Tezukuri No Mise (Closed)

同姊妹食完晚飯仲想食甜野係咁多餐廳突然見到一間雪糕店即刻衝去揀雪糕，店員仲好好笑容態度歡迎我地試味...試左幾款最後揀左阿華田杯裝雪糕真係好好味，濃濃的阿華田味又唔會太甜，份量又適中，咁樣先係$15咋！性價比高…Read More

係v city 附近日食飽飽 就揾下有冇甜品食下。。行過手作好好想食。因為有阿華田味😍 好似好少見，所以就買左一杯兩球雪糕食。。以前中學時候成日食，因為有學生會優惠，個陣已經覺得好平好抵食，大大球雪糕又有質素，味道唔會好“假“而家ge手作都係平靚正，20蚊有兩大球! 兩個人share食都得，要不然就太飽了。。今次我就要左阿華田同荔枝味。一路行一路食。阿華田味道好濃! 好似特濃阿華田糖ge味，但又唔會太味，而荔枝味道相對比較淡，但都夠荔枝味，濃味淡味隔住食都唔錯!…Read More

個人認為手作之店的雪糕多種類，味道亦不錯但係銷售手法。。。。可作改良。。通常選好球的大細後，店員會經常問要加一蚊轉這個，加兩蚊轉這個嗎其實寫哂落menu到比人選擇會更好…Read More

講到手作之店，無辦法唔同「性價比高」呢四粒字拉上關係，有時經過都會忍唔住買黎食。仲有佢地嘅雪糕好搞笑，加幾蚊又話有球大啲，加幾蚊又話多一球，加下加下又唔知十幾蚊，不過老實講，份量真係大嘅，次次見到啲店員都「畢」得好不遺餘力。雪糕嘅口味都幾多，質素當然唔夠大牌嘅好食，但起碼你揀果種味道，每次都係好對辦，唔會話食唔出係乜味。男朋友最鐘意就係呢款椰子雪糕，我多數食薄荷，兩隻都好食。通常我地都加錢變大球，事實上都冇試過唔加，所以唔知道如果唔加嘅size同加左係咪真係爭好遠。呢個咪策略囉 (笑)椰子味雪糕味道都好出，甜度適中，而且裡面仲有少少椰絲口感，食落一粒粒，冇咁單調。…Read More

這間雪糕店已光顧多次，地方雖然細小，但乾淨整潔，店員有禮，而且雪糕選擇有很多，每次去都有新口味推出，所以百吃不厭。這天我們選擇了牛乳抹茶和曲奇妙趣，濃濃的抹茶與牛乳結合，香滑濃郁 ; 有牛奶朱古力曲奇餅碎的曲奇妙趣，食落有口感，曲奇同牛奶味雪糕很夾，好美味喔！荔枝雪糕，感覺清新，啖啖荔枝香味，沒有甜膩感，吃多幾杯都不會飽肚的感覺，下次一定再吃呢。沒有果肉的士多啤梨雪糕，但口感有些似雪葩，味道不會太甜，不錯。蜜桃雪糕，清香氣味，完全像日本桃的香甜美味，我非常喜歡這款雪糕，好回味呀！…Read More