176
15
1
Opening Hours
Today
13:00 - 19:30
Mon
Closed
Tue - Sun
13:00 - 19:30
Above information is for reference only. Please check details with the restaurant.
Recommended Dishes
朋友推介的手抓餅. 的確唔錯. 個皮煎得很鬆化. 餡料好豐富. 食到尾都仲可以食到餡料. 唔似有啲食到一半已經得返塊皮. 我大鄉里第一次幫襯. 去到見前面個太太諗左一陣, 轉左兩次餡料. 跟住聽到哥哥仔叫佢5分鐘後返黎拎, Byebye! 錢都無收. 咁到我, 我咪講話我要D set. 同樣叫我5分鐘後返黎拎. 咁我就14:59走, 15:07返到去. 嗰時有啲多人. 我照排隊比錢. 我問D得未. 可能我細聲啦! 而且咁多人佢應該唔記得咗我5分鐘前叫左. 佢問多次我要乜. 放低左錢, 隔離嗰幫手就嗌邊個要D. 我好順理成章地行埋去拎左. 然後行左去後面小小嘅電梯位食. 但好唔開心全程聽到俾人誤會嘅對話 ☹️ 因為原來我上一個都係要D. 咁哥哥仔就話個幫手俾錯左人 - 即係我. 因為係嗰個人先嘅! 跟住個幫手就嗌 - 排隊拎啦唔該. 其實無人排緊隊, 客人只係企埋一邊等拎. 而哥哥仔就繼續用小小問候語話嗰份俾另一個人拎走左🤯佢有啲勞氣. 但個客人都話唔緊要. 講多兩句哥哥仔就話cut單收鋪. 其實咁亂係咪派籌好啲呢! 我order嘅時候係無咁多人, 所以你唔俾任何號碼我叫我5分鐘後返黎拎ok! 但當你預計唔到之後多人到你唔記得咗嘅時候. 派籌應該係係比較好嘅做法吧!
continue reading
火腿雞蛋肉鬆手抓餅 $26今次黎到葵廣掃街食左好多人氣食物，但最後得到最高評分，最滿意就係慧食貓的手抓餅，絕對係葵廣人氣掃街首選，下次都會再幫襯❤️新鮮熱辣，即叫即做，份量厚而札實，有煎蛋，香煎火腿，香脆肉鬆，生菜加埋茄汁同美奶滋，仲有煎得好香脆的手抓餅，大大啖咬哂所有食材，完美結合😍真係好好食😋慧食貓深得唔少學生歡心～因為多年嚟都幾乎冇加過價 都係2x~3 x除咗本身大件又好食之外 ，老闆記性好特別好都係成功嘅因素🤣E.g. 🙂 : 行過去，要過b吖唔該！🙏老闆：👌🏻，大約4個字～半個鐘之後過黎啦另外特別之處就係自助俾錢及找錢，所以提提大家盡量就唔好俾咁大面額嘅紙幣啦🤣慧食貓 (葵芳)葵芳葵富路7號葵涌廣場1樓B01C號舖
continue reading
台灣手抓餅 | 慧食貓葵廣掃街必食人氣小店，位置唔多顯眼，但幫襯人流滔滔不絕！先落 order，拎到食物先再比錢，老細超 NICE，好信任客人。因為即叫即整，所以等候15-20 分鐘左右。今次揀左 “火腿雞蛋肉鬆手抓餅” $26餡料除咗火腿雞蛋肉鬆外，配埋蕃茄生菜 + 沙律醬。沙律醬真係有畫龍點晴效果，配搭埋幾款配料效果出奇夾。而且配料份量十足，每啖咬落去都有餡料，真係好好食呀 😋值得推薦人氣小店，回頭率💯，記得落咗order 先去兜個圈呀！😂
continue reading
慧食貓地址: 葵芳葵富路7號葵涌廣場1樓B01C號舖#yauyau_葵芳🌯🌯火腿雞蛋肉鬆手抓餅 $26行過見到呢間小食店好多人排，去到落完單個店主同我講半個鐘之後返嚟攞，我見佢咁多人佢嘅味道應該好好咁啦。我準時返到去拎，可能佢多單整太多，擺耐阻，我食落冇咁熱，個餡裏面有菜啊芝士火腿沙律醬，肉鬆仲有啲蛋咁，個皮望落就好鬆脆，咬落就淋嘅，頭一兩啖都還可以，之後越食越唔好味，食落仲有浸月餅蓮蓉怪味，一啲都唔香口，食到最尾幾啖我同男朋友都放棄咗啦。呢間應該冇下次。味道: 2.8/5番兜: 0/5#葵芳美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #葵芳台灣菜 #台灣菜 #慧食貓
continue reading
講起葵廣嘅名物，一定唔少得呢間手抓餅！每次去親都要等至少15分鐘以上，而且老闆十分有性格，每日賣晒就唔做，所以如果想食嘅話就要早啲去買啦！通常老闆7:30之後就會閂門，有時真係為難左我哋呢啲返工嘅朋友入到葵廣都差唔多7:30😭😭雖然好難買到，但係都冇咗我想食佢嘅決心，因為真係好好味！推薦：⭐️火腿雞蛋肉鬆手抓餅：通常我會再另外加芝士，半酥脆嘅手肘餅再配上半溶嘅芝士，以及略帶鹹味嘅肉鬆簡直係絕配！就算要等半個鐘亦都十分值得！份量十分足量，女仔可以同朋友分享！ 但係小心因為太足料，會食到周圍都係！味道：🌼🌼🌼🌼服務：🌼🌼🌼🌼環境：🌼🌼🌼抵食：🌼🌼🌼🌼
continue reading