恆安冰室 (Closed)

我係因為姐姐態度好好先上黎寫，但見到之前d食評😓 可能我好彩，咁岩招呼我果位姐姐好。 落單個陣，朋友先落單之後到我，我落野飲個陣好順口咁講”都係熱奶茶” 姐姐即刻問清楚，因為朋友明明落熱檸茶😂 走個陣又叫我慢慢行之類，突得好有人情味feel. 但我第一次黎，之後都未必會經過再黎。好簡單食左個早餐，一黎樓下茶記質素。包個汗左再搽牛油🧈，牛油份量足。茄汁豆係凍既，明顯雪櫃拎出黎。炸魚，雪藏貨，食到陣雪味。沙嗲牛正常

下午茶：魚香茄子飯，夏門炒米，即炒有鑊氣，好味！之後叫多一份西多士也很美味，叫左杯凍檸茶及凍奶茶也不錯。估不到恒安商場有如此茶餐廳，雖然餐廳環境不是很清潔，但是如果經過這裡也可以再試。

剛坐底有位阿姐問想食咩, 睇一陣Menu叫番阿姐番轉頭 , 就話‘我依家唔得閒落啦’ 另一位做外賣包裝盒個位阿姐 , 就話落單唔係佢做 , 再等到有位阿叔出黎 就仲經典 ,佢話啱啱出黎 大大聲講 ‘唔關佢事’ 仲話佢地就黎員工食飯, 叫我讓番張枱出黎 , 咁咩都唔關佢地事 一定係個客有問題啦！起身即走人！阿叔仲話 ‘好呀！’講多都哂時間, 服務態度自我中心真係第一 ！本身都無期望 仲要未食都成肚氣！！！

去得屋村茶餐廳，對食物唔會有咩期望，但係絕對冇諗過我來比錢你賺，仲要受你氣。話說尋晚9:00附近茶餐廳都收晒，我見佢仲開門，再諗住入去食過頹飯，叫咗個粟米龍脷柳小菜套餐，食物賣相就自己睇囉，去醃到啲魚非常之鹹就知道啲食物有幾新鮮，算啦，喺屋村幾十蚊食垃圾都預咗㗎啦！佢嘅服務唔好咁差先得㗎，我食到一半見佢仲有個例湯未嚟，就問吓佢：「即係，係咪仲有個湯？」，點知佢話：「唔好呀！買晒㗎啦！」，然後再話：「你又唔早啲出聲？」，但係明明係我問之前佢就問啲熟客：「要唔要例湯？送俾你飲。」我火都嚟就好唔客氣咁樣鬧返佢，咁我都仲係坐喺度鬧，都仲未起身，佢哋即刻係咁講對唔住，驚死我有進一步行動咁樣，跟住仲話：「仲有例湯，仲有例湯」，「唔好勞氣，唔好勞氣」，總之就係欺善怕惡到一個點。總之我就算香港真係饑荒嘅話都唔會再幫襯佢㗎喇，如果各位網友冇辦法真係要幫襯佢嘅話，就可以對佢哋惡啲，唔使咁客氣，有咩就鬧爆佢哋得㗎啦，咁樣服務可能會好返少少。

食個lunch食到成肚氣！話說只係想叫個樓面姐姐執枱先，但得到嘅串爆回覆：「落完單我就自然會執啦，點會唔執呀！使乜你提！」當下真係O左咀我只係講咗句，唔該執一執枱姐

今天早上喺恆安邨工作，因為下午要趕住出九龍工作，唯有在恆安邨商場的恆安冰室來一個快閃午餐。我點了一個牛筋河$34，加送了幾條油菜，唔錯！唔錯！牛筋有好多件，非常入味。炆得好林又好滑，河粉份量也好大。同事叫了豬扒煎蛋飯，餐飲熱好立克 $52，非常有驚喜，因為有好多配菜，包括雜豆、椰菜、車厘茄。感覺上營養價值高咗。

食物味道都係其次食到成肚氣不如唔好食叫佢地過黎抹台叫左兩次先肯黎我講左食咩 見佢無反應咪講多次跟住個姐姐勁無禮貌話「寫左啦 呢家係講你要飲啲咩啊」好無禮貌 唔會再幫襯最好笑係有第二個menu跟住佢話 無第二個menu喎笑死人

街坊茶餐廳嘅常餐， $39有一碗熱湯麵，再有$1厚多士及火腿奄列，仲有一杯熱飲添。簡直就係星期六放假早餐午餐嘅至愛。估唔到個奄列咁大份，個蛋佔咗碟嘅一大半，而且都好多火腿好味另外厚多士真係夠口，而且牛油唔會太多，夠咬口得來味道很好。另外個湯粉都唔錯，沙嗲牛肉呢個經典嘅港式早餐真係冇得輸，配搭米線超正大愛。另外都可以揀通粉米粉公仔麵等等，要出前一丁嘅就要加兩蚊啦。整體呢間茶餐廳都唔錯，環境夠光猛，坐落都舒服，而且衛生企理。

一直去恆安邨商場嘅恆安冰室都是吃炒粉麵，因為有鑊氣，服務員態度有禮貌。而今天早上一家人是來吃早餐，茶餐廳提供多元化食物選擇: 皮蛋瘦肉粥粥底好綿，有好多皮蛋，好足料，可惜瘦肉有陣陣的雪藏味，破壞了粥嘅味道。叉燒腸粉叉燒足料，不會太肥也不會太瘦，可惜腸粉質地比較削，口感一般兼影響賣相。牛筋河湯底有濃烈嘅花椒八角味，牛筋炆得好淋之餘又有口感，牛筋及河粉份量好大碗，抵食！常餐多士，即叫即整，熱辣辣幾香口 ; 火腿奄列有好多火腿，非常足料；未拎電話影相已經分別冇咗一半🤪至於蟹柳米線就有點失色，湯底略淡；熱菜蜜甜度適中。

行完馬鞍山落返黎就係恆安村！肚餓到不行了，呢間係三樓一上就見到大大間！諗住求其醫下個肚就算，點知又幾好食喎！！我本身諗住食個常餐但見隔離阿叔蒸黃花魚好吸引，一於試吓，不過等左20分鐘先有得食，阿姐話即叫即蒸喎。好肚餓！黎到真係值得等既，我諗72$包飯包湯有咁既質素應該得屋村呢啲餐廳先有！朋友們就點左個常餐同扒餐，佢地都話唔錯，個扒飯仲食唔哂，下次行山可以encore, 因為仲有牛腩河魚蛋河食，不過唔行山都好少黎呢頭！最後飲左杯熱奶茶好滿足！真係充實嘅一日，晚餐食飽一上車就訓

月頭我還在馬鞍山「恆安邨」樓下「恆安市場」裡面，光顧享用某間港式餐廳晚餐的同時，無意中發現到樓上「恆安商場」，還有一間港式茶餐廳「恆安冰室」，當時「恆安冰室」電視正在播放賽馬節目。當時我滿心歡喜，以為終於都遇上一間在晚上寧願播放賽馬節目，也不想整晚滾桶式連續播放新聞報導的港式茶餐廳，當時我下定決心，下次星期三晚上怎樣都光顧一次「恆安冰室」。其實我現在已經對賽馬一點興趣都沒有，也沒有賭博的習慣，只是以為終於找到一間，不需要一邊食晚飯，另一邊卻要用雙手不斷掩耳，避開電視新聞報導的茶餐廳。怎料我選擇星期三坐巴士重臨馬鞍山「恆安邨」，來到「恆安冰室」才發現餐廳已經把電視機裡面播放的電視頻道，由播放賽馬節目的「82」，打回原形變成我最怕的「新聞臺」和「電視新聞報導」。我被迫儘快點餐，食完「恆安冰室」餐牌裡面的「時菜牛腩飯」，飲完「凍檸水」就儘快結賬埋單，離開「恆安商場」跟坐巴士返回西貢墟。始料不及「恆安冰室」廚房，選擇了在中式「牛腩」的底下，加上生菜作為塾底，讓牛腩實際肉質和口感，不會因為浸在醬汁時間太長而變腍、發漲和失去爽口感覺。「恆安冰室」晚餐裡面的「時菜牛腩飯」，「時菜牛腩飯」裡面的「牛腩

琴日食完又想試埋佢其他小菜所以又嚟咗依間茶餐廳食飯🥴-好多姐姐好好人💕-我同友人揀左晚市小菜套餐一送💰70配例湯同白飯一碗加配杯熱飲加💰6-今日例湯：蓮藕花生豬骨湯好夠味老火湯冇落味精 都係咁多渣食💕-📌粟米龍脷柳🐟勁大碟超足料(⁎⁍̴̛ᴗ⁍̴̛⁎)好多汁好多魚(⁎⁍̴̛ᴗ⁍̴̛⁎)調味好好好香粟米🌽味 蛋絲又滑好多肉好夠味💕個汁都收得好好魚仲有少少脆卜卜💕-📌啫啫雞煲🐥🐣又係超大煲超惹味🥺個底仲有好多豬潤(˶‾᷄ ⁻̫ ‾᷅˵)介乎於爽同粉之間🤨雞有炒過所以好惹味🥰雞仲幾嫩 🥴-白飯粒粒分明 軟硬適中估唔到唔使去大排檔都有咁好食嘅貨色煲仔菜特別好食-

諗唔到食咩😂🥱又見佢入邊好似坐滿晒咁就入去食🥴-個別姐姐服務態度好好 好好人💕-我同友人都揀左晚市小菜套餐一送💰70配例湯同白飯一碗加配杯熱飲加💰6-例湯：冬瓜薏米豬骨湯清得來又幾夠味冇落味精又消暑 又多渣食💕-📌枝竹豆腐斑腩煲🐟驚大煲超足料(⁎⁍̴̛ᴗ⁍̴̛⁎)好多豆腐好多枝竹好多斑腩斑腩都好多肉好夠味💕而且食得出幾新鮮但係我鍾意有少少脆既班腩🥺-📌西檸雞🐥🐣又係超大碟 但係太酸啦 🥺（利申我鍾意食酸野(●°u°●)​ 」仲好似有啲未溶哂嘅果醬咁不過係幾開胃既(´･Д･)」雞都幾嫩 甜番d就好🥴-白飯粒粒分明 軟硬適中💕同埋都好大碗 -佢仲有粥粉麵 幾多元化

今日行過恆安邨，就去咗食佢哋嘅茶餐廳。雖然恆安村嘅餐廳都有好幾間，但係依一間算係最多人。之前嗰間好似叫津津，裝咗修之後可能係轉左手，不過其實食嘅嘢都係大同小異，都係由西式常餐、潮式粉麵，同埋生滾粥腸粉之類嘅野。而家新裝修之後，就多咗多啲中式小菜，而且有中午都套餐可以揀。本來今日都係想食個常餐，但入到黎就見到佢個Set lunch，有沙薑雞飯！又見到其他人嗌左，好似唔錯咁，所以就轉軚叫咗個午餐。沙薑雞飯嚟咗之後，就有少少後悔，因為自己果份分到嘅係雞翼... 哎... 個人食雞飯唔係好鍾意食雞翼，因為太多骨同埋太多皮，但係出黎食飯好難避免到。沙薑雞飯份量係足嘅，好大碟，佢雞翼係搭埋雞胸雞頸側胸骨嘅位置，仲有兩條大菜心添。大堆頭分量非常多，我叫阿姐叫咗幾次扣底，都係應該冇做到啦，唉。沙薑醬好香，但係雞本身嘅質素就非常一般，完全係冇乜味嘅。雞肉係淋淋的，又鞋，真係差左啲，完全係要靠點個沙薑醬黎提味。睇返個飯底，又煮得麻麻地，係爛左飯，但又非常多，所以都冇食晒。成個飯，感覺上是有點一無事處。睇黎今日都係嗌錯野食，佢地嘅常餐一向唔錯的，大大份。凍檸茶，茶底幾靚，唔錯的。呢度雖然係屋村街坊地方，但係

晨早做運動行開來恆安，就來試下翻新之後的恆安冰室，支持一下小商戶。呢到特別既地方是有粥品腸粉等既早餐食，在普通既茶記都好少有得食呢了，所以都幾特別。蝦米腸同粥有餐可點，腸粉來講都OK，正常地不過不失。另外都有港式既麵食早餐，我叫左個兩食送麵，係芝士腸同蛋，芝士腸好硬又好咸，好似食膠咁，令我好失望，至先食普通腸仔算LA.米線就正常，$31包飲品，有D後悔。朋友就叫左個粥餐，睇碗粥就都幾好樣，應該好味。看來呢到都係食粥穩陣D