Hikiniku To Come

呢間食肆非常之旺，好難訂枱，今日終於訂到，雖然係晚上 8:15 嗰輪，但起碼都叫做訂到。佢係 IFC 商場出面，冇冷氣，但夜晚有少少風，而且因為訂咗枱，唔使等，所以都可以接受；不過如果冇訂枱嚟等位，我諗都辛苦㗎。我早到 15 分鐘，係門口企咗一陣就有位，入到去門口就係售賣機，食品冇得揀 (仲好，我有選擇困難症 😂😂)，得一款，反而飲品都多選擇 (可以唔買飲品，佢有水供應，不過要自己倒)。最後揀咗蘋果汁 同 佢哋自製嘅菠蘿梳打，兩款飲品都好味. 👍🏻👍🏻👍🏻👍🏻👍🏻教大家食法 阿女見到原來如果烤得唔靚，塊漢堡係會唔要嘅，都好嚴謹喎 👍🏻👍🏻 呢杯好味 😋😋😋😋第一種食法：原汁原味，乜嘢調味料都唔加，好好食 😋😋第二種食法：加蘿蔔同自製嘅醋，呢個都好食，因為冇咁油膩 👍🏻👍🏻👍🏻第三種食法：加蛋，呢個食法反而麻麻招呼好，雖然用餐時間只有一小時，時間到嘅佢唔會趕你走，佢會請你移動到細枱，因為可以欣賞夜景 🤭🤭食物正，啲肉唔會死實實 👍🏻👍🏻👍🏻👍🏻一定會再幫襯 …查看更多

講咗咁耐嘅日本人氣漢堡扒店「挽肉と米」終於登陸香港，最近終於喺IFC成功 walk-in 排到位，一於試下佢傳說中多汁又邪惡嘅現煎漢堡扒！餐廳環境型格摩登，有對住海景位，夜晚特別有氣氛！每份 set 包括：•三件即叫即煎嘅漢堡扒（師傅即場煎）•白飯任添＋一碗熱湯•仲可以挑戰招牌「放蛋儀式」～每件漢堡扒外脆內嫩，咬落真係好 juicy！三種食法都各有特色，最喜歡係加柚子醋配蘿蔔絲，酸甜清爽。最後放蛋嗰下最緊張，不過我今次……失手咗🤣！整體來講非常滿足，食完會再想去排多次～…查看更多

想食左挽肉好耐，永遠都訂唔到檯，終於計準時辰較咗鬧鐘上網站訂位，但係準時上到去都已經冇曬晚上六點或之後嘅座位，真係懷疑啲人究竟點樣book到😂唔緊要啦，照book咗五點三，未天黑就食晚飯😁去到原來有一條隊係可以walk in排嘅，不過店員話有機會真係要排好耐， 我哋訂咗枱都等咗十分鐘左右先有得入座。本身訂枱嗰陣已經hold起咗信用卡，如果no show都會照扣全數，所以應該冇乜人會取消booking😅而家做緊期間限定套餐 $168，有現烤A4九州和牛漢堡扒三件、無限續添現煮白飯、味噌湯、雞蛋一隻、蘿蔔泥及自家製柚子醋。餐廳建議第一件漢堡直接進食，好感受到肉汁同炭燒香味，仲有唔同嘅配料，麻辣粉，椒麻醬，炸蒜碎，餸埋白飯食好正。第二件漢堡配自家製柚子醋同埋蘿蔔泥，有另一種嘅感覺。第三件漢堡配生雞蛋，醬油一齊食，嚟到依度已經要叫第二碗飯，有啲想叫第三碗😅除咗漢堡，我哋仲叫咗免治牛肉薯仔沙律 $38 份量都ok 幾飽肚，🍍🍹菠蘿熱情果果蔬梳打 $45，好清新，酸酸甜甜好好飲；生薑梳打 $35，啖啖哋正好解膩。評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺挽肉と米中環金融街8號國際金融中心商場4樓4011號舖📍港鐵香港站B2出口5分鐘路程#healingbobo #foodie #hkfoodie #foodiehk #香港 #美食 #香港美食 #Central #中環 #中環打卡 #中環好去處 #A4九州和牛 #A4九州和牛漢堡 #國際金融中心 #IFC #HikinikuToCome #挽肉と米…查看更多

🍴A4九州和牛 $168 之前食過一次唔係和牛，今次試新嘢，一樣係set有三塊肉，無限添飯，一碗湯一隻蛋。肉餅要趁熱食，燒得剛好有焦香味，勁多肉汁，有少少肉香，冇咩牛味！個人覺得蘿蔔泥和自家製柚子醋好解膩，加蛋黃係升華左個飯😋 個人推介青唐辛子鹽漬檸檬，香得嚟解膩帶微辣口感！推薦指數: 7.5/10好食過普通版，網上預約依然困難！…查看更多

日本過江龍-IFC挽肉と米啱啱開張嘅時候大排長龍，今次都係訂左先好快有位，唔使等😅標榜係Juicy 漢堡扒，基本上set 只係選擇幾多件漢堡😂每個座位都見到店員炮製漢堡扒，座位櫃桶都有調味料，同埋使用方法🙈每人都可以出去拎一隻雞蛋，白飯可以飲添😂overall 嚟講都係覺得只係比較Juice嘅漢堡扒，牛味都OK，會逐件上keep到新鮮，如果排好耐隊值唔值得，就見仁見智😅我感覺係試一次就夠🙈…查看更多

HKD168 的A4和牛套餐比之前不是和牛的性價比更高✨肉汁更豐富牛味更香濃，個人建議每一款香料調味都試一試，會發現同一件漢堡會帶來不同魅力，配合香甜軟糯正宗日本米，真心超值。環境優美180度無敵海景晚上更有夜景份外璀璨，唯一美中不足跟有1小時的用餐時間。女職員見我們食完就提醒我們離開，但當時才30mins...當我拿出收據後職員道歉都沒有就轉身離開， 日本公司來說感覺培訓不足，除了要先看看入座時間オ提醒， 更要有基本禮貌才是正常待客之道。…查看更多

這間餐廳以為自己至高無上，系統安排存在問題。話說它是以網上預約系統全數付款留坐的，先到先得絕對可以理解。但原來你搶到時間留位，亦不保正可以預留位置。如果唔想受氣，千萬不要光顧，只會換來一肚氣😤…查看更多

「挽肉與米」以其「新鮮現絞、新鮮現烤、新鮮現煮」的三大原則，在競爭激烈的餐飲市場中脫穎而出，成為一家備受矚目的漢堡扒專門店。抱持著打造百年老店的願景，他們專注於提供最極致的漢堡扒體驗，而我這次也慕名而來，親身感受了這份堅持與用心。店內主打的「烤漢堡扒配飯」套餐，簡單卻不失精髓。套餐包含三塊以炭火烤製的漢堡扒、一碗味噌湯、一顆生雞蛋，以及無限續加的白飯。漢堡扒使用新鮮絞肉製成，肉質鮮嫩多汁，炭火的香氣更是令人食指大動。第一塊漢堡扒，我選擇品嚐原味。一口咬下，肉汁在口中爆發，炭烤的香氣與牛肉的鮮甜完美融合，簡單的調味更能凸顯食材本身的優質。第二塊漢堡扒，我嘗試了搭配店家提供的蘿蔔泥和柚子醋。清爽的蘿蔔泥中和了漢堡扒的油膩感，柚子醋則增添了一絲酸甜，讓整體口感更加豐富有層次。第三塊漢堡扒，我選擇了最經典的吃法——搭配生雞蛋。將蛋黃輕輕劃破，讓蛋液緩緩流淌在熱騰騰的漢堡扒上，再淋上少許醬油，一口咬下，滑嫩的蛋液與鮮美的牛肉完美結合，帶來了無與倫比的味覺享受。除了漢堡扒，店內的米飯也毫不遜色。據說店家選用的是高品質的日本米，並以羽釜鍋 烹煮，確保每一粒米飯都飽滿Q彈、香氣十足。搭配漢堡扒一起享用，簡直是天作之合。「挽肉與米」的確是一家值得推薦的漢堡扒專門店。他們對食材的堅持、對烹飪的用心，以及對顧客的服務熱忱，都讓人印象深刻。雖然價格稍高，但考慮到食材的品質和用餐體驗，我認為還是物有所值。* 建議提前預約* 可以嘗試搭配不同的佐料，找到自己最喜歡的口味。…查看更多

不需要和日本比較鍾意中環嗰間多過尖沙咀嗰間空氣感十足陽光普照$178 炭火現烤牛肉漢堡 x3仲有生雞蛋正呀用羽釜鍋 煮白飯非常香口睇見啲廚師現場打吓打吓真係好過癮微微洋蔥香 好多汁啊一撳落去 可以煮唔好咁熟粉嫩啲就Perfect。 啲調味料供給調味，本身肉已經有足夠的味道可以不用點吧。 不過嚟到梗係攞少少試吓啦醬料有香炸蒜碎 青唐辛子鹽漬檸檬特製椒麻醬鹽漬檸檬 油漬青唐辛子每款都激發味蕾長備炭火烤爐 煮完就擺喺你面前啦 …查看更多

🧭挽肉之米(中環)⭐️漢堡扒專門店⭐️🇯🇵過江龍💸 挽肉之米套餐 $148💸一入到門口 先用自助買飛機買套餐同飲品店員會帶你坐低 講解流程同食法簡單嚟講一共有3舊漢堡扒 同1隻生雞蛋第1件建議直接食 感受炭香同肉汁嘅爆發第2件配自家製柚子醋同蘿蔔泥 比較清新第3件配生雞蛋 加埋醬油做拌飯過程白飯任添 可以自己按喜好加唔同配料整體嚟講漢堡扒充滿炭火嘅香味咬落鬆軟 肉質嫩滑多汁食落熱辣辣 成個套餐好豐富滿足🍖💰人均 ~$200🍗食物：7.5/10👨‍✈️服務：8.5/10🪑環境：8.5/10💯總分：8/10總結: 舖頭啱啱開嘅時候，非常之難預約，試過每朝準時10點撳入預約網站都訂唔到。依家過咗段時間比較好book，有興趣可以食之前嘅兩星期朝早10點預約，較易有靚timeslot 。如果近排飛唔到日本，喺香港食都係一個好方法。🐮I#hongkong #hkfood #hkfoodie #foodie #holunhungry…查看更多

上個月係中環做完野諗住三點靚四點哩啲時間無乜人嚟博下walk-in點知條預約左嘅隊都keep住有人嚟前面幾個walk-in都等到走左無奈放棄 本身都plan 11/4再嚟中環做野嘅時候食點知一星期前見到hsbc有優先預訂同送飲品優惠所以就book左預約左就基本上唔洗等報完到就入得一入門口就揀咗佢個套餐坐低就有職員介紹同埋揀送嘅嘢飲叫左蘋果肉桂梳打🍎好飲 肉桂味唔會太搶 比例上又唔會過甜!!一嚟就上左飯同湯先第一舊漢堡扒都好快送到個飯好好食🤣🤣 少少煙韌感漢堡扒非常多汁 外面有小少焦脆仲好香炭香味用左佢介紹嘅食法第一舊原汁原味 食完第一嚿等咗有啲耐先上第二舊佢咁啱新一批未熟第二嚿推薦食法係加上蘿蔔蓉同埋醬油蘿蔔蓉一早就放咗喺枱面加上蘿蔔蓉之後油膩感減低但又唔會搶咗漢堡扒個肉味個人口味最鍾意呢款今次食完第二嚿第三嚿就好快送上佢推薦食法係沾上蛋汁再將生雞蛋加上醬油到落個飯度每個客人都有一個生雞蛋不過我唔鍾意啲飯太濕所以淨係落咗少少枱面仲有六款唔同醬汁我最鍾意係點青唐辛子鹽漬檸檬椒麻醬都幾得意整體嚟講 我覺得啲飯同肉都係好食嘅不過要嚟試記得一定一定要訂位…查看更多

呢間日本過江龍雖然黎左開港好耐，但質素依然保持到。用自助機比完錢之後，行去入面，有個位掛衫，咁食完唔會成身燒肉味。一個 set, 3件即燒漢堡扒，飯係任加，不過飯比較淋身。另外，自己可以去自助bar 拎日本蛋，同酙水。檸檬水配漢堡扒幾好，消濟。職員燒好塊扒，會放係你前面個網上面 rest 下。漢堡扒食落唔散，都 juicy. 有唔同醬料比客人簡，即使係3塊一樣既漢堡扒，都唔單調，唔怕食到悶。其中有柚子醋同蘿蔔泥，覺得一齊食幾正，幾解膩。個人覺得，雖然都係用日本材料，但食落都係係日本好食 d😆 Btw, 即使預約左時間，都要排隊入場，所以唔建議 walkin 去食，因爲唔知會排到幾時。但前排佢尖沙咀店開左，情況應該會好少少。…查看更多

這間超人氣餐廳，walk-in兩次都失敗收場，人氣程度堪比演唱會搶飛。終於扚起心肝一早set定鬧鐘起網上成功book到位，一步踏入餐廳，落地玻璃窗外係一望無際嘅海景，心情即刻加分。大約$178一個set，性價比真係高得出奇。服務生細心講解每一道菜點樣食，唔單止係食飯，簡直係上咗堂美食體驗課。三塊厚厚的漢堡扒，煎得外焦內嫩，每一口都係牛味爆發，肉汁豐盈得好似要喺嘴入面跳探戈，真心感受到牛肉本身嘅鮮香同層次。白飯同太陽蛋係無限添，完全係飯桶福音，試過將隻蛋打落扒中間想嚟個完美融合，可惜佢彈返出嚟，未達成牛肉夾蛋成就解鎖，下次再戰！整體嚟講 : 從味道、視覺、服務到整體氛圍都令人滿意到拍手掌，唔怪得walk-in會無得食，建議你哋真係早啲book位，唔係就只可以望海興歎 …查看更多

上網預約唔到 見到唔多人就walk in 排隊試下點知都係要排2個鐘 。雖然排2個鐘都真係幾痛苦，不過又真係好好食。期間其實見到入面好多單丁位，只要入座時用心安排一下，出面排隊嘅人可以無咁辛苦🥹，可以早啲入座到 。一入去要落左單先，無得加單 。$138套餐已經有3塊漢堡扒！每塊即場係你面前即燒，每一塊食用時都可以唔同方式食用，旁邊有唔同嘅配料 。漢堡扒一食落口😳即刻覺得排左2小時係值得🥹🥹 而且價錢比想像中抵，我仲點左杯青森蘋果汁同沙律，解下3塊漢堡扒無咁濟 。服務上可以再改善，旁邊有一位要講英文，有2位侍應要向其他人求救唔識英文，其實menu上都有英文，只需要簡易幾句greeting同介紹就可以，只係見佢地連試都唔試就求救感覺差啲，而且呢到係IFC 應該都唔少唔同國籍嘅人會來吧 。…查看更多

岩岩喺到試咗佢哋嘅漢堡扒，絕對係值得推薦嘅一餐！漢堡扒煎得外層微焦，帶少少香脆嘅口感，但內裡保持嫩滑多汁，每一口都滲出濃郁嘅肉香，真係令人回味無窮。肉質紮實但唔會過硬，調味恰到好處，提升咗整體層次感。 係食法上面都有好多選擇，個人鍾意檸檬個個醬，好fresh，令到我有動力食埋落去！份量方面亦都相當足夠，食完有種滿足感，但又唔會太油膩或者覺得滯。 餐廳環境簡約舒適，服務態度親切，送餐速度亦快。以呢個價錢嚟講，呢份漢堡扒真係性價比極高，無論係對肉類情有獨鍾定係想搵高質素漢堡扒嘅朋友，都一定要試下！…查看更多