Steak Expert (Closed)

呢次lunch叫左個咖哩牛柳意，意粉旁邊有薯菜賣相可以，但係牛柳似厚切牛扒多啲，帶點韌。咖喱汁味道正常，薯仔都一般入味。以折實$70包湯同熱飲黎講，性價比較同類茶餐廳略低。作為中學飯堂呢度梗係滿載開心回憶。闊別五年，餐牌設計依舊，主要有ABC三個餐。我朋友都叫咗個牛油薯條，不過較為纖幼，幼麥當勞嗰隻少少。侍應講嘢都係一樣中氣十足，食客唔多但有催客落單嘅feel。基於食物質素一般，扒王都係食情懷。但事過境遷，舊伙記咁啱不在，有啲可惜。…Read More

"久違了~扒王之王" 依句真係事實，自從家住荃灣嘅時候經常食喺愉景新城斜對面間扒王執左之後，都冇再食過扒王之王。大慨係疫情前嘅近年香港經濟順景，港人對扒餐要求漸漸提高，港式扒餐逐漸沒落，唔少傳統港式扒房都愈執愈少，勉強叫做有一兩間會有少許革新，再開分店。是日喺苦思良久之下並受同伴建議，終於第一次黎香港碩果僅存嘅扒王之王食早餐，估唔到都真係會有"驚喜"。喜者，一打開餐牌，嘩，乜個早餐餐牌都咁豐富丫。喺連鎖快餐店求其食個縮水早餐都要40蚊左右嘅情況底下，依度係貴少少，但至少又扒又包仲有餸有麵，點睇都唔似係縮水早餐。繼續強調返本人係選擇困難症末期患者，點解？因為我揀食牛扒早餐定什扒早餐都諗左10分鐘都仲未決定到，最後必殺技係叫個侍應埋黎落單先決定到食什扒早餐。好，野食上枱，港式style，睇落正常食落出事，首先係間餐廳冷氣太勁，食客相對太少，野食野飲好快就凍冰冰熟蛋冇乜味，老晒牛油方包，正常，冇exptectation，茶記嘅最普通質素雞肉腸，老到皺晒皮牛扒，有筋又老，勝在份量足雞扒，一個字，老2塊扒都係純粹靠個汁俾返D味煙火雞絲公仔麵，又咸又老，過火公仔麵，少許浸到發脹嘅感覺總結:唯一吸引之處真係份量同價錢相對平，但問題係咁嘅質素，真係難D再黎食，其實食材應該唔成問題，問題係點樣處理食材，是日係週末，食客亦唔係多，其實有冇必要追求快餐店嘅上菜速度? 我真係唔介意等多10分鐘俾廚師即叫即整我個早餐，但我真係唔想食一個全部野食都過晒火嘅早餐，明明成個早餐份量係好豐富，但食完個心仲係好空虛。細細個仲讀緊書嘅時候適逢經濟不景氣，尤似今日兩餸飯大行其道，是日再食扒王更勾起當年週末經常獨自一人買扒王嘅午餐特價飯盒，除我以外亦有不少老人家購買類似飯盒，只係肉食獸如我獨愛16蚊一盒燒汁豬扒腸仔飯，至今仍點滴在心頭，若餐廳能見此食評，望能改善食物質素為首要目標，其次望能考慮重推平價飯盒，惠及眾多沙田市民。…Read More

🔻1️⃣ U.S. Beef steak | Pan Fried Sausage and Egg 😋 with Butter on Toast & Shredded Smoked Turkey Macaroni 美國牛扒 ｜腸仔煎蛋 ｜餐配牛油🧈方包 煙火雞絲併通粉💲42🌟推薦指數：★★★★★抵食又大份既早餐非你莫屬😆‼️牛扒係有厚度有誠意既牛扒 😋😋 有口感 絕對唔會係薄到紙既牛扒，性價比勁高‼️仲要配埋腸仔煎蛋😋 通粉又係大大碗🤣真係完全估佢唔到，食完成個早餐真係勁滿足‼️‼️‼️‼️ 一定會再食😆👍🏻評價：9/10…Read More

細細個中學時代..尚算中價位既扒王之王..執執下..已經得返沙田最後呢一間..食既只係回憶..味道只係一般茶餐廳既水準了..今日就同朋友黎呢度食個lunch..回憶下想當年既感覺午市推介都有好多唔同種類我地就比呢兩個吸引住..忌廉湯及餐包湯偏小小咸..有洋蔥既香同朋友share一半扒食緊先記得影相美國和牛就真係食唔出..因為都唔太淋反而個BB肉眼就唔錯..但兩隻食落去個牛既質地都好普通..用料完全係茶記感覺..食唔出「扒房」味道..…Read More

因為剛好在沙田工作，無意中發現原來全香港還剩下最後一間分店。我心想：「已經剩下最後一間，理論上，這公司應該會將結業的分店的租金成本轉嫁給食物上吧？」 於是乎，我給它最後一次機會，結果令人完全失望！🤬 侍應生反應慢，餐廳盲點多，我舉手很久也沒有人向我回應。 我點了B餐，西梅燒豬扒配薯菜，外觀看上非常大份，但一切開才知道，原來這塊豬扒比紙還要薄！🤬 豬扒旁邊的配菜， 薯條看上去是死黃色， 分分鐘用了萬年油炸出來！🤬 旁邊的豆角紅蘿蔔看上去是隔夜蔬菜，色澤非常暗啞！ 豬扒整塊吃完也沒覺得特別， 而且連配菜吃完也不覺得飽！ 結帳時也要60多元！ 完全不值這個價錢！🤬 簡單來說， 這所餐廳， “裝修一流，食物九流“！ 完全不明白為何公司還要留著最後一間分店！ 還可以生存到今日！ 這樣的食物質素理論上應該快快結業算吧了！😤…Read More

由於要去沙田拎部新iPad同埋枝apple pencil，唯有疫情下都出街啦！因為揸車過去沙田，我地泊左車响瀝源，所以拎完機之後行左陣就返去瀝源拎車，突然覺得個肚好空虛，抬頭一望見到扒王之王，好似老天叫我入去幫襯下，我只好聽老天爺話去左扒王之王食個lunch啦！其實之前都有黎過，質素都唔錯，所以先至再來Encore一下！傳統西餐廳的羅宋湯，尚算ok，餐包都有翻熱一下，暖暖的。美國特選穀飼西冷牛扒 $108 以鐵板上。我個人係好鐘意鐵板餐嘅，如果有鐵板我都會揀鐵板，果種上枱炸炸聲好好聽。😆😆 有啲變態！而配薯菜份量對我黎講已經足夠！另外，牛扒質素唔知同疫情有無關係，感覺上無之前甘好食，不過$108呢個價錢就算啦！甘大塊，但都仲係幾香牛味嘅！由於食唔返之前個質素，我會疫情之後再去食過😅😅 睇下係轉左個廚定係轉左啲貨先至得🤣🤣…Read More

最近病情關係，餐枱與餐枱之間都要有1.5米。小型食店地方關係所以都要等位，食完又要即刻走，方便下一位客人。所以找餐廳食飯都很頭痛。今日去左沙田娛樂城入面既扒王之王幫櫬，因為地方夠大，坐得舒服，食完慢慢飲完杯餐茶都未遲。服務員很貼心幫我們量體溫，沒發燒先可以入內，跟住安排了我們去一個附近沒有其他客人的地方進餐。去扒王又點可以不食牛呢，今日午餐牌剛好有牛扒，是照燒肉眼牛扒，食落肉眼扒很淋，有牛肉味，燒汁跟飯都很夾。…Read More

我明明點了五成，但他給我的是差不多八成。我點了的是牛柳跟龍蝦尾，他的龍蝦尾非常細，但兩個合併的價錢是308元（還未加1）所以如果真的很想食西餐的話，就盡量不要吃這間了。…Read More

點了行政午餐，穀飼西冷，配意粉，沙拉，羅宋湯，面包，飲品。（92元 要加一）朋友點了A級肉眼扒，送的跟上面一樣，只是沒有沙拉。份量十分多，大胃王都能吃飽。普通女孩可能一個餐就夠了。最適合我這種想食平價扒既人。這是一個歷史悠久的扒房，雖然只剩下沙田這間店，但是這也是很值得大家如果想嘗試食扒，又不想付出高價來體驗的話，這絕對是可以一試的。最後，不知大家以前有沒有嘗試過食扒王之王，但這也是伴隨着一代人成長的，大家也可以來回味昔日的回憶…Read More

長老想食鐵板餐，要求坐得舒服，冷氣唔好太大吹親佢。餐廳職員安排我哋坐近門口的卡座，令長老相當滿意，我就勁鍾意個懷舊feel。長老睇到餐牌有豬手，即刻放棄鐵板餐。叫咗個漢堡扒蒜汁豬手配薯菜，萬一豬手太硬食唔到，仲有漢堡扒替代。午餐跟羅宋湯、餐包同熱飲。湯夠熱、料多、香濃，唔係水汪汪；餐包有熱感，搽牛油落去冇耐就溶晒入包。食晒呢兩樣嘢，已經飽飽地。豬手出場時，長者第一時間食炸薯條，讚夠脆，不過灑鹽唔平均，一條鹹，一條淡。至於豬手，好夠腍同入味，長老全部食晒。漢堡扒有種手搓扒的風味，可惜煎燶咗少少，但無損味道，多啲肉汁會更好。另外叫咗焗雞扒飯，用炒飯底，雞扒正常大細；醬汁有番茄、芝士、蘑菰、西芹、甘筍、洋蔥，用料比大快活的豐富得多（當然價錢有差距）。同長老分享啲飯，佢自己加啲豬手汁落去，食晒成碗。奶茶有茶香，喜歡。隔離枱食客都係老友記長，佢食唔晒個餐，自備外賣盒帶走。店員對長者都好體貼，不時問使唔使加水、幫手清走碗碟，服務周到。長老聽到鄰枱傳出鐵板餐獨有的淋汁咋咋聲，約定下次嚟食鐵板餐。…Read More

一間經常落錯單、嚟錯餐， 那位沒戴眼鏡的男經理經常要逼人食嚟錯嘅餐， 話再整個好耐。 我係學生，因為我哋學生個lunch time比較短，被迫要食你嚟啲錯嘢咩？ 其次，唔該唔好成日企喺我哋張枱隔離聽我哋講嘢呀。仲有人哋得lunch覆下message，唔好成日又話我哋沉迷打機啦好冇？！仲有我個同學佢天生比較矮，你唔使次次都係問:「你跳級？ 」還請那位經理好好反醒一下態度！食物質素還好， 環境也算舒適。其他職員的態度也ok。…Read More

細細個既時候經常食扒王之王 個陣有好多間分店 以前覺得好好食而且價錢又唔貴 去到就黎屋企附近既分店無左 佢既分店越黎越少 前個排咁啱見到仲有扒王之王 香港淨返既唯一一間 好想去食返童年既味道 所以特登去試但係比以前差左好多 同以前食既感覺差好遠 覺得有啲失望(可能係同細個食既差太遠 因為自己已經好多年無食過扒王之王 淨係記得細細個成日去食 好鍾意食 印象中應該係好好食既 所以個落差都幾大不過佢既環境都算係舒適既 而且以西餐黎講 假錢係平既 但係味道真係麻麻 覺得如果食呢間嘢既話 應該係因為回憶…Read More

扒王之王呢個名，我細細個就聽唔少，因為細個嘅時候成日會同屋企人去食，記憶中嘅扒王係好正嘅。點知大大下發現太子嗰間一早已經執咗，而家得返沙田呢一間。適逢呢一日去沙田做嘢，見到佢個大招牌，二話不說就入去回味下細個嘅味道。扒王不嬲都好多唔同嘅扒款，基本上想食咩種類都有，以前最鍾意食佢個鐵板牛柳，但係因為星期六鐵板牛柳嗰個餐比平日貴左成幾十蚊，貧窮嘅我覺得唔抵，所以揀咗一個星期六日同平日一樣價錢嘅set，感覺上抵啲～自選套餐可以揀一款前菜、餐包、餐湯、仲有甜品同嘢飲。價錢就視乎個主菜揀咩，我就揀咗扒王牛柳伴大蝦。先來餐包同餐湯。食過舊式扒房嘅朋友仔應該都知道呢啲扒房嘅白湯同普通嘅忌廉湯係好唔同。係稀得來又有種淡淡忌廉味，係佢哋獨有嘅味道。餐包配牛油，暖粒粒，不過不失。前菜我揀咗香煎法式鵝肝，鵝肝煎到好香，雖然細粒左少少，都夠攝牙縫嘅～主菜係扒王牛柳伴大蝦($165)，隻蝦偏細少少，係用開邊蝦嘅做法同埋鋪滿蒜香，好入味同爽口彈牙。牛扒來講就保留着以前嘅水準，鬆軟得來有少少咬口，亦都有牛味，係以前嘅味道呀～最後個甜品係芒果芝士餅。呢隻芝士餅係出面應該好難搵，一望個樣就知係以前傳統果種芝士餅做法。依家啲芝士餅通常都係芝士凍餅上面鋪生果，呢隻芝士餅啲芒果係切成粒融入左係啲芝士餅度，每一啖都會咬到芝士同埋芒果粒，好好好好味！！！總括嚟講，係呢個日益變迁嘅世界，”one day you’re in, the next day you’re out..”。希望以前食過扒王嘅朋友仔，得閒多啲入沙田去享受下以往充滿回憶嘅味道啦～…Read More

假期的下午，心血來潮想吃港式西餐，和老公決定試試很久沒去的扒王之王。曾經是紅極一時的港式西餐廳，偶然經過才知道在沙田還有唯一的一間。非常懷舊的裝修，有點昏暗的環境，連餐牌都彷似是十多年前那份。二人分別點了阿根廷牛扒（配薯條）跟焗雞扒意粉。先來了紅白餐湯和餐包仍保持水準；超大件的餐包叫我飽了幾成。牛扒餐先到，第一口咬下去，還有點驚喜很淋，怎料再嚐清楚是過淋，肉質很假，像是加了過量的鬆肉粉。而且和伴碟的薯菜都不能算得上很熱，難怪很快上碟。焗雞扒意粉較好，新鮮焗起，起碼有最基本的熱度。意粉夠味，或者是過濃味了，吃到最後有點鹹。吃到最尾太多油在碟底了，我和老公平日都不講究健康但也吃不下了。說穿了，剩低的只是想要懷舊一下的那份情意結，要高質素的西餐似乎談不上。…Read More

今日觀音誔，晨早流流媽咪叫我去瀝源買煎堆拜神，所以未到九點就出發。因為買完要趕回家，但本人又未食早餐好肚餓，買完煎堆就搭lift 立即走去附近的餐廳食個快快早餐，落到地下見到呢間餐廳就睇下個餐牌啱唔啱食先，見到有個豬手湯麵好似唔錯就走左入去食。這裡環境都算寬敞，他們見我拎住一袋二袋就俾左個卡位我坐，等我坐得舒服一點，算是幾貼心吧！我點了豬手配湯意粉，個配搭雖然有點怪，但我唔想食麵和米粉，故點了湯意粉，餐跟飲品一杯，我也點了凍檸檬茶。豬手湯意粉和凍檸檬茶都好快就上枱了，豬手食落好腍，但味道就少少淡，意粉煮得恰到好處，唔會太腍，又唔會過硬，豬手同意粉份量都算多，湯底就麻麻地，唔濃，但味道欠奉。但還算可以。凍檸檬茶都可以，有茶味，檸檬有4塊，啱我呢啲鐘意多檸檬既人。總括而言，第一次在這間餐廳食早餐感覺都唔錯，唔多人，坐得舒服，服務又幾好，早埋單先知唔使加一，又幾好喎如有機會試下佢其他早餐先！…Read More