Video
Above information is for reference only. Please check details with the restaurant.
🌟童年回憶的小店💫私心超推收埋咗係大埔廣場嘅小店，原來已經係到好耐架喇，撈(冷)麵我相信對於香港80，90後嘅朋友都唔陌生。而家真係買少見少，仲要撈得好食嘅更加少。嚟到大埔就周圍行吓，行行下入咗一個奇妙的地方，勁似去咗舊葵廣，其間見到呢檔撈麵。佢有唔同嘅面底揀（e.g. 烏冬、米線、上海麵等），又有勁多餸揀，有螺肉、腸仔、粟米、雞腎等等，我最估唔到佢有牛骨髓揀🤤🤤今次我就叫咗米線底配雞軟骨、螺肉、雞腎同牛骨髓，咁樣5包就$30。我個人覺得佢價錢同啲餸嘅份量係成正比，你睇吓我張相幾大包😆 因為嗰度地方比較窄，唔方便企喺度食，我就拎咗返屋企食，完全keep到喺舖頭啱啱整好嘅味道🤩佢舖頭仲有得夾糖架，都係超多款糖可以夾。🥰🥰❣️推薦上海麵底最好食❣️❣️多蒜正，食得辣可以多蒜多辣👍❣️Joyfoodstop心動值: 💓💓💓💓/5撈一番(香港)地址: 香港香港大埔安泰路1號大埔廣場2樓(惠康隔離個入口入去就見到）
continue reading
大埔這商場，猶如葵芳的葵涌廣場，幾間衣服店旁邊，又有一間小食店，突然又有手錶店，或是零食店，竟然😯還有這一間撈撈店。上次路經觀塘廣場，看見有一個自動撈撈機系統，那其實便沒有感情？🙄看見這店哥哥在用長匙羹起勢的撈呀撈，不是更有感情，場面更加治癒嗎。這間撈麵店也有很多種食品，竟然連手打烏冬都有，以往只會吃普通的撈麵。點了個手打烏冬、牛骨髓、雞軟骨、以及芝麻八爪魚。我的加蒜少辣，味道當然好。份量好像也不比以往的少，因為葵芳/荃灣的百味撈撈店，份量好像非常少。
continue reading
細細個老媽子落咗限制唔俾食出面一包包撈黎撈去果D，因為唔衛生怕有菌。大個咗都唔理啦！因為我真係好鍾意食～食過旺角果D就知咩係好食～大埔撈一番開業至少10年，因為愛人話由佢中學年代已經有幫襯所以同一個鋪位已經有咁多年，而家仲不停咁撈撈撈～每日供應的食材都算新鮮而且D麵唔會一時硬一時淋，日日清貨小妹最鍾意食米線；魷魚；中華沙律；帶子邊；魚皮～多蒜多辣 5包盛惠＄22.5米線的淋度剛剛好，醬料都掛到上麵到，但食到底會覺的咸咗D～份量方面都好夠，畢竟唔係＄5/3包既貨色所以我叫左5包的確可以當一餐～
continue reading
因為做facial既 鋪頭o係呢度. 所以做之前要食飽先....始終都係有少少受苦既情況...要先安慰下自己.呢間係我覺得幾好食既一間撈撈店...旺角新之城果間d 野太咸....兆萬果間太油唔新鮮.....都間叫做中規中矩....10蚊 4包1. 冷麵2. 芝麻八爪魚3. 粟米4. 螺肉要蒜茸並且多辣...雖然我係一大早去買...佢都只係開鋪無耐...不過食落d 冷麵...唔會話好似琴日賣剩....放到淋晒....好新鮮..應該係前一晚煮定...第二日一開鋪賣....粟米係普通罐頭貨....八爪魚& 螺肉都係來貨質素....總括而言, 10蚊 4包...都可以接受....
continue reading