話說今日中午同朋友兩個人食敏華，因為係星期日中午時段，所以都要排隊等位。等左大概5-10 分鐘，伙記先一下子安排3至4枱客入座（包括我哋），當時已經覺得佢哋好似唔夠人手咁⋯anyway，都order左蔥油豬扒煎雙蛋飯、沙茶醬牛肉公仔麵（連煎熟蛋加多士）、熱檸茶同凍奶茶。講番哩間敏華，係新開分店，所以我或多或少會同太古城中心嗰間舊店做比較。蔥油豬扒煎雙蛋飯係我嘅favorite，十次去太古城舊店七、八次order佢，豬扒好tender好食，不過會有D滯，味道黎講兩間冇乜分別，唯一分別係康怡新店得好少蔥油，所以扣左分。牛肉公仔麵個沙茶醬湯底就真係比舊店淡。兩杯野飲都唔夠茶味，奶茶亦唔滑。至於份多士煎熟蛋就漏左單，叫左伙記幾次，等左三十分鐘先黎，但因為某D不快原因，我哋cancel左order。另一樣係，因為之前哩個舖位係酒樓，宜家變成三間連著一起的食肆，一入去係敏華，之後係亞參，最入係食好D，有D想去亞參嘅客唔知，就照排門口敏華條隊，又冇侍應提佢哋，浪費左D客嘅時候，有D混亂。…Read More
