The Spaghetti House (Closed)

唔洗等好耐就入得，食左個2人套餐，有龍蝦湯，巴馬火腿pop up pizza，個pop up邊幾有特色，好脆；醬燒豬肋骨配炸洋蔥圈同薯條，味道唔錯，多肉入味;最後係甜品焗檸檬班戟雲呢拿雪糕，我覺得最好食係呢個甜品，冰涼嘅雪糕配上熱辣辣嘅檸檬班戟，有少少酸同甜，好特別，好有層次。…Read More

第一次寫食評，因為真系幾嬲。以前一直去荃灣青山道嗰間意粉屋，次次都讚不絕口，加上會員卡有九折(其實即系免加一服務費)，所以覺得幾抵今次因為要買野，所以同媽咪試下荃灣廣場呢間，裝修算系ok，坐卡位，玻璃窗，一開頭印象幾好。 :) 開頭嗌住個沙律同意粉先，廢事啲野黎到凍晒又或者食吾晒，因為之前去荃灣另一間分店見到人地啲沙律又大盤，啲生果又整到好高咁。正。 嗌完之後，等左廿分鐘啲野都未黎，望住對面枱遲過我地黎既都到左野食，所以就催下佢，侍應態度都算幾好。終於黎左個沙律。一眼望晒，所謂既鮮果沙律就系三文魚下面幾舊生果，真系超少，同上次荃灣另一間分店所見既完全吾同。都算了，食下味道點先。煙三文魚都算ok，幾開胃(可能因為太餓 )不過略嫌有少少腥味。哈蜜瓜同蘋果幾爽脆幾甜，菠蘿都ok，但系蜜瓜就not good，好吾新鮮。最不滿意既生菜，第一啖食已覺得吾對路，咬多幾啖，超苦！即刻吐出黎。 :( 黎到已扁晒咁，以前食系高高地，今次賣相好吾掂。食落去芝士味一般，好咸 :( 加左啲黑椒好啲，後來發現同三文魚一齊食都算ok 之後都吾敢再嗌落去了，其實吾太飽，但吾想晒錢食啲吾好食既野，下次吾會再黎呢間分店。 :( 都系青山道嗰間分店最好，又大碟又好味。…Read More

話說原來想食樓下既牛乜wo,不過等位真係有排, 餓餓地唔想等呢頭比較穩陣都係意粉屋快速地叫左個2人餐,龍蝦湯x2加個肉醬薯條,豬肋骨炒意大利飯意蝦帶子炒天使麵同埋+$13 轉特飲, 咩雪糕紅桑子汁湯ok冇乜特別薯條幾好,肉醬又係冇特別, 附上既法包仲死..一食就知果左好多日, 好似梳左風咁個骨"un"到爆,意大利飯同中式分別唔大...天使麵就係幾好食, 但裝飾既果塊咁既粟米片, 同岩先講既法包一樣一食就知果左好多日, 好似梳左風咁個特飲直頭好似西醫d藥水咁埋單400幾, 我寧願去pizza黑係完呢餐之後..2個字, 好失望梳風果2個野好心就咪慳啦..洗幾多成本,又要學人行高級西餐路線, 貨品同價錢又唔成比例..搞乜呢請問…Read More

近排HSBC做緊"意粉屋"最紅優惠(YES)~雖然早排先食完lunch不過都問問另不半有無興趣~佢聽到即刻話..好懷念"龍蝦湯"(哈哈) 唔駛講野..GO GO GO!! 去最愛又最好食既飯堂"荃灣廣場"開餐我地點左個最紅優惠.."夏日黑鑽龍蝦套餐""特色龍蝦湯(2客)"..個湯比之前飲既無咁鹹(good) 但同樣夠濃郁味道~而且最緊要好夠熱"意國三色田園烤蕃茄沙律(香草雞肉,莎樂美腸,特色煙肉)伴意式羅勒。蕃茄多士(焦糖黑醋汁)""蕃茄多士"..配搭好清新帶香草香味~但多士略欠脆感沙律菜中既肉類..配搭由淡到濃口味沙律菜份量唔多~但剛好作開胃既清新小吃"焗原隻波士頓龍蝦配夏日黑松露菌。香檳龍蝦忌廉汁扁意粉"龍蝦肉質新鮮彈牙~醬汁味道同個湯一樣濃郁加入羅勒香葉~多一份獨特香味..整體好唔錯扁意粉比龍蝦更為出色~意粉軟硬度恰當~醬汁好香好滑..好好味除左以上限定食物~另外仲有個主菜"四選一"我地點左"挪威煙三文魚薄餅"..揀選薄批煙三文魚唔會好鹹~肉質+味道都好好配上紅洋蔥..味覺有半甜半鹹..好match好好味意粉屋既專長唔係pizza~之前都食過佢地既厚批(真係唔多掂囉)所以今次轉試薄批~估唔到有驚喜..雖然唔係好出色既pizza但真係有改觀~批底唔會好油膩帶少香..但同樣夠脆底飲品.."草莓鮮果夢幻賓治"唔會好甜+真係超夠凍~飲1/3已經令人結冰整體依個套餐賣相靚..食物有水準~而服務都好好呢^^…Read More

我今日同2位朋友經過意粉屋門口望望個menu,點知職員好識do即刻俾左我地每人1張coupon,仲係可以用得好合時的-order set lunch即減$10呢~真係物超所值~我地3個都睇中左鮮茄豬扒蘋果墨魚汁飯 $52, 配蒜茸包片+餐湯+飲品意大利菜湯 幾足料~有腰豆,椰菜,紅蘿蔔,100%熱!!附2隻蝴蝶粉呢~口感也不錯蒜茸包片 卜卜脆~但蒜茸味唔算太重~因蒜茸不是太多~其實去到今時今日,我仍是很愛吃意粉屋的墨魚汁飯,可惜set lunch已經好少有墨魚汁飯了..嗚嗚~因為單叫真係唔太抵食..都係order set抵好多...:(鮮茄豬扒蘋果墨魚汁飯 非常大碗,墨魚飯的份量好多,非常非常之好味 薄薄的豬扒,咸度很適中,口感佳~豬扒骨與豬扒肉分明~有好多片tim!!!切成長條形~蘋果粒的甜度唔會過份甜~我地慢慢嘆,真的可以吃很久呢~當我地食主菜食到7788,飲品凍檸茶 才到~紅茶幾香濃,味道佳~檸檬片又新鮮!1 但點知果陣警鏗係咁閃+響 當時係全層商場也是這樣....有好多客舉手話想埋單,幸好waiter check完之後聲明頭先只係跳左制,無事無事:) Service不錯的~但今次略嫌環境較為嘈吵左少少,我地坐卡位,舒服!呢間餐廳較為開放式,感覺上係近千色店果間分店較為高尚的~~當我地食到最尾叫個waiter幫我地影張相,點知知好似唔想俾其他職員見到佢幫我地影,唔太滿意佢o既反應~最後每人$48.3 only!!開心開心的~…Read More