自己包埋。一間大型連鎖茶餐廳都做到甘，簡直唔放消費者在眼內，睇返之前啲comments 原來服務一直都係甘衰，堂食外賣員工態度0分，無下次。…Read More

對個沙嗲牛肉粉絲+太陽蛋火腿厚多士有啲失望原因係呢類常餐係是冰室/茶記不可或缺的中堅，照道理應該係最可以試到師傅功力嘅。好味嘅沙嗲牛肉米一上枱就要聞到滲着香料辛辣和花生香氣，配上鮮嫩牛肉，啖啖滋味。至於敏華冰室呢味常餐，個人覺得沙嗲湯佢個湯太多，浸過咗粉絲，鹹得來有花生甜香但就無咗香料嘅辣同層次，沙嗲醬汁亦唔夠濃，好快就被啲湯稀釋咗，不過牛肉尚算厚薄均勻，可接受。至於太陽蛋，係無脆邊㗎😓上面個蛋望落同食落都好生，唔止蛋黃流心，好多蛋清都未熟。厚多士正常白面包咁，都係用嚟配蛋同火腿片食。#茶記…Read More

敏华服务员态度差，完全不顾客人感受强制更换餐台。3月2日中午去用餐，服务员开始让我们做一个小的地方，但明显我们两个人用餐带了很多东西，完全坐不下，我们就提出了想要换到另一个大的餐台的地方。服务员也同意了，我们坐下甚至都已经在点餐了，她突然找到我们，说外面有3个人在等位，需要我们让位置给它们。但很离谱的是，我们都已经坐在位置上已经给我们餐单和台号，都扫码点上菜了，她突然来了句，请你们换到旁边的小的位置上去。完全不顾客人的感受，换来换去，真的痴线。…Read More