Brasserie on the Eighth

This was suggested by my friend who told me I must try the Champagne brunch here! It took me two months to book the weekend brunch! Gladly we’ve finally made it! We got the oyster as a starter which come along with breads. We then were asked to choose a main course out of five choices. Also there are open kitchen areas where you are free to choose sashimi, seafood, Mediterranean style cuisine, and not to mention the cheese factory ! The services there were really nice and they would fill up the champagne any time! …Read More

Staycation包三餐餐飲🤟🏻，下午茶未落肚又要食晚餐啦！入住日本身可以係酒店法國菜餐廳「懷歐敘」🥂，享用法式四道菜晚餐。可惜禁晚市堂食，晚餐改由客房用餐，當然少咗係餐廳食Fine dining嘅氣氛🍴，但二人獨自係海景房用餐，都不失情調嘅⋯Check in前有接待員打電話比我哋點餐同預約送餐時間，預約咗6點半都準時送到。送餐車下方有保暖設備🔥，熱食會預先放入，其餘餐點放係餐車之上。本身餐點會放係房間Set up好嘅餐枱上，見到我地放滿禮物，職員都好有禮貌放係書檯先，仲幫我哋揸機影相📸️唔該晒！————————————————👅 Ring in the Year of Tiger（平日$588+10%/2位）🔸法式精選拼盤👉🏻 蟹肉卷以為係用春皮卷包住，原來係一片薄切白蘿蔔。法國火腿煙燻味充足🥓，配無花果同配蜜瓜有異曲同工之妙。另一個小前菜係煙三文魚🔸法國鴨肝伴焦糖士多啤梨👉🏻原件鴨肝嘅肝醬濃郁度Max.，配一小件甜包多士當然唔夠🍞，可搭配芝士餐包一齊🔸栗子濃湯👍🏻濃湯放入湯壺保暖，飲用時倒入備有配料嘅湯碗。栗子湯有驚喜🌰，好幼滑有奶香，更甚係栗子嘅香甜可口，伴一粒香煎帶子🔸菠菜忌廉湯👉🏻 飲一啖菠菜湯好似食咗一撮菠菜🥬，碗底有幼蝦同香草麵包🔸牛肉二重奏👉🏻 本身期待牛肉主菜多啲，今次匈牙利牛肉同扒西冷凍咗就唔多掂，會變硬同乾身啲😬。其實本身room service就難控制質素，所以唔可以話喺餐廳出品唔好，有機會再去餐廳堂食啦🔸智利鱸魚拼大蝦👉🏻 鱸魚魚肉鮮嫩肥美😌，每片魚肉都有魚油包住，雖然凍咗都幾好味，大蝦普通🔸法式焦糖千層酥👍🏻千層酥夾住絲滑香草醬，穩陣派甜品嘅美味度不遜😋，用士多啤梨醬裝飾嘅擺碟比較簡單🔸朱古力蛋糕👉🏻餐單提及有刨冰及泡沫🍧，原來係濃郁朱古力慕絲蛋糕，中間係凍凍地嘅熱情果夾心———————————————— 🚩總結：靜靜地享受二人世界———————————————— 🌟注意：食飽飽可以打熱線叫職員收返餐碟————————————————📍 懷歐敘地址：金鐘金鐘道88號太古廣場港麗酒店8樓.🗺地區：#bem金鐘📥分類：#bem西餐💰人均消費：#bem_201至400蚊…Read More

金鐘Conrad酒店嘅brunch真係超豐富😍食物質素非常高龍蝦超新鮮充滿海水味仲有香檳同雞尾酒任飲除Buffet枱任拎任食外仲附有Menu可以order Egg Benedict 、黑松露奄列、side dishes 等菜式至於主菜每人可以叫一款我哋試咗牛扒、羊架同蝦羊架最出色keep到半生好有肉汁餐廳定期仲會有其他食物推出但拎哂就無所以大家記得定時出去食品區睇下例如有Cheese Risotto 同海鮮湯一定會食到捧住個肚走😌我係join左staycation package大約$3300兩個人連自助早餐如果淨係食brunch就每人大約$900左右而呢個價錢黎講我覺得生蠔只可以食一次係有少少不足每人只有兩隻而主菜亦都只限點一次雖然食其他嘢都會好飽但如果可以任食就更好了…Read More

今次係去Staycation. Package包四道菜嘅Dinner set. 預先book好哂時間就無需要等位 準時入座🕰由門口開始影 一年聖誕新年就好好氣氛Haha餐前麵包⭐️頭盤我同朋友都揀咗法國鴨肝伴焦糖杏桃 黑醋汁 多士完全係入口即溶 如果唔係膽固醇要注意想食鴨肝自助餐😆😆😆⭐️湯黑松露南瓜湯奶油椰菜花 蟹肉 蒜蓉包粒兩個湯都唔錯嘅 好creamy 奶油味重⭐️主菜香煎牛柳 叫咗Medium rare 唔錯香煎智利鱸魚柳 比牛柳更出色 必揀！⭐️甜品法色焦糖千層酥 不過不失 我比較鍾意芒果千層法色燉蛋 唔係好甜 好香滑 完全中咗我口味😋如果有機會 下次有機會 會想再試吓其他嘢食另外Service同環境都唔錯 想推薦比大家😊…Read More

雖然呢間餐廳我係好好好～～耐之前食，但呢間餐廳我可以話係我暫時食過咁多次buffet最高質既一間餐廳！食材同服務都很好呢個海鮮拼盤係任叫既, 一般我食buffet都唔會拎, 因為雪味太重, 但呢到既龍蝦好爽而且好有蘚味呢條鱈魚肉質嫩滑，汁味亦調得岩岩好，唔會太油佢地隔一陣就會有的唔同既食品pop up推出, 拎完就冇出第二款架喇牛扒軟熟, 我Encore左兩次😋😋平時呢的有幾何有buffet有，佢尼到有魚子真係驚喜！湯我都忍唔住😆😆最後要大讚佢地服侍員真係態度非常好, 之前試過半島既服務都係好好, 呢間會係第二間我好欣賞既服務態度👍🏾👍🏾👍🏾…Read More

香港人愛食自助餐，近年食brunch既熱潮更係越黎越勁，熱門既酒店sunday brunch都幾乎要搶到去訂位。令我想食conrad brunch其中一個主因係，佢地既任飲香檳係提供我最愛既巴黎之花香檳。倒出黎已經聞到花香味，入口酸度適中而且果味豐富，女仔一定會鍾意既一款香檳。即叫即整既egg benedict，蛋既生熟度控制得好，一切落去出流晒蛋汁，如果唔係怕太飽真係好想食多舊。brunch除左自助區有好多款前菜刺身等自己拎外，最吸引既一定係order既item，燒大蝦肉質結實彈牙得黎，又有燒過既蝦殼香味，簡單唔花巧但好食。海鮮熟食仲有煎魚，魚肉唔梅冇雪味係基本，廚師煎到魚皮表面脆卜卜，魚肉就保持嫩滑，食落仲有魚油香。即叫即煎既羊架好食到不得了！自助餐食到咁嫩既羊架真係第一次，d肉粉紅色架～忍唔住order左三次😍自助區有個位係好似車仔麵形式咁order既意粉，每次會整細細地既份量，卡邦尼控既我來回order左幾次，真係好好食😍最後仲有個生果甜品set，甜品都唔係得個樣，款款都唔錯，雖然唔係食過酒店自助餐最好食既甜品，但整體個sunday brunch都冇咩邊樣唔好食，反而個別item水準好高，會想瘋狂encore😆…Read More

今次嘅晚餐係staycation package 黎，雖然係package, 但餐廳絕對無hea你，保持優質嘅服務同水準。由於book 左6pm-8pm, 望住個景由天光到天黑，真係好chill 👍🏻坐低首先會黎左一籃包，有牛油同魚肉醬去配個包食。值得一讚係籃包熱辣辣，外脆內軟而個魚肉醬包食係夾到不得了，平時唔食包既我竟然成籃食哂😂👍🏻之後再order左 野飲慢慢chill 下先，白酒唔錯，產地係法國，唔酸仲帶果香，另外一杯就係mocktail, 樣就好靚喇，不過其實味道就一般🥲然後第一個頭盤係鵝肝，好值得讚既係鵝肝烤到外脆內軟，咬落去好層次分明，充滿油香。首先食到外層燒到脆卜卜，香口既口感，然後你會成個口充滿住creamy既鵝肝油。另一個頭盤係三文魚，厚到成塊扒咁🤤好新鮮同有魚油香👍🏻食完頭盤就到個湯喇，揀左一個蕃茄湯，一個黑松露雞湯2個湯熱度夠，但味道就不過不失唔算好大驚喜。而主菜2個都叫左steak, 叫左medium ，煎到出面脆得黎唔乾一份牛扒但俾你食到2個口感，正👍🏻牛扒唔好睇佢好似好細份咁，食左一半已經好full, 個薯蓉好creamy 好香滑食到最後不知不覺已經天黑喇，而個甜品張相影得唔係好靚係有原因架因為唔想個雪糕溶左，所以一秒影完即食😂Opera 好香朱古力味，層層口感分明自家製雪糕再加左威化脆脆，有心思👍🏻總結：Conrad package 如果包哩間餐廳dinner 一定要試，無伏架👍🏻…Read More

首先要多謝懵佬悉心安排左一個簡單Staycation慶祝我倆結婚4週年疫情關係去唔到旅行~就簡單在港Staycation吧！事源阿懵工作地點就位於金鐘，當日我放自己半天假直接到酒店嘆個Lunch Set...… 說真的~方便舒適~唔駛太多走動抵讚！其實酒店有分時段進餐，我相信我倆是最遲的一枱~印象中13:30入座~安排角落窗邊位自成一角的~之後快手落單！與懵佬回想一下當年今日XD雖然我倆較遲進餐，酒店員工並沒有催促上菜*仍是保持正常水準每完一菜式再上另一款！唯一改善地方^^角落位置需多加留意客人需要！懵佬於訂座時，特別說明慶祝週年紀念！酒店亦額外送上甜品及限定紀念品！整體感覺 良好...可以再次看顧^^…Read More

當日擺枱密度比較高，中午時段也坐滿。Staycation lunch set 包括：1. 麵包籃 - 剛剛焗起，新鮮熱辣，香噴噴。2. 綜合沙律前菜拼盤 - 普普通通3. 湯可三選一（洋蔥湯、蘑菇忌廉湯、龍蝦濃湯），選擇了龍蝦湯，但有點失準，因為干邑太重，嗆喉帶點苦🥲4. 主菜選了羊扒，友人選了牛扒 - 我們選7成熟，燒烤得剛剛好。5. 甜品 - 正常發揮😜侍應服務勤快有禮，整潔衛生環境，五星水準。總括用餐體驗愉快⭐️⭐️⭐️⭐️…Read More

對食物有點期望過高，服務超贊👍👍👍不過環境同飲品的確令你好舒服，連對住杯香檳都可以發白日夢1）Pasta 一定要試2）海鮮拼盤（龍蝦同青口）要encore**從來覺得青口又污糟又冇味，今次有驚喜**龍蝦encore左三次3）主菜：香煎智利鱈魚👍👍👍**上網見YouTube吧有羊架，不過我今日冇呀4）除咗香檳好飲之外，出邊嘅Cocktail都可以試吓5）片皮鴨：佢冇片皮，其實係連埋啲肉🤣6）燒乳豬：我唔介意食埋佢啲肉😂，如果冇特別要求佢會淨係比乳豬皮你，我話我想食埋肉，佢可以成舊俾你7）佢嘅Cheese bar 好出名，試過真係好臭😂慢慢食，又唔急，人生可以試一次😬…Read More

Staycation package 已包5餐內的其中一餐雙人法式嘗味4道菜晚餐香煎北海道帶子｜海贍｜青豆蓉大蒜薯蓉湯｜薯仔｜膽煙肉香煎牛柳｜牛肉汁｜野菌｜青露筍士多啤梨忌廉杯十分注重西式禮儀既法國餐廳優雅既餐廳環境及員工優質既服務拉高整體水平一坐底就送上新鮮出爐面包配鮮牛油及吞拿魚醬熱辣辣既法式面包皮脆內實 讚不絕口前菜帶子雖然只係輕輕煎香但用料新鮮驚嘆不己每啖超濃蒜味帶輕輕薯仔味既稀湯 量少質優滿心期待既主菜牛柳用料一般, 份量偏少好在溫度既精準及野菌汁既配搭救返小小分甜品士多啤梨帶領味蕾回復淡味一掃牛肉膩感*後記：最後簽單原價要$1800 但整體套餐感覺將貨就價 食完都未有7成飽肚如果不是package 已包都未必考慮…Read More

復活節假期冇得飛，我哋去咗staycation 包足四餐，第一日當然係即刻去食個brunch ，我哋到餐廳店員即刻為我哋安排座位，第一時間斟香檳給我們及每人一份海鮮盤，包括有龍蝦、蟹腳、蟹、蜆⋯當然可以隨時添食，自助餐亦有中式點心、乳豬、片皮鴨，仲有刺身、冷盤、即煮意粉、意大利海鮮飯、湯、甜品、水果、雪糕⋯好多嘢食！又有特別cocktail 即場調製，仲要任飲！還可以每人有一份主食，有牛、豬、羊、魚⋯⋯選擇！我最欣賞即煮意粉、乳豬、片皮鴨及甜品，真係好得所以我主力食這幾款！服務方面非常一流，很有禮貎及細心！環境亦很舒服令人relax 👍🏻…Read More

難Book的brunch.點都要試下佢賣點係巴黎之花香檳free flow,仲有cocktails,紅白酒作為buffet怪,我當然要試盡佢佢分左兩個時間11:00~14:00,14:30～17:30我揀左second seating 14:30,星期六訓醒啱啱好呢個brunch,有一個order menu,menu上係任你叫，其中有5款main 我地每樣都叫黎試，煎牛，煎大蝦，煎爐魚，特別有baked Aubergine Parmigiana 即係茄子,同炸松露意大利燉飯波，portion唔算大，兩個人食，試完都飽飽地，我個人喜愛sea bass,同茄子，茄子呢味咁巧手，值回票價一當然唔少得"seafood on ice"'，都係menu上面order,一份有半隻龍蝦，長腳蟹，蝦，蜆，青口龍蝦同長腳蟹好甜好食，其他一般出行一圈，去拎左刺身三文魚吞拿魚一般 ,魚子👌hams同幾款cheese都ok,仲拎左無花果乾，nuts送下酒熱食有中式點心，扁皮鴨同乳豬，蝦餃乳豬好得喔甜品，食左mix berries ice 🍨..very niceHKD938加一HSBC/AMEX credit card,85折，算係咁當然我心目中的brunch都係JW…Read More

掙扎了很久，$890一位（信用咭85折優惠）應唔應該試，最後忍不住試左。服務方面：5星級酒店服務來說，水準低於3星。無要求顧客做足防疫程序。我電話、電郵要求窗囗位，提左幾次都要漏，我已經幾個月前預訂，都安排唔到？我要出聲提員工才記得:(。入到餐廳沒有主動提供信封放口罩。坐左15-20分鐘，未能提供海鮮盤，但其他枱的外藉客人坐下就立即送上，難道我們香港食客的待遇是不一樣嗎？有食客沒有戴口罩取食物，沒有人理會。但都有值得一讚的員工，我地問意大利飯可以在何處取。他能告訴我是不同時段的special, 有提供時會提我們，最後他都記得。雖然如果其他5星酒店，我問同一個問題時，他可能已經主動提出會送到枱上，但由於入餐廳開始員工的服務3星時，我已馬上調低要求，他記得提我出去取，都已經很出眾。服務方面，有如雜牌軍，是否只是兼職員工? 5星級餐廳應贏在細節吧。食物方面，海鮮盤的龍蝦、大蝦都尚算不錯，但其他都一般。魚生不試也吧，款式普通、味道一般。意粉區算全場最出息，即叫即煮，煮得很惹味。我食左兩款，都很滿意。片皮鴨味道不錯、乳豬又熱又脆口，值得一試，但切片的哥哥，切到正方型細件左少少。冷盤沒有什麼值得推薦，樣樣沒有太大特色。主菜是任點任食，我試魚、牛扒，感覺沒有驚喜，魚味道偏淡，牛扒都很普通。值得一讚是飲品，香檳是好飲的、mocktail也很不錯，我朋友對杯bloody mary 讚口不絕，覺得好有誠意。我聞到朋友杯咖啡味道很香濃。總括而言，現在酒店改變策略，價錢不變，但時間縮短，由4小時改為3小時，分兩場（11:00-2:00）（2:30-5:30）。食brunch來講有d趕，同朋友傾下計、飲下食下，到最後甜品、及倒埋杯餐茶落肚，完全欣賞不到甜品，已經要清場。我同朋友離場的時候，很多枱都未食完甜品，還繼續坐。出到去已經見到第二輪等入閘，um～太趕吧？夠時間清潔嗎？我明白酒店要開源節流，靠brunch 吸入客人買staycation ，將原先酒店累積多年的賣點摧毀，有點可惜。不過，可能自己太蠢，選擇這個時期幫襯才是重點，因為如果二千幾元買staycation package，包洒店和brunch，我要求應該不會這麼高，可能我會覺得性價比高tim～…Read More

當有人同你講：「甜品係另一個胃」，我懇請你好好相信。——————食得再飽，港女如米米都可以獎勵自己一個甜品。而且，嘆一個疏乎厘，跟本唔需要理由。利申- 唔識焗甜品，更加無金舌頭，但見到個#soufflé 發到咁高已經感到賞心悅目。張相影得不完美可改善，但疏乎厘本身其實係焗得十分靚仔：蛋白綿密而有彈性，外層鬆軟，同時中心濕潤。味道方面亦唔會過甜，食落有淡淡蛋香但無蛋腥味。呢個梳乎厘我真心欣賞，最少，我認真為佢寫咗呢一小段食譜。可能我要求低，又或者只係我未試過其他更好味嘅，但容許我排佢做「我最喜愛的梳乎厘排行榜」嘅第一位。不過都有少少美中不足，一係可惜今日無薑汁，二係可惜我太飽。但基於甜品係另一個胃，我最後自己食晒一整個。本身已經好飽嘅我都驚訝點解自己可以食得晒，繼而有極少量罪惡感。所以都係建議大家分甘同味，少食多滋味，多食...就之後做運動補償返。人生好難，獎勵自己好好地嘆一個疏乎厘，唔需要太多罪惡感同理由。我支持你- 食咗先。…Read More