慧食貓

Open Now

Now Closed

呢間落order後，店員(店長?)會大概幾分鐘返嚟，可以行一陣消化吓，🐻🐻‍❄️嗰次行咗5分鐘左右，返到舖頭先俾錢，等多陣就整好攞得～🌮B.火腿雞蛋肉鬆手抓餅$26🐻🐻‍❄️見網上同現場都好多人叫B，於是就一齊叫🤣🤣手抓餅🫓餅皮咬落係脆嘅👍🏽，隻蛋半熟，加埋沙律醬，好味😋肉鬆似比較乾嘅吞拿魚醬（某款即食餅乾配嘅醬🤣），如果舖頭出豪華版配吞拿魚醬會即刻衝去買😛🤣結論：餅皮脆比較少見，呢個價錢性價比好高，下次會試其他配料～

6-7-2025（Sun）同老公，男友人NT睇完戲，都已經係晏晝，由於我哋係晏食早餐，所以唔太餓，但都要食返啲嘢嘅，我就問NT去唔去葵廣掃街？佢答可以。於是行嚟，我哋首先上3樓行個圈，原本想介紹佢食貓麵（https://www.openrice.com/zh/hongkong/r-%E8%B2%93%E9%BA%B5-%E8%91%B5%E8%8A%B3-%E6%B8%AF%E5%BC%8F-r501252）但冇開，其他嘅好似不感興趣，我就記得有間食手抓餅嘅，佢有興趣，於是嚟搵，搵到喇，原來都啱啱開舖冇耐，睇完menu，NT好似要$26.00嘅火腿雞蛋肉鬆手抓餅 我就要$27.00嘅蟹籽吞拿魚手抓餅。估唔到，即買即有，但手抓餅仍熱，食落，手抓餅好脆同一啲都唔油膩，吞拿魚餡唔少，雖然蟹籽唔多，但都食到佢嘅味道。NT記讚好味。呢篇食評分只計我嗰份。

葵芳｜葵廣神級手抓餅真心排幾耐都願意等！基本上次次都要等最少15分鐘以上😛而且老闆超有性格～每日賣晒就關門，夜啲去買真係隨時買唔到😭平日返工放工時間入到去都差唔多7點半，有時老闆已經收晒檔😎想食嘅話記住要早啲去，真係冇得講，太受歡迎啦！🤣🤣手抓餅襯熱食最正！外皮煎到香脆到癲，咬落去係會發出聲嗰種；入面餡料豐富，芝士融晒勁creamy，味道層次勁多～每一口都係酥香、鹹香、芝士香😍重點係佢雖然多料，但又唔會過飽，唔會一啖咬唔入，比例分配好啱啱好

大隻妹勁鍾意食手抓餅，以前中學嘅時候冇咁多台灣舖頭，要食手抓餅多數都會食呢間慧食貓唔經唔覺都食咗成10幾年，畢業之後就好少去葵涌廣場嗰邊，去開啟係要試吓呢個懷舊嘅味道火腿雞蛋肉鬆手抓餅$26諗都唔使諗就叫咗佢嘅招牌火腿雞蛋肉鬆手抓餅即叫即整，所以多人嘅時候係要等好耐的，好彩我哋叫嗰陣冇咩人，好快就可以食到手抓餅超級香脆，有蔥油嘅味道雞蛋熱半熟嘅留心狀態，蛋汁流晒出嚟加埋肉鬆、火腿同埋生菜等配料，熱辣辣真係好好食

提到食手抓餅，相信大家都對慧食貓唔陌生，除咗葵廣，旺中都有分店㗎💖F. 火腿雞蛋芝士豬柳手抓餅🫓（$31）一如既往，因為即叫即整，一拎上手熱辣辣，記得唔好太心急，即刻擺入口食，好易辣親😂手抓餅好脆，餅皮嘅厚度啱啱好，唔會食到成口皮，入面亦都非常足料，啖啖都可以食到配料🤤 除咗佢寫嘅火腿、雞蛋、芝士、豬柳配料，仲食到有蕃茄🍅同生菜🥬 感覺可以中和到豬柳同火腿嘅濃味，呢個配搭啱啱好👍🏻今次嚟葵廣食完呢個手抓餅已經滿足咗一半😋

- 火腿雞蛋芝士豬柳手抓餅以前次次嚟親葵廣都會幫襯一次 店員好厲害 唔洗寫單都可以記得客人嗌咗啲咩 收錢找錢全自助 大家都好自律佢哋有好多款式可以揀 我平時揀開火腿雞蛋芝士豬柳手抓餅或者火腿雞蛋肉鬆手抓餅 落咗單之後 等咗十分鐘左右就拎得一拎上手熱辣辣 好啱冬天食 個人即刻暖晒手抓餅好酥脆 配料好足料又好豐富💰$31

每次黎葵廣，為食貓手抓餅都係必選😋今次叫左：🥙F.火腿雞蛋芝士豬柳手抓餅（$31）落單之後等5-10分鐘就有得黎，行去另一舖頭買埋飲品返黎岩岩好🧋😍所有餸嘅配撘都好夾😍菜同蕃茄都好fresh🍅🥬雞又半生熟咁好滑💓夾埋芝士同豬柳成件事真係絕配！

- 火腿雞蛋芝士豬柳手抓餅以前次次嚟親葵廣都會幫襯一次 無論以前定伊家嘅店員同樣都好厲害 唔洗寫單都可以記得客人嗌咗啲咩 收錢找錢就全自助 大家都好自律放低錢 呢個真係講個「信」字佢哋有好多款式可以揀 我平時揀開火腿雞蛋芝士豬柳手抓餅或者火腿雞蛋肉鬆手抓餅 今次就揀咗前者 落咗單之後 等咗十分鐘左右就拎得一拎上手熱辣辣 好啱冬天食 個人即刻暖晒手抓餅依然好酥脆 配料好足料又好豐富 雞蛋煎得好滑 對於我嚟講食一個就已經好飽肚 CP值幾高😋💰$31

慧食貓 📍葵廣1樓吞拿魚蟹籽沙律手抓餅 $27手抓餅鬆脆🤣🤣吞拿魚好足料蟹籽增加口感😋😋一凍一熱食落冰火口感份量超級多性價比高👍🏻👍🏻7.2/10

呢間為食貓手抓餅我都幫襯咗好多年其實我喺屋企都係買呢啲台式皮然之後自己加料嘗試去整手抓餅但其他都做唔到佢哋咁好味因為都係即叫即做所以都係熱辣辣好好味唯一唔方便嘅，就係佢唔肯幫你切開一半只係比多個紙袋你自己搣開佢我明白佢如果切既話可能啲餸跌落嚟就會唔靚但我必須講由我哋自己搣開個手抓餅成件事簡直係一個在災難隨時跌晒啲餸喺佢間舖頭面前同埋佢係有好多種可以自己加入去但對於我呢啲有選擇困難症嘅人嚟講佢已經有唔同組合俾我揀會實際啲

去葵涌廣場必食的店，位於一樓近電梯的餐廳，很容易找到。蟹籽吞拿魚手抓餅的餅皮煎得很香脆，蟹籽融入在吞拿魚蓉內，增加了層次感，餡料份量亦很足，而且還有生菜和西紅柿都很新鮮。不過因為餡料很多，有些會掉在包裝紙上。

每次去到葵廣都一定要食呢間手抓餅個餅皮熱辣辣整起 食落好脆而食落又唔會覺得好油膩脆得泥夠乾身！而且啲料勁足滿到瀉我最鐘意食有肉鬆個款大大啖咬勁滿足！價錢又合理！必食😍

🌟葵廣名物🌟一定要食手抓餅，食過無限次，次次都咁好食😋每隔一段時間就會掛住佢既美味。慧食貓既手抓餅都系即叫即做，落完order就會叫你周圍行下十至十五分鐘後先返黎拎野食，一手交貨一手比錢，仲係自己找錢🤣百年不變，每次都食B餐-火腿雞蛋肉鬆手抓餅 $26不過今次仲額外加咗蟹柳😋外皮手抓餅脆卜卜咸香咸香，熱辣辣，餡料多都爆出黎，滿滿肉鬆，煎香左既雞蛋連火腿食配搭新鮮生菜，大大份！食既時候要記得小心扔走哂珍貴既肉鬆，醬汁份量岩岩好唔會太多而浸到個手抓餅淋哂，又唔會太少令到每一啖都脆卜卜之餘又juciyjuicy既feel，唔會乾口，依個配搭真系好好食😍😍😍大件夾抵食！🫡就算排長龍，要等好耐都要等阿！橫掂可以行街慢慢等🤣

今次嚟葵廣又又又嚟食慧食貓啦😂 食過香港咁多間手抓餅，慧食貓一路以嚟都係Top 3🥰 全部手抓餅都係即叫即做，所以都要等一段時間，可以行下街之後再返嚟攞返👍🏻S1. 火腿雞蛋蛋芝士豬柳煙肉蟹柳肉鬆 ($38)諗唔到想食咩嘅時候就會叫晒所有配料！一攞上手嘅時候熱辣辣，配料多度滿晒出嚟🤩 手抓餅煎到金黃香脆，層層分明，仲非常之煙靭，加埋配料口感非常之豐富😍 個人最鍾意食豬柳同肉鬆👍🏻 食落因為有沙律醬同芝士，都唔會好乾🥳 食過咁多次水準都一樣咁高，不過要留意係手抓餅份量非常足夠，次次食完都好滿足好飽🥰 變咗未必可以試好多葵廣嘅其他好嘢食🥲

好耐冇食，諗住懷緬吓。之前個老闆哥哥幾忙都有禮貌，今次去到買唔知係親戚朋友定係員工啦，叫完嘢食又要冇單冇牌號，要人死企喺度等，問人問題好似同自己講咁，細細聲又一路整一路望住下面咁講，啲學生哥聽唔到又俾佢鬧，俾佢話咩唔專心，隔籬舖個女人同佢哋好似關係都OK，但係都忍唔住出聲幫個學生哥講句說話。有人唔知佢哋係自己找錢，都俾佢勁唔耐煩同當人低能咁對待。老實講味道仲要超級普通，食咗一啖就冇食，費事嘥quota。而家咁多好嘢食，人哋又用心態度又好，先值得我哋支持，呢間一定唔會再食！