Akian Kitchen (Closed)

Tasty. Amazing service. Spotless clean. This place is small but is a must visit. Food is excellent and exactly what you see in the pictures. Place is SUPER clean. Staff are very attentive. Definitely must visit. I don’t think they have much business but they should based on my visit today. Will definitely be coming back. …Read More

預祝母親節的晚餐唔知係咪新開張 暫時人流都唔算多不用等位就入得除了我們 還有3-4枱客人印尼聖咖呱撈麵 麵係佢地自家製同係印尼食既一樣味 有叉燒 炸豬皮 雲吞 魚蛋 蝦餅 仲有好似係牛肉因應自己既口味去落醋同自製辣醬印尼黃薑炸雞翼熱辣辣 入味的黃薑味可以重少少 可能因為我中意食黃薑😹串燒斑蘭飯 串燒係即燒 好味好香 可以揀豬/牛/雞雞唔係燒到好鞋 （豬同牛都冇試到 因為都搶光光）斑蘭飯好香好味同泰國不一樣的生茶包呢個冇蔥/蒜頭 好似平時屋企煮既肉碎😹老闆送比我地試食的鳳梨酥有三種味道 原味/朱古力/斑蘭一口一粒 唔同台灣咁…Read More

好好味嘅珍多冰，好椰～D糖我估都係用椰糖！而綠豆冰呢，我覺得有D青味！黃姜飯0K，但班蘭飯更好味，雞翼炸得好香脆入邊唔乾，仲有肉汁！而個沙律極力推介真係好好味，夠清新！個撈麵就個人囗味覺得還好，下次會試湯麵，食完仲有個芒果布甸仔送，有心思！服務真係好好，唔係連鎖店嘅機械式，真係用心的！…Read More

之前睇到網上有介紹這餐廳，今日同老公去試，幾有特色，唔錯！叫咗幾款食物，當中沙律由其出色，撈麵麵質有咬口，好吃！據店員說是自家制的。串燒班蘭飯，好香班蘭味，串燒醬汁香口。價錢唔貴，很好！…Read More

今天係九龍城搵食 無意中行個呢 新開小店就入去試試 老細都有禮貌介紹 就試左個班蘭串燒飯 豬牛雞任配搭 仲有隻太陽蛋係上面 飯做得好香有班蘭味 串燒就選了豬同雞 不太乾身仲有青瓜配料 可以推介一試:)…Read More

有朋友同我講佢最近係九龍城試左間印尼餐廳，覺得幾好食，我從來都冇試過印尼野，咁就一於試下啦。一入去覺得小店幾光猛，裝修好新，好乾淨，不過就少左啲東南亞風情。因為第一次去，唔知食咩，就試左老闆推介既 黃薑飯 同 巴東牛肉飯 。黃薑飯既配菜好豐富，炸雞翼、巴東牛肉、燴蔬菜（主要有茄子同紅蘿蔔）、印尼果片、青瓜、魚乾仔花生。炸雞翼一啲都唔乾，好入味。燴蔬菜加左香葉、少少辣椒，好惹味。巴東牛肉都好香，有d似咖喱，不過有一件牛靱左少少。至於印尼果片我唔清楚係咩，有少少似炸蝦片，但冇乜味，主要都係食個脆脆的口感。呢碟飯最驚喜既就係中間既黃薑飯💛好重黃薑粉味，而且口感粒粒分明，上面加左d香口的炸蒜，好好味～總括而言，呢碟飯好適合鍾意咩都有既人食，每樣食材味道都好好。所以我之後去既幾次都encore左呢個飯！至於巴東牛肉飯，我冇影相，佢同黃薑飯既巴東牛肉係一樣的。味道好，有啲辣。不過我覺得食到尾有少少漏。（只因我個人鍾意有唔同既餸送飯）老闆仲非常好人，得知我朋友唔食得啦，主動送左串唔辣的沙嗲燒豬肉比佢！過左幾日，心掛掛呢間餐廳既味道，於是又過黎食。今次試左隱藏menu—串燒斑蘭飯。餐牌上冇，同老闆落講就可以了。有三串串燒，雞牛豬任你配搭，一隻流心太陽蛋，同埋 斑蘭飯！將蛋黃拮穿，拌斑蘭飯黎食真係超好味！飯唔係得啲色水，係真係有斑蘭香💚串燒我覺得雞同豬燒得比較出色，入味又唔乾，牛就略為乾左啲。呢碟係 聖架哇沙律，可走辣。老闆好好，記得我同朋友一個食辣一個唔食，特登用兩隻碟分開裝比我地。沙律材料有：新鮮菠蘿、青瓜、蘋果、印尼果片、花生碎。要將果片掰碎，撈埋一齊食。材料新鮮，菠蘿鮮甜。醬汁係老闆自己調味的，像甜豉油，偏甜。呢個沙律好特別，真係印尼餐廳特有。作為前菜係唔錯的，不過建議同幾個朋友share，兩個人食我覺得有點漏。最後！經過三次幫襯之後，老闆竟然話佢預備左小小禮物送比我地！係小店自家製的鳳梨酥🍍（點解印尼餐廳都有鳳梨酥😂?）不過呢款鳳梨酥同台灣傳統既鳳梨酥既唔同，餡料冇落糖冬瓜，而係單純既鳳梨蓉，所以食落去會食到一絲絲既果肉，酸酸甜甜。皮就有啲似芋頭酥既皮。而size係啱啱好一口size，作為飯後甜品真係唔錯！好似有禮盒裝賣。總括而言，呢間小店係有驚喜的，食物總類唔算多，唔花巧，但令人回味。最重要的係好有人情味，好細心，會留意客人既喜好，作出調整。大家以後去九龍城唔食泰國野都可以黎試下啊 :-D…Read More

今晚返屋企，唔食泰國菜發現了一間新開的印尼小食店，Order 了Singkawang 撈麵吃，地道風味，加醋及辣醬食好好味，另外Order 一杯椰汁，下次打算再試巴東牛肉，我比較大食覺得一碗麵不足夠，如果有些蔬菜類小菜比較多選擇，店內裝飾唔似印尼餐廳，又無印尼音樂，有些單調，如果有更多印尼風景照片或裝飾，氣氛会好好多.…Read More

間餐廳剛剛新開，環境光鮮頗舒適。我地一坐低老闆就介紹餐廳背景及菜式，見佢大力推介Singkawang撈麵, 就試一試，麵質果然好唔錯，滑身得黎有彈性，魚片炸得鬆脆，燒肉就有啲乾身，女店主話 加 醋 及 辣醬會好食啲，果然更加開胃。另外嗌左 singkawang 沙律，配料好地道，有青瓜，及 水果 加上 脆片黎食，味道好獨特 ，同一般食開既「沙律」有好大分別，值得一試。黃薑飯，飯調味調得好好，配料中規中矩但份量可以多啲。最後店舖更加送上小甜品，新鮮焗好嘅綠色鳳梨酥，味道好好，一口size，有啲心意，幾窩心。如果去九龍塘，食得太多泰菜，可試哩間印尼菜。今次得兩丁友試得好少款菜式，下次一班人食，再試多啲。…Read More

星期日同媽咪出開去九龍城既泰國雜貨店買定d班蘭葉🍃做甜品,順手買埋慶祝細佬既生日蛋糕🎂正當要買晚餐返屋企食既時間，正常平日都會買泰國既食品，打算買豬手飯呀，菠蘿海鮮炒飯之類既野，但食黎食去都係差不多既野，有d悶😑所以試下行平日唔多經過既內街搵下有咩野好食.由於條街兩邊都泊左車，天又開始黑既時候，比我係對面馬路睇到玻璃窗既英文字 INDONISIA 既字眼，但個名叫「撈喜」🍜，所以再行過對面睇清楚d食咩.一睇門口既餐牌，我就估會唔會係印尼華僑開既，因為上面有一道叫「Singkawang手打撈麵」，係印尼既地方名.我有聽媽咪講過既.雖然入面無人，但都入去試下，因為而家少左好多印尼餐廳，點都試下啱唔啱我媽咪既口味，再試埋黃薑飯同巴東牛肉飯呢d基本既印尼飯.由於order 係即叫即整既，時間都會耐d，所以老闆請左我地試佢地自家制既鳳梨酥🍍，唔太甜，好好食。見到老闆用新鮮既菠蘿做（因為店內有好多箱菠蘿係度），由於係無加防腐劑既，只可以放一星期左右，無得買黎做賀年禮物.係等既過程中，我媽咪又同人吹水，問下人地開左幾耐，當得知都係新開張，兩三個月度，所以暫時都唔係太多人知道.最後，正打算走既時候。女廚師出左黎，一睇就知道係華僑，（唔知點解就係睇得出😂)我媽咪一開口講客家話，佢地就開始對話啦🤣嘰哩咕嚕，不過我聽得明.知道佢地都算係同鄉黎～～日後出開去再試下其他食品😋P.S. 手打撈面不錯，同以前食過既差不多。巴東牛肉飯，味道唔錯，同我食開既有d唔同，好似加左蕃茄去整，所以帶少少酸味，好醒胃，但肉就鞋左d，勝在味道搭救。黃薑飯，爸爸讚好味道，話好食過平時買既.價錢每款大概$50左右，同出面食既差不多.…Read More