打卡點點心專門店 (Closed)

我和好友打算來到紅磡覓食，上網搜集紅磡的食店，被我發現一間的港式點心店「打卡點點心專門店」去嘆茶，我很喜歡食點心，點心款式很多，對我來說真的太好了，談天說地的好地方。地點位於湖光街，交通都算方便，我和好友很快便找到地點，靜中帶旺，不錯的選擇。店內特高樓底，空間感很好，環境舒適寫意，乾淨整潔，氣氛自在輕鬆，歡聚閒談的聚腳地。我們選了幾款點心，價格相宜，未食巳吸睛，令我胃口大開。招牌六寶燒賣拼盤單單看樣子已經令人唾涎，拼盤有蟹籽燒賣、帶子燒賣、鮑魚燒賣、鵪鶉蛋燒賣、爆汁墨魚燒賣及麻辣燒賣，每款各有特色，燒賣好大粒，入面有魚肉及蝦肉，肉質嫰滑彈牙，啖啖美味，口感很好，正合我的口味，水準幾好。潮州粉果粉果皮薄餡靚，十分香滑，豐富的餡料，有蝦，豬肉，菜等材料，內裡的蝦及豬肉卻能保持嫩滑，見到巳想即時食下去，味道不俗。蝦春捲蝦春捲非常香脆，彈牙爽口，入口美味，剛好恰到好處，細膩美味，讓人一試難忘。官燕椰汁糕椰汁糕不會太甜，帶出香濃的椰汁味，食下來軟滑，口感衝擊味蕾，饞嘴的我很想Encore。打卡點點心專門店（紅磡）地址：紅磡湖光街1-7號聯盛大廈地下8B & 9號舖…Read More

上星期同屋企人去咗黃埔食點心，呢間新開點心價錢唔貴，款式夠多😎魚肚滑雞扎一籠有兩大件魚肚雞扎，熱辣辣，薄薄嘅腐皮包住雞肉、冬菇、芋頭同主角魚肚，超級足料🤣🤣 魚肚索晒汁好軟綿，雞肉大大件，一定要試。鮑魚燒賣一籠有兩粒鮑魚燒賣，呢個影相一流，鮑魚好大粒，真材實料。晶瑩蝦餃蝦餃有三粒，皮薄餡靚，蝦肉彈牙爽口，鮮味十足。 花膠碗仔翅
第一次見到碗仔翅配花膠🤣🤣估唔到又幾足料，一碗有成四五條長花膠，好有膠質，女士們食啱晒。竹燕椰汁糕最後叫咗甜品食，呢個竹燕椰汁糕都唔錯，上層係竹燕，下層係椰汁糕，好重椰汁味。   …Read More

有時候飲茶食點心唔一定要去茶樓，而家好多小店既點心都好出色，而且坐得比茶樓舒服又冇咁嘈呢間點心店提供既茶葉比較特別，我地揀左白桃烏龍，茶味帶有陣陣桃香！好耐冇食碗仔翅，呢度既花膠碗仔翅$38勁足料，有4-5塊花膠，抵食！蝦餃大大隻包滿蝦肉！黑金流沙包係真流沙，蛋黃味好香！金絲香芋酥我幾鍾意，裡面既香芋餡甜度岩岩好，用黎做甜品都唔錯！另外仲叫左龍蝦湯鮮竹卷、鳳爪排骨飯同埋燒賣，每一款都熱辣辣，味道幾好！最好叫埋個甜品爆珠楊枝甘露就非常滿足啦！…Read More

好耐冇食點心喇~出開紅磡見倒哩間點心店好多人幫趁，加上見佢啲點心款式幾特別就入去試下。紅假lunch hour坐滿人，好彩等左一陣就有位。店面雖然唔大，不過以新派中國風做裝潢，感覺都幾骨子。茶錢$5/位，除左普通普洱香片，哩度仲有點心店少見嘅洛神花、碧螺春等等，我地就揀左瑰荔堂皇，雖然茶色比較深，但飲落又唔會澀，仲帶少少荔枝香味。花膠碗仔翅($38) - 碗仔翅杰度適中，入面有大大條花膠同好多冬菇絲，都幾足料，加埋紅醋食幾好食。炸蝦三文治($36) - 三文治連蝦一齊炸，炸到脆卜卜但又唔會太硬同太多油，炸蝦蝦肉仲keep倒爽口結實，必點！南瓜米網卷($30) - 米網卷入面係香甜軟腍嘅南瓜蓉，米網卷外皮鬆化唔會過硬。老干媽蘿蔔糕($36) - 蘿蔔糕輕煎過，鹹鹹香香好惹味，只係略嫌比較多油。八寶蟹蓋釀糯米飯($38) - 以糯米飯釀入蟹蓋，上面再加左隻冬菇，店家為左令賣相更吸引，特別加左豌豆同紅蘿蔔粒，賣相幾精緻，令人食慾大開。黑金流沙包($36) - 流沙包好軟熟，就算上左枱一段時間，咬開仍然好流沙，鹹蛋黃味都好香好突出。紫薯煎堆仔($32) - 煎堆仔脆得黎口感軟糯，除左香甜紫薯味，原來中間都一樣有流沙，都幾好食。竹燕椰汁糕($30) - 下面係椰汁糕，上面係類似桂花糕，唔會太甜，椰汁味幾香。雀巢咖啡($12) - 唔想飲茶嘅話，除左普通啤酒汽水，哩度仲有雀巢咖啡同綠茶可樂揀，雀巢咖啡都幾滑，味道以罐裝咖啡黎講算唔錯。除左一般點心，佢地都有幾多創意點心，而且味道都係好食同熱辣辣嘅，價錢大部份都係三十幾蚊，去開附近好值我試下。…Read More

好耐冇飲過茶，今日就同屋企人試下一間裝修幾靚嘅新派點心舖頭。我哋試咗佢哋嘅帶子燒賣。粒帶子唔好睇小，都幾大粒㗎。去買粒燒賣，真係簡直係絕配。因為牌子嘅鮮味同埋燒賣入邊嘅豬肉其實都幾夾。真係想一試再試。鮮蝦菜苗餃入邊嘅蝦肉真係好爽。係我試過入邊數一數二咁爽甜嘅鮮蝦。仲要個重點係個菜苗搞到勁大粒雖然一籠得三隻但係都好夠食。龍蝦湯鮮竹卷龍蝦湯好濃郁。真係未諗過鮮竹卷配龍蝦湯原來係冇得彈。飲得出個龍蝦湯係真係有龍蝦喺入邊嘅唔係求其一啲罐頭龍蝦咁樣。秘製牛柏葉係我最鍾意嘅點心。好多間餐廳整到個牛柏葉硬晒，有冇未。但係呢一間真係唔同啲佢嘅牛柏葉煮嘅程度恰到好處，一啲都唔啱，仲好爽添。仲要佢有個秘製嘅醬汁。味道真係好好食。紫薯煎堆仔賣相都已經好吸引。佢嘅外皮紫色，入面係奶黃，食完咁多個點心之後有一個甜品作結真係唔錯。…Read More