恆發雞蛋仔 (Closed)

雞蛋仔貴為香港街頭小吃代表，可是要找好吃的也是不易，這次由雨崩黑豚帶小儀一試他之前吃過，要等20分鐘還讚不絕口的恆發雞蛋仔～有7款不同口味，看起來也是正正常常並非玩gimmick,。$25/底定價不平宜，下單後老闆娘著我們行15分鐘再回來，只見老闆娘一位努力密密整，起碼是即點即製，讓小儀試試是否值得推薦～紅豆雞蛋仔：$25 8/10賣相對版，表面金黃，因加了餡料拿上手有重量～由於沒有以風扇吹吹再奉客，所以非常熱，不論拿在手還是吃進口也要非常小心，特別是那些餡料，差點把貓舌的小儀燙到～紅豆餡料非常綿滑，有紅豆香之餘非常清甜，配上雞蛋仔鬆軟的口感，很像吃一粒粒流心紅豆小蛋糕以往食雞蛋仔，稍涼了之後會較脆身，而這款由於有餡料，涼了之後反而較軟，所以還是趁新鮮熱辣時品嚐吧～

由細到大都好鐘意食雞蛋仔所以經過就忍吾住買左黎食可以用八達通真係好方便雖然間舖頭有好多新奇既味道但始終都係原味最吸引我等左成六底先有得食呢一底係由一個四眼後生哥哥操刀一咬落去 嚓～ 勁脆好有蛋味甜度適中好好味丫之後過左三日又忍吾住特登再去買但今次係一個姨姨操刀應該仲係練武當中 未熟手雞蛋仔係佢手上舞左陣先入到袋雞蛋仔亦斷開兩截 唯有諗係太脆第一粒 淰既不過慢慢食落去都有啲係脆既所以話 食雞蛋仔係一場賭博 水準飄忽如果我第一次係食第二底可能我就吾會特登去買第二次

經過聞到雞蛋仔的香味總令人心癢早就聽過恆發雞蛋仔～決定一試在幾款特色涵料中，南瓜好像來得比較健康，而且對於已經吃得飽飽的人，看來是最不邪惡的選擇😂雞蛋仔和格仔餅都是即叫即製的，看到人家的格仔餅也是滿厚的喔大約等了五分鐘左右～黃金南瓜雞蛋仔終於到手了拿上手熱乎乎的感覺在凍冰冰的天氣下特別好～治癒感暖上心頭，呵呵。人家說，最成功的雞蛋仔是半空的，而這店的雞蛋仔，涵料正正填在原本空的那半，南瓜味雖然並不太突出，淡淡的，半熔的涵料卻為雞蛋仔加添了多層的口感。整體來說，不會太甜，外脆內軟。待之後放涼了，也不會完全變淋，反之質感變得彈牙。

恆發雞蛋仔 以前去過觀塘分店食過幾次 不過都食吾到芋泥味今次係旺角分店 終於試到芋頭夾心喇！今次黎到甘岩無乜人 吾洗排隊落單後 姐姐就開始整吾係講笑，真係一大舊一大舊芋泥鋪上去，之後再將兩邊雞蛋仔夾返埋全程製作需要大約10-15分鐘有得食了～芋泥夾心雞蛋仔真係一d都吾甜 好純正既芋泥 仲食到粒tim以前食過紅豆夾心 雖然甜d 但因我本身鍾意紅豆 所以愛吃紅豆多d 紅豆也食到粒的呀愛清淡的揀芋泥實無錯都係雞蛋仔吾夠蛋香 不過夠脆優點:真係由頭脆到尾！缺點:無乜蛋香食曬一底真的很飽的 不是講笑！

一直被佢個大大pat既芋頭泥所吸引，今日終於可以見到蘆山真面目餐牌有6款雞蛋仔口味提供，糾結左好耐芋頭泥定紫薯，最後都係情歸芋頭泥！！製作需時，就去左對面街行下，其實想睇佢搽一大pat芋頭泥個一幕芋頭泥雞蛋仔($25)個雞蛋仔勁熱，熱到拎唔到3秒，想影多幾張相都難，haha同埋勁墜手，每粒脹卜卜，感覺好足料，芋頭泥多到出晒界!望真d，芋頭泥比想像中少同淺色～～味道方面:雞蛋仔就唔夠蛋香，而且冇咩芋泥味比較淡，是沒落糖的關係吧？一個人食呢底雞蛋仔係會超飽，千其唔好咁做，雞蛋仔仲有南瓜、紫薯、紅豆、芝士等味，但我就冇興趣再試喇

上次系旺角附近行完街 見到恆發雞蛋仔 有好多口味 就想試食下有夾心既雞蛋仔系點既味道睇下有幾特別! 恆發雞蛋仔有A - G 吾同味道既夾心 有芋頭泥, 黃金南瓜, 紫薯, 紅豆泥, 朱古力, 芝麻 同芝士 - 吾同價錢 大概 $19 - $25.今次就揀左朱古力夾心既雞蛋仔黎試下 因為想睇下佢有冇做到我想要既流心效果比左錢 拎住張單等叫number等佢整 但職員無同我講過要等幾耐左右 就企左系條街等佢整完一餅又一餅...大約等左兩餅時間終於到手了 即叫即整 當然熱辣辣~~ 咬落去 幾脆身!! 但流心效果就一般了只系好似半溶既朱古力...雞蛋味比朱古力蓋左 無我想像中甘好食..但價錢刀幾合理 $20 既朱古力夾心雞蛋仔可以一試!

經過我上次試完紫薯雞蛋仔之後今次再來過試多次原味雞蛋仔都係即叫即做果然冇得彈仲試多個西瓜汁佢個雞蛋仔做到好似以前我食果啲咁好食擺上手仲熱到呢👍今次雖然五係個哥哥仔但係個丫姨都相當好仲叫我小心熱今次絕對值得我山長水遠來翻尋味

剛剛買完金魚，諗住行去地鐵站番屋企咁岩經過見到雞蛋仔又想試下跟手問個哥哥仔有咩好介紹佢就話試下紫薯味 我秒答話好之後叫我等15min左右又問我要唔要加埋杯野飲（因為好熱又口亁）佢叫我試下棷青 好啦因我好少飲 便試下 一個字😍正 又夠凍 又清甜 ，終於等到蛋仔，嘩拿起手，已忍不住即刻吃翻粒，一個字正，因夠熱又香！個哥哥仔仲叫我小心熱，比我感覺到有賓至如歸值得下次再試

本身想食芋泥既，但無哂，咁岩見到佢有新出口味紫薯雞蛋仔，都幾貴...但算啦，都黎到，試下啦，落單買個陣問佢等幾耐，有位男士就話等10分鐘，吃好啦，我去買其他野再反黎，係街尾行去街頭買完野都3個幾字啦，諗住反去都可以拎啦掛？嗯....係唔得既！最後就去埋萬寧買埋野反黎先有得食，都等左好幾個10分鐘.........咁拎上手，熱到辣手，只可以拎無雞蛋仔既位置，明既，始終因為岩岩整起～之後等等就開始食啦！咦....er....啲雞蛋仔唔岩位既？粒粒都合唔埋....個比例其實都幾好，一半紫薯一半小蛋糕，可惜完全食唔到紫薯味以呢底野收$25，太貴啦.....

平時同老公比較少行去太子，雞蛋仔狂嘅我難得經過見到間雞蛋仔店，又有好多唔同味嘅款又夠特別，唔試唔得啦！我地一買完....一等就等左35分鐘，完全唔係跟號碼做，一味叫你地等，只係識講係要甘耐嫁啦！-，-好似比錢買難受甘，好啦...等到啦...味道欠佳！完全不值！金錢同時間完全唔值！

是日的晚飯地點在太子，於是我們也一早來到了太子，行行街，尋尋樂。當我們行到咁上下，街頭的輕便小食就是我們香港人的至愛。而太太茹素，就選擇了香港十大街頭美食之一的《雞蛋仔》，而就近目中看到的，又有許多許多人排隊的，有這一家《恆發雞蛋仔》。說是大師級製作，說堅持即叫即做，而且有多種不同的口味，所以吸引到不少不同年齡組別及不同國籍人員在等。我們一買好，付了錢，就是漫長的等待，我拿著這一個叫籌，我過隔離食完個臭豆腐，老婆行完了兩轉，都未有，這一等，的確是無止境的等，期間，也有性急的人，等到發脾氣。我們的芝士心雞蛋仔出來了，說是芝心，但食落都是蛋味多過芝士味，皮脆，味道帶點點的芝士咸香，但雞蛋仔是空心的，感覺是一般。若是快快趣趣，爽手爽腳的出品，我接受，但要我這樣的等，而且是一般魚蛋檔的貨色，我就覺得不值。更不值的，是這一份雞蛋仔要賣$19呀...........

02分俾錢 Number係81 過左10分鐘 見到70號個個人都仲係度企係度等其間都聽到有客仔嘈曬 話點解個號碼後過我可以拎先3個男人得一個人整到左20分 佢嗌84號飛我地81都未有又整左d燶既雞蛋仔俾人 話冇問題個客拒絕都想夾硬話冇事終於25分先有貨講下個雞蛋仔 我買既係朱古力夾心味首先個外型同普通雞蛋仔冇分別用普通蛋漿再加朱古力粒聞落去普通餅味食落去淋淋地唔酥唔脆朱古力分佈唔平均有d多有d少好普通既雞蛋仔一件你地想等半個鐘為個雞蛋仔就黎買啦

見網上面同新假期介紹就諗住試下點知02分去買27分先有得攞企係舖外等足25分鐘就望足入面兩條友吹水吹足咁耐又要唔按順序叫飛 根本唔知幾時到自己叫到你張飛 如果唔在場會俾下一位 返嚟要重新排過 但其實已經俾左錢是味道的話唔算有咩特別 所謂朱古力亦都只得丁少點 唔可以話好好味 仲要唔一定粒粒有朱古力所以20蚊根本就唔值總括嚟講間鋪冇好好管理 態度輕挑一定唔會再有下次

去開旺角，見到好出名嘅恆發雞蛋仔二話不說就決定買一底試下芝士味有分普通版($19)同特濃($23)而芝士控嘅我梗係揀左特濃版當日無其他顧客，但可能新鮮整所以要等15分鐘芝士雞蛋仔一拎到手之後我已心感不妙，因為睇落去同原味無分別我滿懷希望咁撕開d雞蛋仔，期望見到有芝士，但我撕左成排先見到中間有一粒有，可見下圖而d芝士重要得好少，食落去根本同原味雞蛋仔無分別食哂成底都係得4粒係見到疑似有芝士真係完全失望，唔會再幫襯

恆發雞蛋仔上次買完花行過金魚街見很多人站在這等雞蛋仔於是今次就跟我媽說也想去試試結果今次就成了等的其中一人也等了挺久大約15-20分鐘因為即叫即弄而且前面還有好幾個人在等奇怪的是他不是順號碼叫不知為何都是雞蛋仔但後面有幾個號碼反而被叫先我差點就以為就這樣被pass了哈哈XD 芋頭泥夾心雞蛋仔★★☆☆☆即叫即弄所以熱辣辣外脆內軟甜度剛剛好但沒芋頭味看到裏頭有紫色的芋頭泥但就是沒味道可能買的芋頭原料味道不夠重還有中間那些雞蛋仔也吃到芋頭泥的質感但邊邊的雞蛋仔沒有或者只有很少只是原味雞蛋仔應該是因為在製造時只將大部分餡料搽在中間總的來說芋頭泥夾心雞蛋仔沒有芋頭味不能給高分以雞蛋仔來說質感挺好吃我現在病了病好了的話也想嘗嘗雪糕雞蛋仔究竟是怎樣