打卡點點心專門店 (Closed)

這間位於紅磡的點心店，有多款特色茶，而且茶位$5-$8，我們要了碧螺春，味道清香。蝦餃皮薄且晶瑩剔透，蝦肉爽口彈牙，十分新鮮。雙魚子燒賣皇有蟹子及黑魚子在表面，豬肉不會太肥，還有大大隻的蝦肉。鮮魚湯小籠包小籠包皮不算薄，但不易夾穿，裏面湯汁豐富。黑松露鳳眼餃淡淡黑松露香味，蝦肉爽口。脆皮海皇腸腸粉皮香滑，裏面包著炸至香脆的春卷，有些素菜在內但不油膩。翡翠鹹水角整個啤梨形狀，十分吸睛，香脆煙韌又熱辣。雪茄春卷春卷炸至金黃香脆，裏面又是超大隻的蝦仁。海皇魚湯餃魚湯味較淡，但灌湯餃用料豐富，有蝦仁、肉、素翅等。老干媽蘿蔔糕蘿蔔糕比較腍，蘿蔔絲多，帶點香辣味，十分惹味。竹燕椰汁糕椰汁糕不會太甜，椰香味十足。…查看更多

最後一日晚市堂食，真係要食好點～ 之前bookmark 左呢間新開點心店想試，趁呢日黎打卡！先點壺瑰荔堂皇，玫瑰花味清香出衆，荔枝紅茶茶底濃郁唔澀。彩紅鮮蝦餃大大粒蝦餃，黃紅綠既顏色好靚，好吸引外皮透薄柔韌，內裡蝦肉鮮甜爽口雙魚子燒賣皇雙色黃綠燒賣皮，配搭黑同撜色幼細魚籽，味道份外咸鮮味美，肉質嫩滑勁多汁。海皇魚湯餃魚湯香濃鮮味，海皇餃脹卜卜超足料。黑金流沙包嘆中茶定必要點籠包點，我就最鍾意流沙包。鬆軟既黑色外皮，頂層塗左點金色，輕輕咬開，出煙燙口既奶黄超流心，滲出咸蛋黃香～ 滑蛋牛肉腸腸粉皮好滑溜，夾起有彈性唔易散，唔會有厚實既感覺，牛肉餡鮮嫩Juicy仲有粒粒馬蹄，爽甜口感入口比例完美。翡翠咸水角換上新形象既咸水角，小啤梨既造型超可愛又好味，翡翠綠既顏色，餡料味道依然咸鮮，外層酥香～鮮蝦腐皮卷薄薄既腐皮包住鮮味蝦肉，仲有韮黃味道帶清香。老干媽蘿蔔糕粒粒蘿蔔糕，細細粒彈滑，加埋老干媽辣椒粒煎香，吸埋辣油好香口，蘿蔔蓉蝦米多了一份香辛度。糖心紫薯酥外皮夠乾爽，輕咬外皮感覺鬆化酥香，內層仲有香濃奶黄。金絲香芋酥外層金黃幼細，酥脆香口，芋茸味微甜唔油膩。紫醉金迷千層紫薯，味道幽雅質感細緻。金箔芝麻卷傳統甜點芝麻卷，加上金箔黑金既配搭矜貴，芝麻味夠香，入口彈牙唔太甜～ 整體黎講，蒸炸既點心水準都好好，每一款都有想再食既感覺💕…查看更多

黃埔真係有好多食肆，連住幾個商場或是街邊小店都有好多不同既菜式。行過同朋友想食點心，見到呢間餐廳既點心選擇多又價格又好平民。雙魚子燒賣皇，點心點既燒賣真係用料特別好食，鮮蝦大大粒，雙魚子兩款味道都出色。鮮魚湯小籠包，小籠包皮薄多湯汁，有鮮味。黑金流沙包，咬落流心既奶皇包，熱辣辣甜度適中，包點軟熟，黑金色包造型精緻。極上黑毛豬叉燒腸，腸粉好滑叉燒入味，仲有落蔥花好滋味。香煎蘿蔔糕，煎得好香脆，仲有蘿蔔絲，有口感又彈牙。經典糯米雞，糯米雞好大隻又足料，冬菇、臘腸、咸蛋黃、仲有嫩滑雞件，食呢非常飽肚又滿足，飯粒軟棉黏口，有荷葉香味。章魚肉餅飯，章魚肉餅好有咸香味，章魚味道都幾出，份量適中，鐘意食蒸飯真係唔好錯過。連埋茶錢每位$8 ，7個點心都只係$200 左右。真係好親民，晚市點心好選擇。…查看更多

屋企附近開咗新嘅點心餐廳，晚上都有唔少街坊同學生支持。鋪面算係光鮮整潔，一於叫埋老友試試😁😁餐廳入面，原來都有幾多枱，有大有細。一家大細飲茶又或者拍拖/少少聚會都岩☺️☺️食物方面，餐牌有埋圖片，總共有兩頁，真係令人花多眼亂。坐低咗之後，可以揀咗茶先。佢哋嘅茶，有別於一般茶樓嘅傳統中國茶。可以揀白桃烏龍，桂花烏龍等等嘅茶飲，我哋揀咗白桃烏龍，香氣撲鼻！值得推薦😁😁彩虹鮮蝦餃總共有三粒，都幾飽滿，個皮唔錯，唔會好粉。內涵爽口，仲幾Juicy👍🏼雪茄春卷呢個我覺得係必食！之前經過餐廳睇佢哋嘅餐牌，都有留意到佢哋有啲點心造型好得意，好特別。點都要叫黎試吓嘅😁😁雪茄春卷個造型就好似雪茄咁，啡色長長哋。食落發現佢比普通春卷更加好食，因為春卷皮入面緊貼地包住啲蝦肉，外皮夠香脆，一咬落去已經係滿滿嘅餡。食一兩啖唔夠滿足，佢勝在夠長，可以食多幾啖😄😄另外一個可愛點心，就係依個啤梨鹹水角，唔係淨係得個樣，都幾好食，鹹水角個皮唔會太厚👍🏼燒賣係有兩隻顏色，都幾大粒，幾精緻佢哋嘅食物上菜速度都算快，係等緊嘅時候，嘆吓茶，個人都即刻他條啲～～整體來講食物除咗賣相有趣，味道方面都唔錯，加上環境都幾整潔，推薦👍🏼👍🏼…查看更多

呢間點心舖環境好乾淨 枱與枱之間既距離都幾闊 放係枱上面既碗碗碟碟都好乾淨 唔會好似平時飲茶咁油淋淋 但好自然飲茶自己都會用水沖多一次🤣🍵茶位 揀左碧螺春 $8/位🦑祕製咖哩蒸魷魚 $32呢個咖喱魷魚咖喱味唔會好濃 唔會蓋過咗魷魚既鮮味 魷魚肉爽得黎唔會韌 唔洗用好多牙力去咬開佢🥢黑金流沙包 $28流沙包既外貌 同坊間個d好似樣 但睇真d呢個唔似係街外番貨再加熱賣比客既個款 因為佢個包表面有d粗糙 加上每一個黑金既塗裝都有少許分別講番個包先 個包d流心餡甜甜地 奶黃既份量都好多🥢糖心紫薯酥 $32呢一個真係好有驚喜 拎到上枱 唔講你都會覺得佢係一個番薯仔 做得好神似 佢係一個類似鹹水角既皮包住d紫薯同一舊仔溏心黃色蕃薯 食落去外皮酥 餡料既質地就好似薯條既芯咁🥢特色脆皮海皇腸 $36呢個係一個炸兩既變奏版 係油炸鬼入面釀左特式既餡料 餡料微微帶鹹 食到入面有蝦有冬菇 油炸鬼入口時仍然好脆口🥢雪茄春卷 $32春卷既外型好似雪茄 專登係個春卷頭點上黑芝麻去炸去扮雪茄上既煙草 呢條春卷我數過入面 總共有6隻蝦咁多🤤🥢彩虹鮮蝦餃 $32蝦餃皮唔算薄 味道都唔錯 點心師傅係蝦餃皮上加入紅黃綠三色 相比之前既點心創意上係有所失色 但蝦餃呢d飲茶必食既點心相信大家都係想食番原來既感覺🥢雙魚子燒賣皇 $32燒賣上面有黑魚子同普通魚子兩款 蝦同豬肉既比例做得唔錯 咬落口都幾有口感🥢飛碟炸雲吞 $24外皮炸到透薄酥脆 蝦肉爽口 配上酸甜醬一齊食好開胃總括黎講依家間點心舖既點心幾好食 加上呢一間點心舖既創意係其他地方都搵唔到 幾推薦大家黎試吓呢個新式飲茶…查看更多

呢間點心店新開，環境坐得幾舒服，價錢大眾化，免加一，值得推介👍茶葉都有好多款選擇，眼花繚亂，好多款都想試。🌼最後揀咗清香嘅桂花烏龍，入口順喉，清新解渴。店內仲播住mirror成員嘅歌曲，令人心情愉快，真係有品味😍點心都好精美💕🖤黑松露鳳眼餃蝦肉好爽口，外皮彈牙👍🌈彩虹鮮蝦餃賣相有心思，餡料超彈。✨雙子燒賣王有蟹仔同魚子， 燒賣入面嘅豬肉餡好香口。🍐翡翠鹹水角 成個啤梨咁好可愛，餡料有韭菜，外皮煙煙靭靭。🥢煎蘿蔔糕 配辣醬超好味。💚煎虎皮尖椒 煎得好香，點辣豉油好正。🐟海皇魚湯餃 湯底係濃濃魚湯，魚湯餃超巨型，裡面有好多瑤柱。💜金絲香芋酥 炸得脆卜卜，入面係芋頭餡。🤍竹燕椰汁糕 椰汁味非常香濃，面頭係桂花糕。🌟金箔芝麻卷金箔金光閃閃好吸引，芝麻卷係經典甜品😍…查看更多

外面不吸引,入面古色古香係我呀，我又叫到成張枱都係食物呀！！要介紹翻，佢連茶都有好多款，而且有啲聽都未聽過。我哋簡左瑰荔苦蕎，超特別第一次聽，聞到好香嘅荔枝味，飲落去唔算話十分之濃，但係勁特色。先來介紹一下點心，我叫咗彩虹鮮蝦餃，黑松露鳳眼餃，鮮魚湯小籠包，雙魚子燒賣皇。見到好多好啱打卡嘅就叫晒，我想講佢唔係得個樣我覺得佢每樣點心個樣都好靚好有特色，啱晒我打卡。❤️彩虹鮮蝦餃$32，見到佢個樣真係幾靚，雖然個皮唔算話好薄，味道想同平時蝦餃差唔多，但係入面嘅蝦足料，所以好香，鍾意蝦餃人士要叫。黑松露鳳眼餃$36，我係比佢個賣相吸引咗叫，因為有特色，其實佢有啲似蝦餃，但佢呢個無蝦味咁重，似係特色水餃咁入面除咗蝦仲有肉，味道都好唔錯鮮魚湯小籠包$28，呢個雖然個賣相同平時嘅一樣，但食落去佢個魚湯幾好味👍雙魚子燒賣皇$32，燒賣黃色嘅食得多，佢仲有綠色，食落真材實料，唔係得粉味介紹完蒸點心，要介紹香口野翡翠鹹水角$26，當平時食嘅平平無奇，我都好少食點心嘅時候叫，但因為佢呢個啱打卡所以叫，啤梨既樣，寫落去係平視鹹水角嘅味道一樣，所以值得加分既係賣相，佢唔似某啲地方做特色點心但賣相有參差。雪茄春卷$32，超級似雪茄，食落去係蝦春卷，唔知點解我覺得佢好食過平時嘅春卷好多，可能因為佢個春卷皮嘅味道唔似平時無味，所以好鍾意食糖心紫薯酥$32，睇落去個樣雖然唔係話好靚，似平時食嘅一粒粒紫薯嘅大版，但食落去你都係平時嘅紫薯味道，咁我會比較鍾意呢一個，果啲唔係脆，而呢個係，味道都濃郁啲，最緊要真係好脆，又唔會話好油。金絲香芋酥$28，呢個係我本身冇諗住叫，但係超驚喜，咬落去超鬆脆，個口感好特別我會用正來形容，而且裏面嘅香芋都好甜好好食，係特別嘅，下次嚟食一定會encore。燒汁釀鮮冬菇$28，真心覺得呢個好好食，冬菇唔會好乾身，仲要大大粒好厚肉，而且燒汁嘅味道加埋一齊好Juice。香煎虎皮尖椒$28，雖然呢個煎釀三寶成日有得食，但係我依然覺得佢冇出面嘅咁油，但呢個真心要盡快食，凍咗個味道爭好遠。番薯同埋鹹水角仲有埋餅乾碎做擺碟，真係特別之餘又好食😋整體佢啲炸物樣樣都好食，仲好有特色，最緊要嘅係就算我影相影咗好耐，仲食到好脆而且唔會好油既感覺，最緊要嘅係影完相好耐食咗點心先再食炸物仲係未凍架，叫我如何不愛吃❤️溫馨提示，炸物始終係熱氣野同油，記緊要飲多兩杯茶解油膩，同埋因為啲茶真係幾特別出面未必飲到架最後要食埋甜品做結尾芒果布甸$26好得意嘅魚造型芒果布甸，令我諗起年糕魚，味道還可以，仲有芒果粒係入面，有賣相又足料👍 花奶會另外裝起，唔似平時啲芒果布甸嚟到嘅時候堂食已經加埋落去，值得稱讚。芝麻卷$24點解食個甜品都可以咁高級，上面有金箔🤣我自己本身唔係話好鍾意食呢樣嘢，我就覺得味道還可以有賣相又好食，真係要親身食過先明，唔好俾去舖頭門口冇咩特色就卻步唔食，因為你會後悔錯過咗…查看更多

今日去黃埔個邊行街經過左一間新開既點心店 叫「打卡點」🤓望真啲啲餐牌真係好岩打卡 所以入左去食😝入到去雖然地方唔係好大 但係好別緻好靚😍有唔同既茶可以選擇 洛神花茶、白桃烏龍、桂花烏、玫瑰烏龍、瑰荔堂皇、香片、普洱等等 佢地好推薦我地飲洛神花茶😋開頭入口味道淡淡地慢慢變深色既時候開始有d酸微微！同埋洛神花亦都對身體好好😚點心方面睇得出師傅係用心制作 賣相靚之餘味道都好好 而且炸物方面唔好有一陣油溢味！特別想講翡翠鹹水角😋外貌勁得意 好似一個雪梨咁樣 外皮有小小斑蘭既味道 勁脆入面個餡唔會話得幾粒肉仔！鮮蝦腐皮卷😛每逢食點心都會必點 依個表面唔會過份油 同埋入面d蝦都好鮮！雙魚子燒賣皇☺️好特別有兩粒黃色同兩粒綠色 兩個外皮都唔會好大陣麵粉味金箔芝麻卷😍皮做到好薄而且芝麻味好重 濃濃既芝麻味 好香滑！…查看更多

👫除夕一齊去超市採購，順便去附近新開嘅點心店食晚飯。OpenRice地圖有錯，餐廳入口喺紅磡灣中心對面。我哋打去餐廳先成功搵到🥲。🥢彩虹鮮蝦餃$32蝦餃皮煙韌，餡料超多蝦。🥢雙魚子燒賣皇$32燒賣超彈牙，而且好多切細咗嘅冬菇。食落多汁又鮮味。🥢秘製咖喱蒸魷魚$32咖哩味道香甜又唔辣。土魷份量好多，而且爽口彈牙。不過薯仔煮得唔夠腍。🥢老干媽蘿蔔糕$32蘿蔔糕充滿白蘿蔔嘅清甜味道。老干媽豆豉味好香，又唔會太霸道。🥢黑金流沙包$28口感鬆軟，餡料又多又流心。🥢燒汁釀鮮冬菇$28冬菇大隻多汁，鯪魚肉煎得香口。🥢翡翠鹹水角$26香脆又軟糯，餡料唔算多。…查看更多

最得我心：紫薯煎堆仔香脆煎堆包住微甜軟糯的紫薯餡，新穎口感好，以前食過紅豆餡但太膩，呢個唔會死甜，好正打卡類：雙魚子燒賣兩隻顏色一綠一黃的燒賣夠哂搶眼特別彩虹鮮蝦餃蝦餃色彩繽紛，真材實料黑金流沙包有型獨特，影完相啲奶黃仲流心，足料抵食黑毛豬叉燒腸特色之作，靚豬肉！甜品類：金箔芝麻卷好耐無食的菲林卷懷舊一下竹燕椰汁糕上面有桂花糕即刻加分紫醉金迷賣相好靚好上鏡傳統類：叉燒包& 蝦腸& 牛肉球& 白布腸水準之作抵食，可以一試😚…查看更多

家住紅磡區，得知開左一間新嘅點心店，一於去試吓先，夜晚都可以食到點心真係好幸福，原來有好多款茶可以選擇，我哋揀咗白桃烏龍，一上枱嘅時候已經聞到好香嘅白桃味，嗌左黑金流沙包，熱辣辣蒸起，流沙即刻流出來🤪▫️鮮魚湯小籠包，呢個幾特別喎，平時啲小籠包好少標榜自己係用鮮魚湯，所以特別嗌咗嚟試，果然比起平時嘅小籠包特別鮮甜啵，重點真係皮薄餡靚😍▫️花菇棉花雞，魚肚吃起來軟綿綿的像棉花一樣😗再與雞肉一起蒸，魚肚既有雞味，雞肉又融入了魚肚的鮮味☺️▫️雙魚子燒賣皇😚有別於平時嘅燒賣，傳統嘅燒賣係黃色嘅，呢度係綠色同埋黃色，食落去好大隻蝦，餡料真係做到足😙綠色嘅燒賣加埋黑松露感覺好高級▫️章魚肉餅飯勁香，豬肉打得夠碎，加埋份量十足既章魚，真材實料，食得出師傅好有心機整，食到家既味道呀😍▫️燒汁釀鮮冬菇，冬菇好厚肉呀，釀左大量魚肉所以夠哂惹味，最後再用燒汁黎炆，味道好夾😋▫️糖心紫薯酥，香脆既酥皮包住紫薯，重要喺紫薯中間仲包住香味十足既番薯，成個點心除左好味之外，師傅既手工都好值得讚🥰▫️黑毛豬叉燒腸，粉皮夠哂薄，豬肉都係用靚嘅黑毛豬肉，所以味道特別濃，真係要大叫一聲好好味呀！▫️金箔芝麻卷，係勁尊貴既黑金配，芝麻卷好足料每一口都係好香濃嘅芝麻味，好味得來加上金箔嘅點綴，色味俱全👍🏼…查看更多

推介👍🏻👍🏻👍🏻，點心不但精美，仲好好食，最愛芝麻卷，軟滑可口，芝麻味濃，不會太甜。啤梨形咸水角，極吸引小朋友，小朋友一口氣食晒三隻😅😅😅。灌湯餃個湯底魚味濃，冇味精，好飲，下次會再去試埋其他美食😋。…查看更多

環境舒服好坐，但地方不不大食物方面，茶嘅種類多選擇，白桃烏龍，桃味好香 、洛神花茶、玫瑰荔枝茶，如果鐘意傳統嘅都有普洱、香片……仲有汽水、 apple cider 食物新鮮，上菜速度正常，服務態度良好，點心偏向新穎，感覺足料，今次下午茶有8折，幾抵食！下次會再來食其他，腸粉雖然無影相但好滑，最有驚喜係茶的種類多，點心師傅感覺都好有水準。本次點了 白桃烏龍茶， 鮮蝦腸粉，魚子燒賣，黑金流沙包， 咖哩薯仔鮮魷，全部都好滿意，濃度剛剛好…查看更多