悅明苑海鮮酒家 (Closed)

我早上點了一個牛肉球點心，作為外賣，吃着吃着，吃出了兩條長長的釘，跟生鐵味的牛肉球，吐了很久，整天都沒有胃口了我以後都不太願再來買點心了。雖然的確便宜，但我的健康更重要呀嘛

同朋友提早做節，近近地又就腳就嚟咗呢度食啦，呢度經濟實惠乳鴿係免費嘅每人有半隻雖然係免費但係都好好食海蜇燻蹄味道正正常常啦金銀蛋莧菜正常水準菠蘿咕嚕肉真係有菠蘿㗎波士頓龍蝦加芝士伊麵底味道係OK嘅不過啲伊麵全部黐埋晒黑椒牛仔骨煲味道正正常常啦

中午入開屯門，經過呢間酒樓，貪方便就入去醫吓肚先。食完之後覺得呢度啲點心都OK好味道，加上勝在一個「抵」字！值得推介👍🏼 環境就係舊啲，服務亦都預咗唔會點有㗎喇！

住左屯門近十年才第一次幫襯，經驗是冇令我失望。星期六上午不用等位，算鬆動，這個亦算是此區唯一的茶樓(耆英勝地)，假日茶錢每位$9，點心因為時間尚早有孖宝的選擇(每個廿幾蚊假日加兩元)。先來了七彩炒米粉，份量頗多，味偏淡，有甘荀蔬菜絲和火腿絲，不過不失；再來的是牛肉拼燒賣，牛肉算彈牙，不像那些用魚肉槳偏軟的造法，能吃到牛肉的纖維，燒賣比期望的要好，皮很薄，有不少的蝦仁；之後來的是蝦腸粉，六顆蝦不是重點，特别是用了浸雞的鼓油，循環再用節省之餘也極鮮香；最後來的是珍珠雞，兩顆大大及熱騰騰，雖然不覺太多肉餡，但勝在肯花點蝦米，吃下去更濃香順口。這整餐才花掉八十多元(連茶加一)。順带一提此店有極多的電視屏幕，適合鐘意追電視的茶友。

因為屋企人鐘意飲茶嘅關係、陪佢地飲過好多間茶樓，有平有貴、但平價之中，一定係悅明苑性價比高得黎、食物質素又好所以每次屋企人想飲茶、第一時間會諗到依間！係依到大約一個月都會飲一次茶，時不時會有d新點心推出，例如下面依個陳村粉（因為家人都肚餓，唔可以慢慢逐個點心影下次再黎先補番）印象中好少茶樓會有陳村粉食，唔錯！薄餅脆得黎又唔燶、基本上每次黎都會叫另外推介牛肉腸粉、個皮唔厚、點豉油好食、一個人可以食晒成碟

Coming this restaurant is like our weekend routine itinerary when we are children haaa, the food quality is nicee but the environment really down on earth haaShrimp Riceroll having good and soft texture with nice taste, the shrimp is quite large insidesBeef Riceroll having similar quality as shrimp, the only difference is the beefDim Sum mixture basket including a Siu mia, beef ball, bbq buns etc., but I would not suggest for you, rather ordering different dim sum separately, cause in the basket

2020.8.18(二)2020.8.18(二)今天突然要外訪, 到左又未夠鐘, 又未食早餐+空肚唔好食午餐, 所以去酒樓<再坐一會>悅明苑酒樓在一私人屋苑二樓, 沒有電梯, 爬完樓梯, 探熱, 被帶往一大檯~坐2人。搓完手+點好餐+洗杯碗==>望下四周+只有職員帶口罩+在座食客全部無口罩+大聲聊天買咩餸+開懷講政治講返食物: 魚片粥=好綿。粉果皮+腸粉皮=剛剛好, 不硬。再說: 普洱茶=係我至愛的口味酒樓做得好好, 但如果多d溫馨提示比客人必須帶口罩就perfect

悅明苑不是連鎖酒樓，但由於在我家附近，故我家經常光顧。其實位置也不是很方便轉其他區的市民，因為距離西鐵站比較遠。價格算是便宜，味道中上，但我認為沒有特別好吃的菜色。甜酸排骨這家的排骨通常很高水準，調味調得非常好吃。這次的排骨肉較多但骨較少，更易入口。另外以紅甜椒、青甜椒和洋蔥伴碟，增加色彩，更能使胃口大開。香蔥炒蟹蟹比較肥美肉多，啖啖肉。炒得很夠火候，香蔥味滲入蟹肉中。目測有三隻蟹，加一個大蟹蓋，蟹蓋沒什麼肉也沒什麼膏。炆斑頭腩煲火腩和班腩打了茨汁，在放進小窩中蚊一段時候，很有中國風味。在酒樓吃火腩感覺很正宗。

服務：上到去冇人招呼，門口個部長叫我向前行，行到中間個部長叫我行去入面，入面個部長又叫我行番出去，好似俾人玩咁，仲要俾個清潔阿姐話我阻住佢，讓哂佢，仲要俾佢問候娘親。食物：咸 乾 苦！炒腸粉乾都算數，食落仲有啲苦味。蒸蝦腸每條入面得2隻蝦毛，燒賣又咸，又細粒。話就話自己係流沙奶皇包，成舊啖咁既野系入面，流都唔流下。知道屋村酒樓真係唔可以expect太多。但食1籠燒賣，2碟腸粉，1籠奶皇包，都要103蚊，仲要俾人拎阿媽出嚟俾人問候。不會再有下次！

同朋友飲早茶，呢間因位於工業大廈區，早茶都平少少，冇屋邨果d咁貴，叫左8碟食物，食到好飽。 味道正常，一般酒店點心味道，環境就一般啦，環境衛生可做好d，總之，食都幾ok ，平靚正。性價比高。

一家大細游泳既日子 唔想煮飯又冇買餸 唯有買外賣回家享受 快快趣趣又一餐悅明苑是區內抵食既酒家 外賣燒味飯盒抵食 今次買半斤 叉燒 半斤燒肉 四寶飯 先說叉燒 肉質偏瘦 味甜又霖 半斤買50元 好味抵食 燒腩仔無骨趣口 脆皮肥肉瘦肉三層分明 配芥辣真好食四寶飯是 鹹蛋叉燒燒鴨雞組成 不是什麼紅腸之類 味道份量也好 另外買5碗糖水 喳喳就真係一般般豆多味道一般腐竹蛋糖水好味 蛋足一隻上蕃薯糖水不太甜 蕃薯多 總結而言 買左204蚊 性價比超高

这店的晚饭套餐挺抵食，八百多元就有半席。我觉得最好味的就是碧绿炒斑片，斑八片爽口弹牙，感觉很新鲜，塊塊都很大件，份量十足。而烤乳猪是芝麻皮，颇脆口，但並没有什么特別。但蜜糖豆炒花蚌则颇美味，尤其是那蜜糖豆粒粒脤卜卜，一咬下卜的一声，感觉很新鲜，不会老，配以鲜嫩的花蚌的確不错。还有燒雞、魚翅羹、海鮮卷等，都算丰富。

間唔中都會同屋企人去飲茶，今次因為同屋企近所以嚟咗呢間，但係食物質素比以前差，啲嘢食唔夠熱，炸嘅嘢食亦都好油，冇以前咁好食。下午茶時段黎唔係幾抵食，應該唔會考慮再黎。

小時候，總盼著放假上茶樓，長大後反而好耐無飲茶，一於趁星期日約埋親戚聚聚，佢哋帶我去屋企附近的悅明苑。响酒樓傾謁可以無拘無束，笑到卡卡聲都唔怕嘈親人。豉蒜虎皮尖椒好香，賣相吸引，每一件都辣得狠！恰如其分。潮州粉果熱辣辣，一睇就知皮薄餡多，唔係間間都做到半透明皮架，除了主角沙葛、還有蝦米、肉碎、芹菜粒…好味！上湯鮮竹卷鮮味十足，口感腍中帶脆，聽說是最邪惡嘅點心，又唔係日日食，最多做多2 set運動！蜜汁叉燒腸紅色叉燒粒混入綠色菜粒，藏在白色腸粉下，好看又好吃！XO醬炒蘿蔔糕看來蘿蔔糕是略炸過，有蘿蔔味，軟硬適中，就是XO醬太少~

間酒樓係我屋企附近，所以同屋企人一家四口經常落樓下飲下茶，星期日family day!啲點心真係十分高質素。夠熱之餘，啲姐姐嘅服務態度都幾好嘅。所以每次都食得幾開心。