Video
Above information is for reference only. Please check details with the restaurant.
本身之前中學時期都係食開上水龍豐嗰間，咁啱經過就入去試吓，見到冇乜人心諗可能過咗食飯時間，都照入去坐啦咁叫咗三個餸一個麵底，通菜，魷魚鬚加鴨腎叫咗小辣當一上到嚟，我真係眼都凸埋估唔到而家$12係得三嚿魷魚個鴨腎仲硬過我條命，鴨腎係難咬正常但係我咬到牙骹都就嚟甩另外佢小辣係死辣，完全冇香剩係得個辣同我以前中學食嘅味爭好遠我真係唔會再去第二次
continue reading
結婚之後住咗粉嶺幾年，食得最多就係上水龍豐樓下的車仔麵，後來搬咗去馬鞍山，都有keep住入去幫襯，佢係我心目中最好味車仔麵頭三位。雖然知道粉嶺有分店，但上水舖執咗之後，一直都未有幫襯過。今日兩公婆都放早，老婆放棄雅士鋸扒選擇咗成記，失望之旅就由呢秒開始⋯⋯呢間係自己圈紙仔，不過我比較喜歡上水店排隊揀餸，先刺激眼球同嗅覺。可能過咗午飯時間，伙記多過客。14:58落好單，就聽到隔離枱叫下午茶，原來15:00有特價下午茶餐，嗰一秒真心嬲咗😡😡，感覺店員唔太老實，當然自己冇留意都有責任，但只係差一兩分鐘有下午茶，係咪應該同個客講聲呢？幾分鐘碗麵嚟到，賣相跟以往分別不大，不過一食入口就知什麼叫「往事只能回味！」粉腸有啲韌，蘿蔔冇乜味，豬紅同酸齋算正常發揮，麵湯淡茂茂⋯⋯呢間真係成記？好失望的一餐！下次再嚟聯和墟，成記肯定不在選擇之內！是日消費：豬紅$12蘿蔔$8酸齋$10粉腸$12油麵$15共消費 $57
continue reading
尋日下午我去聯和墟呢間隱世好食魚旦檔試吓 因為上星期喺前海開會 其中一個香港下屬向我呢個CEO推介香港北區有一間出色魚旦粉面⋯⋯我坐低叫咗一個淨魚旦、一個魚旦面及1杯凍檸水⋯⋯ 十分鐘左右以上食物到齊 我第一口先喝湯⋯⋯不錯之後咬一啖魚旦 果真彈牙 再食一啖面 真係不錯 我覺得真係好食魚旦彈牙 面又爽大約25分鐘食完 埋單只係$80！雖然比起深圳食嘢係貴咗啲 不過唔同地區又不能咁樣比較⋯⋯喜歡食魚旦的朋友可以試吓（佢有其他食物的例如：牛腩、炸魚皮、雲吞等等）不過要下次再試講住咁多先 我要坐高鐵上北京分公司見班下屬滙報上月公司業績⋯⋯⋯再会
continue reading
啲餸份量好少，特別肉類牛腩肥牛，其他餸嘅質素都普普通通。。。都算係食過嘅車仔麵中幾差嘅一間腩汁加辣加到變辣汁，死口唔認，廚房佬無禮貌，對客人同員工呼呼喝喝，啲餸少麵少湯又少，食完都唔會飽，得普通餐廳七成份量啲餸嘅質素麻麻，叫牛腩，得兩舊細嘅，千祈唔好叫牛腩，10蚊一個餸，兩細舊牛腩唯一好處依間車仔麵係繁忙時間可以任坐，坐幾耐都冇人趕，因為冇人幫襯，食飯時間都仲可以比學生同工人坐耐啲，想食完有得坐嘅人可以考慮吓
continue reading
加價後份量大不如前🥹🥲食完唔飽！食佢食咗20幾年，由最高峰嘅時候有三間鋪上水正鋪變咗粉嶺聯和墟搞到而家得返一間舖相信真係唔係冇原因……以前排晒隊等食，而家成日拍烏蠅午飯晚餐時間都係得幾個人。一個普通女仔食完一碗三餸面加嘢飲好似一陣風咁（我自問真係唔係大食，平時譚仔都要少米線都食唔晒）車仔面餸嘅份量多少都唔緊要 都明白要成本同賺錢但面真係得幾啖……（面其實都唔係好貴啫）食嘢真係求飽肚 起碼主食份量都應該要有返應有嘅水平如果咁樣做生意，真係唔係太理想，感覺好似想賺到盡。🫠如果真係諗住食一餐飽肚嘅lunch或者dinner你預返應該要比錢加底但如果下午茶嘅份量是足夠的。
continue reading